الاثنين، 5 مايو 2008

أمــــى





و انا ماشى فى مدونتى ..


لاقيت بوست كنت كاتبه عن الحب ... ممكن يكون بايخ


و لا قيت بوست عن مصــر .. ممكن يكون ممل و طويل


و لاقيت على شمالى صور أنغــامـ و سعــاد مــاسى و المصـرى اليومـ


قلت كل دول ناس بحبهمـ علشان كده كتبت عنهمـ



قلت طيب و " أمـــى " ... ما هيا كمان بحبهـــا


قلت لازمـ أعملها بوست مخصوص ليها .. قلت حكتب فيه كل حاجة حلوة فيها


قلت حكتب فيه كل حاجة عملتها ليا .. كل حاجة حلوة فى حياتى هيا كان ليها دور فيها


قلت حكتب عن كمـ حبى و أعجابى و فخرى بيهـــا


قلت حكتب عن حنانهــا و عطفهــا و دموعهــا و أبتسماتهــا


قلت حكتب عن شدتهــا الممزوجة بالحنان الرهيب و الخوف الشديد


قلت دا أنا لو كتبت كل دا مش حيكفيهــا مدونة و لا مدونــات


علشان كده حبيت أكتبلهــا أغنية أنــا بحبهــا قوى


ممكن أكون غلط أنى أختصر كل معانى حبى لأمى فى أغنية لعماد عبد الحليمـ


بس لاقيتها بتعبر كتير عنى و عن علاقتى بأمى





أنـا مهما خدتني المدن ... وخدتني ناس المدن دايما صورتك في قلبي ... دليلي في المدن


أطوي المدن وأجيكي ... عطشان لنور عنيكي وأرمي روحي عليكي ... تطبطبي وتضمي


مبحسش بالبراح ده ... إلا في قلبك يا أمي أيوة في قلبك يا أمي


وأنا مهما خدتني المدن ... وخدتني ناس المدن دايما صورتك في قلبي ... دليلي في المدن


كبرت وكل ما أكبر ... يكبر حبك في قلبي
كبر وأنا ليا غير ... ربي وإنتي ووطني
لما أعود إليكي ... وأبوس على إيديكي

نسى المدن يا مايا ... في لمستك وعنيكي
أرمي روحي عليكي ... تطبطبي وتضمي

مبحسش بالبراح ده... إلا في قلبك يا أمي


أوة في قلبك يا أمي أنـا مهما خدتني المدن ... وخدتني ناس المدن دايما صورتك في قلبي ... دليلي في المدن


أمي يا حبيبتي إنتي .. طول عمرك طايرة بيا طايرة بيا


أمي وكأنك إتخلقتي ... علشان تخافي عليا عليا


طول ما إنتي عايشة ليا ... يا نبع م الحنان


لو ضاق الكون عليا ... ليا في قلبك مكان


وأرمي روحي عليكي ... تطبطبي وتضمي


مبحسش بالبراح ده ... إلا في قلبك يا أمي


أيوة في قلبك يا أمي


وأنا مهما خدتني المدن ... وخدتني ناس المدن


دايما صورتك في قلبي ... دليلي في المدن

12 التعليقات:

صبري سراج يقول...

تصدق انا حبيت الست والدتك عشان خاطر اغنية عماد عبد الحليم دي ..

وحبيتك انت كمان عشان فكرتني بأغنية بعشقها

وهحبك اكتر لو جبت لينك تحميل لها

Yasmine يقول...

و انا اللى كنت فاكرة ان اغنية فايزة احمد هى احلى اغنية بتتكلم عن الام

الامومة عامة بتبهرنى
حد بيحبنى بسخافتى و غلاستى و غبائى احيانا و دمى التقيل فى احيان تانية
يعنى مش عشان انا اذكى واحدة فى الدنيا
ولا عشان فيا حاجة مميزة عن باقى خلق الله
بس عشان انا بنتها
حب غير مشروط زى ما بيقولوا
واحدة بتحبنى من قبل ما تشوفنى
حب لا بينقص ولا بيتغير
و مش مستنية حتى انى ابادلها الحب ده

ربنا يخليهالك و يخليلنا امهاتنا كلهم يا رب

Here i'm يقول...

صبورتى ..

ماما مرتبطة :0)

Here i'm يقول...

بنت مصــرية ..

أنا كنت فاكر زيك أن أغنية فايزة أحمد أحلى أغنية .. بس انا دى بحسها أكتر


أجمل ما فى الأمومة الحب من غير رتوش و الحب للحب .. من غير مصالح و لا أنانية

و زى ما قلتلى بتحبنى بساخفتى و غلاستى و غبائى و دمى التقيل

Mohammed يقول...

انا زعلان مع ماما

Here i'm يقول...

محمد ...

أنت اللى حتبقى غلطان ..
مش حقلك بقى كلام الناس الكبار الممل دا

لا أنا حقلك فكر بالراحة و من غير تحيز حتلاقى نفسك غلطان

و لو لاقيت نفسك غلطان متعملش فيها الواد اللى كبر و متكبر يصالح مامته

غير معرف يقول...

ربنا يحميها ويخليهالك يارب

غير معرف يقول...
أزال المؤلف هذا التعليق.
غير معرف يقول...

صح..الأغنية أهي للتحميل:)

بصيغة rm

:)


كوبي وسيف أو حطها في برنامج تحميل عادي ..اتفضلها يا أستاذ صبري..أهي :)

http://song4.6arab.com/Emad-Abd-al-7alim_Ana-Mahma-5adtny-al-Modon.rm

صبري سراج يقول...

متشكر يا إيمان ربنا يخليكي

غير معرف يقول...

:)

عفوا :)

وعلى فكرة..الموقع ده حلو فيه أغاني قديمة :)

www.sawari.com أغاني قديمة

ابقوا شوفوه فيه أغاني قديمة حلوة :)

معلهش انا شكلي كدة بعمل عندكم اعلانات صح..:D

الشارده يقول...

على فكره الاغنيه دى انا بحبها قوىىىىىىىى