الاثنين، 28 يوليو 2008

مصرى غريب شويه !!!!! ( 1 )




الحكــومة المصـــرية



فى رأيى أحسن حكومة مصرية جات بعد عاطف صدقى ..

بس هيا شايله بلاوى عاطف بيه عبيد ..

بس هيا سيئة الحظ .. جات بعد عاطف عبيد

الأسعار فى العالمـ كله أرتفعت .. أزمة غذاء عالمية طاحنة

مؤسسات حكومية هشة متعودة على النومـ و المرتب أخر الشهر ..

ناس أتعودت على الميرى و ترابه ..





- - - - - - - - - - - -


شيـريـن

مش لاقى صورة نضيفة ليها أحطها هنا :D

فى ناس كتير شايفنها أنها مطربة مصـر الأولى و الكلامـ دا ..

أنا مبحبش شرين ..!!



- - - - - - - - - - -

الزمــالكـ
على قد ما أنا اهلاوى .. بس بحب الزمالكـ .. عكس أى اهلاوى :D

يعنى عايز الزمالكـ يطلع مع الأهلى فى المجموعة و يمثلوا مصــر ..

عايز الزمالكـ ينافس الأهلى فى الدورى و الكأس ..

عايز الزمالكـ يرجع زى ما كان ..




- - - - - - - - - - - -

أحمـــد عـــز




الناس كلها بتقول الراجل دا زبالة .. الراجل دا مش عارف ايه

و عمرو أديب يعمله حلقات .. و مصطفى بكرى يشتمه

و الكل مصممـ أنه ميشوفش أن الرئيس محمد حسنى مباركـ

هوا اللى جابهولنا .. مش هوا اللى جاه لوحده

و المثل بيقول " اللى يلاقى دلع و ميدلعش ربنا يحاسبه "

أدلع يا عزو ...








5 التعليقات:

banouta masreya يقول...

سؤال صغنن معلش عشان انا مخى على قدى
انهى حكومة دى اللى بتقول عليها عشان الصورة مش باينة اوى:D
حكومة مصيلحى و هلال و الجمل و سامح فهمى و اباظة ؟
بلاش يمشوا عشان هم وحشين احنا اساسا جزم و ما نستاهلش احسن من كده
يمشوا من باب تغيير العتبة :D
دول جم و جابوا معاهم انفلونزا الطيور يا راجل.. فى فال انيل من كده

شيرين صوت يهبل بجد هى بس من ساعة ما اتجوزت و اغانيها تحولت من صبرى قليل لاغانى السهتنة و الرقة و انا ماليش فى كده خالص

انا اهلاوية عشان بابا اهلاوى غير كده مافهمش فى الكورة نهائى :D

احمد عز
لو سمحت ما تتريقش على فتى احلامى :D
مش مهم مين جابه مبارك و سوزى جابوا جيمى و جيمى جاب عزو...المهم انه جه و مش هيمشى الا لما يجيب ضرفها..
البلد دى عايزة زلزال يشيلها و يحطها فى مكان فى بنى ادمين لسه عندهم شوية ضمير يمكن تتعدل..و اكيد اى حد هيستاهلها اكتر مننا

Here i'm يقول...

بصى أنا متفق معاكى مع التغير من باب تغيير عتبة :D بس الكلام دا لما نكون فى القرن الـ 2 :D

بصى كل حاجة ليها سلبيات و أيجابيات .. سؤال بسيط أيه اللى كان يحصل لو كانت حكومة عبيد هيا اللى مكان حكومة نظيف فى ظل الأزمات دى كلها ؟؟

على فكرة لما بقول حكومة بتكلم عن الوزرات المهمة .. مش الرى و الأوقاف و الكلام دا :D

أحسن وزير أقتصاد جاه مصر فى الحكومة دى .... أحسن وزير صحة جاه مصر فى الحكومة دى .. أحسن وزير أستثمار فى الحكومة دى .. أحسن وزير مالية فى الحكومة دى .. أحسن وزير أدارة محلية فى الوزارة دى .. أحسن وزير رى فى الوزارة دى ..

و لما بقول أحسن وزير بتكلم عن الأوضاع الحالية اللى يقولى فلان و علان دول كانوا مرحرحين قوى و برضه مكنش فى نهضة و لا يحزنون ..



شرين .. أنا مبحبش البنت المكسورة اللى حتموت نفسها علشان حبيبها و مبحبش اللى تعيط :D



قولى لبابا مبروك :DD


بصى أحمد عز اللى حيمشيه هوا اللى جابه .. أحنا اتعودنا على كده

Founoon يقول...

لا انت مصري غريب 3 شويات او 4 او 5 مش شويتين بس :)

مادام دا اللي جواك يبقى براحتك ولا حد ليه عندك حاجة

Here i'm يقول...

ما هوا مش معقول مدونتى و مبقاش براحتى :D

nA3'oUm HaNeM يقول...

كوبري افتكرت بتتكلم عن احمد عز الممثل كنت هاجي ارزعك قلم يعلم على وشك looooooooooool
بس مين احمج عز المزيف ده و ليه مدايقك بالشكل ده