الأحد، 15 يونيو، 2008

لا أرى .. لا أسمع .. لا أتكلمـ


لا أرى ... لا أسمـع ... لا أتكلمـ

أعزائى المشاهدين .. أهلا بكمـ فى مبارة اليومـ بين فريقى

الحزب الوطنى الديمقراطى VS الشعب المصــرى

لو كنت من مشاهدى الدرجة التالتة .. حيكون فريق الحزب على يمينكـ و فريق الشعب على شمالكـ

و لو كنت من مشاهدى الدرجة الأولى .. حيكون فريق الحزب على شمالكـ و فريق الشعب على يمينكـ

يحكمـ المبارة .. الحكمـ المعروف بحياده الشديد و ثقافته السياسية الواسعة

الحكمـ الدولى .. فتحى سرور

و يراقب المباراة .. الحكمـ الرابع أحمـد عــز

أنطلقت صفارة الحكمـ ... و بدأت المبــاراة ..

فريق الحزب قاعد على الأرض مش هامه أى حاجة خالص

و فريق الشعب المصرى .. عمال يجرى و يلعب و يشوط

شايف أبو تريكة الحزب الوطنى .. كمــال الشاذلى رايح للحكمـ

أيه دا .. أيه اللى حصل دا ..

ضربة جزاء لكمال الشــاذلى .. و لا حد لمسه

طبعا الأخوان فى فريق الشعب المصرى مش ساكتين .. أزاى . ليه .. حرامـ

شايف على الناحية التانية .. أحمد عز نزل الملعب .. دا راح لبتاع الأخوان

شكله قاله " لو مسكتش حقول عن علاقتكـ بالفريق الأمريكــى "

الأخوانى المشهور " يوافق على ضربه الجزاء .. و يعرض خدماته لتسديدها كمان "



على الجانب الأخر ... يشتاط حزب الوفد غيظاً من ضربه الجزاء

الله .. دا أحمد عز .. نزل الملعب تانى .. دا رايح لرئيس حزب الوفد

سامعه بيقوله " لو مسكتش حبعتلك نعمان جمعة "

رئيس حزب الوفد يوافق على ضربه الجزاء .. و يعرض خدماته بأزالة القائمـ "




على الجانب الأخر .. مازال رئيس حزب التجمع فى ملكوته و صومعته

الراجل مش عايز حد يقوله " الفلوس و الهدايا و الـ ..... "




على الجانب الأخر .. أرى الشعب المصــرى فى المدرجات

يسجل رغباته و توقعاته للمبارة .. ورقة الأستطلاع بتقوله

" الحزب اللى ماصص دمكـ ... الأخوان بتوع الأسلامـ اللى مبوظينه ...

الوفديين بتوع الليبراليه اللذيذة ... التجمعيين اللى مش فاضين للسياسة و لا لمصـر "




الأرسال أتقطع ...

مذيع أستــاد مصـــر بيسأل المشاهدين

" من سيختار المشاهد المصــرى "

أبعت الأجابات على مجلس الشعب

و أربح ليله لفردين فى أحدى أقســامـ الشرطة

الجوائز مقدمة من شركة العادلى للسياحة





4 التعليقات:

dr.lecter يقول...

وااد يامحمد الماتش ده ماتذاعش خالص انت بتفتكس ولا ايه؟

Here i'm يقول...

لا يا دوكى أتذاع فى قناة البرلمان اليوم ... بعد فقرة الطبيخ :)

nA3'oUm HaNeM يقول...

واد يا كوبري
انا مش عاوزه اعرفك خالص :D
بلاش كلام في السياسه يرفع الظغط
و يجلط القلب و الدماغ :S

Here i'm يقول...

نغ نغ :D

منورة والله يا حاجة ..

طيب أحنا هنا فى مصر .. أنتى خايفة من أيه دا أنتى على رأى المصرى فى الأستيتس :D