Here i'm

الجزء الثانى .. ليه " لأ " للتعديلات الدستورية و الرد على التعديلات .. تعديل تعديل

2011-03-15T03:25:00.001+02:00

.. الان اخوض فى التعديلات الدستورية ذاتها

ثانيا لماذا نرفض التعديلات الدستورية لكونها تعديلات لا تغطى مطالبنا :

صدر صباح امس فى مؤتمر صحفى .. صور بطاقة الاستفتاء و مدون بها المواد المعدلة و بيان طلب التعديلات و غيره .. و حتى تتمكن من متابعة ما اقول ادعوك و ادعو كل من يقرا هذه النوت ان يقرا التعديلات الدستورية اولا فى هذا اللينك

لينك صور ورقة الأستفتاء

فقرة توضيحية

و كما هو واضح من اول كلمة فى ورقة الأستفتاء .. أنه تعديل لمواد بعينها تضاف لدستور 1971 .. و بالتالى دا ينفى الفكرة القائمة على ان التعديلات ما هى ألا دستور مؤقت .. و إلا كان ترتيب المواد 1 و 2 و 3 .. ألخ

المادة ( 75 ) .. شروط ترشيح الرئيس

شروط انتخاب رئيس الجمهورية ان لا يحمل ألا الجنسية المصرية .. مع ان القانون المصرى لا يحرم حامل الجنسيتين

و أن يكون لأبوين لا يحملوا ألا الجنسية المصرية .. طيب اللى أبوه اتغرب و اخد جنسية ذنبه أيه

و ان يكون متزوجا من مصرى .. طيب ما ساركوزى متزوج إيطالية بعد ما كان متزوج فرنسية .. هل دا يقلل من ولائه

المادة ( 76 ) .. طريقة أنتخاب الرئيس

فى مجملها مادة سليمة و لكن أستمعت لأحد الدستوريين يتحدث على عدم دستورية هذه المادة لأنها قامت على منع أى نقض فى أحكامها او الأستشكال فيها .. و إن كنت اتفهم أن يمنع أحد من التشكيك فى ذمة الرئيس و لكنه يرى أنها تمنع حق دستورى أكفله الدستور لكل مواطن مصرى بالنقض و الأستشكال فى اى قرار ..

فى رأيي انها ليست مادة معيبة و لكنى وضحت رأى من يختلف معها

المادة ( 139 ) .. نائب الرئيس

يعين الرئيس نائبا .. و لكن انا ارى ان النموذج الأمريكى ملهم جداً فى هذع النقطة .. حيث يختار الرئيس نائبه و يطرح على الشعب الرئيس و النائب معاً و يختار الشعب .. و فى رأى أخر بيقول ان انتخابه مع الرئيس يعطى شرعية للنائب ليكون وريثه فى أكثر من حالة .. و كل هذا اللغط اراه بسبب عدم وجود دستور جديد منظم لأعمال النائب و الرئيس

بعد هذا العرض .. يكون القرار فى رأيى أنها تعديلات دستورية غير مكتملة و لا تفى بالغرض من وجهة نظرى و إنها ينقصها الكثير من التعديلات فى سلطات الرئيس و اختصاصاته

لهذا سأذهب و أقول لا للتعديلات الدستورية

و الله الموفق

محمد قبارى

الجزء الاول .. ليه " لأ " للتعديلات الدستورية و الرد على فكرة الأستقرار و وجود الجيش و طول المدة

2011-03-14T18:27:00.002+02:00

أولا لماذا نرفض التعديلات الدستورة دون الخوض فيها :

بالنظر بالعين المجردة و ليس بنظارة دستورية أو بنظارة دكتور فقه دستورى تجد أن هناكـ فريقين قائدين لفكرة الموافقة على التعديلات الدستورية .. هما الاخوان المسلمين و الحزب الوطنى

و تجد انك أمام أكبر كتلتين منظمتين على مستوى مصر .. فالاخوان تملك التنظيم و الحشد و التأييد و الحزب الوطنى الذى مازال و إلى الان يتمتع بالأنتشار و إن كان ينقصه التزوير و الدعم الحكومى و لكنى أجد ان التخفيف و الأستهتار بقوته مع الجهل الديمقراطى للحياة السياسة فى مصر كفيلة بان تأتى بما يقرب من 100 عضو من اعضاء مجلس الشعب الذي يتسمون بحب الناس و كرمهم على أهالى دائرتهم _ اذا فرضنا نزوله و خوضه معركة البرلمان على كافة المقاعد _

و عندما تفكر جيداً .. تجد انك أمام فكرة انك لو وافقت على التعديلات الدستورية ستوافق ضمنياً على أجراء الانتخابات البرلمانية قبل الرئاسية.. لان ببساطة فى وقتها سينجح الاخوان و الحزب الوطنى و كلهما فضل أجراء الانتخابات البرلمانية قبل الرئاسية .. و لك أن تراجع تصريحات الحزب و الاخوان فى ذلك الصدد .. لأنهم و كما قلت سابقا يملكون لعبة البرلمان بحكم خبرتهم و نجاحهم السابق و بالتالى انت ستكون على موعد مع دستور اخوان-وطنى بلجنة تأسيسة يمثل فيها الاخوان و الوطنى الأكثر عدداً و الأكثر تأثيراً حتى لو أنضم إليها قوى مختلفة و لكنها ستظل محدودة التأثير طبقا لعددها و تمثيلها فى البرلمان و .. و هذا خلاف ما نادت به كل القوى الوطنية و السياسية فى مصر بعد الثورة .. من ضرورة انتخاب الرئيس اولا و من ثم انتخاب برلمان بعد اتاحة الفرصة لكافة الاحزاب لترتيب اوراقها

و لو نظرت للجنة التعديلات الدستورية و تشكيلها سترى أنك أمام لعبة كانت لعبت من جانب المجلس العسكرى بنية الخلاص و العودة للثكنات بأسرع وقت .. بأنهم اتوا بممثل من الاخوان لضمان عدم الاعتراض و عدم تمثيل باقى القوى الشعبية و السياسية و أبرز هؤلاء الوفد و الشباب و القضاة .. أذن أنت أمام لعبة " انا عايز أخلص أقوم جايب الفريق اللى بيكسب و أقوله اللى انت عايزه كأنك بتقول للأهلى تعالى اعمل أتحاد كورة " .. و دا شىء مرفوض

التعديلات الدستورية لم تقلل من سلطات الرئيس المطلقة .. فسيأتى البرلمان فى ظل دستور عقيم ثم ياتى رئيس فى ظل نفس الدستور الذى يسمح لرئيس الجمهورية .. بتولى سلطات القائد الاعلى للقوات المسلحة و الشرطة و الجامعات و الأثار .. و يحق له فصل أو تعيين أى موظف .. يحق له تعيين نائب له و وضحتها التعديلات الجديدة بتعينه فى خلال 60 يوما .. فماذا أذا عين عمرو موسى مثلاً " سامح عمرو موسى " نائبا للرئيس .. او عين البرادعى " سوسن محمد البرادعى " نائبة للرئيس .. فهذا الدستور العميق لم و لن يجعلنا ننتخب رئيسنا و نائبه معنا كما فى سائر اقطار الأرض و لكنك ستقع تحت اختيار الرئيس مهما كانت المفاجات

الرد على فكرة الأستقرار .. كلنا ندعم الأستقرار و نعرف أهميته للبلاد الأن قبل أى وقت سابق .. و لكنى ارى الأستقرار ممثلا فى رفض التعديلات الدستورية .. و لى أسبابى التى أراها لى مقنعة :

رفض التعديلات يعنى دستور جديد .. عن طريق ترشيح لجنة دستورية من مختلف طوائف الشعب يستفتا الشعب على موافقتها او معارضتها .. و من ثم عمل دستور جديد " لن يأخذ أكثر من 10 أيام بالكتير شهر واحد فقط " و طرحه للأستفتاء .. و ثم انتخاب رئيس ثم برلمان بدستور نظيف .. و فى وقت أصدار الدستور و عمله .. يحق تكوين الأحزاب و فتح المجالات تجاه مختلف الأحزاب للعمل داخل الجامعات و الأحياء .. و عندما ينتخب رئيس تكون الاحزاب جاهزة لخوض انتخابات البرلمان و من ثم ضمان تمثيل كافة قوى الشعب .. كل ما سبق كفيل أن يتم عمله فى أقل من ستة شهور المتبقية من الفترة الانتقالية و هذا يضمن عودة الجيش لثكاناته فى موعده

ليه تخلى فئة معينة ممثلة فى من يفوز بأكبر مقاعد فى البرلمان مستحوذة على فكرة دستور مصرى لكل العصور .. سواء قادها الاخوان أو الوطنى او حتى الأقباط .. الفرصة أمامنا الان .. لجمع كافة قوى الشعب و السياسة فى دستور واحد .. بدل من الخوض فى فكرة مظاهرة قبطية لسوء دستور الأخوان .. مظاهرة ليبرالية لسوء دستور السلف .. مظاهرة اخوانية لدستور الوطنى .. و هل هذا يدعم الأستقرار ؟!ّ!

أذا كنت تريد الأستقرار و الوصول للأمان .. فعليك برفض التعديلات حتى تتمكن من تكوين دستور يتفق عليه كافة قوى الشعب لا قوى ولا أثنان .. فهو دستور كل المصريين على مدى عقود قادمة و ليس دستور لكل 4 سنوات ... فأين الأستقرار أذن

التعديلات الدستورية لم تلزم الرئيس القادم بتغيير الدستور .. فمن الممكن أن يؤجل الدستور لأخر سنة فى رئاسته حتى يكسب تعاطف و رضا الشعب لينتخب فى الفترة القادمة .. و بالتالى يكون الدستور اداة أعلامية و أنتخابية فى يد الرئيس القادم .. هل هذا يعقل أو يدعم الأستقرار المنشود ؟!!

دا جزء من الدستور المرقع ..

مادة(141): يعين رئيس الجمهورية رئيس مجلس الوزراء ويعفيه من منصبه ويكون تعيين نواب رئيس مجلس الوزراء والوزراء ونوابهم وإعفاؤهم من مناصبهم بقرار من رئيس الجمهورية بعد أخذ رأي رئيس مجلس الوزراء‏.

مادة(142): لرئيس الجمهورية حق دعوة مجلس الوزراء للإنعقاد وحضور جلساته وتكون له رئاسة الجلسات التى يحضرها، كما له حق طلب تقارير من الوزراء.

مادة(143): يعين رئيس الجمهورية الموظفين المدنيين والعسكريين والممثلين السياسيين، ويعزلهم على الوجه المبين فى القانون.

كما يعتمد ممثلى الدول الأجنبية السياسيين.

مادة(144): يصدر رئيس الجمهورية اللوائح اللازمة لتنفيذ القوانين، بما ليس فيه تعديل أو تعطيل لها أو إعفاء من تنفيذها، وله أن يفوض غيره فى إصدارها ويجوز أن يعين القانون من يصدر القرارات اللازمة لتنفيذه.

مادة(145): يصدر رئيس الجمهورية لوائح الضبط.

مادة(146): يصدر رئيس الجمهورية القرارات اللازمة لإنشاء وتنظيم المرافق والمصالح العامة

كل هذا لم يعدل و لم يمحي و بالتالى نحن امام فكرة ضمير الرئيس!!!

هذا الدستور و تعديلاته .. تجبرك أن تنتخب رئيس حسن النية او رئيس ذو ضمير .. فمن يملك أن يفعل اى شىء او يقيل اى فرد من اى مكان او يعين أى فرد فى أى مكان يجب ان يملك الضمير .. و هذا مرفوض سياسيا و و اما لماذا خلق الدستور و خلقت القوانين ؟

ماذا فعلت حماس عندما تولت السلطة _ و انا لا أربط بين حماس و الاخوان _ و لكنى أرى نصيحة ..

قامت حماس بفصل كافة روؤساء و موظفين القطاعات الكبرى و المتوسطة فى فلسطين و تعيين رجالها بهذه المراكز لضمان سطوتها على المراكز كافة .. أذن عندما يتحك الرئيس حتى فى التعيين و الفصل .. نحن امام صيغة ضمائرية لرئيس نريده رسولاً ليس رئيسا .. و هذا مرفوض تماما

فلم التحكم لضمير السلطة و الشهوة و عدم التحكم للقوانين !!

الأستفتاء على التعديلات .. سيتم كليا و لن يكون لك الخيار من مواده .. و هذا حرصا على الوقت و المجهود و الاموال .. و لكن هذه من احدى نقاط رفض الدستور .. و يبقى سؤالاً .. أذا رفضت مادة و قبلت مادة ماذا أفعل !!

لا أدعى انى خبير ببلدى و انى أفكر و لا يفكر الأخرون .. و لكنى أضع النقاط التى رأيتها فى نظرى تجعلنى مطمئنا و انا أصوت بـ " لا " للتعديلات الدستورية

و يبقى التنبيه على ان " لا " لا تعنى المقاطعة و لكنها تعنى المشاركة بفعالية أكثر لرفض التعديلات

و الله الموفق

محمد قبارى

14/3/2011

صباح الخير .. صباح النصر

2010-10-05T12:12:00.002+02:00

من يعرفنى جيداً .. يعلمـ أن أقضى أحلى أيامـ عمرى فى حب هذا الوطن .. من الممكن و كثيرا ما تلهينى أحلامى الشخصية و مستقبلى المهنى و المادى .. لكن دائما أرى أنى لا أستطيع أن أهدأ يوماً أو اعالج من حب الوطن .. أفكر كثيراً فى أن كل من حولى يحبون ذلك الوطن .. و لكل فى حبه مذاهب .. فلمـ احتكر يوماً حب الوطن أو أزايد عليه .. أفكر فى أنهمـ محظوظون من يقولون انهم لا يأبهون .. و لكنى دائما ما أوصل إلى حقيقة واحدة .. أنهمـ جميعاً ميتون .. و هل يحيا يوماً من لا يأبه بحب وطنه !! .. كثيراً ما أشعر بالفخر بالأنتماء لهذا الوطن .. فأجمع أجمل ما قيل عنه .. أبحث دائما فى أمجاده .. أذاكر تاريخه و أحداثه .. أسرح فى أحلامه و أتخيل مستقبله و أتفائل بأيامه القادمة .. أراهن دائما على الفرس الذى يمتطيه الوطن . رهان يراه أغلب من يعرفنى أنه الخاسر الوحيد فى السباق .. فلتجرب الرهان على فرس الهجرة .. أو فرس النهب و السرقة .. أو أى فرس يستطع ان يعرقل مسيرة الوطن .. أصاب أحياناً بالعجز فى حب الوطن .. و ما أصعب العجز فى الحب .. عجز بأنك دائماً ما تقول " لو .. لو .. لو .. لو " .. دائما ما تنعى نفسك بأنك لمـ تفعل و لن تفعل و إن فعلت فستفشل .. فأفكر و أقول " نعم لمـ افعل بعد " .. يأخذنى فكرى أننا مظلومون بما تعلمناه .. فلمـ يعلموننا يوماً كيف الحفاظ على الوطن .. كيف الحفاظ عل كل هذه الأنتصارات و التواريخ و الألقاب .. لمـ يدرس أحد لنا معنى و مفهومـ و كيف هى الوطنية .. فقط علمونا الصوت العالى عند النداء " تحيا جمهورية مصر العربية " فكنا نباهى بها من حولنا من مدارس !! .. حتى النشيد الوطنى .. لولا أبى لكنت حفظته " و على كل الللعاب " !! كما كانوا يرددونه فى المدرسة .. لمـ يعلموننا أن كل أراضى الوطن أرضى .. لمـ يعلموننا يوماً أن لنا التزامات تجاه هذا الوطن .. لمـ يعلموننا يوماً أن لنا واجبات تجاه الوطن واجبات تبعد عن الأكل و الشرب و الفلوس .. أبعد عن التعليمـ و أفكر فى الحقوق و الواجبات .. أبعد عن الواجبات و الحقوق و أفكر فى صناعة الشباب .. أبعد عن صناعة الشباب و أفكر فى صناعة فكرة الانتماء و الأيجابية .. أبعد عن فكرة الأنتماء و الأيجابية و أفكر فى صناعة الحلمـ .. ألخ

كل هذا و من المفروض أهتمـ بمستقبلى أكثر من اى شىء .. فكيف ؟

::..::..::..::..::..::

إلى محمد انور السادات ..

أنهمـ يحتفلون و يترحمون على وفاة الأسطورة المهزومة المزيفة ..
و ينكرون و يشجبون الأسطورة المنتصرة ..

و لكنكـ مازلت فى قلوبنا ..
مازلت عندما اعبر أمامـ المكان الذى أستشهدت به أتذكركـ و أطفىء كاسيت السيارة أو الراديو حتى لو كنت فى تاكسى
مازلت أحس بأننى اكبر الخاسرين بموتكـ .. و أكثر من قالوا " لو " فى موتكـ ..

انت فى القلوب يا سادات ..

6 - 10 - 2010

السبع أقلام

2010-08-03T13:15:00.004+03:00

زمان كان الحق حق و الباطل باطل ..
فلم يحتاج لبلب إلى أن يرفع قضية فى المحاكم ثم يحكم له بأحقيته فى حبيبته بعد سابع قلم
ثم يطعن على الحكم من قبل عنتر و يحكم لصالح عنتر بعد أن دفع إلى محامى سيىء السمعة
و لكنه يفهم فى الثغرات و تعاد المحاكمة من جديد و بالتأجيلات و المرافعات تؤجل القضية إلى تاريخ فتاريخ فتاريخ ..
و يملىء فى وقت التأجيلات عنتر الشاشات رافعا أوراقه المزورة
فهو يملك المال القادر و العلاقات على فتح كل القنوات و كل برامج التوك شو لينجو بفعلته و يكون راى عام باطل

فى كل قلم يصفعه لبلب لعنتر .. تعرف الناس كلها و لا يكذب عنتر مع أنه فى الأصل ..
عنتر صاحب نفوذ و مغتصب لحق ليس بحقه ولكنه لا يكذب و يعترف بفشله أمام لبلب الفقير الذى لا يمتلك شيئا سوى فكره ..
مع ملاحظة
أن الحاج عبد الوارث عسر كان لا يمتلك أكونت على الفيس بوك أو أكونت على اليويتوب
و لم تكن هناك قناة الجزيرة لكى يتم تداول الخبر ..
و كان من الممكن أن يصفع لبلب عنتر فى غرفة نوم عنتر ولا أحد يشاهدهما
و لكن لم يقول عنتر أن لبلب كاذب و أن عنتر كان فى الساعة الفلانية سهران فى بار الخرتيت
للساعات الأولى من الصباح و أن لبلب كاذب

لم يحتاجوا إلى حكام من الخارج أو إلى منظمات دولية تراقب عملية الصفعة ..
لم يحتاجوا إلى قسم الولاء و إن قسموا لن يصدقوا ..

تخيلت لو أن قصة كهذه حدثت الأن ..
تخيلو أنتوا النهاية ..

..::..::..::..::..::..::..

أمنيات ..

أتمنى أن أملك تنظيم و إخلاص الأخوان المسلمين
و حب و دقة عمرو دياب لعمله و إصراره على النجاح
و إدارة أوباما لملفاته الداخلية
و مال و نفوذ أحمد عز
و علم و حنكة مفيد شهاب
و ميكروفونات المعارضة و برامج التوك شو
و سذاجة و براءة محبين كسذاجة و براءة محبى تامر حسنى
و حب و شوق نزار لحبيبته فى حبيبتى و المطر
و موهبة شيكابالا فى أدارة الأمور
و حماس حسام حسن و تظبيط أدارة الأهلى
و كاريزما و لسان جمال عبد الناصر و نجاح رشيد محمد رشيد

فى اعتقادى .. لو أمتلكت 4 أو 3 من هذه الصفات دى ..
حكون حاجة لسه ملهاش أسم :)

::..::..::..::..::

الحكومة تصنع ألم الناس .. و الأخوان و الأحزاب يتاجرون بألم الناس
و مفيش حد بيشتغل علشان الناس

مسلسل الجماعة .. رمضان 2010

بين يدى الله ..

2010-07-27T01:54:00.002+03:00

بدأت أفكر بعد أن خرجت والدتى من غرفة العمليات سالمة .. أنها كانت بين يدى الله
و فكرت و وجدتنى كنت معاها فى نفس الوقت بين يدى الله ..
فالامر لمـ يتكلف سوى أقل من يومين .. وجع شديد .. تحاليل .. أشعة .. عملية
أن تفكر كثيرا فى أن أول أمراة تقع عينكـ عليها .. باتت فى أقل من 48 ساعة بين الحياه و الموت
أن تفكر فى ما أذا كانت ستعود لبيتها .. أمـ أنه أخر أيامـ عهدها معى
أن تفكر فى أن كل ساعة .. كل دقيقة .. كل لحظة .. كانت يجب ان تكون لها
أن تكون وسط أصدقاء .. و تطلب المغادرة و تشعر بأن شيئاً يحدث على بعد 100 كيلو متر
و يخبرونكـ أصدقائكـ بأنه " لسه بدرى " .. و تأتيكـ مكالمة
" أطمن أطمن .. ماما تعبانة و حناخدها المستشفى "
كل هذا سيضيع معها .. كل ما حدث يكتب سيناريو للنهاية
أن تفكر فى " لازمـ أكون قوى علشان أختى و أبويا " .. و يجى الرد فى ساعتها " انا من غيرها حضيع "
فكرت فوجدتنى أنا أيضا كنت بين يدى الله فى وقت العملية التى أستمرت من 4:15 إلى 5:45 ..
مع انى كنت بضحكـ كتير .. و أكلت كتير .. و شربت كتير فى نفس وقت العملية
بس أنا كنت حتجن عليها .. و ربنا يعلمـ

عندما أصبت فى رمضان سنة 2002 فى ركبتى بعد بطولة كرة سلة رمضانية
و أجريت عملية فيها كنت اتوقع خروجى منها على كرسى
و الحمد لله بقيت أحسن من الركبة التانية :)
كنت فى وقتها .. بين يدى الله

عندما ركبت أول طائرة فى حياتى متجها إلى تركيا ..
و قبلها سمعت فى الراديو قبل الرحلة بأقل من 24 ساعة ..
أن مجزرة حدثت فى تركيا .. و أنا طائرة أتصدمت ببرج مراقبة فى مطار القاهرة
و أن يكون أول خبر تسمعه فى ميكروفون الطائرة .. عطل بسيط فى محركـ الطائرة و جارى أصلاحه :)
و تتاخر الطائرة ساعة عن الأقلاع و طاقمـ الطائرة يتعامل بعصبيه كأننا فوق المحيط الأطلسى فى منتصفه
كنت فى وقتها .. بين يدى الله

عندما أصبت فى جهاز الهضمى .. و ضاق بصدرى الطعامـ لدرجة خروجه
و ان هناكـ مكروها قد حدث .. و أكتشفت بعدها أنه مرض بسيط يصيب 30 % من سكان الأرض :)
كنت فى وقتها .. بين يدى الله

و وجدتنى أعدد .. عندما و عندما و عندما .. فوجدتنى أننى كنت كل يوم ..
من لحظة كونى نطفة إلى اخر يومـ فى حياتى .. كنت بين يدى الله

الحمد لله .. أنت رحيمـ بيا قوى يارب :)

..::..::..::..::..

2 - حدث فى مثل هذا اليوم .. عبد الكريم الخطابى و محمد الخامس و أم الدنيا

2010-07-13T02:30:00.005+03:00

فرض الفرنسيون الحماية على المغرب فى ٣٠ مارس ١٩١٢ وبعد أيام قام المغاربة بثورة عارمة فى فاس تزعمها المجاهد أحمد هبة الله وكانت الانتصارات فيها سجالا وانتهى الأمر بوفاة الرجل، وتمكن الفرنسيون من بسط نفوذهم على المغرب، وكانت منطقة النفوذ الإسبانى حسب اتفاقية ١٩٠٤ مع فرنسا تشمل القسم الشمالى من مراكش حيث الريف شرقا والجبالة غربا، أما بلاد الريف فتسكنها قبائل معظمها من البربر،

وعندما بدأ الإسبان يتوسعون فى مراكش ظهر فى الجبالة المجاهد أحمد الريسونى المقاومة فى ١٩١١، أما الثورة الثانية فقد خاضها ضد الإسبان الأمير محمد عبد الكريم الخطابى، زعيم قبيلة بنى ورياغل وهو مولود فى ١٨٨١ ببلدة أغادير(أجدير)، وحفظ القرآن فى الكتَّاب ثم ألحقه أبوه بجامع القرويين لدراسة العلوم الدينية، ثم بجامعة سلمنكا بإسبانيا، فحصل منها على الدكتوراه فى الحقوق وعُين قاضيا بمدينة مليلة وبعد سيطرة إسبانيا على مدينة شفشاون وإخضاع منطقة الجبال أعلنت الحماية على شمال المغرب

وفى هذه الأثناء توفى والد الخطابى فى ١٩٢٠ وانتقلت الزعامة إليه وقاد ثورة الريف،التى اندلعت فى مثل هذا اليوم ١٢ يوليو ١٩٢١ مع زحف الجنرال سلفستر محتلا مدينة أنوال ولم يدرِ أن الأمير أراد استدراجه للمناطق الجبلية .فلما وصل الجيش الإسبانى إلى جبل وعران قرب أغادير قام الخطابى بهجوم معاكس استطاع خلاله أن يخرج الإسبان من أنوال، وأن يطاردهم حتى لم يبق لهم سوى مدينة مليلة، وأبيد معظم الجيش الإسبانى بمن فيه سلفستر،وبعد الانتصار العظيم الذى حققه الخطابى فى أنوال تأكدت زعامته فاتجه إلى تأسيس دولة، لذلك دعا القبائل إلى مؤتمر شعبى وتم تشكيل مجلس عام عُرف باسم الجمعية الوطنية وأعلن الاستقلال الوطنى، وتأسيس حكومة دستورية جمهورية فى سبتمبر ١٩٢١ وكانت مدريد عرضت على الخطابى الاعتراف باستقلال الريف بشرط أن يكون استقلالا ذاتيا لكنه رفض الاستقلال تحت السيادة الإسبانية

وبعد تأليب بعض الريفيين عليه وكذلك إيهام محمد الخامس بالانشقاق عليه انشق صف رجاله ودخل فى مواجهات خاسرة،

سلم بعدها نفسه للفرنسيين الذين نفوه إلى جزيرة ريونيون فى المحيط الهادى وفى ١٩٤٧ قررت فرنسا نقل الخطابى وأسرته إليها وعندما وصلت الباخرة التى تقله إلى ميناء بورسعيد، التجأ إلى السلطات المصرية،

فرحبت القاهرة ببقاء هذا الزعيم الكبير فى أراضيها، واستمر بها حتى وفاته فى السادس من فبراير ١٩٦٣.

- -- - -- - -- - -- - -- -

25 مارس .. معاً للأحتفال بعيد ميلادى

2010-04-27T02:48:00.002+02:00

قمة السخافة أنك تلاقى ناس صوتها عالى و خلاص

ناس مش فاهمة .. يا موجة انتى فين و احنا وراكى
ناس مصرة انها تحول قضاينا لبلاتوهات سينمائية و شخصية
ناس كل اللى بتدور عليه أنها تكون بؤرة الحدث و ياترى قالوا أسمى ولا لأ
هى قناة أيه اللى كانت بتصور و حتتذاع امتى
و نظام العيال بتوع الثانوى لما البنت الحلوة تعدى " يا حلوة شوفينى "

فاكر زمان لما كنا فى الثانوى و الكلية لما كنا بنتظاهر علشان فلسطين
كنا فى قمة الخوف .. كنا نطلع نجرى و ندخل شارع و نستخبى فى عمارات
و الدنيا تهدى شويه و بعدين نقوم مجمعين بعضينا تانى
مش وحش انى أقول انى كنت خايف .. بس مكتش مستهتر

6 أبريل اعتصام و أضراب .. عمال غزل المحلة
2 مايو أضراب و أعتصام .. الحد الادنى للأجور
4 مايو أضراب . عيد ميلاد الريس
4 اغسطس اعتصام .. المياه المعدنية فى مارينا
25 مارس 2011 .. أضراب عيد ميلادى

معلومات حتفيدكـ جدا لو أنت مش فاهم الوضع ..

أنكـ لو كنت موظف فى الدولة أو فى القطاع الحكومى .. فالمرتب الأساسى فى زيادة
بعد قرار فى 2007 بأرتفاع المرتب الأساسى بنسب ثابتة

الحد الادنى للاجور المطلوب .. سيوفر على الحكومة 10 مليار جنيه مصرى
هو ما تتكلفه الدولة تجاه الدعم .. لأن رفع الحد الأدنى للأجور للموظفين الحكوميين لن يجبر القطاع الخاص برفع الحد الادنى داخل شركاته مما سيؤدى غلى فجوة رهيبة فى أرتفاع الأسعار مع ثبات مرتبات ما يقرب من 50 % من الايدى العاملة المصرية

الحد الادنى للاجور .. يعنى رغيف العيش بـ 25 قرش بدلا من 5 قروش
سعر البنزين بالأسعار العالمية ..
بمناسبة البنزين قال لى سائق تركى أنهم يتابعون يوميا أسعار البنزين العالمية فى الاخبار المسائية
لمعرفة ما أذا كانوا يوفرون بسبب ارتفاع الاسعار غدا أو لا !!!
سعر انبوبة البوتاجاز .. من 40 إلى 70 جنيه حسب المنطقة
إلغاء البطاقات التموينيه .. و انا شاهد على أهمية وجودها و الحفاظ عليها بما انتمى إلى من تربى على سلع التموين
أرتفاع جنونى فى الأسعار بدون حد أقصى
تحويل كل أسعار السلع إلى الأسعار العالمية و الجشع الرأسمالى الخارجى مع عدم وجود وعى للمستهلك المصرى
( السلعة دى بكام فى السوق الخارجى .. و امتى أشترى و امتى أقاطع )

القصة بدأت يبقى فيها ملل .. كل 5 أيام أعتصام و أضراب
كلنا كنا مع أضراب 6 أبريل .. قولنا دا البداية .. بس النهاية حتبقى ملل
لا حينتصروا للعمال و العمال أبعد ما يكون عنهم .. ولا حيجمعوا الناس حولهم ..

يا عينى عليكى يا مصر ..

- - - - - - -

الأيامـ دى بتواكب ذكرى تحرير سيناء بعد حرب دبلوماسية ناجحة
أعقبت حرب حربية ناجحة بجميع المقاييس
فى الأيام دى نجحت الدبلوماسية المصرية و المرافعات المصرية و العقول المصرية
فى تدعيم المكسب الحربى .. و أنتصرنا بالتحكيم الدولى فى الصراع المصرى الأسرائيلى

مفيش اجمل من انك تنتمى لبلد لا تغيب الشمس عنها 30 يوما حتى تحتفل باحدى انجازاتها او ذكرياتها الماضية
فخور بانى انتمى لهذه البلد التى تملك أجندة تاريخية يصعب نسيانها او محوها او تكرارها

و صعبان عليا بأن مستقبل البلد دى يكون فى أيد شباب كل مشكلتهم ..
الصورة عايزها حلوة .. ها طلعت فى التلفزيون .. المناضل راح المناضل جاه

Discover Egypt

2010-03-28T12:57:00.002+02:00

حكمة اليوم ..

2010-03-14T14:30:00.001+02:00

قال رسول الله صلى الله عليه و سلم ..

من أسخط الله في رضى الناس سخط الله عليه ، واسخط عليه من أرضاه في سخطه ،
ومن أرضى الله في سخط الناس رضي الله عنه ، وأرضى عنه من أسخطه في رضاه حتى يزينه ،
ويزين قوله وعمله في عينه

صدق رسول الله صلى الله عليه و سلم

Soon .. Mobinil .. Egypt from the heart

2010-03-09T14:29:00.012+02:00

القوة من الأتحاد .. و الأتحاد من الإيمان

2010-03-01T02:46:00.004+02:00

لا اعلم لماذا كل حبى لهذا الفيلم .. V for Vendetta
كل الذى اعلمه .. اننى أحبه لكون بطله أستطاع ان يحركـ الكثير من شعبه
لم يعجبنى فكرة نظرية المؤامرة .. و ان الحاكم السبب فى الوصول لما ألت إليه من دمار فى البلاد
مع اننى استخدمت هذه النظرية فى تفسير حادث الحسين و ربطه بقانون الطوارىء
و لكن ما يعجبنى فى هذا الفيلم .. ذلك الرجل الذى تعرض لظلم شديد تمكن من تشويه وجهه و لكنه انتقم من من ظلمه
كانت فكرته على الرغم من كونها دموية ولكنها كانت فكرة رائعة فى جمع شعبه وبلده

تجذبنى دائما هذه الصورة .. منذ وقوع عينى عليها و قولت لنفسى ..
انها ستكون هى صورتى الشخصية .. ستتصدر توقيعى و تعلو مدونتى
أنظر لهذه الصورة .. رجل يرتدى قناع وجه مبتسم فاتح ذراعيه للصراعات
ماسكاً بأسلحته يظهر خلفه جدرية ..
" القوة من الأتحاد .. و الاتحاد من الأيمان "
و أكررها لى و لكم يا مصريين ..
" القوة من الاتحاد .. و الاتحاد من الأيمان "

فلنؤمن بقدراتنا .. اننا خير شعوب الأرض بدون احاديث او قرأن كريم ..
فلنوؤمن ببلادنا .. انها أجمل و خصب بلاد الأرض
فلنوؤمن بوحدتنا .. اننا مسلمين و مسيحيا نتفق فى كوننا مصريين
فلنوؤمن بقوتنا .. فى أننا لن يخترقنا مدعى دين او مدعى دنيا
فلنوؤمن بعلمنا .. سرنا سيحلق فوق الجميع
فلنوؤمن بمستقبلنا .. غدا لنا و مستقبل أبنائنا فى أيدينا

فلنتحد .. مسلمين و مسيحيين
فلنتحد .. معارضة و مواليه
فلنتحد .. رجال و نساء
فلنتحد .. شباب و شيوخ

فعندما نؤمن و من ثم نتحد فستكون قوتنا فى شىء واحد هو " مصريتنا "

دائما ما أستغرب دخولى فى صراعات كثيرة ..
هل انا من يبحث عن صراع و يهوى الصراعات ؟؟
ام
أنا مصرى فرضت علي الصراعات من كونى مصرى ؟؟

لا أقول انى دائما كنت على صواب .. و لكنى كنت أدافع من وجهة نظرى
لم ادافع من وجهة نظر جماعة او حزب او دين .. كنت فى كل وجهات نظرى مستقل

أحزن من تجاهل أولاد بلدى لدفاعى و تركهم لى دائما فى الصراعات وحدى
دائما لا اجد مساندة او دعم لى فى صراعاتى التى اعتبر اغلبها من اجل بلدى
لا أقول انى مناضل .. و لكنى أؤمن بمقولة المناضلين
" على كلاً منا ان يعمل على حده "
أؤمن بالمقولة القائلة ..
" لو اننا اتممنا عملنا على أتم وجه .. من العامل لرئيس الجمهورية "
سنكون أفضل من أمريكا و أوربا و أستراليا
كثيراً ما اعتقدت ان أصدقائى ضد ما افعل
فلم و لن يرد علي احد .. أدافع وحدى .. وحدى فقط
لن أسكت و لن أرتاح حتى اتمكن من الدفاع عن بلدى ضد اى حد كان

لدينا الان فرصة ذهبية لأقتناص الوحدة ..
الأن اعلام بلادنا فى كل مكان .. فى القهاوى و المولات و البلكونات و حتى فى العروض التسويقية
فلنتهز فرصة فرحتنا و وحدتنا على فوزنا و من قبل هزيمتنا
شاهدت السيارات و هى تمر من امام السفارة الجزائرية
ضاربة أصوات كلاكساتها للتعبير عن أستهجانها
شاهدت مظاهرات للمطالبة بحقنا كمصريين
شاهدت مظاهرات حب بعد فوزنا و من قبل بعد هزيمتنا
فلتستمر أعلامنا فى البلكونات .. و لتستمر فرحتنا فى هزيمتنا قبل نصرنا
و اتحادنا فى هزيمتنا قبل نصرنا

يحزننى تصرفات بعضنا كمصريين
دماء و ذهبت لغزة .. تبرعات و ذهبت لغزة
وقفات احتجاجية و نظمت لغزة .. شعر و نظم لغزة
أصطدامات أمنية و تمت لصالح غزة
أين انتم من السيول .. أين انتم من بلادكم
لا اتهم أحد بالخيانة .. فأنا لا اتهم أبناء بلدى بالخيانة
و لكنى اتهمهم بفقدانهم لنظرية الأولويات

نعم كسبت عداوة الكثير ..
كسبت عداوة الفلسطينيين و القطريين و الجزائريين وأخيراً المغاربة
و لكنى على استعداد أن اكتسب عداوة العالم كله فى سبيل دفاعى عن بلدى
على أستعداد أن أكتسب عداوة العالم كله فى سبيل أن أرتاح لدفاعى عن بلدى

سأدعم البرادعى مع أنى ضد أستيراد حاكم من الخارج
و لكنى سادعمه فى حالة تحقيق مصالحى و طلباتى فى الدفاع عن بلدى
سأدعمه لتعديل الدستور ليعود مرة اخرة .. فترتين رئاسيتين
سأدعمه لنشر العلم و لرفع قيمة التعليم فى بلادنا
سأدعمه لكى نتحد يا مصريين
سأدعمه كناية فى تفرق المعارضة و تشتتها

------

دائما نبحث عن شعارات نسير تحتها ..
و دائما ما ننسى الشعار الذى نسير تحته دون أنتباه له أو أعطائه اهمية

" أننا مصريين .. و بس "

البداية ..

2010-02-24T02:06:00.011+02:00

فى بطولة أفريقيا لكرة اليد المقامة فى مصر و المؤهلة لكأس العالم
فازت تونس بالبطولة بعد تغلبها على الدولة المضيفة مصر بفارق 3 أهداف
مبروك تونس ..

و هاردلك لفريق المغرب الذى تلقى هزيمة مذلة على أيدى الفراعنة
ههههههههههههههههههه
بعد ان اكتساحهم الفراعنة بنتيجة 44 - 21 Double score
و تعتبر هذه الهزيمة فى كرة اليد و السلة .. هزيمة مذلة
و كان المنتخب المصرى قد أنهى الشوط الأول بنتيجة 24 - 8 :D
و هذا و يواصل المنتخب المغربى سلسلة عروضه المتميزة
على كافة المستويات الكروية .. القدمية منها و اليدية :D

و هاردلك لمنتخب الجزائر الذى تلقى هو الأخر هزيمته على يد الفراعنة
فى مباراة القبل النهائى

مبروك لتونس و لمصر و هاردلك للغلابة و فرق الدرجة الرابعة :D

.. .. .. .. .. .. .. .. ..

أخبار الوطن العربى ..

الجزائر ..

المخابرات المغربية تستولى على موقع الجزائر تايمز ..

يا شباب شوفوا الجزائريين بيقولوا أيه عن المغاربة فىالتعليقات و خصوصا أول تعليق
وليه تروحوا لما ممكن اجبلكوا التعليق :D

قلتها لكم مئات المرات و لم تسمعوا كلامي بل حجبتم التعليقات التي كنت ارسلها بهذا الخصوص
و على المدعو "انور مالك" هذا ان يستعيد موقعه
الذي اصبح اسطبل مليء بمختلف انواع حيوانت الاطلس لا تكف عن النباح و النهيق
متناسون ان صداها لا تتعدى اطار قيأهم اليومي الذي يمارسونه لإخراج ما يكبتونه في صدورهم من الم نفسي تجاه الجزائر
بسبب العقدة النفسية الحادة التي هم يعانون منها من كل ما هو جزائري لكن شتان بين عالم الواقع و العالم الإفتراضي

تعليقى ..

و الله الجزائريين دول رجالة عرفوا يربوا المغاربة
على قد ما بيعملوا فيهم و برضوا المغاربة بيشجعوهم :DD

السعودية ..

سعودى و ست ستات

رويترز
محكمة سعودية قضت بجلد موظف فى هيئة الأمر بالمعروف والنهى عن المنكر ١٢٠ جلدة لجمعه بين ست زوجات.
ونقل مسؤول فى محكمة بلدة «أحد المسارحة» بمنطقة جازان فى جنوب البلاد عن الرجل،
قوله إنه ليس متعلماً بما يكفى لأن يعرف أن الشرع لا يبيح للرجل الجمع بين أكثر من أربع زوجات،
وأضاف المسؤول لرويترز: «لم يصدقه القاضى، لم يصدقه أحد، أنا صراحة لم أصدقه».
ومنعت المحكمة الرجل من تولى الخطابة وإمامة المساجد ومنعته أيضاً من مغادرة المملكة لمدة خمس سنوات،
فضلاً عن تكليفه بحفظ جزءين من القرآن الكريم.
وقال المسؤول إن الموظف وهو فى الخمسينيات من العمر، يعمل فى إدارة حراسة المبنى.. فهو له وظيفة خدماتية.
وقال الشيخ عبدالمحسن القفارى، المتحدث باسم الهيئة: «يجب الإشارة إلى أن الذى ضبط وتحرى عن الرجل هو الهيئة»،
ولم يتسن الاتصال بالقاضى سلمان بن يحيى الودعانى، الذى أصدر الحكم للتعليق

نموذج مصرى ..

المهندس هانى عازر .. بانى اهرامات ألمانيا الحديثة

أكبر مهندس انفاق فى أوربا .. قام بتنفيذ اكبر محطة انفاق فى برلين
على رأس فريق مكون من 450 مهندس .. يترأسهم المهندس المصرى ..
هذه المحطة التى تربط برلين و جميع انحاء اوربا ..
هى التى جعلت المستشارة الألمانية ميركل تدعو المهندس المصرى
لتكريمه بعد هذا الانجاز التى تكلف 4 مليارات يورو

شاهد المحطة العملاقة ..

مسابقة اليوم ..

لو قدرت تجيب مهندس عربى حقق انجاز يساوى أنجاز المهندس المصرى
ستعرض النتائج فى البوست القادم ..
بعنوان مهندس عربى أفضل من المهندس المصرى
:P

أفكار مصرية .. جبهة الدفاع عن مصر

2010-02-15T19:27:00.004+02:00

عندى شوية أفكار فى دماغى عايز

أول فكرة ..

الايام اللى فاتت زاد الهجوم على مصر .. و زاد التركيز على السلبيات فى مصر و المجتمع المصرى
دون ادنى اهتمام بايجابيات كتير بتحصل و بتتم فى بلادنا
فكرت ليه منكونش احنا كأصحاب و أصدقاء مجموعة ترفع شعار ..
جبهة الدفاع عن مصر ..
نجيب كل حاجة سلبية فى الدول اللى حوالينا و ننشرها . أشمعنى مشاكلنا احنا ؟!!!

يعنى مثلا .. الدنيا كلها بتطالب مصر بمساعدة غزة و فتح المعابر و الكلام الفشنك دا
طيب .. الامارات .. كلفت برج دبى 1.5 مليار دولار
دا غير ان حاكم دبى عرض على فيكتوريا بيكهام 25 مليون أسترلينى لتصميم فندق فى دبى
هيا فلسطين و غزة مش دول عربية و الامارات عربية
و اللى تحتاجه غزة يحرم على فيكتوريا .. ولا أيه ؟؟

دا غير القافلة الاردنية اللى جاية مصر علشان تدخل غزة
مع ان الأردن ليها معبر مع الضفة و من الضفة على غزة و انتهينا
مع أنا برضه جالاوى كان يقدر يضغط على أسرائيل و يدخل المساعدات من الاردن او أسرائيل

كل دا بيضيع وسط الكلام عن خيانة مصر و المصريين .. و دا موضوع منتهى

الفكرة التانية ..

عجبنى قوى عمرو أديب لما قدر يجمع أكتر 50 مليون جنيه فى أقل من ساعتين
و عجبنى قد أيه أننا كلنا كنا رجالة و رجال أعمالنا كانوا رجالة
اللى قال انا حصمم المنازل الجديدة و اللى قال انا حبنى 10 منازل لغاية ما وصل الرقم لبعد الـ 400 منزل
عجبنى أن البرنامج موجه للمصريين و رغم دا كان فى عرب كرما كالعادة
الامير طلال بن عبد العزيز 33 منزل بما يوزاى مليون جنيه
الشيخ صالح كامل .. ربنا يشفيه و يعافيه
و شركات الاجهزة الكهربائية قامت بفرش الادوات الكهربائبية للمنازل
و شركات الألومونيوم باعمال المطابخ و الالومونيم
و شركات المفروشات قامت بفرش المنازل
و كانت المفاجاة من وزير المالية .. اللى قال ان كل جنيه تبرعات حيقابله جنيه حكومى
كالعادة أثبتنا ان فينا خير و قادرين نعمل اى حاجة لو حد جمعنا

الفكرة هى تسليط الضوء على هذا المجهود الجبار
و تسليط الضوء على كل شخصية مصرية محترمة أثبت جدارتها بان تكون مصرية

تحية فى عيد الحب ..
لعمرو أديب
د/ يوسف بطرس غالى وزير المالية
لبنك الطعام .. احسن اختراع مصرى فى اعتبارى يفوق الفيمتوثانية
لكل الامراء العرب و العرب اللى ساعدونا من غير ما نطلب
لهشام عباس و محمد صبحى و شريهان
فريق عمل القاهرة اليوم
شركات الأدوات الكهربائية و المفروشات و الالومنيوم و البترول و كل المستلزمات

.. .. .. .. .. .. .. .. .. .. ..

على الهامش ..

لما ترد فى مدونة صاحبها قافل التعليقات إلا بتصريح منه يبقى انت هنا
بتثق فى كونه ليبرالى قادر على التواصل و تقبل الفكر الأخر
و لو مكنش قد ثقتك .. حتقول عادى و أدى الواحد اتعلم
لكن لما تساعده فى انه يعرض وجه نظره فى وسط سخط كبير
احتراما لرأيه و لوجهة نظره .. و لتبنيك مبدأ الراى الاخر
و هوا محترمش رأيك ولا وجهة نظرك و صادر رأيك و تعليقك ..
يبقى فى حاجة غلط ..
هل هوا فعلا كده و كان دائما ممثل بارع ..
أم ..
أنا اللى كنت ساذج لما أفتكرت انه ليبرالى يقبل الاختلاف

Verb فشخ .. يفشخ .. أفشاخاً

2010-01-29T22:47:00.000+02:00

لو فتحت قاموس اللغة العربية .. مش حتلاقى معنى لفعل يفشخ ..
حتى لو دورت فى باب الفاء .. فصل الشين :D
حتلاقيه بس فى قاموس أولاد حسن شحاته .. حتلاقيه بس فى قاموس منتخب أم الدنيا
و لو مش مصدق .. أو عايز درس عملى لعشان تفهم معنى الـ Verb
تقدر تتفرج على عدد 4 فشخات بصوت المعلق الشقيق الجزائرى

على ما اعتقد كده .. كل واحد عارف قيمته و رجع مكانه
و على رأى خيرى رمضان ..
أحنا أشقاء و مفيش حاجة لما شقيق يكسب شقيقه حتى لو كان 4 :p
بس بصراحة .. عدد 4 أفيان على سهوا .. :D

و دى النهاية .. هدية صغيرة منى

فى البوست دا التعليقات مفتوحة ..
أنطلقوا

فلا هم قاوموا.. ولا سلاما صنعوا

2010-01-26T13:56:00.004+02:00

عن قطر ..

لقد ضاعت عشرة شهور حتي الآن منذ توقف مفاوضات السلام.. تواصلت خلالها ممارسات إسرائيل ومستوطناتها.. وإجراءاتها لتهويد القدس. واجتياحها للضفة مثلما حدث في "نابلس".. وحصارها لقطاع "غزة".. بل وتلويحها بمعاودة عدوانها علي القطاع.
وبرغم جهود مصر المتواصلة لإحياء عملية السلام.. ولتحقيق الوفاق الفلسطيني.. فإننا نتعرض لحملات مكشوفة من قوي عربية وإقليمية.. لم تقدم يوما ما قدمته مصر لفلسطين وشعبها.. وتكتفي بالمزايدة بالقضية الفلسطينية.. والمتاجرة بمعاناة الفلسطينيين.
إن مصر لا تقبل الضغوط أو الابتزاز.. ولا تسمح بالفوضي علي حدودها.. أوبالإرهاب والتخريب علي أرضها.. لدينا من المعلومات الموثقة الكثير.. والذين يقومون بهذه الحملات.. وينظمون مهرجانات الخطابة للهجوم علي مصر في دولة شقيقة.. بيوتهم من زجاج.. ولو شئنا لرددنا لهم الصاع صاعين.. لكننا نترفع عن الصغائر ..إننا قد نصبر علي حملات التشهير والتطاول.. ولكن.. ما لا نقبلة - ولن نقبله - هو الاستهانة بحدودنا.. أو استباحة أرضنا.. أو استهداف جنودنا ومنشآتنا.

عن حماس ..

يقولون إن ما حدث في "العريش" وفي "رفح".. سحابة صيف.. وأقول لهم.. ما أكثر سحابات الصيف في تعاملكم معنا.. وما أكثر ما نلاقيه منكم من مراوغة ومماطلات.. وأقوال لا تصدقها الأفعال وتصريحات ومواقف متضاربة..
ترفع شعارات المقاومة وتعارض السلام.. فلا هم قاوموا.. ولا سلاما صنعوا

و ختاماً لكل المصريين ..

إننا لن نضيق ذرعا بما تحملناه - ونتحمله - من أجل القضية الفلسطينية وقضايا أمتنا لكنني أقول إن أولويتنا ستظل
لمصر أولا..
وقبل أي شيء وكل شيء آخر.. في حدودها.. وأرضها.. وسيادتها.. وأمنها.. ومصالح ومقدرات شعبها.

من خطاب الرئيس مبارك فى يوم الشرطة
24 / 1 / 2010

سؤال برىء لكل المصريين ..

2010-01-24T18:29:00.004+02:00

لكل المصريين ..
الذين نظموا الشعر رداً على الجدار و نصرة لغزة
لكل المصريين ..
اللى هتفوا ضد الجدار و لصالح غزة
لكل المصريين ..
اللى وقفوا وقفات احتجاجية ضد الجدار و للأنسانية فى غزة
لكل المصريين ..
اللى ذهبوا فى شو اعلامى لتعزية

ماذا فعلتم لأهالى السيول ..

هل نظمتوا شعراً لصالح ضحايانا فى سيناء و أسوان ؟؟
هل هتفتوا لصالح ضحايانا فى السيول ؟؟
هل وقفتوا لصالح الانسانية فى أسوان و سيناء ؟؟

لو كانت الاجابة ..
بـ لأ .. أو لسه و الله .. او مش عارف اعمل أيه
فأسمحولى أقولكم ..
طز فيكوا واحد واحد

.. .. .. .. .. ..

سبحان الله ..
طول عمر القضية الفلسطينية مصدر شو أعلامى
و طول عمر قضايا الوطن .. قضايا درجة تانية

ولا عمر الأولى أتحلت و رجعتلنا ..
ولا عمر التانية ضاعت و أتدمرت

بس فى غضبها أسألوا أسرائيل

2010-01-23T02:51:00.005+02:00

شكرا لكل اللى اتأمروا على البلد دى ..
المرة دى من غير ما تقصدوا .. جمعتم الشعب المصرى كله أيد واحدة
و خليتوا أى حد فينا زعلان من البلد دى.. ينسالها أى حاجة ..
و عرفنا ان نار البلد دى ولا جنة غيرها ..

-- -- -- --

و اللى يتطاول عليها .. جابوه لنفسه .. تانى نربيه من جديد

منظمة مناضلو فلسطين من وراء الكيبورد !!

2010-01-17T17:07:00.003+02:00

لو كنت تقطن أحدى البلاد العربية .. و لتكن دولة خليجية أو دولة بقرب فلسطين
لابد و انك تعرف فلسطنيين فى بلدك .. منهم من هرب جراء المجازر الصهيونية
و منهم من هجر من أرضه .. و منهم من باع أرضه

أبحث عن أقرب فلسطنيين فى أقاربك او جيرتك أو معارفك ..
ستجد ان أكثرهم ممن يمتلكون تجارة و موارد مالية مرضية و أقلهم فقراء
أبحث فى مصر .. أبحث فى الأردن .. أبحث فى سوريا أو فى لبنان او الخليج
أكثرهم من اهتم بجمع المال و توفير معيشة جيدة لأهله و أولاده
ولا يلام أحد على ذلك ..

و لنقرب وجهات النظر ..

لو من مواطنى أو من قاطنى الأمارات ..
ستجد .. سليم فايق الصايغ .. تقدر ثروته بـ 3 مليارات دولار
و يستعد لأطلاق شركة طيران برأسمال 100 مليون دولار

و ستجد .. رياض برهان كمال .. يرفض ان يسمى نفسه مليارديرا
مع ان حصته فى المشاريع فى الامارت تقدر بـ 12 مليار درهم !!

و غيرهم .. و غيرهم .. من أهل فلسطين العزيزة
أصحاب المليارات و الملايين .. كما وصفهم موقع أسواق التابع لموقع العربية للأخبار

و لو كنت من مواطنى أم الدنيا أو أحدى قاطنيها ..

و لديك ذاكرة جيدة .. فستذكر فوراً .. محمد يوسف الصفدى
أو كما يقال عليه فى مصر .. حوت السكر
الذى عاش فى مصر و كون ثورته من دم المصريين و الذى تم القبض عليه

ولا تنسى رجل الاعمال الفلسطينى سعيد خورى
الذى يقدر من أغنى أغنياء فلسطين المحتلة بل و من اغنى اغنياء العرب ..
و من ضمن أغنى 10 رجال فى الشرق الأوسط

فلو كلنا كعرب و كمسلمين نسمى " بأصحاب القضية و الأرض "
فماذا نقول على مثل هؤلاء .. من أصحاب المليارات
لو جمعت ثورة سليم على رياض و الصفدى على خورى ..
كفيلة بدعم السلاح الفلسطينى و المقاومة الفلسطينية
دون النظر لا لجدار ولا لحصار ولا لأسرائيل حتى

ربنا يزيدهم كمان و كمان .. و الحمد لله لا اعتراض

.. .. .. .. .. ..

و لو كنت متابع عن كثب للتعليقات الألكترونية و المنتديات الألكترونية
لتجد غضب عارم من الاخوة الفلسطنيين على مصر ..
غضب من الممكن أن ينسى كل ما قدماته مصر للقضية الفلسطينية

و ستجد من يشحنون لاب توباتهم ببرامج الفوتوشوب .. مستخدمين الجمل الرنانة
رافعين الكوفيات الفلسطينية كـ Background لل Desktop
ممسكين بكيبوردهم الذى يدعون أنه سلاحهم ..
مع الحفاظ على درجة حرارة من 24 إلى 26 عن طريق تكيفهم المركزى
من أحدى الأبراج الخليجية التى يكون أسفلها أحدى سياراتهم الفارهة
و كل ما يفعلونه أنه يسبون مصر و كل من يدافع عن الجدار
مع أن سيارة واحدة من ما يقتنوا تستطيع أن تحل مشكلة 10 أسر فلسطينية
مع العلم ان شقة أو فيلا من ما يقتنوا كفيلة ان تحل مشكلة قرية فلسطينية

هكذا هم الفلسطنيون فى الخارج .. إما من نسى او تعمد ان ينسى القضية الفلسطينية
حتى لا يبعد عن امواله و صفقاته التى من الممكن أن تكون مع أحدى رجال الاحتلال
و لكم فى منيب المصرى المثل ..
الذى أستقبل قائد الجيش الأسرائيلى فى فيلته فى نابلس
و نابلس انا اعتبرها محتلة .. ولا أعتقد أن منيب المصرى يعتبرها هكذا ..
شاهدوا منيب المصرى و قائد الجيش الأسرائيلى

و إما النوع الثانى من الفلسطنيين .. الذى أخذته دوامة الحياة
فقرر ان يعمل و أن يؤمن لأهله معيشة كريمة ..
فمنهم من عمل فى الخليج و منهم من أخذ مصر مقراً له
و هؤلاء هم فى وجهة نظرى من انجبوا لنا .. مناضلو فلسطين من وراء الكيبورد
فهم حائرون بين مال وفير و عيشة كريمة .. و بين تحرير الأرض و الجهاد و الحرب
و حتى يرفعوا أيديهم .. و يهمدوا ضمائرهم التى طالما ألمتهم بداعى القضية الفلسطينية
تجدهم ينظمون الشعر و القصايد فى حب القضية و فى سب مصر
تجدهم مستخدمين فوتوشوبهم فى رسم الكوفية و الخريطة و العلم

و ان أدعوهم .. من خلف للاب توبى .. من وراء كيبوردى .. من أم الدنيـا
أن يتجهوا إلى الأراضى الفلسطينية و يرون لنا بأسهم فى الدفاع عن أرضهم و عن قضيتهم
قبل ان يطالبوا بان يدافع غيرهم عن قضيتهم

أدعوهم أن يرفعوا أيديهم عن مصر .. التى دائما ما تترفع عن سخافاتهم

أدعوهم أن يقفوا هم صفا واحدا .. غزة و ضفة .. رجال اعمال و فقرا
خونة و أستشهاديين .. وزراء و شعباً
وبعد ذلك يطالبوا العرب بالوحدة

أدعوهم أن يحذوا حذو من سبقهم ..
فمن سبقهم أقام منظمة التحرير الفلسطينية
و املى فيهم كبير .. ان يقيموا لنا
منظمة مناضلو فلسطين من وراء الكيبورد
و يا حبذا لو يبقى الأسم بالفرانكو عرب

.. .. .. .. .. ..

أنا تاج العلاء فى مفرق الشرق .. و دراته فرائد عقدى
إن مجدى فى الأوليات عريق .. من له مثل أولياتى و مجدى
أنا إن قدر الأله مماتى .. لن ترى الشرق يرفع الرأس بعدى
ما رمانى رامى و راح سليماً .. من قديم عناية الله جنده

.. .. .. .. ..

فلتدافعوا عن قضيتكم بأيديكم ..
يا تتركوا من تعود على ان يفكر لكم ان يدافع عنكم

جبهة البوليساريو .. الجمهورية العربية الصحراوية الديمقراطية

2010-01-14T21:38:00.002+02:00

هذا البوست إهداء ..

إلى المقاومة العربية الأسلامية فى الجمهورية العربية الصحراوية الديمقراطية
إلى سمو الرئيس السيد / محمد عبد العزيز
إلى .. أمينتو حيدر .. غاندى الصحراء .. الناشطة السياسية و المناضلة
إلى شهداء المجازر الهمجية المغربية منذ اكتوبر 1975
إلى جبهة البوليساريو .. أنضف جبهات المقاومة العربية الأسلامية

أدعوكم للتعرف على الجمهورية العربية الصحراوية الديمقراطية

مع مبارك و الاخوان .. مش حتقدر تاخد حقك

2010-01-07T00:14:00.003+02:00

قبل الهنا بسنة .. إليك عزيزى المصرى التصريحات التالية ..

بكرا أو النهاردة أهو 7 / 1 / 2010 ..

وزير الخارجية ..

" واهم من يعتقد ان مصر لن تستطيع ان تدافع عن أراضيها و عن مواطنيها "

" صبر مصر قارب ان ينفذ "

" أرسلنا لحماس تحذير شديد اللهجة "

المتحدث الرسمى بأسم رئاسة الجمهورية ..

" الرئيس مبارك أمر بترقية الجندى / .... إلى رتبة اعلى
و اعطاء اهله معاش أستثنائى و تكريم أهله فى عيد الشرطة "

" الرئيس مبارك يتابع عن كثب التطورات على الحدود المصرية
و يدين بشدة مقتل الجندى المصرى "

الرئيس مبارك ..

بتاريخ يوم 8 / 1 / 2010 اللى جاى أن شاء الله
حيكون فى زيارة لمدينة معينة أو فى مؤتمر صحفى ..
و حيكون بيحاوره عبد اللطيف المنياوى .. هناء السمرى .. أو اى حد بتاع النيل للاخبار

" أمن مصر و سلامة مواطنيها خط احمر لا يجوز تخطيه "

" لن أسمح بأن يتخطى أحد او يتعدى أحد على مصر او أحد مواطنيها "

" أعلن أن دماء الجندى المصرى لن تذهب هباءاً "

" نعمل على التهدئة و على ان تتم المصالحة الفلسطينية فى أسرع وقت "

" كنت قاعد مع نتنياهو و طالبته بأنه لا يتسرع فى الرد "

" أطلب من الاخوة الفلسطنين ضبظ النفس "

و بعد 6 شهور أو سنة .. مقتل جندى مصرى برصاص أسرائيلى أو حماساوى
و الله أحنا كنا بنسمع عن الرصاص الأسرائيلى ..
بكرا ممكن يكون الرصاص أسرائيلى و حماساوى و سودانى و ليبى و أردنى كمان

------
رسالة للسيد الرئيس محمد حسنى مبارك ..

شوف حاجة غير الخط الأحمر بتاع كل مرة .. التجديد حلو برضه
مشيها خط بنفسجى .. خط أسود .. يعنى شويه تجديد يعنى
و نفسى أشوف قبل ما اموت أنك قتلت جندى أو كسرت رجل حد مد أيده على جندى مصرى

----

للتوضيح

على فكرة انا مع الجدار و فكرة تنفيذه تماما ..
و ضد أى أخوانى قصدى " نواب دايرة غزة فى مجلس الشعب "

the loser in 2010

2010-01-06T00:59:00.005+02:00

بيقولوا الفيلم دا حيتعرض فى 2010 .. على طريقة أفلام art سينما
كل يوم .. كل ساعتين .. و يتخلله فاصل أعلانى قصير
أنا بس خايف ع الفاصل الاعلانى لا يختفى واحدة واحدة

2009

2010-01-01T02:24:00.003+02:00

تمنيت .. و كان أكثر مما تمنيت

و تخيلت .. و كان أسوء مما تخيلت

بحبك يا بلادى ..

2009-12-14T02:30:00.004+02:00

هل كانت تعلم جولدا مائير الشهيرة بـ «العمة» أنه في اللحظة نفسها التي كانت تجلس فيها مصدومة علي مقعدها في مقر الحكومة الإسرائيلية في تل أبيب يوم السادس من أكتوبر كان بليغ حمدي يجلس منتشيًا علي سلالم مبني الإذاعة في وسط القاهرة وإلي جواره عبد الرحيم منصور يفصصان قلبيهما لاستخراج نشيد وطني جديد اسمه «حلوة بلادي السمرا بلادي»؟، هل كانت تعلم وردة وهي تغني هذه الأغنية أن حب بليغ لها في هذا اليوم كان في أرقي حالاته؟، هل احتضنها أمام العازفين وتبادلا الدموع؟

هل كانت تعلم انشراح جاسوسة بئر سبع التي خدمت الصهاينة لسنوات طويلة أن الأمر سينتهي بها كعاملة بدورة مياه سيدات في مدينة حيفا، كما نشرت جريدة يديعوت أحرونوت في 98؟، أظنها عرفت وقتها معني الخيانة، بالضبط كما عرفت متأخرًا سر عدم شعوري بالراحة في كل مرة أمر فيها بالقرب من نادي الجزيرة فهو النادي (مع احترامي لكل رواده) الذي أفرز الجاسوسة «هبة سليم» وخطيبها وشريكها ضابط الجيش، أعدمت الجاسوسة التي استبدلت شلة النادي بشلة من ضباط الموساد، لكن بقيت رائحتها في المكان تؤرق المارين به دون أن يفهموا السبب، أما شريكها الذي كان يعمل مديرًا لمكتب أحد أهم قيادات الجيش المصري في هذه الفترة فقد صدر ضده حكم بالإعدام رميًا بالرصاص وأصر قائده علي أن ينفذه بنفسه ولأن اللوائح العسكرية لا تسمح بمثل هذا التصرف، فقد خير هذا القائد السادات بين قبول استقالته وبين تنفيذ الحكم بنفسه، فسمحوا له بالتنفيذ.

هل تعلم أرواح أطفال مدرسة بحر البقر أن ابن اختي قد بدأ الدراسة بالأمس وأنه يقف الآن أثناء كتابة المقال ليؤدي تحية العلم وهو لا يتوقع سوءًا علي الإطلاق؟ هل كانوا يتوقعون في اللحظة نفسها أن تكون تحيتهم للعلم هي الأخيرة؟، هل تعلم ماجدة أنها لولا أنها قدمت فيلمًا نبكي في منتصفه كلما بدأت أغنية (محافظتي الشرقية، ومدرستي بحر البقر الابتدائية، وكراستي مكتوب عليها تاريخ اليوم، مكتوب علي الكراس اسمي، سايل عليه عرقي ودمي، من الجراح اللي في جسمي، ومن شفايف بتنادي، يا بلادي يا بلادي، أنا باحبك يا بلادي) هل تعلم ماجدة أنها لولا هذا الفيلم الذي ننتظره من العام للعام ما كان لقلوبنا أن تذكرها بشيء ؟(الأغنية لفؤاد حداد وبليغ حمدي).

هل كان يعلم السادات عندما قرر أن يحارب الجنود وهم صائمون أنه بعد سنوات ستصدر فتوي تسمح للاعبي كرة القدم بالإفطار في المباريات المهمة؟، وهل كان يعلم أن اختياره للثانية ظهرًا موعدًا للعبور أصبح سلوكًا أصيلاً في حياة المصريين من بعد، حيث يبدأ المصريون كل يوم في الموعد نفسه وبكثافات عالية في العبور من مدينة نصر إلي المهندسين أو العكس، والطريف أنهم يفعلون ذلك عبر كوبري اسمه (6أكتوبر)؟، لا أظن وإن كنت أثق أنه يعرف أن المصريين عندما ينتصف نهارهم وهم صائمون يصبحون في أشد حالات العدوانية، وهو الأمر الذي جعلنا نقضي علي الجيش الإسرائيلي في ست ساعات.

هل كانت تعلم فايزة أحمد أنني لم أكن أحبها حتي صحوت يومًا شاعرًا بكآبة ما مسيطرة علي روحي كانت تقل وطأتها كلما غنيت جملة موسيقية عذبة (ولو خيروني أقول يحرموني ولو نور عيوني واحبك يا مصر)، جملة فشلت في معرفة مصدرها لكنني ظللت متمسكًا بها كحبَّاية مهدئة لمدة يومين وكلما التقيت شخصًا لا أخجل من أن أغنيها أمامه حتي يدلني علي أصلها، إلي أن أخبرتني صديقة أنها من أغنية (باحبك يا بلادي) (الأغنية لمحمد حمزة ومحمد سلطان)، لأقضي بعدها يومين علي الإنترنت بحثًا عنها حتي وجدتها فأرسلتها إلي صديقتي التي أبديت أمامها دهشتي من قدرتها علي التعرف علي أغنية وطنية مجهولة، لكنها فسرت الأمر للدرجة التي تجعلني لا أقاوم دموعي كلما استمعت إلي الأغنية في صباح كل 6 أكتوبر إذ قالت لي إن والدها شهيد

عمر طاهر

هذه غيومى .. فلا تكن " أنا "

2009-12-07T02:02:00.002+02:00

أن تكون " أنا "

- فعليك بالتأقلم منهج للحياة .. لا تتذمر فأنا لا اعرف التذمر
- أصبر .. فالصبر طريق التأقلم
و لا تنسى الحيرة .. فهى من سيونس وحدتك فى طريقك
ولا تنسى أن تعبر فوق ما يعيقك
- لا تلعن ما يعيقك .. و إذا ذكر أمامك فقول أستمتع به
- لا تحزن من من يفضحون فشلك ..
فالقاعدة تقول ..
ما أجمل النجاح بعد ان تتهم بالفشل .. و ما أجمل الفشل و أنت فى الأصل فاشل
ستجد من يؤمن بك .. من قلتهم يمكن أن تحصوهم على أصابع يدك الواحدة ..
و لو كان هناك أقل من أصابع اليد الواحدة كانوا سيكفوا
و لابد ان تعتبر من يؤمنون بك أنهم مجانين .. و أن تحلم بيوم الوصول لأجل إسعادهم
نعم .. ستصل لأن تحلم بيوم الوصول لأجلهم .. فقط لكى ترفع رؤوسهم
فلو فكرت ملياً .. لوجدت راحتك فى الفشل .. و وجدت إرهاقك فى البحث عن ذاتك
- أن لا تتعجب .. فلقد مضى زمن الاندهاش و المفاجأت
- أن تؤمن أن غداً لابد و ان يكون أحلى و أجمل .. مع أنك فى نفس الوقت تراه ملبد بالغيوم
- أن تضحك كثيراً .. فمن الممكن ان يقولوا " سعيد "
فالقاعدة تقول .. أن يقال أنك سعيد أفضل من أن يحن أحدهم عليك بداعى أنك حزين
- أن تسكت ولا تتوعد أحد بنجاحك ..
فأظن انك تعلمت الدرس عندما كنت تتوعد .. و أصبح بين التوعد و النجاح علاقة عكسية
فكلما زاد التوعد مرة .. كلما قل النجاح مرتين أو ثلاث ..
أعذرنى .. لا أريد أن أعرف النتيجة النهائية ..
فلا أطيق أن يعود التوعد و أثبت هل هى مرتين أو ثلاث
- لا تحزن .. فلقد قال الصديق .. " لا تحزن إن الله معنا "
- أن تستعجب من القدر .. و تغضب من قول العندليب مغنياً لكامل الشناوى
" قدر أحمق الخطى .. سحق هامتى خطاه " .. مع انه دائما ما يسحق هامتى
- أن تكره الغربة و تبحث عنها ..
و عندما تبدأ خطواتها تتمنى أن تفشل و تغضب لفشلها !

لو أردت نصيحتى .. فهذه خبرتى .. فلا تكن " أنا "

قلبى شبه سيفى .. درعى عشر أيات

2009-12-06T01:53:00.006+02:00

المستبدة ..

2009-12-02T05:09:00.004+02:00

أنتى التى أسميتها .. تاج البلاد .. أقسى على قلبى و مزقيه لو أساء
يا مستبدة ..
إنى أعانى .. إنى أموت .. إنى حطامـ ..
حاشكى عمرى أن أفكر بـ إنتقامـ ..
إنى لكى قلب و حب و أحترامـ ..

من غير كسوف .. 2

2009-11-23T02:38:00.004+02:00

فى بلادهم ..
"الاحلامـ يعنى واقع .. و الاوهامـ خيال سهل المنال "

و فى بلادى ..
" الاحلامـ كلها اوهامـ .. و الواقع خيال علمى محال يتعاش "

يجازيك يا عم عبد الناصر ..

2009-11-21T18:01:00.002+02:00

الليل مليّل
والألم عاصر
لسه اللي بيبيع أمته كسبان
وكل يوم
أطلع أنا الخاسر
الله يجازيك يا عم عبد الناصر
أما انت خميت مصر دي خمة
يوم ما ناديت بالعشق للأمة
ورطتنا نعشق خريطة عبيطة
وبشر ما نعرفهاش
وبلاد.. ما بنزورهاش
إلا.. فواعلية وبنايين وسواقين
وخدامين.. وطباخين
بلاد أسافرها سعيد
ارجع حزين
حبيتها زي ما قلت لي.. واكتر
ع الأجنبي ما استكترتش عليا تستكتر
ع الاجنبى متزنترتش عليا تتزنتر
ع الأجنبي ما اتنقورتْش عليا تتنقور
تطمع في دمعي
وف تعاسة راتبي.
مُلهم أنا.. واعمل غبي
وادي الألم يا عم عبدالناصر
زاحف وبيحاصر
وآدي الجميع خاسر
وآدي فجر أمتنا الجميل مغلوب
وآدي انتحار الأمة بالمقلوب
وأنا... غريب الدار..
لابسني توب العار
ساكن في وطني بالإيجار

الأهبل و الهمجى و المحترم ..

2009-11-19T15:39:00.007+02:00

الأهبل ..

الهمجى ..

المحترم ..

---------

للتأريخ ..

18 - 11 - 2009

شعب الجزائر الهمجى الأرهابى .. يعتدى على أسياده
أسياده اللى فى يوم بعتولهم جنود و أسلحة و مون علشان يحرروهم
اللى كان الأهبل الزعيم عبد الناصر مهتم بوضعهم فى ظل أحتياج مصر لكل جندى فى حربها
أسياده اللى منهم اللى لحنلهم نشيدهم الوطنى
الهمجى اللى كان بيقتل فى شعبه بالأرهاب و البلطجة
كنا كل يوم نسمع عن عملية أرهابية راح ضحيتها كام واحد
و بعديها بساعة مذبحة راح ضحيتها كام طفل
نسوا كل دا .. و أفتكروا أنهم أحفاد الشهداء ..

رئيس دولة .. يخرج 10 تلاف مسجون و مسجل خطر للذهاب للسودان
الفيديو اللى فوق اللى تحت عنوان الهمجى .. كانوا بيرقصوا فيه بالسكاكين و المطاوى

بس دى غلطتنا .. ما احنا عندنا صيع .. و أحنا اللى اخترعنا الرقص بالمطاوى
بس للأسف شحنا فنانين و ممثلين و سياسيين

أسمع كلب أبن كلب يقولى عروبة أو قومية أو الحلم العربى ..

------

للأمانة ..

شكرا لشعب فلسطين و شعب غزة بالخصوص ..
الناس دى اللى فرحتلنا بجد .. و خصوصا غزة

شكرا لكل واحد شجعنا و رفع علمنا و هتف بأسم لاعيبتنا
و شكرا لكل لاعب .. شرفتونا فى كل مكان روحتوه
أنجازاتكوا تسد عين الشمس .. الحمد لله على كل شىء

-----

علمتنى كرة القدم ..

2009-11-18T12:41:00.002+02:00

علمتنى كرة القدم ..
عندما أختلف مع شخص غير معروف بالنسبالى و نصل للنهاية فى النقاش
أن أتركه و أذهب معطيه ظهرى و أن أرفع يدى مشوحا له

علمتنى كرة القدم ..
أن أضع جزء من أحلامى و أمالى فى أقدام 11 لاعباً
و ان أفرح للفوز و أحزن للهزيمة بسبب أقدام 11 لاعباً

علمتنى كرة القدم ..
أن اكون فليسوف عصرى و أن أتحدث قبل المباراة عن الخطة السليمة و التشكيل السليم

علمتنى كرة القدم ..
كيف أشتم بالأغانى و الألحان ..
و أن أستمتع بشتيمة الفريق المنافس مع أنى أجلس فى بيتى

علمتنى كرة القدم ..
أن أشتم اللاعب المنافس فى أى مكان عام .. تحت بند العصبية
و أن يغفر لى والدى عندما أشتم لاعب أمامه .. تحت بند مشجع و متعصب

علمتنى كرة القدم ..
أن لا أنسى .. فأتذكر المباراة التى كانت فى السنة التى كانت عندما كان و كان و كان
و أن أرد الأساءة .. مرة و مرتين

علمتنى كرة القدم ..
أن أتمنى إصابة فلان .. حتى تزول خطورته فى المباراة القادمة

علمتنى كرة القدم ..
أن أجلس ساعتين متواصلتين بين شحن و تعصب و خوف و ترقب

----------

لا أعلم .. هل ستعلمنى كرة القدم .. أن أرفع طوبة أو أمسك ناراً
لا أعلم .. هل ستعلمنى كرة القدم .. أن أسافر ورا فريقى اى مكان فى اى زمان

----------

للتأريخ ..
18 - 11 - 2009 .. السودان
المباراة الفاصلة بين مصر و الجزائر على بطاقة التأهل لكاس العالم 2010
أخر بطاقة أفريقية مع .. الكاميرون و كوت ديفوار و نيجيريا و غانا
الفريق الذى سيصعد سيمثل كل العرب فى المونديال

كل الناس بتقول يارب .. يااااااااااااااااااااااااااااارب :)

صانع الفرج ..

2009-11-12T03:56:00.003+02:00

يقولون ان لكل كرب فرج .. و لكل مشكلة حل ..
و إذا ضاقت و أستحكمت حلقاتها فستنفرط بدون سابق إنذار
و أقول .. اننى قررت أن أصنع فرجى .. و ان أضف لقب صانع الفرج لأسمى
فلقد سئمت الانتظار .. سئمت أبتسامات الشفقة و كلمات المواساة
سيقولون .. أتكفر ؟
و أقول .. لا دخل للكفر فى ما أقول .. فقط أعلم ان الدنيا ستسير إلى
سيقولون .. و ماهى مشاكلكـ يا صانع الفرج و مفرط الحلقات
بعد ما قولت مشاكلى .. سيقولون .. يا لتفاهة مشاكلكـ ؟!
و أقول .. لو ظهر لكم من مشاكلى فلا تقللوا من شائنها و قولوا لم يظهر بعد أغلب مشاكله
فقط أحدثكم بما تريدون ان تسمعوا .. ولا أحدثكم بما أريد ان أقول
سيقولون .. و ماذا ستفعل يا فارس عصرك و زمانكـ !!
أقول .. سترون يوماً ماذا سيصنع ذلك العاجز
سيقولون .. الفرسان و العاجزون فقط من يختارون الطرق الصعبة
و أقول .. للعاجزون و الفرسان حرية الاختيار .. و لكنى قررت أن أتخلى عن أختياراتى
سيقولون .. سنرى و لكنكـ لن تصمد ..
و أقول .. مازلت احلم باليوم الذى أريكم فيه رقصى الجميل
لا أريد الأنتقام .. فقط أريد ان تخجلوا بما كنتم تظنوا بى
فقط أريد أن أرفع لها رأسها التى لطالما أخفضتها بسخافاتى و فشلى المتواصل
أريد ان أحدثها فى أذانها و انا ممسكاً يديها ..
ألم أقل لكى فصبراً جميلاً و الله المستعان على ما يصفون ..
فتبتسم و يرسم على وجها علامات الرضا
و تربط على كتفى .. مشيرة لى بأنها أدت ما عليها
فأقبل يدها ..

من غير كسوف ..

2009-11-11T03:15:00.004+02:00

إزاى يبقى نيلنا .. و يجرى لغيرنا !!

يوم وفاة الرئيس .. ( 1 )

2009-10-26T02:33:00.005+02:00

الرجل : ألو .. مين معايا
الرجل ( فى ذهول ) : كان امتى الكلام دا .. انا جاى حالاً

الرجل : ألو .. مين معايا
الرجل ( فى حزن ) : لا حول ولا قوة إلا بالله .. لله ما أعطى و لله ما اخذ
أنا جاى حالاً

ارتدى الرجل الاول .. بدلته الحزينة .. و تأكد من وجود منديل البدلة فى جيبها الأمامى
حتى يتسنى له ان يمسح بها دموعه .. معلناً بها انه حزين أشد الحزن

و أرتدى الرجل الثانى .. جلبابه المعتاد .. و تأكد من لفة عمامته فوق رأسه
حتى يتسنى له أن يرفعها عن الدخول على مولاه .. تحية و إجلال له و لمماته

حشود هائلة أمامـ القصر .. يتحركـ أولاد الرئيس فى ذهول و خوف و أطمئنان
لا يشغلهما أى شىء سوى جثمان والدهما .. فدائما ما أطمئن قلبهما
بشده حذر والدهما .. و أستعداد والدهما لمثل هذا اليوم ع أقرب الناس له

يتحدث البعض على وصية الرئيس ..
يقول وزير دفاعه .. أنه كان يظن ان الموت يلاحقه فى أخر أيامه
و انه طلبه يوماً ما للذهاب إلى قصره بعيدا عن الاعلامـ و الصحفيين
و أوصاه .. ان يتحكم جيداً من مبنى الأذاعة و التلفزيون و أرسال القمر الصناعى
و ان يغلق الانترنت عن مصر تماما .. و أن يقطع ما يصل بها و بين العالمـ
و ان لا يعلن الخبر ألا بعد ان تستقر الامور و يطمئن قلب وزير دفاعه و داخليته
عن ان كل الامور تحت السيطرة مثل ما كانت فى وجوده تماما

وصل شيخ الأزهر .. يظهر الحزن على وجه .. تمتلى الدموع عيناه
يدخل شيخ الأزهر القصر باكياً .. لا يتحدث لأحد
يدخل إلى زوجه الرئيس ليعزيها و ينعى لها رئيسه نيابة عنه و نيابة عن جموع شيوخ الازهر
يصافح اولاد الرئيس .. يطمئن ولده الأكبر بانه من سيغسل الرئيس و انه لا داعى للقلق
يقطع الحديث الأبن الأضغر فى عنف .. لن يغسله أحد غيرى .. فقط علمنى كيف يتم الغسل
يرد الأمام فى هدوء .. لطفاً يا بنى .. سأساعدكـ و لتعمل معى أنا و انت فقط لغسل الرئيس
يبكى الأبن الأصغر فى هدوء مظهراً برأسه علامة تدل على موافقته

وصل أيضا بعد شيخ الازهر .. رئيس الوزراء
يدخل رئيس الوزراء القصر .. باكياً .. متحطماً .. مطأطأ الرأس
يصافح زوجة الرئيس .. و يعلن لها حزنه .. و انه و وزارته تحت أمرها فى اى شىء
تطلب منه الانحناء لتحدثه فى سكون حتى لا يسمع احد من من حولهما
تخبره بانه عليه أن يتوجه للطابق الاعلى ..
حيث يجلس وزير الدفاع و المخابرات و الداخلية و الخارجية و الاعلام و الأتصالات
يتحدثون عن كيف ستدور الأمور .. و كيف ستمر بمصر تلك الليالى السوداء _ كما وصفتها هى _

لمـ يهدأ الحرس القديم الذين مازالوا فى السلطة
يريدون ان يعلموا كيف ستدار الأمور .. معلنين غضبهم لزوجة الرئيس
بانهم أولى من هؤلاء الصبية الذين يجلسون فوق .. و أنهم يحبون الرئيس أكثر من أى شخص
تهدأهم هى و تبتسم لهم و تخبرهم .. بأن هؤلاء الصبية يعملون فى جد و تعب و انتماء و ولاء للرئيس
و انهم الان ينفذون وصيته .. و لا خوف عليهم

يتحدث أخرون عن وصية الرئيس ..
بانه أوصى وزير داخليته أن ينزل كل جنود امنه المركزى إلى الشوارع فى خفة
حتى لا يشعر الناس بأن هناكـ شيئاً ما يحدث .. و أن لا يستهان بذكاء المصريين
و ان يسيطر فى خفة على أهم المراكز الأستراتيجية فى مصر ..
و انا يساعد وزير الدفاع فى السيطرة على مخارج و مداخل البلاد
و خصوصا حلايب و شلاتين و سيناء ..

ينزل رئيس الوزراء ممسكاً بطرابزين سلالم القصر ..
فى مشهد يدل على الحزن و الأنكسار و فى نفس الوقت يمثل دور القوى القادر على فعل كل شىء
يعلن لزوجة الرئيس انه على أتم الأستعداد الأن ..
و انه أستعرض مع وزراء الداخلية و المخابرات و الدفاع و الخارجية و الاعلام و الأتصالات
جميع وصايا الرئيس الراحل .. و انه على اتم الأستعداد الأن للأعلان عن وفاة الرئيس

يخرج شيخ الازهر من الغرفة التى يرقد فيها سيادة الرئيس
و فى يده أبنه الأصغر .. معلنين لزوجة الرئيس أنهم الان على اتم الأستعداد
و انهم انهوا كافة أجراءات غسيل سيادته .. الغسل الشرعى فى حضور أبنه الأصغر

يتحدث أخرون عن وصية الرئيس ..
بانه أوصى رئيس وزرائه بأن لا يتم الاعلان عن وفاته إلا بعد التأكد من أن كل الامور معدة جيداً و مجهزة جيداً
و انه لا يريد أن يخطأ خطاً واحداً .. حتى لا يكون تكلفة الخطأ باهظة فى هذه الاوقات
و انه أمره ان يتم الأحتكام للدستور و خصوصا البند الخص بمرض الرئيس او وفاته لا قدر الله
و أن ينفذه فى أسرع وقت و أن يحكم مصر حكماً أنتقاليا لا يزيد عن 6 أشهر
يعلن بعدها موعد الانتخابات الرئاسية ولا يرشح نفسه

الجميع ينتظر ساعة الصفر للاعلان عن وفاة الرئيس ..
وزير الدفاع اعطى أشارة التأكيد على أن كل الامور تحت السيطرة
و ان الجيش يتعاون مع الداخلية فى السيطرة على الشارع
و يتعاون معاها فى السيطرة على مخارج و مداخل البلاد

وزير الأتصالات يعلن رسميا وجود خطأ ما فى كابلات الأنترنت و الاتصالات الدولية
أدى إلى تعطل الخدمة و انها ستعود فى أقرب فرصة مؤكداً أنه يعمل فى كل جد و تعب لأصلاح هذه العيوب

وزير الاعلام يطمئن بنفسه ان الجيش و الامن يحاصر مبنى التلفزيون
و مدينة الانتاج الاعلامى و القمر الصناعى النايل سات
و انه جاهز لأذاعة خطاب الوفاة ..

وزير الخارجية يؤكد أنه أول من اتم كل أستعدادته لهذا الموقف
بانه يراقب الوضع خارجيا مع جميع السفراء و على أتصال دائم بهما
و ان القطع فى الاتصالات الدولية لم يعوقه لأنه يستخدم تقنية حديثة لم يتعلمها سوا من بعض ساعات

يتحدث أخرون عن وصية الرئيس ..
بانه اختار كلا من أبنه الأصغر و مدير مخابراته أن يلقيا خطاب الوفاة
بحيث يلقى أحدهما الخطاب و يجلس الأخر بجواره .. و لم يحدد من يلقى الخطاب

تتحرك سيارة مسرعة عابرة للأبواب الرئيسية للقصر الجمهورى
تضم بين جناباتها مدير المخابرات و الأبن الأصغر متجه لمبنى التلفزيون لأذاعة الخبر

أيش عرفنى أنا ؟!!

2009-10-24T03:09:00.003+02:00

يمكن ساعات كتير دافعت عن الراجل دا ..
و ساعات قولت و زيدت و طلبت يتدخل فى حاجات كتير ..
بس كالعادة .. صممـ أنه يخسر تعاطفى فى كل مرة
كالعادة .. كسب رهانى بأنه لن يتعلمـ لا من فترة حكمـ أبوه ولا حتى من اوباما
الحمد لله .. أطمئن قلبى تجاه الراجل دا .. بإنى دافعت عنه و لما طلبت حاجات بسيطة ولا اتحركـ
واثق و عارف أنه على دراية بكل شىء بيتمـ فى مدوناتنا ..
بنفس الثقة و الدراية اللى كانت عندى انه مش حيساعد ولا حيتغير ..

حملة أيش عرفكـ انت .. عند نوارة نجمـ

قرارى أخدته ..
يومـ الانتخابات أصحى الصبح بدرى الساعة 7 ..
أخد بطاقتى الانتخابية .. و أطلع على لجنتى الأنتخابية .. اعلمـ على كل المرشحين
يصبح صوتى باطل ..

كسبت الأتى ..

1 - محدش خد صوتى و مضى مكانى و زوره
2 - مأنتخبتش حد و يطلع فاكس
3 - أستحالة أنتخاب شخص و يطلع قد المسئولية
4 - أقف و أعلى صوتى فى وش اى حد .. مأنتخبتش حد فيهمـ .. كلهمـ كلاب
5 - أيش عرفنى أنا .. إذا كانت الحلوة حتطلع محترمة .. ولا زى ما توقعنا 28 سنة أخرى

لو سألتك أنت امريكى تقولى أيه !!

2009-10-20T03:19:00.002+02:00

Hello everyone – how’s everybody doing today? I’m here with students at Wakefield
High School in Arlington, Virginia. And we’ve got students tuning in from all across
America, kindergarten through twelfth grade. I’m glad you all could join us today.
I know that for many of you, today is the first day of school. And for those of you in
kindergarten, or starting middle or high school, it’s your first day in a new school, so it’s
understandable if you’re a little nervous. I imagine there are some seniors out there who
are feeling pretty good right now, with just one more year to go. And no matter what
grade you’re in, some of you are probably wishing it were still summer, and you could’ve
stayed in bed just a little longer this morning.
I know that feeling. When I was young, my family lived in Indonesia for a few years, and
my mother didn’t have the money to send me where all the American kids went to
school. So she decided to teach me extra lessons herself, Monday through Friday – at
4:30 in the morning.
Now I wasn’t too happy about getting up that early. A lot of times, I’d fall asleep right
there at the kitchen table. But whenever I’d complain, my mother would just give me one
of those looks and say, "This is no picnic for me either, buster."
So I know some of you are still adjusting to being back at school. But I’m here today
because I have something important to discuss with you. I’m here because I want to talk
with you about your education and what’s expected of all of you in this new school year.
Now I’ve given a lot of speeches about education. And I’ve talked a lot about
responsibility.
I’ve talked about your teachers’ responsibility for inspiring you, and pushing you to
learn.
I’ve talked about your parents’ responsibility for making sure you stay on track, and get
your homework done, and don’t spend every waking hour in front of the TV or with that
Xbox.
I’ve talked a lot about your government’s responsibility for setting high standards,
supporting teachers and principals, and turning around schools that aren’t working where
students aren’t getting the opportunities they deserve.
But at the end of the day, we can have the most dedicated teachers, the most supportive
parents, and the best schools in the world – and none of it will matter unless all of you
fulfill your responsibilities. Unless you show up to those schools; pay attention to those
teachers; listen to your parents, grandparents and other adults; and put in the hard work it
takes to succeed.
And that’s what I want to focus on today: the responsibility each of you has for your
education. I want to start with the responsibility you have to yourself. Every single one of you has something you’re good at. Every single one of you has
something to offer. And you have a responsibility to yourself to discover what that
is. That’s the opportunity an education can provide.
Maybe you could be a good writer – maybe even good enough to write a book or articles
in a newspaper – but you might not know it until you write a paper for your English
class. Maybe you could be an innovator or an inventor – maybe even good enough to
come up with the next iPhone or a new medicine or vaccine – but you might not know it
until you do a project for your science class. Maybe you could be a mayor or a Senator or
a Supreme Court Justice, but you might not know that until you join student government
or the debate team.
And no matter what you want to do with your life – I guarantee that you’ll need an
education to do it. You want to be a doctor, or a teacher, or a police officer? You want to
be a nurse or an architect, a lawyer or a member of our military? You’re going to need a
good education for every single one of those careers. You can’t drop out of school and
just drop into a good job. You’ve got to work for it and train for it and learn for it.
And this isn’t just important for your own life and your own future. What you make of
your education will decide nothing less than the future of this country. What you’re
learning in school today will determine whether we as a nation can meet our greatest
challenges in the future
You’ll need the knowledge and problem-solving skills you learn in science and math to
cure diseases like cancer and AIDS, and to develop new energy technologies and protect
our environment. You’ll need the insights and critical thinking skills you gain in history
and social studies to fight poverty and homelessness, crime and discrimination, and make
our nation more fair and more free. You’ll need the creativity and ingenuity you develop
in all your classes to build new companies that will create new jobs and boost our
economy.
We need every single one of you to develop your talents, skills and intellect so you can
help solve our most difficult problems. If you don’t do that – if you quit on school –
you’re not just quitting on yourself, you’re quitting on your country.
Now I know it’s not always easy to do well in school. I know a lot of you have challenges
in your lives right now that can make it hard to focus on your schoolwork.
I get it. I know what that’s like. My father left my family when I was two years old, and I
was raised by a single mother who struggled at times to pay the bills and wasn’t always
able to give us things the other kids had. There were times when I missed having a father
in my life. There were times when I was lonely and felt like I didn’t fit in.
So I wasn’t always as focused as I should have been. I did some things I’m not proud of,
and got in more trouble than I should have. And my life could have easily taken a turn for
the worse.
But I was fortunate. I got a lot of second chances and had the opportunity to go to
college, and law school, and follow my dreams. My wife, our First Lady Michelle
Obama, has a similar story. Neither of her parents had gone to college, and they didn’t
have much. But they worked hard, and she worked hard, so that she could go to the best
schools in this country.
Some of you might not have those advantages. Maybe you don’t have adults in your life
who give you the support that you need. Maybe someone in your family has lost their job,
and there’s not enough money to go around. Maybe you live in a neighborhood where you don’t feel safe, or have friends who are pressuring you to do things you know aren’t
right.
But at the end of the day, the circumstances of your life – what you look like, where you
come from, how much money you have, what you’ve got going on at home – that’s no
excuse for neglecting your homework or having a bad attitude. That’s no excuse for
talking back to your teacher, or cutting class, or dropping out of school. That’s no excuse
for not trying.
Where you are right now doesn’t have to determine where you’ll end up. No one’s
written your destiny for you. Here in America, you write your own destiny. You make
your own future.
That’s what young people like you are doing every day, all across America.
Young people like Jazmin Perez, from Roma, Texas. Jazmin didn’t speak English when
she first started school. Hardly anyone in her hometown went to college, and neither of
her parents had gone either. But she worked hard, earned good grades, got a scholarship
to Brown University, and is now in graduate school, studying public health, on her way to
being Dr. Jazmin Perez.
I’m thinking about Andoni Schultz, from Los Altos, California, who’s fought brain
cancer since he was three. He’s endured all sorts of treatments and surgeries, one of
which affected his memory, so it took him much longer – hundreds of extra hours – to do
his schoolwork. But he never fell behind, and he’s headed to college this fall.
And then there’s Shantell Steve, from my hometown of Chicago, Illinois. Even when
bouncing from foster home to foster home in the toughest neighborhoods, she managed to
get a job at a local health center; start a program to keep young people out of gangs; and
she’s on track to graduate high school with honors and go on to college.
Jazmin, Andoni and Shantell aren’t any different from any of you. They faced challenges
in their lives just like you do. But they refused to give up. They chose to take
responsibility for their education and set goals for themselves. And I expect all of you to
do the same.
That’s why today, I’m calling on each of you to set your own goals for your education –
and to do everything you can to meet them. Your goal can be something as simple as
doing all your homework, paying attention in class, or spending time each day reading a
book. Maybe you’ll decide to get involved in an extracurricular activity, or volunteer in
your community. Maybe you’ll decide to stand up for kids who are being teased or
bullied because of who they are or how they look, because you believe, like I do, that all
kids deserve a safe environment to study and learn. Maybe you’ll decide to take better
care of yourself so you can be more ready to learn. And along those lines, I hope you’ll
all wash your hands a lot, and stay home from school when you don’t feel well, so we can
keep people from getting the flu this fall and winter.
Whatever you resolve to do, I want you to commit to it. I want you to really work at it.
I know that sometimes, you get the sense from TV that you can be rich and successful
without any hard work -- that your ticket to success is through rapping or basketball or
being a reality TV star, when chances are, you’re not going to be any of those things.
But the truth is, being successful is hard. You won’t love every subject you study. You
won’t click with every teacher. Not every homework assignment will seem completely
relevant to your life right this minute. And you won’t necessarily succeed at everything
the first time you try. That’s OK. Some of the most successful people in the world are the ones who’ve had the
most failures. JK Rowling’s first Harry Potter book was rejected twelve times before it
was finally published. Michael Jordan was cut from his high school basketball team, and
he lost hundreds of games and missed thousands of shots during his career. But he once
said, "I have failed over and over and over again in my life. And that is why I succeed."
These people succeeded because they understand that you can’t let your failures define
you – you have to let them teach you. You have to let them show you what to do
differently next time. If you get in trouble, that doesn’t mean you’re a troublemaker, it
means you need to try harder to behave. If you get a bad grade, that doesn’t mean you’re
stupid, it just means you need to spend more time studying.
No one’s born being good at things, you become good at things through hard
work. You’re not a varsity athlete the first time you play a new sport. You don’t hit every
note the first time you sing a song. You’ve got to practice. It’s the same with your
schoolwork. You might have to do a math problem a few times before you get it right, or
read something a few times before you understand it, or do a few drafts of a paper before
it’s good enough to hand in.
Don’t be afraid to ask questions. Don’t be afraid to ask for help when you need it. I do
that every day. Asking for help isn’t a sign of weakness, it’s a sign of strength. It shows
you have the courage to admit when you don’t know something, and to learn something
new. So find an adult you trust – a parent, grandparent or teacher; a coach or counselor –
and ask them to help you stay on track to meet your goals.
And even when you’re struggling, even when you’re discouraged, and you feel like other
people have given up on you – don’t ever give up on yourself. Because when you give up
on yourself, you give up on your country.
The story of America isn’t about people who quit when things got tough. It’s about
people who kept going, who tried harder, who loved their country too much to do
anything less than their best.
It’s the story of students who sat where you sit 250 years ago, and went on to wage a
revolution and found this nation. Students who sat where you sit 75 years ago who
overcame a Depression and won a world war; who fought for civil rights and put a man
on the moon. Students who sat where you sit 20 years ago who founded Google, Twitter
and Facebook and changed the way we communicate with each other.
So today, I want to ask you, what’s your contribution going to be? What problems are
you going to solve? What discoveries will you make? What will a president who comes
here in twenty or fifty or one hundred years say about what all of you did for this
country?
Your families, your teachers, and I are doing everything we can to make sure you have
the education you need to answer these questions. I’m working hard to fix up your
classrooms and get you the books, equipment and computers you need to learn. But
you’ve got to do your part too. So I expect you to get serious this year. I expect you to put
your best effort into everything you do. I expect great things from each of you. So don’t
let us down – don’t let your family or your country or yourself down. Make us all
proud. I know you can do it.
Thank you, God bless you, and God bless America

Source: The White House

::..::..::..::..::

انا مش متخيل أمريكى يكون ناقمـ على بلده ..
انا لو عليا أعمل الخطاب كله بالاحمر .. بجد حاجة تحفة .. انا كنت عايش معاه و هوا بيتكلمـ
ولا أمثلته .. عارف انه بيكلمـ طلاب .. لازمـ يكلمهمـ عن ناس يكونوا هما مهوسين بيهمـ
كلمهمـ عن JK Rowling بتاع هارى بوتر ..
كلمهمـ عن Michael Jordan نجمـ نجومـ الباسكيت فى أمريكا ..
و كلمهمـ عن العلماء و ازاى كانوا بيشتغلوا ..
و كلمهمـ عنه .. و أنه قد أيه تعب فى صغره .. و انه مبيتكسفش فى طلب المساعدة لغاية دلوقتى
انا مش متخيل لو كنت طالب امريكى و قاعد اول يومت فى المدرسة بسمع الخطاب دا
أزاى أطلع فاشل او أطلع حد ملوش لازمة ..

رئيس بلدى صحى الصبح و جالى مدرستى علشان يقولى خلى بالك من بلدك
بلدك محتاجك .. بلدك عايزة علماء و دكاترة ولاعيبة و مخترعين

رئيس جاى يقولى علشان تبقى دكتور لازم تنجح .. و علشان تبقى كاتب لازم تنجح
مش شرط تكون ممتاز فى كله .. مش شرط تكون بتحب كل الأساتذة
بس شرط أنك تتفوق ..

محدش طلع عارف كل حاجة او اى حاجة .. كلهم حاولوا و فشلوا و بعد ده نجحوا

هبت عليا اغنية الست نانسى و انا بسمع الراجل .. و هى بتشدو برائعتها لو سألتك انت مصرى تقولى أيه ؟
طيب لو كان السؤال .. لو سألتك أنت امريكى تقولى أيه ؟؟

::..::..::..::..::.::

ملاحظات على الخطاب ..

1 - فى واحدة كانت بتصوره فى الدقيقة 18:49 كانت لابسة طرحة على راسها
هى مش طرحة طرحة .. بس حاجة كده شبه حجاب الحاجة عائشة عبد الهادى
وزيرة القوى العاملة ..
لا حد منعها ولا حد قالها .. الريس جاى بعد أذنك أقلعى الطرحة

2 - فى اخر خطابه قال أوباما
God bless you, and God bless America
لا حد قاله يا عرعور .. ولا حد قال انه ضرب العلمانية فى مقتل

3 - شوفوا خوف الراجل على التعليم فى بلده .. شوفه خلفية الخطاب
My education , My future

4 - مع كل دا رئيسنا المبجل مصممـ ان الزيادة السكانية مميته و بتهد كل الأصلاحات
رئيس هناكـ بيرحب بيهمـ فى يومهمـ الاول .. و رئيسنا بيقولنا كتكوا نيلة

5 - الخطاب من يومـ 4 / 9 / 2009
بس مكنتش عارف أجيب نصه بالظبط .. لما وصلتله بالصدفة قولت محرمكوش منه
و اهو بدل ما أتغاظ لوحدى .. نتغاظ سوا سوا

14 أكتوبر .. يوم رد الجميل أم يوم كعادته ؟

2009-10-13T01:52:00.003+02:00

فى مثل هذا اليومـ من عامـ 1981 ..
تولى الرئيس محمد حسنى مباركـ حكمـ مصر ..
28 عاماً .. قضاها على رأس أكبر سلطة فى مصر ..
من الناس من رأى أنه قابع على انفاس المصريين ..
و منهمـ من يرى فيه أنه الخلاص و أفضل من حكمـ و قاد مصر نحو ما ألت عليه الأن ..
28 عاماً .. بكلمة منه من الممكن أن يغفر له الكثير ما فات و ما حدث فى 28 عاماً من الحكمـ ..
بكلمة منه .. تنقل مصر من صفوف الدول الرجعية .. دول العالمـ الثالث .. بلاد الحكمـ مدى الحياة
بكلمة منه .. من الممكن ان يصالح من خاصمه و عداه ..
بكلمة منه .. من الممكن أن يحرج أعدائه و خصومه السياسيين ..

لماذا لا يخرج علينا رئيس جمهوريتنا ليزف لنا خبر ..
تحديد مدد الرئاسة .. فترتين .. أو ثلاث فترات
ماذا ينتظر ؟

بالورقة و القلمـ .. و بما حدث لمن قبله .. و بما يعتبر من قوانين الطبيعة

أن ما قادمـ أقصر بكثير مما فات .. لن يكون فى الحكمـ أكثر مما فات
فمن يحمى مباركـ و هو من ملىء الدنيا تصريحات ان جمال لن يكون رئيس مصر القادمـ ؟؟
ماذا ينتظر سيادته حتى يرى فى أعين شعبه نظرة ثقة و فرحة ..
ثقة من مستقبل قادمـ بتعديل فى مدد الرئاسة و تحديدها حتى لا تبقى لكل من هب و دب
فرحة أن كل الأمانى ممكنة .. كل الأحلامـ بسهولة ان تتحقق

فليخرج إلينا من مدرسة المساعى المشكورة مبشراً ..
يزف لنا نبأ ان مصر لن تستحمل و لن تكون على مدار 28 عاماً مع رجلاً أخر ..

فلينظر للأمامـ ..
مباركـ خط أحمر و من يأتى بعده لن يكون خط أحمر ..
جمال غدا رئيس .. بعد غداً من الممكن ان يُغدر به من رجال الحرس القديمـ او خونة الحرس الجديد
جمال غداً رئيس .. بعد غداً من الممكن ان تقومـ ثورة عسكرية
جمال غداً رئيس .. بعد غداً من الممكن ان تقومت ثورة شعبية أو ثورة جياع
أيحب مباركـ .. ان يقتل أو رحل أو يشنق جمال إبنه ..
جمال لن يكون فى حنكة مباركـ و دهائه و إمساكه بالأمور ..

أقترح ..

1 - لماذا لا يسن فى الدستور أن من بعد مباركـ فترتين رئاسيتين فقط ..
و بهذا حمى الرئيس نفسه من مشقة ان يخرج من الحكمـ بعد كل هذا العمر
فنحن نستطيع ان نتعايش مع مباركـ لا مع غيره

2 - لماذا لا يسن قانون بحماية أفراد عائلة الرئيس بعد خروجه او بعد وفاته
و بهذا يحمى الرئيس عائلته ولا يحتاج لأن يحمى أبنه ببقائه 28 عاماً تاليين
فنحن ننسى دائما ما حدث لنا و نوفى دائما بوعودنا

..::..::..::..::..::..::..

مباركـ لمس فى وفاة حفيده رحمه الله .. لمسة وفاء من شعبه
ألمـ يان أن يلمس شعبه لمسة أمان من مباركـ

تعودنا دائماً .. أن تكون حريتنا و تعديلاتنا و مطالبنا منحة من الحاكمـ
فلتعود أبنائنا و أحفادنا ان الحرية ليست هبة يهبها الحاكمـ لمن يشاء

حان وقت رد الجميل أم لم يحن بعد ؟؟

زبالتنا و خطابنا الدينى ( 1 )

2009-10-07T12:06:00.003+02:00

قادنى قدرى أن أصلى أخر 3 جمع فى 3 مساجد مختلفة
أختلف المكان .. و أختلف الشيوخ و توجهاتهمـ .. و بقى الموت و الحديث عنه
3 خطب يتحدثون عن الموت و أستقبال الموت و حسن الخاتمة
أختلفت التوجهات .. بين شيخ سلفى و أخر أخوانى و أخر حكومى
أتفقوا .. على حسن الخاتمة و كيف أنها تقود المسلمـ أما للجنة أو للنار

لمـ أرى على مادار 3 جمع .. خطبة تحدث المسلمين عن أنفلونزا الخنازير
لمـ أرى خطبة تحدثنا على أن النظافة لا تجلب الأمراض و الأوبئة
و أن القذارة و عدمـ النظافة لا تأتى مع الصلاة و الصيامـ

قال أحد الشيوخ .. أن المسلمـ يبعث على ما مات عليه
فأخذت رأسى تتسائل ..
و هل اذا بعث المسلمـ و هو يلقى بزبالته فى عرض الطريق .. فى الجنة أم فى النار ؟؟
و أخذت رأسى تتسائل مرة أخرى ..
هل تحول الأسلامـ لدين أخرة ؟؟ .. و اذا كان هكذا لم اذاً حسن الخاتمة ؟؟

لا أعلمـ من المستفيد أن تدور جميع حلقات العلمـ و جميع الخطب و جميع المنابر
عن النار و جحيمها و الجنة و نعيمها ..
تختلف التوجهات .. و تختلف الأماكن و الأزمنة .. ولا يختلف الخطاب الدينى
أدخل فى حيرة .. فأحياناً أحتاج أن أبرر ما يحدث بنظرية المؤامرة .. حتى ترتاح حيرتى
فلا أجد لها واقع ..

كيف لى ان ادخل الجنة و أنا أؤذى جارى بزبالتى و قذارتى .. ؟
و كيف لى أن أدخل الجنة و خلف المدرسة و المستشفى مقلب زبالة .. ؟؟
كيف لى ان أدخل الجنة و أنا سلبى لا أريد أن أصلح .. ؟

يا شيوخنا .. لست فى حاجة إلى خطبكمـ الصماء حتى أعرف أخرتى و دنيايا
و لست فى حاجة إلى أن أمكث أمامـ أحدى قنواتكمـ لأعلمـ ما حكمـ أن يجامع الرجل زوجته فى نهار رمضان
و لست فى حاجة إلى أن أذهب و ان أحج أليكمـ لأعلمـ ما علي فعله و ما علي أن لا أفعله
لست لأنى أحدى علماء الأرض .. ولا لأنى أحدى أفضل ما انجبت الأرض
و لكن لأنى سئمت الحيرة من أمرى ..
سئمت أن أضيع وقتى فى سؤال عن زوجى يعطينى ظهره و هو نائمـ .. ماذا أفعل يا مولنا ؟

تسألون اذاً .. لماذا يخاطبنا و ينادى فينا ..
أخاطبكمـ و أنادى فيكمـ .. لأن مريدكمـ و شبابكمـ كثيرون ..
فأنتمـ تخاطبون فئة لا يستهان بها .. فئة إن تحركت و فاقت .. ستنجو سفينتنا
فسفينة الوطن .. بها أنا و انتمـ و هؤلاء ..
أخاطبكمـ لأن أسلامنا سئمـ منا و من أفعالنا ..
سئمـ من قومـ سلبى لا يعمل .. لا يرفع زبالته .. ينظف بيته و يفسد شارعه
قومـ يرفع رايته و يرفض أن يرفعها غيره و يتباهى بها فى كل مكان ..
ولا يعرف أن تباهيه بها يخفض من قيمتها و يدنو بها ..
فكيف لى و أذا كنت غير مسلمـ و نزلت بلاد المسلمين ..
أدلونى أين أذهب لكى أرى مسلمين ؟
إلى أين أذهب ؟؟ .. أريد أن أرى أسلاماً و مسلمين ؟؟ .. أين أذهب ؟؟

يا شيوخنا .. أرفعوا الزبالة من عقول المسلمين .. ترفع الزبالة من أراضيهمـ
حثوا شبابنا على العمل و العلمـ .. و أن الجهاد يكون بالعلمـ كما يكون بالسلاح
علموا أولادنا أن الأسلامـ دين حياة و أخرة .. و من صلحت دنياه صلحت أخرته
علموا أولادنا أن نظافة بيوتنا و شوارعنا و مدارسنا و مستشفياتنا من أسلامنا
كونوا قدوة لنا .. عمروا الأرض بالأيمان .. حرروا عقولنا من زبالتها
مصرنا أمانة فى عنقنا .. أمانة فى عنق السلفى و الاخوانى و الحكومى

ندافع عن غزة مرراً و تكرراً .. حملات عن التبرعات لغزة و لأهل فلسطين
منابر ترفع فيها .. أفتحوا أبواب الجهاد .. و أخرى ناصروا أخوانكمـ بالمال
و لمـ أرى منبر .. يقول نظفوا بيوتكمـ تنجوا من أنفلونزا خنازيركمـ
لمـ أرى منبر .. يقود حملة لنظافة أحيائنا و شوارعنا
لمـ أرى منبر .. يحث المسلمين على رفع زبالتهمـ

طالما كان شيوخنا فى وادى و نحن فى وادى ..
فلا تلومنا اذا كان أسلامنا فى وادى و نحن فى وادى ..

لقد سمعت لو نديت مصرياً .. و لكن لا وطنية لمن تنادى

قرأت لكـ هذا الصباح .. 28 / 9 / 2009

2009-09-28T17:52:00.004+02:00

فى واحدة من أفضل ما أصدرت المصرى اليومـ ..
أنتقيت لكمـ أجمل ما صدر فى عدد اليومـ ..

أحمد المسلمانى ..
يدافع عن الليبراليون .. بعنوان " ليبراليون ضد التطبيع 1 "
رافضاً تلكـ العادة الفكرية الخاطئة التى تقول
" أخوان و يساريين ضد التطبيع .. و ليبراليون مع التطبيع "
و وصف متعهدى الليبرالية المطبعين بانهمـ محدودى الموهبة

نص المقــال

بلال فضل ..
منتقداً أستراتيجية هالة مصطفى فى أستقبال السفير الأسرائيلى
و انها تتعامل مثل مجرمى برنامج " خلف الأسوار " عندما تقول
" ما كلهمـ عملوا كده يا بيه .. أشمعنى انا "
و أنها قالت مثل أكلشيهات السينما المملة
" أنا لو وقعت مش هاقع لوحدى.. لأ هاجيب سيرة الكل بقى وعليا وعلى أعدائى "
و يسألها ماذا ستقول للأطفال عن سبب هذه الزيارة ؟؟
و هل الأستراتيجية تميت القلوب ؟؟

نص المقــال

محمد سعيد محفوظ ..
و من زاوية أخرى يخبرنا الكاتب الشاب عن ملابسات زيارته لأسرائيل ..
و كيف تعامل مع تداعيات هذه الزيارة عندما أخبره أحد أعضاء مجلس نقابة الصحفيين
بتحويله للتحقيق .. على الرغمـ من انه تمـ وضعه على قوائمـ الممنوعين من دخول أسرائيل
فى كافة السفارات الأسرائيلية .. و كيف تتعامل النقابة مع مثل هذه القضايا ..

نص المقــال

محمد سليمـ العوا ..
و بعيداً عن هالة و أستقبالها للسفير الأسرائيلى ..
و بعد أن تسبب لقائه فى برنامج الطبعة الاولى مع المسلمانى
ردود أفعال غاضبة تجاه دعوته لأقامة نظامـ أسلامى مصرى مثل إيران
نفى العوا هذه الأدعاءات مؤكداً انه كان من 37 عاماً و مازال يطالب
بأن يقتصر دور العلماء و الشيوخ على الفتاوى الأسلامية و الأمر بالمعروف و النهى عن المنكر
بكامل حرية لا يعترض عليهمـ حاكمـ .. و أن يتركوا الحكمـ لحاكمـ بالأمور السياسية

نص المقــال

محمود عمارة ..
يواصل الكاتب محمود عمارة مفاجأته المدوية فى مجال الزراعة
و بعد التجربة البوركينية نسبتاً لبوركينا فاسو ..
يخبرنا الكاتب عن علاقاته بسعيد المصرى الأردنى الجنسية فلسطينى المولد ..
و كيف عمل معه فى تصدير المنتجات الزراعية ..
إلى ان أصبح وزيراً للزراعة فى الاردن ..
و أن أول أجرأ أتخذه هو أغلاق شركته الخاصة ..

نص المقــال

فاطمة ناعوت ..
و يستمر الخلاف السخيف الفاطمى الفضلى .. نسبة إلى فاطمة ناعوت و بلال فضل
و ترد فاطمة على ادعاءات بلال فضل .. و تخبره بانها أخر مرة ترد عليه
و انه كذب و ادعى أنها قالت و قالت و قالت ..
واصفه بلال فضل بانه مثل صانع زلعة المش

نص المقــال

سليمان جودة ..
مشيداً بدور مشيرة خطاب - وزيرة الأسرة و السكان -
يخاطبها داعيها لتبنى فكرة ازالة الجهل عن أحدى القرى
و ان تستمر فى جهادها من أجل الحصول على الاموال المساعدة لها

نص المقــال

معادلات ..

2009-09-23T05:18:00.002+02:00

عادل إمامـ ..
أكبر معادى للاخوان المسلمين .. بنته أتجوزت حفيد مرشد الأخوان السابق !!

أحمد شوبير ..
حارس مرمى الاهلى فى التسعينات و المدافع الدائمـ عن حقوقه ..
بنته أتجوزت زملكاوى !!

محمد قبارى ..
أكبر منتقض لدولة قطر .. من الطبيعى جدا أنه يشتغل فى قطر !!
و ممكن جدا بنته تتجوز قطرى !!

::..::..::..::..::

صبر + صبر + صبر + صبر = حلين لا يجتمعان
1 - نجاح مبهر
2 - سخط و يأس و فتح باب أخر من أبواب الصبر
ترى من يفوز ؟؟

::..::..::..::..::

كل شارع أسمه .. النصر .. الثورة .. جمال عبد الناصر .. صلاح سالمـ
لازمـ يكون زجمة و قرف و بهدلة و عماراته معفنة

و كل شارع أسمه .. فؤاد .. الملك فاروق .. ناريمان
لازمـ يكون هادى و العمارات باين فيها تراث مصر

::..::..::..::..::

من قال أعرف و أعلمـ و أنا أحسن من فعل ذلكـ .. تأكد أنكـ لن تستفاد منه بشىء
ليس لكونه محتال ..
بل لكونه عندما عرف و علمـ و فعل أحسن مالديه ..
فشل فى إيصال معلومة أن أحسن ما لدي .. هو أحسن شىء موجود على الأرض
و ذلكـ بسبب محدودية أمكانياته .. و علو طموحاتكـ

::..::..::..::..::

بما أن كل مسطول يهلوث من التعاطى
و كل مصرى عاقل يهلوث من غلبه و حبه لمصر
أذن .. كل مصرى مسطول من غلبه و حبه لمصر
مسطول بنوع حشيش جديد
أسمه .. مصرنجو ..

::..::..::..::..::

لما تلاقى شعب بيستورد من شعب أخر شركة علشان تشيله زبالته
متستغربش لما تلاقى نفس الشعب واقف زعلان أنك نضفتله شارعه
بحجة .. أرمى الزبالة فين انا دلوقتى ؟؟ .. و بعدين ما دا مكان الزبالة ؟؟
أرجع بالزبالة البيت تانى يعنى ؟؟ .. يييييي لسه حروح عند الصندوق ارمى الزبالة ؟؟

على فكرة .. حدث بالفعل ..

::..::..::..::..::

ندم تامر حسنى !!

2009-09-03T22:27:00.000+02:00

بعد حلمـ الميجا ستار عمرو ديـاب

و بعد كابوس سيتى ستارز الوطن العربى سيد أبو حفيظة

نقدمـ لكمـ ندمـ تامر حسنى

أنتظرونا .. ،

صباح الخير يا سينا .. رسيتى فى مراسينا

2009-09-01T14:03:00.003+02:00

فى الأوله قلنا جينلك وجينالك .. ولا تهنا ولا نسينا

والتانية قلنا ولا رملاية فى رمالك .. عن القول والله ما سهينا

والتالته أنتى حملى وانا حمالك

وصباح الخير يا سينا .. رسيتى فى مراسينا

تعالى فى حضننا الدافى

ضمينا وبوسينا يا سينا

البوست دا أهداء لناس كتير قوى ..

أهداء لأسرائيل كلها .. من الواد نينو أبن متشولح لغاية سرينا أهارونى

مروراً بأيزاك بن عامتاى

و معاهم المنتحرة بعد الحرب جولدا مائير ..

و فاقد ذكورته فى الحرب بنامين نتنياهو ..

و القرصان الكبير موشى ديان ..

البوست دا أهداء ..

للطاووس حسن نصر .. و معاه البوق خالد مشعل ..

و كمان أمير قطر بتاع حسبى الله و نعم الوكيل .. مع أنه عنده قاعدة أمريكية !!

و كمان بشار الأسد بتاع المقاومة هى الحل .. مع ان أرضه محتلة !!

أما بالنسبة للعرب و المصريين للشرفاء ..

فالبوست دا أحنا أخدناه أهداء من أرواح شهدائنا ..

اللى علمونا يعنى أيه كلمة نصر .. اللى علمونا يعنى أيه كلمة أرض

البوست دا أحنا أخدناه أهداء من ناس سابت حياتها و أحلامها ..

علشان يقولنا " مرضناش نرجع من غير سينا .. و حافظوا عليها من بعدينا "

البوست دا أخدناه أهداء من شهداء .. ضحوا بنفسهم علشان نعيش راسنا مرفوعة

البوست دا أهداء من ..

شهيد رئيس الجمهورية / محمد أنور السادات

طيار / محمد حسنى مبارك

شهيد طيار / محمد عاطف السادات

شهيد نائب مدير سلاح المهندسين / أحمد حمدى

شهيد عميد قائد الفرقة 23 / أحمد عبود الزمر

شهيد عقيد قائد لواء 3 مدرع / نور الدين عبد العزيز

شهيد عقيد لواء أول مدرع / السيد محمد توفيق أبو شادى

شهيد عقيد قائد اللواء 116 / حسين رضوان

شهيد عقيد قائد مجموعة المخابرات الخاصة / إبراهيم الرفاعى

شهيد عقيد قائد اللواء 22 / مصطفى حسن

شهيد مقدم قائد موقع كبريت / إبراهيم عبد التواب

أهداء من كل واحد شال سلاح ..

أهداء من كل واحدة اتحملت أستشهاد أخوها أو أبوها أو زوجها ..

أهداء من كل واحد أتيتم أو فقد ساق أو ذراع أو عين فى الحرب ..

أهداء من كل واحد زرف نقطة دمـ فى حبكـ يا مصر ..

::..::..::..::..::..::..::..::

المنتخب حيفطر علشان يكسب روندا يومـ السبت ..

مع ان الجيش المصرى كسب أسرائيل فى رمضان و هما صايمين !!

يا ترى دا علشان روندا أصعب من أسرائيل :D

ولا كسل لاعيبة ولا أيه بالظبط ؟؟

أكثر من 81 سيارة فى موكب الرئيس فى أسكندرية !!

2009-08-12T21:37:00.003+03:00

من YouTube .. أكثر من 81 عربية فى موكب الرئيس

و 18 موتوسيكل شرطة و بحسبة بسيطة جدا

81 × متوسط 3 أفراد = 243 فرد
18 × فرد = 18 فرد

ناهيكـ بقى عن الكورنيش مقفول زى ما انتوا شايفين ..

و كمان لو متنيل و عندكـ مصلحة او معاد .. طززززززززززز

الرئيس يعنى ولا معادكـ يا بارد يا بجحه يا غلس :D

و لا مثلا فكرت تعيا أو تتعب و تنقلكـ أسعاف ..

يا منيل يا فقرى فى حد يتعب دلوقتى .. أكيد العيب فيكـ يعنى :D

دا بيرجعنا لحاجتين

الحاجة الاولى ..

لأيامـ السادات الله يرحمه .. الراجل كان بيتنقل بطايرة هليكوبتر

قول علشان الريس بتاعنا غير السادات .. يا خدله طايرتين تلاتة هيلوكوبتر

أيه الفكرة انه يمشى على الكورنيش فى عز الأيالة يناكف خلق الله

نرجع للحسابات و الأرقامـ ..

لو قولنا 81 عربية حتترواح سعرها بين النص و المليون الكامل

يعنى مثلا 750 ألف × 81 عربية = 60750000

( ستون مليون و سبعمائة و خمسون ألف )

و الله كويس انا كنت فاكر الكلكوليتر حيقولى Out of range أو ممكن a7a

بس الحمد لله طلع كلكوليتر محترمـ .. عايز يربى عياله :D

و معانا على أيدينا التانية 18 موتوسيكل × 100 ألف = مليون و 800 الف

و معانا على أيدينا التالتة مرتبات حوالى 243 + 18 = 261 فرد

261 فرد قولت مرتب المعفن فيهم 5000 .. المعفن ها

261 × 5000 = 1305000 ( مليون و 305 ألف )

الحاجة التانية ..

مقال لفاطمة ناعوت .. و بتتكلمـ عن معاناتها مع موكب الرئيس

و ازاى أبنها المصاب بمرض التوحد .. تعب جدا فى الأشارة

و دا لينكـ المقال .. محتفظ بيه من ساعتها :D

لينك المقال لفاطمة ناعوت نقلا من جريدة المصرى اليومـ

مش عارف ليه انا حاسس ان دماغى عملت Out of range :D

و حاسس كمان ان القرار اللى جاى ألغاء أستيراد الموبيلات اللى بكاميرا :D

ملحوظة ..

الأرقام دى أجتهاد شخصى من العبد لله ..

يعنى ممكن تكون العربيات أقل و الموتسيكلات أقل و اطلع انا مفترى

و ممكن تكون أكتر و أسعارها أكتر و أطلع انا أهبل مش عارف حاجة

ممكن نعمل عليها مسابقة ..

و اللى يكسب ياخد جنيه كوين ذات بريق

أذن المسابقة تستاهل :D

الله يرحمكـ يا سادات

علشان لما تسافر متضربش على قفاك

2009-08-03T03:00:00.002+03:00

بما ان الواحد بيبقى رايح جاى سفر و مواصلات بين المحافظات

فكرت أكتب بوست عن خلاصة تجربتى الفظة و عمقها مع السفر و اهل المحافظات الاخر

و بما انى مواطن سكندرى أقطن أجمل محافظات العالمـ ( وش بيطلع لسانه )

فخيالكـ الخصب و سرعة بديهتكـ حتقودك لأن المسافر سكندرى و المحافظة الاخرى القاهرة

1 - أول موقف .. يالا اللى رايح القاهرة

ليكـ 3 أحتمالات :

1 - لو راكب ميكروباص عامـ و عارف أنت نازل فين بالظبط ..

نصيحة حاول أنكـ تنامـ او تبعد عن أى محادثة مع اللى جنبكـ ..

علشان النهاية معروفة مسبقاً .. دى بلد بنت كلب .. شوف الطوابير و القرف

2 - لو راكب ميكروباص عامـ و مش عارف المكان اللى حتنزل فيه ..

هنا بقى لازمـ و حتماً تصاحب الراجل اللى جنبكـ اللى حتسأله عن المكان

و يا سلامـ لو تبدأ الكونفرزيشن بالكلامـ عن احوال البلد و الجو و يا حبذا لو شتمت فى البلد

فى رأيى .. أن 90 % من المصريين بتشتمـ فى البلد .. و بالتالى ألعب على الحصان الكسبان

و المصرى كمان يحب الأصدقاء الجدد دايما .. حتصاحبه حيوصلكـ لبيتكـ

و يا سلامـ بقى لو طلبت غباء معاه و عايز يشرب سيجارة ..

هنا لازمـ تقف معاه و تفهمه أن السيجارة مهمة جدا .. بتزود عمر الأنسان 7 ساعات

و متنساش أوعى تسأل السواق .. لأنك هنا قدامكـ أحتمالين :

ياأما ينسى سعادتكـ .. يا أما حيبقى عايز يقلبكـ علشان يخلص من قرفكـ

3 - أنكـ تركب قطار .. و هنا الفرصة حتبقى أحسن لو مش عارف المكان

حضرتكـ هنا لازمـ تعمل أستفتاء عامـ على المكان المطلوب ..

يبقى حتسأل اللى قاعد جنبك ..

و تقومـ تقف شويه تعمل نفسكـ كأنكـ بتشرب سيجارة بين العربيات ..

و تسأل اللى عمال ينفخ فى الدخان قدامكـ ..

و تاخد بعضكـ و تطلع على البوفيه .. دايما عربية رقمـ 4

و فى البوفيه .. ستجد هناكـ ما يسركـ .. لو سألت عن ميدان عرابى حتلاقى 100 ألف سامى البارودى

و لو سألت عن ميدان سعد زغلول .. حتلاقى 100 ألف صفية أخته

و لو سألت عن شارع الضيف أحمد .. حتلاقى سمير غانمـ و جورج سيدهمـ

القاعدة رقمـ 1 .. أبعد عن متعملش ثورجى ولا مناضل

2 - تانى موقف .. أركب مترو ولا أركب ميكروباص ولا تاكسى ولا أمشيها

هنا أنت محتاج تسأل عن المكان أو المواصلة اللى حتوصلكـ هناكـ

و بالتالى .. مش عارف و فى نفس الوقت محتار ..

خلى بالكـ .. اوعى تسأل حد لابس عمة ولا قفطان .. دا حتلاقيه زيكـ و أكتر كمان

و لو سألته المصيبة انه حيقولكـ على المكان بالتفصيل الممل ولا كانه بيوصف غيطهمـ

و كمان متنساش .. اوعى تسأل سواق تاكسى حتركب معاه .. و اوعى تسأل منادى عربيات

علشان ببساطة .. الواد المنادى عايز يملى العربية و خلاص ..

و شوف أنت بقى لما تدخل على المنادى و تقوله .. بدى أعرف وين العتبة :D

حيقولكـ العربية دى رايحة الجيزة .. و قبل ما حيقولكـ أركب حتلاقيه بيخطفكـ من قميصكـ

القميص ولا الظابط و الونش .. غريب قوى انت

و اوعى تسأل بياع ورد ولا مناديل .. دا تسأله بس عن الأشارات

شايف فى عينكـ تسأل رخمـ .. يعنى أسأل مين يا عمـ الفكيكـ ؟؟

تاخد بعضكـ و تسأل الراجل السايس أو المنادى .. لو عايز أروح فين أركب منين

حيقولكـ ببساطة أركب المترو .. او اتمشى لغاية موقف الميكروباص

القاعدة رقمـ 2 .. أوعى تسأل الواد الرخمـ اللى فى الكشكـ اللى قدامـ محطة قطار رمسيس ..

طيب جرب كده و شوف حيعاملكـ أزاى :D

3 - تالت موقف .. قدامكـ 3 أحتمالات ..

لو ركبت ميكروباص ..

أوعى تركب مع واحد قالكـ أنا حنزل على أول الشارع و انت تمشيها

علشان ببساطة لا حتلاقى أول الشارع و لو لاقيته حتمشى 2481201324 ساعة

و بالتالى قوله لا أنا عايز انزل عنده بالظبط .. لو قالكـ مفيش حد بيروح هناكـ

قوله شكرا .. و روح شوف ميكروباص تانى ..

من الاخر القاعدة رقم 3 .. مفيش حتة فى القاهرة مبيدخلهاش الميكروباص

لو ركبت تاكسى ..

أوعى تفهمـ السواق أنكـ سايح أو انكـ مش من القرف دا أو أنكـ مش من هنا

لازمـ تقنعه انكـ قاهراوى أبن قاهرية متجوزة قاهرى من أيامـ زمن جروبى

و علشان تقنعه بكده .. أبعد عن السخافات اللى بنقولها من نوعية

دا مشوارى كل يومـ .. دا انا كل يومـ هنا

خيلكـ واعى زى العبد لله .. و اول ما تركب تلقى السلامـ و تقول

يااااااااا .. الجو النهاردة حر قوى عن أمبارح

لو قالكـ اه فعلا .. قول فى بالكـ YES

لو قالكـ الجو أمبارح كان احلى من النهاردة .. قوله يمكن علشان انا امبارح منزلتش الصبح

و تانى حاجة حتقولها .. بس ليه اللفة دى .. مدخلتش ليه من الشارع التانى ( من غير ما تسمى الشارع )

دى بقى من غير كلامـ ... حيقولكـ أصل الأشارة التانية دى ساعة

و الطريق دا أسرع و أسهل .. مش انت برضه نازل عند عمر أفندى ؟؟

قوله .. اه اه الله ينور

حان وقت العراكـ و تقطيع الهدومـ .. لو طلب منكـ 30 جنيه .. أديله 10 بس

لو طلب 300 أديله 100 جنيه بس .. خلى بالكـ الـ 1/3 بس

القاعدة رقم 4 .. سواقين التوكسى نصابين بنسبة 2/3 :D

لو ركبت رجلكـ ..

اوعى تسأل حد غير بتاع السوبر ماركت .. و أستنضف

سوبر ماركت كبير عنده ديلفرى .. علشان الواد المفعوص دا هوا اللى حيوصلكـ

عند عمارة رقمـ 10 مدخل 2 بلوكـ 11 الدور الاول علوى

و ممكن كمان يطلع عارف الراجل اللى أنت رايحله

القاعدة رقمـ 5 .. أوعى متديش يا صاحب الحاجة اللى جاية فى الديلفرى بقشيش للواد المفعوص

علشان ببساطة سيرتكـ حيصحبها البخل و القرف لما انا أسأل عليكـ :D

و تخيل بقى لو أنا عريس بنتكـ .. او أبو عروستكـ و جاى أسال عليكـ :D

4 - رابع موقف .. أخيرا وصلت .. عشمـ أبليس

أوعى تكون فاكر أن الميكروباص اللى صاحبه مستعجل الدور اللى بعد الدور

أو سواق التاكسى اللى أنت اتعركت معاه و قالكـ يا ظالمـ يا مفترى

حيوصلوكـ لمكانكـ .. أنسى يا عمرو

هنا لازمـ ترجع للخطوة اللى فاتت و تدور على الواد المفعوص بتاع الديلفرى

القاعدة رقمـ 6 .. فى كلا الحالات حتبقى ظالمـ و مفترى .. متعملش زيى

و تفكر هوا انا كده فعلا مفترى .. علشان أنا بطلت أفكر خلاص

5 - خامس موقف .. أنكـ ترجع كما كنت ..

أوعى ترجع و تستخدمـ طريق غير الطريق اللى جيت فيه

حتى لو كان حيكلفكـ ساعة زمن او 10 جنيه زيادة ..

القاعدة رقمـ 7 .. الطرق المختصرة أصعب من الطريق اللى اتعودت انت عليه

6 - سادس موقف .. موقف القاهرة أسكندرية .. محطة رمسيس

أوعى تصاحب حد و انت مروح .. علشان حيطلع من الـ 4 دول

واحد كان زيكـ و عايز يصاحبكـ علشان توصله فى أسكندرية :D

يا أما واحد راجع من انترفيو و بيدور على شغل و قال يمكن يكون وجد ضالته فيكـ

يا أما واحد من بتوع الـ Sales و عايز تشترى خط تليفون او الفانوس السحرى

يا اما بنت فاكسانة من بتوع .. أنا أبويا قائد طابية

القاعدة رقمـ 8 .. مش كل الناس وحشة .. بس أيش يضمنى أن اللى حيطلع فى قرعتى شمعة بيضة منورة :D

القاعدة رقمـ 9 .. مفيش أحلى من بلدكـ و مفيش أحلى من أسكندرية

و نتمنى لكمـ سفراً هادئاً بعيداً عن سخافات هذا البوست :D

أحمـــــــــد كمال حلمى مكى ماجا

2009-07-18T15:06:00.005+03:00

د / أحمد كمال أبو المجد ..

" الحزانى و المكتئبين و المحبطين لا يصنعون الحضارات "

أحمد حلمى ..

" ان تكون غائب حاضر .. أفضل من أن تكون حاضر غائب "

أحمد مكى ..

" الراجل من غير الست مينفعش .. زى السلاطة مينفعش يبقى كلها قوطة ولا كلها خيار "

السباح العالمى / أحمد ماجا

" ألبومـ تامر حسنى .. خمستاشر اغنية مابين يا بنتى يا جامدة يا فاجرة يا واصلة يا واطية "

عندما قالت مروة الشربينى : شكرا يا أكسل دبليو !!

2009-07-09T02:21:00.003+03:00

مازلت أذكر ذلك النقيب الذى أستشهد من 13 عاما عندما كنت طالبا فى المرحلة الاعداية ..
مازلت أذكر جنازته كأنها أمس .. مازلت أذكر تلك الجموع الغفيرة التى كانت فى وداعه .
. و كنت أسأل والدى لم كل هذا الصخب و الزحام لميت ؟؟ .. فقال لى أنه مات شهيدا ..
و عندما سألت عن أسباب موته .. كانت الاجابة فى كلمة " الأرهـاب "
لم أنسى هذه الجنازة قط .. مرت أيام و ليالى .. شهور و سنوات ..
و مازال أمام عينى كل هذه الجموع المحتشدة فى وداع نقيب ..
يمتلىء شارع الرصافة فى محرم بك بالأسكندرية بمئات من المشيعين مرسومة علامات الحزن على وجوهم
و ذلك على غير عادة هذا الشارع الذى كان دائما ممتلىء بالطلاب من جميع المراحل
و بالتالى كان مسرحا للهزار و الجرى و المعاكسات فى بعض الأحيان

لماذا كل هذا الكم من الورود .. لماذا كل هذا الكم من العساكر و الظباط ..
لماذا كل هذا الكم من الناس

كل هذا لأن الميت لم يكن رجلاً عادياً ..
كل هذا لان ميت قرر أن هذا حقى و لن اترك هؤلاء يعبثون بمستقبل أولادى ..
كل هذا من أجل ميت رفع مسدسه فى وجه من يستحقون ..
هل رأيت يوماً أحداً يبحث عن شيئاً مراراً و تكراراً و يحدث الناس شمالاً و يميناً عنه
و يخبرهم أنه كم أشتاق إلى هذا الشىء و يعيطيه لغيره ؟!!

نعم .. أستحق منهم ما لا يستحقونه هم .. نعم .. اعطوه ما يقولون هم أنهم يبحثون عنه ..

أعطوه الشهادة .. أعطوه لقباً ظلوا يبحثوا عنه .. أعطوه عمراً قادماً ظلوا يحلمون به

لا أزكى ذلك النقيب على الله ..
و لكنى فقط أقول أنه من الممكن انه مات شهيداً على يد أناس تمنوها كلاماً و أفعالاً لا ترقى ان توضع بهم حتى فى أسفل السافلين ..

تمر السنوات ..
و نفقد أحد الجنود من الأسكندرية فى سيناء برصاص الجنود الأسرائليين ..
و تكون جنازته من أمام مسجد القائد إبراهيم ذكرى سيئة لعدد لا بئس به من سائقى الأجرة التى تسببت جنازته فى إيقافهم لمدة تزيد عن ساعتين .. نعم ساعتين .. فالميت شهيداً

و تمر السنوات ..
و يأتى أمس .. و نفقد أحدى الورود المصرية بـ 18 طعنة من إرهابى ..
وردة كانت و مازالت هي حديث الناس .. وردة كانت دائما الأولى فى جميع ما عملت به ..
لعبت كرة اليد و كانت أحدى لاعبات المنتخب القومى ..
درست فى EGC و مازالت صورتها معلقة فى أحدى الجدران دلالة على تفوقها و أستمرارها على القمة حتى بعد ان أبتعدت عن المدرسة لـ 10 أو 20 عاماً ..
درست الصيدلة و كالعادة علقت صورها مع أصدقائها من النابغين .. و منحت أحدى البعثات إلى ألمانيا ..
و عادت معلقة صورتها فى كل قلب مصرى .. عادت رافعة رأسها فى كل القلوب ..
لم ترفع كأساً رياضيا فيفرح الرياضيين .. و لم تحمل جائزة نوبل فيفرح العلماء
بل رفعت و حملت و زكيت فى قلوب الرياضة و الدراسة و كل فئات المجتمع ..
عادت و كعادتها دائما و كأنها ترفع شعار " لا أعرف غير التفوق منهجاً "

لا أزكى مروة ولا أزكى ذلك النقيب ولا ذلك الجندى ..
و لكنى أقول انهم من الممكن أن نضع مع أسمهم لقب شهيد

مروة الشربينى لن تنسى مثلها مثل ذلك الجندى و النقيب و باقى الشهداء الذين لم ينسوا على مر الزمان

أحسبها مبروكـ و ليس وداعاً يا مروة

ميدان جمال مباركـ و تكييف كاريير و أنا موافق

2009-07-03T18:10:00.002+03:00

كل ما تحتاجه هو مدونة و موقع أخبارى مصرى و جريدة فاشلة ومجموعة تعليقات

يا حبذا بتويتر مع كوب كوكا توت مشبرة من الديب فريزر مع رشفة تلازمها كلمة " حيخربوها "

حتى تنعت و يكتب على صدركـ .. مثقف

و تحتاج أيضا إلى حجرة 10 م × 10 م و مكتب مسوس و أضاءة خافتة و نظارة قراءة

لكى تتمكن من ألقاءها على المكتب عندما تغضب و كرسى أشبه بكراسى الاعتراف

و نظرة للسماء عبر نافذة المكتب مع رفع القدمين على المكتب

مفكرا فى المقال اليومى غدا .. انا حكتب لشعبى !!

حتى تنعت و يكتب على صدركـ .. زعيمـ

فعلها جمال مباركـ و أستمر فى حملته لأفقر قرى مصر .. هل أحد يرى عكس ذلكـ ؟؟

نعمـ .. كل هذا من تراكمـ حكمـ والده .. و لكن أيستمر الحال أمـ نغيره ؟؟

خرج علينا مثقافينا و زعمائنا .. لكى ينبذوا و يتهكموا من تسمية ميدان فى قرية الزرابى بجمال مباركـ

و كل ما خدش حيائهمـ .. و أراق دموعهمـ .. و تقعشر أبدانهمـ .. ليه يسموه جمال مباركـ ؟؟

لمـ يخدش حيائهمـ ان فى مصر أفقر قرى فى العالمـ و خدش حيائهمـ أن الميدان بأسمـ جيمى

لمـ تزرف دموعهمـ على حال أبناء بلده .. لمت تقشعر أبدانهمـ من الفقر و الجوع

لمـ تقشعر أبدانهمـ من ملابس الأطفال المشردة ..

و لكنهمـ أكتفوا بكلمة " يا حرااااااااامـ " .. حفاظا على الجو المأساوى

يا سادة يا مدعون .. أرحمونا بقى .. وحياة أبوكوا خليكوا فى تكيفاتكمـ المركزية

يا سادة يا مثقفون .. فلتنزلوا للقرى و تبحثوا .. او لتتحدثوا عن الديمقراطية و أيران

يا سادة يا زعماء .. الوطنية أن تحل مشاكل الوطن .. مهمومـ لا تكفى بل مهمومـ و أيدى بتشيل معاكوا

و الله .. لو إن كتابة ميادين مصر كلها بأسمـ جمال مباركـ سترفع عن فقراء مصر الفقر

فأنا موافق ..

موافق كمواطن لا مثقف ولا فيلسوف ولا زعيمـ ولا خطيب ولا الجوهرى حتى

أيها المثقفين و الزعماء .. انزلوا و عيشوا ع الأرض ..

يا سادة .. لو ذهبتمـ لهمـ لأقاموا لكمـ أفراح و سيقيموا لكمـ ضريحاً بعد عمر طويل

يا سادة .. هؤلاء على أتمـ الأستعداد بتسمية طفل من اطفالهمـ بأسمـ من يساعدهمـ .. مش بس ميدان

يا سادة .. هؤلاء يحتاجونا كلنا .. من جمال لعلاء مروراً بالشيوعيين و الاخوان و الأشتراكيين

يا سادة .. هل تتخيلون ان تقف أمراة و تقول لكـ ..

كل اللى عايزاه أن بنتى تعرف تستحمى و تنشر غسيلها .. نفسى تطلع من هنا

مع العلمـ .. انه لا يوجد صرف ولا مياه و لا كهرباء والحمامـ Share بين 100 بنى ادمـ

حاولوا ان تذهبوا و تروا تلكـ القرى.. لا تذهبوا إلى الصعيد .. فقد تستهلكـ السيارة أو يضيع وقتكـ هباءاً

فقط حاولوا أن تذهبوا إلى قرى القاهرة الكبرى .. او إلى عشوائيات القاهرة

لا تقولوا نتصدق و نزكى و نعطى و نهب .. قولوا ذهبنا و رأينا و ساعدنا و سنساعد

يا سادة يا أفاضل .. أما السكوت أو المساعدة ..

سؤال ..

حتى ترى أننا نجيد الكلامـ و التحدث فقط ..

قارن بين عدد الذين كتبوا عن كارثة الدويقة .. و عدد الذين ذهبوا و ساعدوا

ملحوظة ..

لو كنت من متابعى المدونة .. فانت تعلمـ موقفى من جمال مباركـ

ولا تنسى .. لست من مؤيدى نظرية البديهيات !!

لو كنت من زوار المدونة .. فلتقرا هذه الموضوعات قبل التعليق

أهداء إلى جمال مباركـ .. بلادنا لا ترحب بالناجحين

بين حملة عمرو خالد و جمال مباركـ .. شقلبت العلمـ

الرفاق يتخيلون .. حبيبة كوبرى من تكون ؟

2009-06-29T03:03:00.004+03:00

فكرة البوست فى العنوان ..

بما أننا بقلنا كتير مع بعض .. و عرفنا حاجات عن بعض يمكن أقرب الناس لينا فى الحياة ميعرفوهاش

خلينى بقى اعرف أستفيد منكوا .. اهو الواحد يطلع منكوا بحاجة :D

تفتكروا أيه هيا مواصفات فارسة أحلامى اللى تليق عليا :D

بعيداً عن فكرة التناقض .. خلينا فى التكامل و التوافق .. بلاش تناقض وحياة أبوكوا :D

حسيبكوا تتخيلون .. تفكرون .. تتسائلون .. تتهامسون

حبيبة كوبرى من تكون ؟

بتصريح من شركة سلتو للإنتاج الفني
© 2009

مارينا رايح جاى .. ( 1 )

2009-06-20T02:16:00.005+03:00

19 / 6 / 2009 .. أول زيارة لطنط مارينا السنة دى ..

أول زيارة بعد .. سنة شغل .. سنة مذاكرة و كورسات .. بعد مصايب 2008

زيارة بأحلامـ جديدة .. احلامـ مكنتش معايا السنة اللى فاتت .. أحلامـ بسقف أعلى

زيارة ببصة جديدة لقدامـ .. بصة من نوعية .. أنزل و عيش ع الأرض

مش المقصود أنى ملاكـ يا سمح الله .. القصد أنكـ تتعلمـ من تجارب اللى فاتوا .. و مش لازمـ اللى جاى يتعلمـ منكـ

أوحش حاجة .. أن الواحد يكون عبرة و عظة للى بعده ..

زيارة فيها خوف أكتر من السنة اللى فاتت .. خوف من حاجات كتير قدامـ ..

زيارة بزلزال بقوة 5.6 ريختر .. أنا رجعت بفتح النت لاقيت زلزال فى الساحل الشمالى و مطروح

بس انا محستش بحاجة .. لان حسب توقيت الزلزال انا كنت فى البحر .. ببلبط :D

أول زيارة لمارينا .. أحس فيها أن مارينا هادية .. كل الزيارات الى فاتت كانت كلها زحمة و عربيات

زيارة على انغامـ منير .. بطعمـ شجر الليمون .. اول مرة أشوف حد بيشغل حدوتة مصرية فى مارينا :D

الصف فى جامع مارينا 7 فى العصر .. كان فيه عدد 7 أفراد فقط لاغير .. مش عارف يمكن علشان البلد لسه فاضية

السنة اللى فاتت كانت الجوامع بتعمل صفوف .. مش عارف

مارينا النهاردة كانت حاجة تانية .. هادية و رايقة و مياه و هوا و رمى همومـ

نبأ هام ..

2009-06-15T04:35:00.000+03:00

بعد نجاح التجربة المهلبية الأيرانية الديمقراطية ..

و بعد نجاح التجربة اللبنانية الديمقراطية ..

و بعد ظهور الرئيس مع عبد اللطيف المنياوى فى أسوان ..

و بعد خطاب أوباما .. و خطاب النتن ..

و بعد الولدين اللى مدخلوش الامتحان علشان مفيش كرسيين فى المدرسة ..

و بعد ما أنفلونزا الخنازير خوفتنى حتى من انى أبوس البت حبيبة اللى جاية من القاهرة ..

و بعد وزير الثقافة اللى قرر بعد 19 سنة فى الوزارة انه يترجمـ كتب أسرائيلية ..

و بعد ما مصر اتغلبت من فرقة درجة 3 أسمها الجزائر 3 - 0 ..

و بعد ما تشيمو ملكـ الجير عمل رائعته الثانية زيد و زبيدة ..

و بعد ما الأهلى جاب فضل و فينجادا ..

و بعد ما مصر حتخسر بكرا من البرازيل فى ماتش البلاى ستيشن دا ..

قررت ان تدخل المدونة ..

الصيانة السنوية لها فى مركز صيانة Maga بالساحل الشمالى ..

لصاحبه أسطى / Maga صاحب ورشة ناويها و ساكند لايف للأعمال السباكة و عفشة المدونات

و تعود فى غضون أسبوع أو 5 أيامـ بالكتير .. مع الأتفاق على الحفاظ على الأرشيف و اللون الأسود

نرجو من السادة زوار المدونة الأحاطة علما بكل ما جاء فى هذا البوست ..،

يعتمد ..،

يسرى فودة يكتب: أوباما يمشى على الحبل داخل عش الدبابير

2009-06-10T21:46:00.000+03:00

لا شك أن فى حديث الرئيس الأمريكى إلى العالم المسلم مادة دسمة للدراسة والتأمل، ولا شك فى أن هذا الحديث يتخلص ساعةً بعد ساعة من غبار اليوفوريا ومن عوالق المناسبة كى يمنحنا لحظة أكثر هدوءا لفهم يقود إلى حكم أكثر موضوعية. إننا أمام نموذج فريد لزعيم لم يعرف العالم مثيلاً له لعقود طويلة، يحمل نبرةً جديدة ويقدم رؤية جديدة لمستقبل يأمل كثيرون فى الشرق وفى الغرب أن يكون بالفعل جديداً. ومن المُتَمفْوِرين إلى المنشرحين إلى المنتظرين إلى المتشككين إلى الجزِعين إلى المذعورين سيكون جيداً أن نتذكر أمام من بدؤوا فى إشهار السكاكين أن كل الأفكار الجديدة يُشتبه بها ثم تُحارب، لا لشىء إلا لأنها لم تصبح عاديةً بعد

معنى أن تبدأ الدبابير فى الانتشار أن ثمة يداً دخلت إلى العش بحثاً عن العسل، ومعنى أن ينزعج اليمين القبيح فى أمريكا وفى إسرائيل أن شيئاً جميلاً يلوح فى الأفق. فكما كان متوقعاً من جانب الذين تابعوا عن كثب ذلك الزخم المتصاعد على مدى الأسابيع القليلة الماضية، تحول خطاب كان مصمماً لفتح صفحة جديدة مع العالم المسلم، لا يتجاوز هدفه أساساً مجرد ضبط نبرة علاقة جديدة دون الدخول فى تفاصيل، إلى التماس مدخل إلى لب الصراع فى الشرق الأوسط

حين تمر عيناك مرة أخرى ومرات على النقاط السبع التى احتواها الخطاب (وكلها نقاط بالغة الأهمية)، وحين تغربل ذاكرة الناس، من أقصى اليمين إلى أقصى اليسار، تتقاطع الخطوط كى تقود أول ما تقود إلى القضية الفلسطينية. وفى هذا ترجمة فطرية ودليل تلقائى على حقيقة أن علاقة الشرق بالغرب، علاقة المسلمين بغير المسلمين، علاقة الولايات المتحدة الأمريكية بالولايات غير المتحدة العربية، لن تبدأ فى الاستقامة قبل التصدى بصورة عادلة لهذه المسألة

والذى لا شك فيه أن الرئيس الأمريكى وفريقه المقرّب على وعى بهذه الحقيقة؛ إذ إن النقاط التى أثارها، بالطريقة المقصودة التى اعتمدها، تنم أولاً عن فريق قام باستذكار واجبه المنزلى جيداً، وتنم ثانياً عن رؤية صادقة مع النفس تضع المصالح الأمريكية الحقيقية، كما يراها الأمريكيون الوطنيون، فوق فانتازيا المصالح الأمريكية التى تقودها إسرائيل، وتنم ثالثاً عن زعيم جرىء اختار، على عكس سلفه من الرؤساء الأمريكيين، أن يتصدى لأعقد الملفات فى بداية حكمه لا قبل نهايته بشهرين أو ثلاثة

والذى لا شك فيه أيضاً أنه، وقد قرر أن يمد يده مبكراً إلى عش الدبابير بحثاً عن العسل، أنه جهز نفسه لاستقبال لدغة أو لدغتين. ومن أجل هذا فقد كان واضحاً أنه اتخذ مدخلاً ذكياً ماهراً يعمد إلى عزل المتطرفين فى كلتا الدائرتين: دائرة العرب/المسلمين/الإسلاميين، ودائرة إسرائيل/اليهود/اليمين الأمريكى. فبالنسبة للدائرة الأولى تخدم روح الخطاب كله هدفه فى عزل المتطرفين عن طريق «اختطاف» مجموعة من القضايا الحاسمة (فلسطين، الديمقراطية، الحريات المدنية، المرأة، التنمية) من أيديهم وفى الوقت نفسه استمالة الأغلبية المعتدلة عن طريق «تجميد» مصطلح «الإرهاب الإسلامى» واستحداث مصطلح «التطرف العنيف» والذهاب أبعد من ذلك كى يصبح أول رئيس أمريكى يعترف بأن «وضع الشعب الفلسطينى لا يُطاق»، وهى كلمة تدخل لأول مرة إلى قاموس السياسة الرسمية الأمريكية

و بالنسبة للدائرة الثانية، وهى الدائرة الأكثر خطراً عليه هو شخصياً، فقد اقترب منها بحذر قبل الخطاب وأثناء الخطاب وبعد الخطاب، وجاء مدخله الحذر إليها قولاً وعملاً فى الوقت نفسه عله يتقى هوجة مبكرة للدبابير. وفى إطار هذا أعاد التأكيد على العلاقة الخاصة بين بلاده وإسرائيل وهو فى طريقه إلى المنطقة، وزاد عليها بقوله فى خطاب القاهرة فى صدر التعرض لمسألة الشرق الأوسط إن تلك العلاقة «غير قابلة للكسر»

وإذا كان البعض ممن ينتمون إلى الدائرة الأولى ينتقده لتركيزه فى خطاب يهدف إلى مصالحة المسلمين على مسألة محرقة اليهود وعلى أن من قتلوا فيها يومها أكثر من عدد اليهود فى إسرائيل اليوم وعلى احتقاره لمن يشككون فى ذلك، ثم توجهه مباشرةً من القاهرة إلى ألمانيا للوقوف حداداً على أرواح بعضهم الذين ماتوا فى معسكر بوكينفالد، فدعونا نقف نحن قليلاً أمام مجموعة من الملاحظات

فأولاً، كان يمكن له (بل كان من المفروض بحكم العادة وبحكم البروتوكول وبحكم العلاقة الخاصة) أن يخرج من القاهرة إلى إسرائيل كى «يقرأ الفاتحة» على أرواح هؤلاء فى متحف الهولوكوست فى القدس، لكنه تجرأ وأصبح أول رئيس أمريكى يأتى إلى الشرق الأوسط ولا يزور إسرائيل. وثانياً أن من السذاجة افتراض أن خطاباً موجهاً إلى العالم المسلم والعالم العربى لن يكون فى نفس اللحظة موجهاً أيضاً إلى إسرائيل وإلى اليهود (وإلى أطراف أخرى شملتها بقية نقاط الخطاب)، غير أن ذلك لم يأت من باب الرياء أو من باب الاستكانة بقدر ما جاء من باب آخر هو فى الوقت نفسه ملاحظتنا الثالثة

وهذه الملاحظة الثالثة تكمن فى أن الرئيس الأمريكى فى تقديرنا يسعى إلى عزل إسرائيل «الدولة والحكومة» عن إسرائيل «اليهود» سواءٌ داخل الدولة العبرية أو خارجها (وربما يكون هذا هو الأهم فى اللحظة الراهنة). وبعبارة أخرى يسعى أوباما إلى «تحييد» الحكومة الإسرائيلية وسلبها من أقوى أسلحة الابتزاز، كما يسعى إلى طمأنة اليهود القلقين داخل إسرائيل وخارجها على أن مدخلاً طازجاً مبنياً على فهم «مصائب» اليهود وآمالهم يمكن أن يوفر لهم «السلام» مع العرب (ومع أنفسهم) دون أن يؤثر بالضرورة على ما يحلمون به من «أمن»، وهذا هو لب العقدة النفسية الإسرائيلية التى اخترقها السادات (بغض النظر عن طريقته فى الاختراق)

أمام ذلك كان رد الحكومة الإسرائيلية سريعاً فى شكل بيان مصمم لنزع فتيل المدخل الأوبامى، هذه ترجمة حرفية له:
«تعبر حكومة إسرائيل عن أملها فى أن يؤدى حقاً الخطاب الهام للرئيس أوباما إلى حقبة جديدة من التصالح بين العالم العربى والمسلم (من ناحية) وإسرائيل (من ناحية أخرى). إننا نشارك الرئيس أوباما أمله فى أن تؤذن الجهود الأمريكية بحقبة جديدة تضع حداً للصراع و(تقدم) اعترافاً عربياً شاملاً بإسرائيل باعتبارها الدولة اليهودية (التى) تعيش فى أمن وسلام فى الشرق الأوسط. إن إسرائيل ملتزمة بالسلام وستبذل أقصى ما فى وسعها لتوسيع دائرة السلام فيما تأخذ فى اعتبارها مصالحها القومية وأولها وأهمها الأمن»

ومن الواضح أن هذا بيان تشوبه عصبية تميز عادةً الشخص الذى يجد نفسه مضطراً فى موقف الدفاع عن الذات، وهو موقف أثبت التاريخ أنه يرعب اليهود والإسرائيليين. أما وأن الاتفاق محتمل أن يمر فى النهاية عبر حكومة إسرائيلية فإن من المفيد أن نتذكر أن إسرائيل (شعباً وحكومة) قد تعرضت فى التاريخ الحديث إلى هجومين دفعاها إلى الوراء حتى التصق ظهرها بالحائط: هجوم الحرب عام 1973 وهجوم السلام بعده بسنوات قليلة

وفى تقديرنا، إذا استمر الرئيس الأمريكى على نهجه الجديد، أن إسرائيل ستجد ظهرها ملتصقاً بالحائط أمام هجوم جديد أشبه بهجوم «المية تكدّب الغطاس». عندها، وعندها فقط، لابد أن تفعل شيئاً انطلاقاً من الحجة نفسها التى تستخدمها الآن كى لا تفعل شيئاً: الحفاظ على الوجود

الدولة العثمانية ..

2009-05-18T21:30:00.000+03:00

طبعا فى خلاف قائمـ .. الدولة العثمانية كانت أسلامية أمـ كانت دولة محتلة ..
و بما ان الخلاف لمـ يحسمـ و أنا متاكد من انه لن يحسمـ ..
فـ البوست دا لمناقشة الدولة العثمانية ..

الصورة دى لأحدى سلاطين الدولة العثمانية .. السلطان محمد الســادس

و تتقدر تشوف عزيزى القارىء .. انهمـ لو كانوا خلفاء إسلاميين ..
كان بان على مظهرهمـ .. كان بان على لحيتهمـ .. هل دا منظر أسلامى
فين الأسلامـ فى الصورة دى .. ؟؟

..::..::..::..::..::..::..::..

الموقع دا .. موقع أسلامى .. يميل للجانب السلفى .. مش قصتنا سلفى ولا اخوانى

الموقع دا قال أيه بقى عن أسباب سقوط الدولة العثمانية ..

1 - مخالفة منهج الله - مصعبينو هل تسمعنى :D
2 - تشجيع الصوفية - واخدة بالكـ يا جنة :D
3 - عدمـ أتخاذ الأسلامـ مصدراً أساسياً للتشريع
7 - كان الحكامـ العثمانيون يكتفون من البلاد التى يفتحونها بالخراج
10 - الأمتيازات التى كانت تعطى للأجانب أعتباطاً بسخاء و كرمـ لا مبرر لهمـ
11 - الغرور الذى أصاب سلاطين بنى عثمان
13 - كما أن السلاطين العثمانيين تعود أغلبهمـ بعد عهود المجد و القوة أن لا يقودوا الجيوش بأنفسهمـ
16 - زواج السلاطين بالأجنبيات و تسلط هؤلاء الأجنبيات على عواطف ازواجهن و تصريفهمـ فى سياسة بلادهن الأصلية و تحكمهن بمقدرات الدولة
17 - تعدد الزوجات و المحظيات اللواتى كان الأجانب و الحكامـ يقدمونهن هدية للسلطان
18 - تفككـ روابط الأسرة السلطانية بسبب كثرة النساء حتى أصبحت عادة قتل السلطان أخوانه أو أولاده
22 - تبذير الملوك حتى بلغت نفقات القصور الملكية فى بعض الأحيان ثلث واردات الدولة

و أدى اللينكـ ..

http://www.saaid.net/Minute/mm72.htm

..::..::..::..::..::..::..::..

و من موقع المختار الأسلامى
يكتب الشيخ سعيد بن ناصر الغامدي

مقالة عن العبر و المواعظ من حضارات الأمم ..

لينك المقال ..

http://www.islamselect.org/mat/20416

..::::..::..::..::..::..::..::..

15 / 5 .. يوم النكبة ..

2009-05-16T01:19:00.001+03:00

لسه الفلسطينيين شايلين المفاتيح ..

لسه الفلسطينين بيقولوا عائدين ..

و إن شاء الله معاهمـ عائدين ..

فلسطينى انا اسمى فلسطينى
نقشت اسمى على كل الميادين
بخط بارز يسمو على العناوين
حروف اسمى
حروف اسمى تلاحقنى تعايشينى تغذينى
تبث النار فى روحى وتنبض فى شراينى
جبال النهر تعرفنى مغاورها وتدرينى
بذلت الطاقة الكبرى وقلت لامتى كونى
صلاح الدين فى اعماق اعماقى ينادينى
وكل عروبتى للثأر للتحرير تدعونى
وراياتي التى طويت على ربوات حطين
وصوت مؤذن الاقصى يهيب بنا اغيثونى
وألافٌ من الاسري وألافٌ المساجين
تنادى الامة الكبرى وتهتف بالملايين
تقول لهم الى القدس اليها قبلة الدينِ
الى حرب تدك الظلم تُزهق روح صهيون
وترفع فى سماء الكون اعلام فلسطين
وتهدر كلمتى تمضى
فلسطينى
فلسطينى
فلسطينى

welcome Obama in Egypt ... But

2009-05-13T05:55:00.000+03:00

WASHINGTON (CNN)
President Obama will deliver a speech June 4 in Egypt
on America's relationship with the Muslim world

Welcome President Obama in Egypt ..
Welcome to the land of the peace
Welcome to the land of 7 thousands of civilization
Welcome to 6 / 10 / 1973 .. do you know This date ?
In 6 / 10 / 1973 we Crush the Israel Army who was Invincible before this date
Welcome to The land of Gamal Abd ElNaser who said
What was taken by force can be restored only by force
Welcome to The land of Mohamed A. Elsadat who said
God and the whole world witness that we are not advocates of war, and mass-makers, but we are the best advocates of peace and love, because our religion requires us so. Because our traditions and ethics, Arabic attractive to us, and then to our great track record supports this assertion
Welcome the land of Fighter pilot / Mohamed H. Mubark

But ..

you must ask yourself and i think you ask yourself this question before
but give me a minute to answer this question ..

Why are the Muslims hate America ??

we hate America because
we fed up actions of America that support and encourage
Israel all the time to kill our children and Raping our land
we fed up the speech that tell us we love Islam without Muslims !!
we Fed up the war in Iraq , Afghanistan , Pakistan and Sudan
we fed up America's support for
Saad Eldin Ibrahim , Ayman Noor and Coptic Diaspora due to the Democratic
We fed up Non-recognition of government of Hamas
Although it is a government elected by the people

Now i think you ask yourself

what are the Muslims want from America ??

we want see The Martin L. King's Teachings in America's Actions
we want see Palestinian State
we want see America's support for peace and love
now we see America's support for war in Gazza , Iraq , Afghanistan , Pakistan and Sudan
we see America Support for Israel all along the line

President Obama if you want the peace for America ..
you must grown the peace to harvest the peace
and when you grown the war you must harvest the war and terrorism

::..::..::..::..::..::..::

President Obama .. The last request ..

Coach / Manuel José will left Ahly Club in Egypt

Can you help Ahly's Fans to back to them ??!!

أجــــــــــازة ..

2009-05-04T06:07:00.001+03:00

أجمل تى شيرت بلعب بيه باسكيت .. هو تى شيرت Y.M.C.A
أو زى ما بنقول عليه عندنا .. نادى الـ Y
للى ميعرفش النادى دا .. دا نادى جمعية الشبان المسيحيين ..
الجمعية دى .. كنت بروح الحضانة فيها لما كنا قاعدين فى الشاطبى .. و كانت ماما بتشتغل
فى الجمعية دى .. لاعبت باسكيت لمدة سنة
كانت من أجمل سنين عمرى اللى لاعبت فيها باسكيت كانت فى النادى دا ..
كان الملعب فى الدور الأول علوى :D .. و كنا بنلعب و حوالينا العماير .. و مفيش فراغ خالص
و حمام السباحة بتاع النادى .. كان فى الدور التانى :D .. و كان أغرب حمام سباحة شوفته فى حياتى لغاية دلوقتى
كانت أيام جميلة .. اللى فكرنى بيها و انا معدى أول أمبارح و انا راجع من الكورس ..
لاقيت شرطة و بوليس كتير قوى .. أتفجعت .. الحتة دى من أشهر الحتت اللى فى العالم اللى فيها تجانس و تعايش

فى الحتة دى .. شارع كبير قوى متداد لمسجد القائد إبراهيم ..
فى الحتة دى .. بنصلى خلف الشيخ حاتم فى رمضان الـ 30 يوم ..
فى الحتة دى .. فيها نادى الشبان المسيحيين .. و قدام فى جمعية الشابات المسيحيات
فى الحتة دى .. بيصلى أكتر من 20 ألف مصلى فى شهر رمضان
فى الحتة .. فى أعياد المسيحيين .. بتبقى مكنوزة مسيحيين
فى الحتة دى .. فى جمعية الشبان المسلمين .. اللى بيبعد بينهم أقل من محطة

اتضايقت قوى لما شوفت الشرطة و البوليس .. و اللى زاد مضايقتى لما شوفت مسلميين متجمعين قدام الجمعية
و الكل موجه بصره ليها .. و البوليس نازل .. و كام ظابط صغير .. و كام بنت محجبة

سبحان الله .. الموضوع فى الاخر طلع بسيط .. كانت حفلة لأغانى سيد درويش
و كانت حفلة كبيرة بيشارك فيها فرق من اسكندرية ..

تنفست الصعداء و حمدت ربنا ..

بلاش الحتة دى بالذات .. و بلاش أسكندرية تانى

::..::..::..::..::..::..::..::..::

حان الأن .. موعد الاجازة النص سنوية لجانبى و لجناب القراء ..
لكى اتمكن من أكمال قصة كفاحى مع كلية التجارة جامعة الأسكندرية
قصة كفاحى التى تجاوزت قصة كفاح شعب مصر على مر العصور ..
تلك الكلية التى مازلت أبحث فيها عن مرتشى .. نعم مرتشى ..
لكى أرشيه و أنجح و اخلص .. بس للأسف لا يوجد مرتشيين :D
وأيضاً لكى تستريحوا منى و من كتاباتى السخيفة :D ..

إلى الجهـــــــــــــــــــاد ..

يا عم شقلب هوا أحنا ورانا حاجة غير الشقلبة

2009-05-01T04:33:00.000+03:00

أحلى سلام على أحلى ناس .. قولنا و عيدنا و زيدنا ..
شقلبت العلم مرة و قولت احتج زى العالم اللى هناك دول المتحضرين النضاف الكويسين .. منفعش
قولت مش معقول كل مرة نشقلب العلم .. مش كل بلوا نسحب العلم و نشقلبه
بس بلوتنا النهاردة ولا أحلى و لا أحسن و لا أجمل من كده ..

الحكاية بدأت من قبل ما زويل يزهقنا و يقرفنا و ياخد نوبل .. الراجل كان مغفل .. زى العبد لله كده
طلع على انكل عاطف عبيد .. الهى يارب أشوف فيه يوم أسود يكون أسود من يوم ما خسر الاهلى الدورى فى 2002
المهم .. من سذاجة انكل عاطف عبيد .. الهى أشوف فيه يوم انيل من يوم نكسة 67 ..
ييييي .. مش حقول أسمه تانى البتاع دا .. طلع زويل يقابل البتاع دا و قاله انا عندى مشروع علمى كبير ..
طبعا زويل و هوا بيشرب فنجان القهوة ولا كوباية البرتقال .. مكنش عارف أنها فيها نوع من برشام .. فوت علينا بكرا
المهم .. بعد فترة زويل قرفنا بجايزة نوبل .. علشان مش عارف عمل بتاع أسمه فيمتو ثانية ..
كالعادة .. و جرى العرف .. و طبقا للتقاليد المصرية .. و وداعا للقشرة
بعت الرئيس مبارك يكرم زويل .. و يقول عنه انه احدى سفراء مصر فى الخارج ..
سفراء مصر فى الخارج دى عايزة يوم بحاله نقعد نعدهم ..
لاحظ الجملة دى اتقالت مع زويل و البرادعى و المهندس عزار و يعقوب و .. و .. و .. و ..
بالتالى الريس كرمه .. يبقى البتاع دا لازم يتصور معاه فى مكتبه ..
راح المأسوف على شبابه زويل للبتاع دا .. أحنا لسه فى عهد البتاع اللى بالع ضفادع و هوا بيتكلم دا
راح و شرب القهوة تانى و نسى ياخد معاه مضاد العقار المصرى فوت علينا بكرا
المهم اتشال البتاع دا .. و هنا لازم اقول اسمه علشان فى دعوة شيلهاله فى قلبى
عاطف عبيد ..
ألهى يارب أشوف فيه يوم اسود من قرن الخروب فى حقل طينى فى ظلام الساعة 12 بالليل فى يوم ميكونش فيه بدر
جاه مين .. أبيه أحمد نظيف .. قعد مع زويل .. بس أبيه أحمد نظيف كان طالع مفتح عن البتاع دا ..
كان رد أبيه أحمد نظيف .. احنا نبدأ من الاول يا زوزو .. و نقعد و نشوف موضوع الجامعة ..
بدأو من الاول .. و انتهوا عند أنكل البتاع دا .. انتهوا ان يا زويل روح انت هات التمويل و نحن هنا جالسون
و لو اتزنقت فى حتة أرض .. حبعتك لواحد حبيبى حبيبى يعنى .. يخصصلك حتة أرض فى الصحرا لا تقل عن توشكى فى شىء

زويل دلوقتى بقى احدى مستشارى أوباما الرخم .. اللى كل يوم مصمم يحسسنا بعجزنا ..
زويل دلوقتى بقى واحد من ضمن 20 واحد أمريكى مستشاريين لأوباما ..
أمريكا مفيهاش 20 يخططولها للعلم و العلماء بدون زويل .. !!

أحمد زويل كان بيحكى قبل كده فى المصرى اليوم .. حاجة مش حنساها عمرى كله ..
أن ملك ماليزيا سافر بنفسه فى رحلة لأقناع عالم بالعودة لماليزيا
و ان الحكومة التايوانية زادت اهتمامها يوم بعد يوم و عملت حملات علشان العالم يوان لى يرجع تايوان
و ان وزير التعليم العالى فى كوريا سافر امريكا علشان يقنع العلماء بالعودة لكوريا

الأحرى من دا و دا .. المقصود بكلمة الاحرى .. الانيل و الأزفت و الأوحش
ان كلية دمنهور كرمت زويل لجعله مستشار لأوباما و قالت ..
أن لا كرامة لنبى فى وطنه ..
حد شايف وكسة ؟؟ .. كل العالم علمائه فى حضنه .. الا أحنا علمائنا لقطاء ..

السؤال .. لو زويل حيساعد مصر .. هل دا حيكون مخالف لوجباته الأمريكية .. ؟

هوا ليه دايما اللى يراهان عليكى خسران .. ؟؟
و ليه دايما كل ما نقول بكرا احلى .. يطلع بكرا أسوء ؟؟
تعبت من كتر ما بقول أنك كنتى و كنتى و كنتى .. ولا انتى متعبتيش ؟؟
زهقت من كتر ما بدافع عنك و أقول بكرا احلى .. ولا أنتى مزهقتيش ؟؟
هوا حبك ملعون .. ولا انتى ذنباً سألت الله ان لا يغفره ؟؟
هوا انتى كده .. ولا أحنا اللى كده ؟؟

قال انا اللى بسذاجتى .. كنت بفكر فى برامج و نقاشات للتلفزيون المصرى ..
و موجه لوزير الاعلام رسايل .. و أيه رأيك لو نعمل برنامج عن ولا برنامج عن و لا فقرة عن
لو وزير الاعلام ذات نفسه بشحمه و لحمه .. دخل رد هنا و قالى هات اللى كتبته .. مش حكتبه

يا جدعان .. ملقيش عند حد السلام الوطنى الأمريكى ولا الأسرائيلى ولا حتى الهندوسى ؟؟
يا خوانا .. اللى بيفكر يبيع .. يبيع ازاى ..
يعنى هوا فى حد اهبل حيرضى يشترى موبيل صينى مكسور 100 مرة ؟؟
ولا هوا الموبيل دا نازل صب لأمثالنا .. ؟؟

السؤال الأخير ..

أيه حكم الخاين المصرى .. هل بيطبق عليه قوانين الرفقة و الرقة و الغلب علشان كونه مصرى .. ؟؟
طيب الجاسوس المصرى اللى اتمسك قبل كده .. حرام و لا حلال يتسجن .. و بلده مصــر ؟؟

تتكسرى ولا ينصلب عدوك .....................

الاعلام المصرى .. بين اعلام عبد الناصر و اعلام الفقى .. ( 1 )

2009-04-12T19:36:00.000+02:00

وزير الاعلام المصرى ..

تحية طيبة و بعد .. ،

لا أحد ينكر ان الاعلامـ المصرى لم يكن عند حسن الظن فى ازمة غزة الأخيرة
و هذا الكلام خارج من مؤسسة الرئاسة و مفهوم ضمنيا من التطوير القائم فى مبنى ماسبيرو و فى القنوات المصرية
و لكن هل هذا التطوير هو ما يتمناه المواطن المصرى او يرجوه ؟؟
و هل هذا التطوير هو ما سنواجه به تلك القناة التى تعبث و تسب و تشتم مصر من قمر مصر الصناعى ؟؟

هنا الاختلاف .. انا أراه تغييرا شكليا ليس أكثر ولا اقل .. مثل تاجر ضاق به الحال من متجره فقرر أن يغير أسم المحل دون ان يغير ما يشتكى منه الزبون .. التغيير القائم الان لا اراه و انا متابعا للاعلام المصرى .. لا أراه يرضى غرور المواطن المصرى الذى تربى على أحدى أكبر أذاعات الشرق الاوسط و الذى تربى على الريادة الاعلامية .. و تربى على بث أذاعة الشرق الاوسط لأشارات و رسائل المقاومة فى الجزائر و فلسطين و اليمن و افريقيا .. تربى على ان الرئيس جمال عبد الناصر قرر أن يستقبل قائد الثورة العراقية و أستقبل نيلسون مانديلا و أستقبل و أستقبل و أستقبل ..

لا اتفق مع الراحل جمال عبد الناصر .. و لست من معجبيه .. و لست ممن يترحم على أيامه ولا أتمنى عودة أيامه ..
و لكننا لا يجب ان نغفل دوره فى بناء اذاعة الشرق الأوسط و صوت القاهرة ..
لماذا لا ناخذ منه ما أوصل أعلامه لقمة الرقى فى هذه المرحلة .. و نترك ما نختلف فيه معه بعيدا

إعلام جمال عبد الناصر .. كان يدعى انه الثورة مستمدة من الشعب و استخدم فى ذلك الخطب الرنانة و الشعارت الجوفاء ..
حتى عندما قامت النكسة .. أستخدم الأذاعة و التلفزيون و الخطب الرنانة و قال انه يتنحى لأنه اخطأ
و لكن شعبنا لا يريد ان يتنحى مهزوم خائب مضحوك عليه اوكل الدفاع لأحدى أصدقائه لأن خطبه رنانة

إعلام جمال عبد الناصر ..
كان يتغنى باغنيات عبد الحليم و أم كلثوم ..
إعلام جمال عبد الناصر عندما أراد ان يبنى السد .. أستخدم عبد الحليم حافظ .. فى اغنية صورة ..
و عندما انتهى بناء السد .. أستخدم قولنا حنبنى و ادينا بنيبنا السد العالى
و إعلام 2009 يوكل حفلات الرئيس لتامر حسنى و هيثم شاكر الهاربين من الخدمة العسكرية

ما يختلف اعلام 2009 عن اعلام الستينات و الخمسينات ..
ان عبد الناصر و من حوله غنوا ما يريد ان يسمعه الشعب و المستمعون
غنى لهم القومية العربية .. غنى لهم الوطن الأكبر ..
اما أعلام 2009 يريد ان يتغنى الشعب مصر اولا .. نعم مصر أولا .. و لكنك لم تعلمهم حب مصر ..
و لكنك لم تمهد لهم ان مصر اولا
اعلام 2009 كان و لازال يزف للناس أخبار الأنجازات الأقتصادية .. مؤكد ان هناك انجازات على جميع المجالات ..
و لكن غنى الأعلام للشعب ما يريد .. ام أنه غنى ما يريد الاعلام ان يتغنى به ؟؟!

الشعب المصرى شعب عطوف بطابعه .. شعب ككل الشعوب العربية .. عندما تذكر له الدين يقوم و يقبل قدمك ..
و عندما تقول له ان حماس أخطأت يبيح قتلك و يقول أنك متامر خائب خائن ..

و عندما نعود إلى ما أستخدمه جمال عبد الناصر فى ان يوجه اعلامه .. أعلن ان الثورة من الشعب و الشعب من الثورة
و كانت الثورة فاسدة .. و لكن الشعب يحب الأشعار و الخطب و البلاغة الكلامية

لا أطلب أن يتم الان أن تزف الاخبار بان الحزب الوطنى من الشعب و إليه .. هذا خطا لا يجب ان يقع فيه أعلامنا الأن
فبدل من ان نقوى على تلك القناة الحقيرة .. صاحبة شعار الراى الاول و الاخير .. نعطيها مسمار لتدقه فى نعش اعلامنا

أعلامنا الان يحتاج إلى كم كبير من أصحاب العقول التى يثق بهم الشعب المصرى ..
لكى يعود الشعب المصرى للتلفزيون المصرى .. يجب أن تعطيه جرعة دسمة من النقد و المعارضة للحكم و الحزب الحاكم

أذا أراد سيادة الوزير أنس الفقى أن يعود بالمكانة المصرية الاعلامية إلى بيتها و هو قادر على ذلك لان الفرصة لا تزال فى يده
عليه ان يتجه للمعارضة .. لا لكى يفضحها .. و لكن عليه ان يستعين بها و يخبر الشعب المصرى أننا أول الشعوب المصرية التى تاتى بالمعارضة إلى التلفزيون الرسمى .. لا أقول المعارضة امثال رفعت السعيد و الصباحى و امين اباظة ..
لا .. المواطن المصرى ليس بهذه السذاجة التى يصدق بها ان رفعت السعيد مثلا يقول الحق ..

الشعب المصرى يريد ان يرى أمثال ..
سليمان جوده .. مجدى الجلاد .. وائل الأبراشى .. مصطفى بكرى .. جلال أمين .. حمدى قنديل
و كان يتمنى ان يرى فى شاشته ..
مجدى مهنا .. و عبد الوهاب المسيرى

لا يجب ان تضيع فرصة التطوير فى نقل شربط الاخبار من العرضى للرأسى و نقل علامة القناة من الشمال إلى اليمين

أنس الفقى لديه فرصة لن تتكرر .. لن يلومه النظام أذا سمح لحمدى قنديل و جلال امين و سليمان جوده بالظهور ..
لا الظهور الثانوى فى لقاء .. بل الظهور فى برامج مقرون بها أسمهم
النظام من اراد التغيير .. و هذا التغيير ..

لا يوجد لدينا هيئة لأستطلاع الأراء .. و لكنى أراهن انه لو تم أستطلاع رأيى المشاهد المصرى أستطلاع شفاف ديمقراطى
لن يذكر أكثر من 100 فرد من عينة تحتوى 1000 فرد على عدد 2 برنامج فى التلفزيون المصرى
أذا ما جنبنا البيت بيتك و برامج الرياضة ..

لماذا لا يتعاقد التلفزيون المصرى مع عمرو اديب أو منى الشاذلى ..
مع العلم ان الوزراء و المسئولين ضيوف دائمين على طاولة هؤلاء !!

لماذا لا يتعاقد التلفزيون المصرى مع مجدى الجلاد او سليمان جوده او مصطفى بكرى ..
مع العلم ان المسئولين و الوزراء يتواصلون مع هؤلاء عبر الجرائد !!

لماذا الأصرار على خروج حمدى قنديل من التلفزيون المصرى ..
على الرغم من انه كان يقدم برنامج أسبوعيا .. و كان التلفزيون المصرى هو الذى أعلن ظهور حمدى قنديل
و هل تزيد الحرية يوماً بعد يوم .. او تقل كل يوم ؟!!

لماذ الاصرار على ظهور أساتذة جامعة و رؤوساء جامعات ..
لديهم العلم ولا يملكون الكاريزما الفنية .. على الرغم أن فى من يمتلك الاثنين
و لو تم الاختيار بين الكاريزما و علم قليل .. لأختار كمشاهد كاريزما عالية مع علم قليل

الاعلام المصرى كان يمتلك شبكة مراسلين كانت تجوب العالم .. و كانت تدخل جحور الذئاب
مازال المشاهد المصرى يتذكر خميس أبو العافية .. حازم فوده ..
الان كل مراسل لا يأخذ غير من وجه النظر الحكومية تاركا وجهة النظر الشعبية ..
و بالتالى الشعب المصرى لديه حق ان يهرب هو الاخر و يترك الرسائل اليومية لمن يتغنى بها

لا أعرف لماذا الأصرار على أستخدام رجال قد تجاوزوا من العمر هرما و لا يستطيعون التحدث
و لكن ما يغفر لهم أنهم من المؤيدين على طول الخط .. و هل يصدق أحد المؤيدين على طول الخط او المعارضين على طول الخط
و يترك شباب من خيرة شباب مصر ..
يترك شباب لأنه مستقل رأيه حر لا ينتمى إلى الحزب الوطنى ولا ينتمى إلى جماعة الاخوان من غير مسلمون
لا أعلم لماذا لا تتم الأستعانة بجماهير الشباب .. نعم شباب الفيس بوك و المدونات و المنتديات

لا أعلم لماذا يصر الأعلام المصرى او القائمون على الاعلام المصرى ان يتجاهلوا رجال دين
يمتلكون الكاريزما لدى الشباب و يحاربون العنف ..
هل الاعلام الجزائرى يفكر أبعد منا عندما يستخدم عمرو خالد فى مواجهة الحركات الأسلامية المتشددة ؟؟

سأكتب فى الرسالة الثانية بعض الأفكار لبرامج اتمنى وجودها ..

فات على النظام الحالى أن يزف للناس أنه من الشعب و إلى الشعب ..
فلا يجب ان يفوت عليه ان يستخدم المثقفين و المعارضين لجذب المشاهد المصرى ..
لا اعلم إذا ضاعت هذه الفرصة .. هل ستتاح فرص اخرى ..
هل سنجد اعلامنا تائهاً فى السماء الفضائى فى أحداث غزة القادمة ..

الكرة فى ملعب سيادة الوزير أنس الفقى .. فهل يسدد ؟؟

أمبارح و النهاردة ..

2009-03-26T02:16:00.000+02:00

أمبارح ..

فى كل مناسبة عائلية ألاقى عمى و عماتى يحكولى أنا كنت بعمل أيه فى ولاد عماتى
بيقولولى كنت بستدرج واحد واحد تحت الطربيزة و أعضهم و أطلع قبليهم أعيط :D

النهاردة ..

وصل حجمـ أعمال الشركة 2 مليون و 500 ألف ..
و الشركة فيها محاسب واحد و مدير مالى واحد و operator واحد و سكرتير واحد و مندوب واحد
هو العبد لله :D

أمبارح ..

فاكر أول يومـ KG2 ..
بابا بيشتغلنى و جايبلى هدوم جديدة و كيس كبيييييييير فيه شيبسى و مصاصات و مستيكة و بسكويت و كل ما تشتهى انفس العيال :D
ماما بتمهد لبابا الطريق .. أيه رأيك يا محمد فى الهدوم الجديدة .. دى اللى انتى مختاراها أمبارح .. بتشتغلنى :D
بابا .. محمد لبس الهدوم الجديدة ولا لسه .. و انا فى سذاجة أيوا يا بابا :D
ركبنا تاكسى طلعنا على المدرسة .. بابا عمال يسرد مميزات المدرسة
أيه دا .. كل دا حوش حيلعب فيه محمد بهدومه الجديدة .. لا يا راجل :D
بابا بيسلمنى لوحدة طخينة .. يالا يا حمادة نلعب كورة .. :D
بدأ البكاء .. أنتهى اليومـ و أنا مش عايز أروح مع بابا من المدرسة :D

النهاردة ..

النهاردة أكملت الـ 24 سنة .. صحة و عافية يا عفروتو :D
24 عاما قضتها فى تراب المحروسة ..
تنقلت فى بيتين بس .. الأول كان فى الشاطبى و التانى دلوقتى فى القبارى
عيشت احلى أيامى فى القبارى .. مكنتش متخيل نفسى أنى من الشاطبى الحقيقة :D
مكنتش متخيل أنى أبقى قاهراوى ولا جيزاوى .. مفيش غير أسكندرية

أمبارح ..

أول صورة و أحنا كلنا فى KG2 .. جدى كان فرحان بيها قوى
جدى كان من الناس اللى لازم تقعد و فى ضهرها صف كتب غريب طويل عجيب
قالى تعالى هات القلمـ و تعالى أكتبلكـ حاجة ..

أخذت هذه الصورة للدكتور محمد محمود قبارى فى أولى حضانة فى المدرسة ..
الأسكندرية فى 9 / 1991

و كان كتبلى فى يومـ سبوعى ..

حبيبى و حفيدى الغالى الأستاذ حمادة .. أننى فى غاية السعادة أن أحضر حفل سبوعكـ الجميل
و عقبال عيد الميلاد ان شاء الله و اتضرع إلى الله ان يطيل فى عمرى و احضر زفافكـ
أرجو قبول هديتى المتواضعة ..
جدو قبارى صادق .. 6 / 4 / 1985

الراجل دا كان بيحبنى قوى .. أول ولد بقى و أول حفيد يشيل أسمه .. و للأسف أخر حفيد يشيل أسمه

النهاردة ..

جدى بقاله حوالى 8 سنين متوفى ..
كل شويه أروح قبره و أقوله أنا عملت لأيه و وصلت لأيه و اعتذرله أنى مطلعتش دكتور
كل ما أشد مع بابا .. أفتكر جدو .. مكنش حد يقدر يقولى بمـ لا بابا ولا ماما و جدو موجود
بفتكر هداياه و بابا نويل اللى جابهولى .. و صورى معاه
معشتش معاه غير 5 أو 6 سنين .. كفاية قوى أن فى أخر أيامه كان بيتسند عليا علشان يصلى الجمعة فى الجامع
بابا حكالى موقف .. ان لما كان جدو بيخطب يوم الجمعة فى المسجد و عيل عيط عياط رهيب
جدى كان حيقول ياريت الأطفال متتعبوهاش و خليهم فى البيت فأكتشف أن حفيده لسه مولود بقاله 10 أيام
و الأيام حتيجى و حيعيط فى الجامع ..

أمبارح ..

تفوق ملحوظ فى الأبتدائية و الاعدادية .. كان بيصحبه هدايا و دلع و فسح و خروج
كنت لما اجيب النهاية الصغرى .. هيا أسمها كده :D .. كان بابا بيرفض يمضى الشهادة و يزعل منى
ولا مرة سقطت أو طلعت بمادة او حتى جبت النهاية الصغرى غير مرة واحدة بس
لدرجة أنى كنت من ضمن الـ 3 اللى بيحيوا العلمـ فى الأبتدائى و الاعدادى

النهاردة ..

مش عارف أنجح و اخلص كليتى بعد عناء أستمر 7 سنوات فى كلية 4 سنوات
لدرجة ان بابا لما يعوز يمسك عليا حاجة يقولى اه ما أنت فى طب بقالك 7 سنين :D
مش عارف يمكن أكون فاشل أو غبى أو مش عارف كيف تؤكل الكتف ..
دى الحاجة الوحيدة اللى مبجبش سيرتها لما بقف قدامـ قبر جدى

أمبارح ..

كنت احدى لاعبى الباسكيت فى جمهورية مصر العربية :D
كان معايا كارنيه مكتوب فيه .. عضو الاتحاد المصرى لكرة السلة
كان سنى عملى مشكلة .. سنة 85 لما تتصعد للفرقة الكبيرة ..
بتتصعد على ناس أخدت خبرة و كفاءة ... بالتالى بتبقى قاعد أحتياطى طول السيزون
و تستنى السيزون اللى وراه .. علشان مبيبقاش فى غيركـ .. و تبقى الكابتن كمان :D
الدورة الوحيدة اللى كسبتها مع فريقى كانت بطولة رمضانية و دى اللى اتصبت فيها :D

النهاردة ..

بلعب بالعافية كل يومـ جمعة مع أصدقائى اللى كانوا معايا و بطلوا زيى ..
بنلعب ساعتين بعد صلاة الجمعة أو بعد العصر ..
أجمل ما فى اليومـ دا .. أستعادة الذكريات و الضحكـ و الهزار فى اللعب .. :D

أمبارح ..

كنت شاب مأنتخ فى البيت .. خروج و سهر لغاية الفجر و بعد كده نومـ لغاية العصر
مكنتش بروح الكلية غير أول سنة و مكنتش بطيقها من كم الفاكسين
كنت مقضيها مع صحابى يا أما خروج و سهر أيامـ الخميس .. يا أما تلفزيون و كومبيوتر قبل النت :D

النهاردة ..

بقيت شاب active لدرجة بتتعبنى قوى .. بس فرحان بيها قوى
لدرجة بتخلينى مدخلش البيت غير علشان أغير هدومى و أنامـ .. لا أكل ولا غدى و لا عشا
لدرجة أنى كنت بقعد بـ 3 أيامـ مشوفش بابا
وصلت لدرجة .. ان كان بيبقى عندى كورسين فى نفس المعاد فاصل بينهمـ ربع ساعة مواصلات
و محدش يقولى نظمـ وقتكـ .. دى كانت مترتبة ع الشعرة :D

أمبارح ..

فترة قبل الشغل .. روحت القاهرة مرتين .. مرة رحلة و مرة لعمتى فى مدينة نصر
لدرجة انى كنت حاطط عينى فى وسط راسى علشان متوهش

النهاردة ..

دلوقتى القاهرة بقت سفرية كل أسبوع و ممكن فى الأسبوع مرتين
أخر سفرية من الشيخ زايد لمحى الدين أبو العز لـ 6 أكتوبر للشيخ زايد لرمسيس
وصلت لمرحلة أنى مبقتش خايف .. القاهرة بقيت بالنسبالى عادى جدا

أمبارح ..

كنت بحلمـ باول صفقة اعملها و ازاى حيكون شكلها ..
و كنت دايما بجرى ورا أى خيط ألاقيه قدامى .. و كان بابا دايما يضحكـ عليا :D
فاكر اول بيزنس ليا .. مكنتش بسميه صفقة بس كنت بسميه تجارة
كنت بنزل فى معارض .. و كنت بناطح شركات كبيرة و تقيلة
بس الادارة كانت فاشلة و كمان كان فى شراكة .. بس اتعلمت و دا عندى بالفلوس كلها

النهاردة ..

و فعلا النهاردة بالذات .. 25 / 3 / 2009 .. تمت اول صفقة .. كانت صفقة ملابس :D
مش عارف ليه بالذات الصفقة تخلص يومـ 25 / 3 ..
الصفقة تمت براسمال 2000 جنيه و ربح 500 جنيه ..
الصفقة كبر قيمتها مش فى القيمة او الربح .. انا الحمد لله مش محتاج فلوس و شغال كمان
الصفقة قيمتها عندى كانها اول عيل فى عيالى :D

الكاتب محمد سلماوى و قناة TV5 ..

2009-03-21T19:40:00.000+02:00

من المرات القليلة التى اتفق فيها مع الكاتب محمد سلماوى ..
بحس ان فى بينا اختلاف كبير فى التفكير .. و دا لا يمنع انى بقرا عموده الأسبوعى فى المصرى اليومـ
منذ احداث غزة و انا اتابع الكاتب محمد سلماوى فى كل كتاباته الأسبوعية فى المصرى اليومـ
عجبنى تناوله للاحداث .. عجبنى اكتر تحركه و ردوده فى اكتر من مكان فرنسى
عجبنى انه مش بيسيب المكان للأسرائليين للترويج لبضعاتهمـ و دايما بيكون موجود أذا كان النقاش فرنسى
و بدات اتابع مقالاته بدقة و بقراءة سليمة .. و شدنى فى كثير من المقالات الاخيرة
و التى كان اخرها مقالة عن الأرهاب الأسلامى .
و عجبنى طريقة سرد المقال التى كانت معتمدة على الأرقام و الأحصائيات فى الدفاع عن المسلمين .. " المقال "
وبما انا من متابعى قناة الـ TV5 الفرنسية التى تبث على القمر الصناعى النيل سات
بيشدنى فيها انها نافذة فرنسية تطل علينا كعرب و بتحترمـ العقلية العربية على عكس قنوات كتير موجه زى قناة الحرة الأمريكية
و كنت أشاهد نشرة الاخبار كلما انتصفت الساعة .. و كان يذهلنى فى النشرة الجوية
أنهمـ كانوا يضعوا القاهرة فى حدود مع أسرائيل .. حاولت الوصول للقناة عبر الانترنت و بعت اكتر من ميل لكن لا جديد
القناة عندما تذيع النشرة الجوية تجد ان مصر لا تذكر فى افريقيا و ان القاهرة تقع فى اسيا بحدود مع أسرائيل
و دى الصور ..
الصورة الاولانية فيها قارة افريقيا و مصر مش فيها خالص

الصورة التانية ..
القاهرة تقع مكان سينا و لديها حدود مع أسرائيل ..!!!

أنا عموما ضد نظرية المؤامرة .. و بالتالى انا ضد نظرية ان دا مخطط فرنسى ..
بس بعد محاولاتى اللى فاتت اللى بأت بالفشل .. قررت اوصل الموضوع لحد فاهمـ و ليه قنوات اتصال مع القناة دى
و اللى شجعنى اكتر .. ان الكاتب محمد سلماوى من الكتاب الذين تستعين بهمـ القناة الفرنسية ..

هل قرأ مجدى الجلاد الرسائل !!

2009-03-13T04:23:00.000+02:00

كنت كاتب رسائل لمجدى الجلاد فى رسلتين ..
الأولى .. كنت بحكى أزاى أتحولت من قراءة الأهرامـ للمصرى اليومـ
و التانية .. كتبت فيها أقتراحات أتمنى أشوفها فى المصرى اليومـ

المهمـ ..
وصلنى أيميل من واحدة معرفهاش بتقولى
أنها بعتت لمجدى الجلاد الرسايل اول ما نزلت عن طريق ميله الخاص بالجريدة
أنا بصراحة كالعادة شكرتها و قولتلها أن كويس أن البوست عجبها و كده ..
و حتى مقولتش لحد على الموضوع دا
بعد شويه رجعت أقرا الرسايل من تانى .. لاقيت ان فى شويه أقتراحات أتنفذت و أتحققت
مش بقول أنى السبب أو بنسب الفضل لنفسى .. علشان مش دا المقصود

على سبيل المثال ..

فى 2 / 9 / 2008 .. كتبت الرسالة رقم 2

( 1 )
" أتمنى ان أرى كاركاتير يومى فى الجريدة .. و لا أتمناه أن يحل محل الصورة الأخيرة .. "

بتاريخ 23 / 10 / 2008 ..
أعلنت المصرى اليومـ خبر تعاقدها مع بلال فضل و رسامـ الكاركاتير عمرو سليمـ
و بعد هذا اعلنت المصرى اليومـ عن صفحة شهرية للكاركاتير يرسم بها مخلوف و عمرو سليمـ

( 2 )
"أتمنى أن تزيد جرعة الأخبار العالمية فلا تقتصر على صفحة واحدة بها مقالين رغمـ أهميتهمـ ..

ألا أنهمـ يملئون الصفحة أو أخبار تعتمد فى المقامـ الأول على الأنترنت "

"أتمنى ان أرى صفحة شهرية .. لمتابعة جريدة عالمية و متابعة أخبارها .. و نظرتها للعرب .. و أتمناها أمريكية "

اعلنت المصرى اليومـ فى نهاية 2008 عن أطلاقها خدمة جديدة

عن طريق نقل مقال من الصحف العالمية و مقال أخر من الصحف العربية ..

( 3 )

"أتمنى أن تزيد صفحة الرأى او المساحات المخصصة لكتابها ..

المصرى اليومـ مليئة بالكتاب التى لا يمل أحد منها ..

بداية من الكاتب الجميل سليمان جودة .. مرورا بالكاتب الرائع حمدى رزق .. و ختاما بالكاتب محمد سلماوى "

زادت صفحة الراى عن طريق وضع تصميم جديد يمنح صفحة " مساحة راى "
مكان اوسع و أشمل ليضم مقالات أخرى و كان هذا فى نهاية عام 2008

:: .. :: .. :: .. :: .. ::

طول ما ميزانية الداخلية بتتصرف على الأمن المركزى و السجون و عربيات اللواءات
طول ما فى وزراة بتشيل كل حاجة للماس الكهربائى و الأختلال العقلى
طول ما سيادة وزير الداخلية قاعد فى مكتبه لا عارف أيه اللى بيحصل فى الدفاع المدنى
طول ما سيادته كل اهتمامه بشويه شباب من بتوع النت و سايب الكبار
طول ما يوسف عبد الرحمن و راندا الشامى و عماد الجلدة و الملاح هاربنين من سعادته
طول ما سعادته شايف أن الأمن مستتب و أن التعذيب ليس نهج وزارته
طول ما سيادته وزير حرس الرئيس و ليس وزير داخلية مصــر
طول ما سيادته فاكر أن رضا مصـــر من رضا الريس
طول ما فى فى وزارة سيادته مرتشين و فاسدين

يبقى بديهى جدا أن أول أول أمبارح حريق قصر ثقافة بنى سويف
و أول أمبارح حريق مجلس الشورى
و أمبارح حريق رمسيس
و بكرا ممكن الماس يمسكـ فى قصر رئاسى ولا حاجة ..
ساعتها حيحصل تعديل وزارى بفصل الدفاع المدنى عن الداخلية

:: .. :: .. :: .. :: .. ::

واحد صاحبى بيقولى يابنى ما أنا قولتلكـ
" و اتارى الدنيا مش حلوة زى ما انت شايفها "

:: .. :: .. :: .. :: .. ::

كل خطوة بخدها وسط صحابى .. بيفضلوا يضحكوا عليا
و بعد شهر أو شهرين بلاقيهمـ بياخدوا نفس الخطوة
لدرجة انى مبقتش بهتمـ لا أنى أقولهمـ و لا أخد رأيهمـ
و اللى بقوله .. ليه ؟؟

:: .. :: .. :: .. :: .. ::

بعد كمـ الحب و الرومانسية و الـ specifications اللى منتشر فى البلوجات دا
فكرت اعيد نشر مواصفات فارسة احلامى :D
كل ما أجيب الورقة و أنقلها .. أرجع و أقول لأ

:: .. :: .. :: .. :: .. :: .. ::

عندنا

عندهمـ

فاشل ..

2009-03-11T02:32:00.000+02:00

بالورقة و القلمـ .. و بالأرقامـ و الحسابات و المنطق ..
لغاية دلوقتى على رأى بابا " أنا فاشل "
و مع كل الفشل دا .. بستغرب انا أزاى لسه منهرتش ..

.. :: .. :: .. :: .. :: ..

عيد الأمـ جاى .. و تظهر على طول ذكريات طقمـ البهارات اللى كنت بجيبه و أنا صغير لماما
و كنت ببقى فرحان قوى أنى جايبلها طقمـ بهارات ..
منه رخيص علشان مصروفى و منه كبير 5 أو 10 علب :D
و أكتشفت أن حتى الهدايا بنستخدمها منها
مش معقول ماما حتستخدمـ طقمـ البهارات لوحدها فى البيت يعنى :D

.. :: .. :: .. :: .. :: ..

العسيلى بالنسبالى .. مغنى كلاسيكى بحت بأدوات تكنولوجية ..
بشوف فيه مطرب الحب النضيف .. أول مرة أسمع مطرب بيغنى للجواز و النصيب
مطرب النهايات السعيدة و القسمة و النصيب ..
مطرب بيلعب فى شارع فاضى .. بيدندن فى أوضه مفهاش حد غيره
واحد بيقول لحبيبته ..

لا مُلك مدينة ولا جاه ولا زينة يبعدونى عنك .. لقمة تكفينا و موجه تغطينا على شاطىء مليان حبكـ .. و هناكـ ننسى الناس .. و كفاية عليا أنكـ جنبى .. و نبنى قصور من صدف و زهور ياللى أنتى نور بيزيد فرحى .. مفيش أجمل من أنكـ تفضلى معايا على طول .. عيونى مش راضية تفارقكـ لأن جمالكـ مش معقول

واحد بتعيش معاه كل فترات الشباب ..
فى ألبومه الأول .. تحس بالحيرة و التوهان
البومه التانى .. خلاص لاقيتها
ألبومه التالت .. أنتى بيتى و مطرحى
ألبومه الرابع فى رأيى حيكون .. بعد سنة جواز

واحد لما ساب حبيبته غنالها ..

طول عمر حياتك مشغولة و مليانة بالناس .. و علشان أقرب بأى صوة دا بالنسبالى أنجاز .. قدرت أوصلكـ رغمـ كل الناس اللى بيحوطوكى .. و خليتكـ تحبينى يا خسارة زى أخوكى و كان صعب عليا أخسركـ لما أصرحكـ بالحقيقة .. و كان صعب اللى بنيته فى سنين يروح فى دقيقة حاضر .. حغنيلكـ فى فرحكـ الليلادى .. من أمتى قدرت أرفضلكـ طلب .. حتى نجومـ السما حاولت أجبهالكـ و أنا أيه يهمنى غير أنى أشوف فرحتكـ أو أنى أشيل دمعتكـ

واحد بيغنى لحبيبته الفستان الأبيض ..
بيقول أنه بيحلمـ بيها فى يومـ فرحهمـ ..
و الألبومـ اللى بعديه بيقول ..
دا أنتى بيتى و مطرحى .. بابه هوا قلبكـ .. و عنيكى شبابيكـ بتخلينى أشوف النور اللى أنا محتاجله و أنتى حياتى و دنيتى .. و دا أملى و فرحتى .. و انتى سندى و قوتى .. و دا زادى فى رحلتى و بعدين بيقولها طول ما أنتى جانبى بلاقيكى تملى وش السعد عليا .. حبيبة قلبى و معاكى ناقصنى أيه .. طول ما أنتى جانبى عمال أقرص فى نفسى كل شويه ومش مصدق اللى أنا دلوقتى فيه

قبل كل دا كان بيحكلها أزاى كان اليومـ اللى راح فيه يتقدملها

أحساسكـ أيه النهاردة .. و أنا جايلكـ فى بيتكـ .. جاى أقول لأهلكـ قد أيه أنا حبيتكـ جاى للبيت بحاله نتكلمـ يومـ بطوله .. جوا قلبى الكلامـ بس ياريت اعرف أقوله و أكيد قلبكـ بيرقص و أكيد قلبكـ قلقان .. ما أنا برضه زيكـ و أكتر مستنى من زمان اليومـ اللى تبقى فيه دايما حواليا .. حفضل أحبكـ و أ شيلكـ جوا عنيا أقرب الناس لقلبى جايين كمان معايا .. دا أبويا و دى أمى و أختى طبعا عرفاها و طبعا أبنى خالتى قاعد فى البيت مستنى مش عايز يكلمنى أصله خايف أكتر منى

و بعد ما اتجوزا .. و ظهور نظرية العيوب

أنا عايزكـ زى ما أنتى .. مش عارف خايفة ليه و انا عارفكـ زى ما أنتى و دا اللى أتعودت عليه و بحبكـ لما تتعصبى و طريقتكـ لما تهزرى و بشوفكـ أحلى يومـ بعد يومـ و بحبكـ لما بتركزى فى ذوقكـ و أنتى بتلبسى .. و عنيكى و هما مليهمـ النومـ و بحبكـ لما تتكلمى و طرقتكـ لما تسلمى .. و لما تخبى سر يبان على طول دا بحبكـ لازمـ تفهمى .. فى عيونى دايما تكبرى .. و عيوبكـ عندى دا شىء مطلوب

أغانيه بتفكرنى بـ Bryan Adams و هوا بيقول Here I'm
بتفكرنى بـ Kenny Rogers و هوا بيقول She believes in me
بتفكرنى بـ Bryan Adams و هوا بيقول when a man love a women

أغانى العسيلى بتعيشنى مود الحب النضيف ..
اللى ملوش نهاية غير الجواز و الفستان الأبيض و البيت
كفاية لما يقول .. فى عيونى دايما تكبرى .. وعيوبكـ عندى دا شىء مطلوب
أغانيه بتعيشنى مود بعيداً عن مود عايزها موزة و حلوة و محترمة و لعوب :D

يمكن تبان أغانيه لحد تانى قمة فى التفاهة ..
بس بالنسبالى أغانيه ليها بُعد تانى عن حب اليومين دول

.. :: .. :: .. :: .. :: ..

حد شاف فيديو المتهمـ فى قضية نادين و هبة ..

الفيديو ناشراه المصرى اليومـ .. وكيل النيابة و لا الظابط ولا مش عارف مين

بيقولوا انتوا حتتكلم عن الضائقة المالية اللى كنت بتمر بيها

و أن صحابكـ قالولك تسرق البيوت اللى كنت شغال فيها فى 6 أكتوبر

و بعد كده وجه كلامه لبتاع المونتاج و قاله " انا مش عايز صوتى يبان فى الفيديو "

حمل الفيديو

.. :: .. :: .. :: .. :: ..

أحدث صيحات صيف 2009

بعد أستنفاذ مخزون مختل عقلياً و مخزون ماس كهربائى

حصريا لدى بوتيكات وزارة الداخلية ..

ضائقة مالية ..

هوا دا عنوان سيزون 2009

.. :: .. :: .. :: .. :: ..

تعديل وزارى تغيير وزير الرى و الموارد المالية
و أستحداث منصب لطنط مشيرة خطاب لوزارة الأسرة و السكان
و تغيير مسمى وزارة الصحة و السكان و جعلها وزارة الصحة فقط

كل اللى يشدنى فى التعديل ..

أن نظيف قال أن محمود أبو زيد وزير الرى طلب أعفائه بسبب ظروفه الصحية
الموضوع ببساطة هوا حاجة من 3 ملهمش رابع :
يا أما فى غضب من الحكومة بسبب تصريحاته أول أمبارح فى أسوان اللى وجه أنتقادات للحكومة بسبب مشروع توشكى
يا أما غضب من الوزير بسبب التباطىء فى تشكيل المجلس الأعلى للمياه
يا أما أتجاه الحكومة لقفل موضوع نقابة المهندسين بترشيح الوزير السابق المحبوب من المهندسين
على فكرة وزير الرى من أحدى علماء المياة و الثروات المائية فى العالمـ ..

.. :: .. :: .. :: .. :: .. :: ..

حادث الحسين و نظرية V for Vendetta

2009-02-26T12:56:00.000+02:00

تدور أحداث V for Vendetta حول سجن حربى
تتمـ فيه جميع أشكال التعذيب و التجارب على مجموعة من
النشطاء السياسيين و الشعب المنقاض
و تفشل جميع التجارب و الاختبارات و يموت جميع المساجين و يتم أحراق السجن ..

و ينجو شخص واحد فقط ..

يقرر هذا الشخص ان يفضح النظامـ الحاكمـ و أن ينتقمـ لأهله و النشطاء الذين سجنوا معه ..
و بدأ فى كشف كافة المخططات التى تمت لكى يصل هذا الرئيس الظالمـ إلى الحكمـ ..

فوجد ان نظامـ الرئيس الحاكمـ قبل الانتخابات نشر فيروس قاتل فى الطعامـ و المياه و الهواء
أدى إلى موت الألاف من الشعب ..
لكى يتمكن من انتزاع أصوات الشعب فى الأنتخابات تحت غطاء الأمن و الحماية لهذا الشعب ..

و عندما وصل للحكمـ ..
خطب فى شعبه أن أمن البلد و سلامته مسئوليته الشخصية
و أن حماية البلاد خط احمر لا يمكن المساس به
و عهد إلى رجاله أمنه الخاص قبل امن البلد ..
و عهد إليهمـ كافة الصلاحيات حتى يتمكنوا من السيطرة على البلاد ضد الديمقراطية و الحرية
و أستعان بمجموعة مقربة لديه ..
فكان لديه وزير يسيطر على الوضع الداخلى للبلاد من خلال الفساد و الرشاوى ...
و راهباً منحرف كانت هوايته البنات الصغيرات ..
و أعلاماً يبث فى الشعب أساليب الحكمـ و المؤمرات التى تتمـ ضد البلد و كيف أن وجود الرئيس يحميها من الكثير ..

و بدأ المناضل أو الثائر فى بناء قاعدته و بدا فى قتل كل ما تواطىء على الشعب
و كل من ساعد فى التعذيب و التجارب فى السجن ..
بدأ بالمذيع اللامع الذى كان يلهو بعقول المشاهدين و كان احدى رجال النظامـ الحاكمـ
و انتقل إلى أحدى قادة السجن الذين بقوا على قيد الحياة ..
ثمـ إلى أحدى دكاترة السجن التى كانت تجرى التجارب ..
و قالت له أنها كانت تنتظر هذا اليومـ لانها كانت تعرف نهايتها
و قتل رجل الدين المنحرف فى عقر كنيسته حيث كان يخبأ رجل الدين المسدس فى الكتاب المقدس ! ..
و هذه دلالة على خوفه و انتظار دوره

و كان يتركـ بجوار كل جثة .. وردة حمراء

و مع كل هذه عمليات الأغتيال كان هناكـ تفجيرات فى أهمـ الأماكن حيوية فى البلاد ..
ففجر أحدى أشهر الساعات ..
و فجر أحدى اهمـ قناة فضائية كان يستخدمها النظامـ الحاكمـ بعد ان بث مقطع له يحث الشعب على الثورة و على الأطاحة بالظلمـ

و كان يستخدمـ أحدى الأقنعة لأن وجه كان مدمر من التجارب و التعذيب الذى كان يجرى فى السجن ..
و بدا فى أرسال القناع لكافة الشعب عبر شركة بريد .. و بات كل فرد من الشعب يمتلكـ قناع مثل قناعه ..
و تاهت مخططات الشرطة فى القبض على صاحب القناع .. و أجبر الشعب على مساندته

و قرر أن يكون يومـ الرابع من نوفمبر ..
هو يومـ الحرية عن طريق تفجير المبنى الحاكمـ أو كما كان يسمى مبنى الشعب

و عقد صفقة مع وزير الأمن الداخلى حيث يسلمه نفسه بحيث يصبح وزير الأمن هو القائد و البطل الذى امسكـ الأرهابى و يصبح الرئيس القادمـ..
مقابل أن يسلمـ وزير الأمن رئيس البلاد له ..

و يقتل الثائر و المناضل رئيس البلاد و حرسه و وزير الأمن و يموت متأثراً بالقتال الذى خاضه مع حرس الرئيس

و يتركـ أمر تفجير المبنى فى يد أحدى بنات الشعب المقهور الذى قتل أبواها بسبب معارضتهمـ للنظامـ

:..:..:..:..:..:..:..:

بعد أن تتعمق فى اللون الأحمر
من فضلكـ أربط حزامـ مقعدكـ وأطلق العنان لخيالكـ ..

من مدبر حادث الحسين .. الحاكمـ أمـ المناضل أمـ أرهابى ؟ و لماذا هذا التوقيت ؟ ومن مصلحة من ؟

هل سنرى ورد أحمر بجوار جرائمـ قادمة ؟

هل لكى تنهض الأممـ لابد من فوضى و دمار و خراب ؟

::.::.::.::.::.::.::

تتكسرى ولا ينصلب عودكـ .. أنا جندى فى جنودكـ

أكاليل الجهــاد ..

2009-02-19T13:19:00.001+02:00

لا احد يختلف على ان الأسلامـ هو دين الخلاص لأمتنا ولا أحد يختلف أيضاً أن الأسلامـ دين كل العصور

و لكن ..

هل هناكـ أسلامـ على أراضى المسلمين ؟؟ .. ،
هنا يأتى الأختلاف .. بين فريقا يرى أن الأسلامت موجود فى كل مكان فلن تحتاج إلى جهد او تعب او تكلفة لكى ترى ان اغلب نساء المسلمين يرتدين الحجاب و لن تاخذ من وقتك الكثير لكى ترى كمـ عدد المساجد فى كل منطقة و فى كل حى
و لن تجهد نفسكـ لكى تدخل تبتاع متطلبات يومكـ و تجد على أبواب المتجر أيات قرأنية ..

و الفريق الأخر يرى انه لا يوجد إسلامـ على أراضى المسلمين فالمظهر هوا السائد و الجوهر غائب و الأيات لا تعبر عن ما بالداخل

و أرى نفسى قابعاً فى موقف الوسط بين الفريق الأول و الفريق الثانى ..
فلوجهة نظر الأول بعض الأخطاء كما فى وجهة نظر الفريق الثانى و هذا ما يجعلنى محلقا بين الفريقين ..
كل هذا لكى انطلق للفكرة الرئيسية ..

و هى فكرة الجهــاد ..

الجهاد .. هو احد عقائدنا كمسلمين و ستجد معى ان اغلب من يرفعون شعارات الجهاد فى رأيى أما ثوريين أو انهمـ لا يفقهون من امرهمـ شيئاً فلو أجرينا مقارنة بسيطة دون الدخول فى تفاصيل المقارنة التى لا تحتاج لتفاصيل ..
بين وضعنا الحالى ( وضع قضية الجهاد الأن ) و الجهاد فى السابق ، سنجد أن الأمة الأسلامية لمت تنتصر بالجهـاد ..
و لكن كان الجهــاد أكليل يزين رقبة الأممـ فى اخر المراحل ، و كان الجهاد جائزة لأعمال سابقة مهدت للجهـاد النصر و النجاح ،
كنا ننتصر فى كل معركة نصرة ظاهرة لا يختلف عليها أثنين و يفشل كل من يحاول اخفاء هذه الحقيقة ،
فعندما قاد سيدنا محمد صلى الله عليه و سلمـ معارك الأسلامـ فلمت تكن اول معارك الأسلامـ هى غزوة بدر ..
بل كانت معركة مواجهة الظلمـ و التفرقة و تجارة الرقيق فبنى صلى الله عليه و سلمـ أصول العلاقة بين المسلمين اولا فلا تجد فرقاً بين أعجمى او عربى ألا بالتقوى ولا تجد فرقاً بين غنى او فقير بعد ان كانت سياسات العبيد و الرقيق هى السائدة و لن تجد أصحاب و أنصار سيدنا محمد صلى الله عليه و سلمـ من يوؤد أبنته لأنها بنت بعد ان كان الوؤد شرفاً و تكريماً للرجل و كان العمل و الاخذ بالأسباب أساس حكمـ سيدنا محمد صلى الله عليه و سلمـ فلمـ يكن هناكـ ظالماً أو غشاشا صحابى ،
و هنا مهد سيدنا محمد صلى الله عليه و سلمـ الطريق للجهــاد و النصر و لوجود الأسلامت مستخدما أوامر الله تعالى ..

و عندما ساءت أحوال المسلمين بعد الخلفاء الراشدين إنتهاءاً بفتح الأندلس بدأ الظلمـ و الحفاظ على المناصب و حب الدنيا و قهر النساء و جشع المسلمين .. و هو ما كان أحدى أسباب سقوط الاندلس من المسلمين و بدأت الكفة فى الميل ناحية الغرب بعد أن نقلوا تجاربنا و نجاحاتنا فبعد ان كنا أسياد و حكامـ بلادنا و كنا نصدر العلمـ و العلماء أصبحنا لا نملك مثقال ذرة فى ميزان الأممـ ..

الخلاصة بعد كل هذه الأطالة .. انه لكى نقوى و يشتد ساعدنا و نفوق من يتحدنا ..
علينا أولا أن نرجع إلى مقاييس الحكمـ التى تكون نهايتها أكاليل الجهـاد .. علينا ان نقيمـ أولا أسلامنا فى كل شىء ..
قبل أن نقيمـ الأسلامـ فى الجهـاد فقط .. حتى ننجح يجب أن نعدل مع انفسنا .. فالتاجر الفخور بتزين متجره بأيات القران لا يعمل بالأيات .. و المراة المزينة بحجاب المظهر تسىء للأسلامـ أكثر من كونها محجبة

بيتنا يحتاج إلى الترتيب من الداخل .. بيتنا يحتاج إلى العدل و المساواة و رفع الظلمـ عن الفقير و محاسبة الغنى قبل الفقير ..

فـبعد ان يسود العدل و يزول الظلمـ و يرفع الحق عالياً .. فسوف نكلل رؤوسنا بأكاليل الجهاد ..

و ماعدا ذلكـ فى رأيى أنه أبتعاد عن جوهر المشكلة و بالتالى إضافة أوقات سالبة لأوقات فى الأصل سالبة

. .. . .. . .. . .. . .. . .. . .. . .. . .. .

يقول شيخ الأسلامـ أبن تيمية

أن الله ينصر دولة كافرة عادلة ولا ينصر دولة مسلمة ظالمة

أهداء لجمال مبارك .. بلادنا لا ترحب بالناجحين !!

2009-02-08T21:17:00.000+02:00

من ساعة ما قررت أشقلب العلمـ أحتجاجا على منع مشروع إنسان من الظهور

و أنا قولت مش حتكلمـ عن المشروع غير لما ينجح أو حتى يبدأ فى الدول العربية

علشان لما أتكلمـ أحط بوستى فى عين أجعس طخين فيكى يا مصر ..

علشان لما أتكلمـ بحرقة و أقول ليه دايما علمائنا و مفكرينا و أصحاب المشاريع التنموية

دايما ملهمش مكان عندنا و أحنا فى أمس الحاجة لهمـ .. محدش يقولى يا عمـ فكك منى

علشان لما أشوف الصور اللى ححطها بعد كامـ سطر .. و أضرب 100 كف على كف

محدش يقولى .. بطل دوشة عايزيين ننامـ ..

الصور دى أهداء لجمال مباركـ

ومش حهديها لرئيس الوزراء .. لأنى عارف أن الموضوع مش بأيده

ولا حهديها لحبيب قلبى حبيب العادلى ..

علشان كل دى سخافات هدفها هز أستقرار الوطن

أسيبكمـ مع صور نجاح مشروعى مصرى بفكر مصرى بس كالعادة مش فى بلد مصرى

أول صورتين .. لقائمة NewsWeek لأكثر 50 شخصية مؤثرة فى العالمـ عام 2008

حتلاقوا عمروخالد محطوط فى القايمة مع أهم شخصيات فى العالم

حتلاقوا أوباما و أصدقاء أوباما و رئيسة مجلس الشيوخ الأمريكى

ليه منستفدش براجل زى ده .. ليه العالمـ كله بيكرمه و أحنا بنهينه و نزود الحصار عليه

الأردن ..

السودان ..

اليمن ..

الجزائر ..

الزيارة لمـ تنتهى حتى الأن .. و تتحدث الأوساط السياسية فى الجزائر

عن دعوة عمرو خالد من الحزب الحاكمـ لمواجهة جماعات التطرف الجزائرية

.. .. .. .. .. ..

وزراء الداخلية و الشباب و الرياضة العرب يستعينون بعمرو خالد .. ألا مصــر

لو جمال مباركـ فكر شويه .. بدل من الأعتقالات فى الأخوان .. و كل دا بيزدهمـ أنتشارا و تسويقا

يستعين بالفكر المضاد .. الفكر يقابله الفكر .. مش الأعتقال و التنكيل

لو راجل زى عمرو خالد أخد فرصته بدعمـ حكومى .. و الله لا حيبقى فى جماعات متطرفة ولا حتى أخوان

عمرو خالد صرح من الجزائر .. أنه ليس ساذج أن ينضم لجماعة أسلامية أو سياسية

و أنه رفض التوقيع على دعوة شيوخ إلى الجهاد فى غزة .. حتى لا تؤخذ مأخذ خطأ ..

عمرو خالد رجل صاحب مشروع تنموى .. لماذا نهوى هدمـ المشاريع التنموية ؟؟

عمرو خالد أكبر من منصب وزير أو رئيس .. أمثاله يعلمون أن المناصب نهاية الرجل

متى سنرى تعاون مصرى ع عمرو خالد على غرار التعاون بين عمرو خالد و الدول العربية ؟؟

دا السؤال اللى يجاوب عليه جمال مباركـ فقط

.. .. .. ..

قفا تركى ..

2009-01-31T19:58:00.000+02:00

بعيداً عن جوا الحموضة اللى انا عايشه بقالى أكتر من شهر ..

و بعيدا على ممنوع شرب الكوكا و القهوة و الشاى و النسكافية ..

و ممنوع الطبخ و المسبك و مخلل و المقلى و الفلفل ..

يظهر الحاج أردوجان .. بقفا جديد

كالعادة أردوجان مصممـ أنه يدينا كل شويه قفا .. قفا تركى ماركة RCR

بعد القفا الأول لأردوجان فى قناة الحقيرة .. لما قال جئت إلى هنا لأننى أمثل شعبى و منتخب بالنيابة عنه

واصل أردوجان سلسلة صفعاته .. و المرة دى كانت من منتدى دافوس فى سويسرا

لما رفض أكمال المنتدى الأقتصادى دافعا عن غزة ضد بيريز بيه و المحاور الأمريكى

و قال موجها كلامه لبيريز " تعلمـ جيدا كيف تقتل الأطفال .. و أنا بالنسبة لى منتدى دافوس انتهى "

و لما رجع بلده .. أستقبله شعبه من غير أتوبيسات نقل عامـ ولا أتوبيسات شركات بترول

و قال مخاطبا شعبه

"أنا لست دبلوماسياً متقاعداً.. ولا أتحدث كما يتحدث الدبلوماسيون المتقاعدون لأننى وصلت لهذا المنصب من أعماق السياسة، والبعض لايزال غير مدرك لقوة تركيا، لكننا لا نعمل على ضوء ما يقوله الآخرون، وسنستمر فى موقفنا بالدفاع عن تركيا، وهذا ما يليق بشعبها "

الديمقراطية تطلع راجل .. الراجل يرد على اللى شايف نفسه راجل

ديمقراطية 99.9 % تطلع عيل .. ميعرفش يرد على عيل شايف نفسه راجل

الفرق بان قوى .. لما أوردجان قامـ و أنسحب .. و عمرو موسى مبقاش عارف يعمل أيه

لا عارف يقعد ولا يمشى و قامـ وقف و خلاص .. و بعدين قعد .. حيعمل ايه طيب ؟!!!

-- -- -- -- -- -- -- --

أختلافى مع حماس .. مش أختلاف مع المقاومة الفلسطينية .. أو اتفاق مع فتح

أختلافى مع تمويل أيرانى بحت للحرب على غزة ..

أختلافى مع أن تقومـ حماس برد جزء من جمايل أيران ..

أختلافى مع خالد مشعل .. الذى لمـ يحمل سلاح فى تاريخه

أختلافى مع هنية الذى أختبىء فى المخابىء و تركـ شعبه ..

على الرغمـ أن أسرائيل خبت شعبها المهدد بالصواريخ فى المخابىء

أختلافى مع أدارة الحرب .. و بعد موت 550 واحد ..

يخرج خالد مشعل ليقول لمـ يموت اح من المقاومة حتى الان

أختلافى مع سر علاقة خالد مشعل برئيس وزراء قطر ..

أدون جاسمـ صاحب أحدى قصور هانليا فى اسرائيل

و سر علاقته برجل المال فى فتح .. محمد رشيد الملقب بخالد سلامـ

أختلافى مع هذا الذى يسمى نفسه نصر يخرج من الأستوديو ..

اللى بيفكرنى بأستديوهات سينما مترو .. علشان يقولنا نعمل ايه ..

يقولنا نقومـ و نعمل مظاهرات و القوات المسلحة تضغط

يأخى تييييييييييييييييييييييت

و فى الأخر يطلع يقول يا بيه و الله ما أنا اللى رميت الصاروخ ..

أختلافى مع قادة عرب نسوا ماضيهمـ .. و لما أقول قادة عرب يبقى قصدى الـ 22 واحد ..

من بتاع قطر .. اللى نسوا أنه كرش أبوه و أنقلب عليه و أننا شايلين قرفه هنا فى مصر

مرورا لبتاع الجولان المحتل بتاع المقاومة .. و صولا لمباركـ بيه .. أنتهاءا ببتاع أسراطين

أختلافى مع فرض نصر لغزوة غزة .. على العلمـ أن محدش لغاية دلوقتى كسب ..

اللى أنا شايفه أنه كله غلط .. كله على باطل ..

من حماس لأسرائيل لمصر لقطر لسوريا ..

-- -- -- -- -- -- -- -- -- --

سنة 2008 .. خلصت لا لا قصدى غارت

السنة دى تعبتنى قوى .. حاجات فزيعة حصلتلى ..

يمكن فيها حاجات محدش لغاية دلوقتى يعرفها ..

لدرجة انى حتى تعبت من كتر ما بفكر فيها لوحدى ..

سنة حصل فيها كل حاجة .. كل ما تشتهى الأنفس حصل فيها

لدرجة أن الدكتور اللى روحتله قالى سبب الحموضة و عدمـ الهضمـ هوا نفسانى

قالى عندكـ حاجة تعباكـ نفسياً .. قولتله كالعادة لا أنا فل الحمد لله

يالا الحمد لله على كل شىء ..

-- -- -- -- -- -- -- -- -- --

فى فيلمـ دا .. أتسئل بطل الفيلمـ .. ليه بتكتب مذكراتكـ ؟؟

قال علشان الدنيا و الوقت بيجروا بسرعة و دى الحاجة الوحيدة اللى بتعطلها شويه

دى الاجابة الوحيدة اللى أقنعتنى بفكرة اللى بيكتبوا مذكراتهمـ

-- -- -- -- -- -- -- -- --

أحلامـ كتير فى 2009 .. أغلبها بتتحطمـ قدامـ الأزمة العالمية

أحلامـ بسنة هادية .. من غير مشاكل عويصة تستغرق حلولها شهور زى سنة 2008

أحلامـ .. بخطوة مهمة فى طريق شغلى .. و إن كنت رسملها أخر السنة ..

أحلامـ .. بنجاح عادى جدا .. لدرجة ان مقبول بقت أحدى الأحلامـ

أحلامـ بسنة من غير دعابات سخيفة زى سنة 2008 ..

أحلامـ .. بلغتين أنا عن نفسى بحبهمـ جدا ..

أحلامـ .. بأنى مفقدش حد عزيز عليا تانى ..

أحلااااااااامـ ..

-- -- -- -- -- -- -- --