الجمعة، 11 يوليو 2008

لو يتغير الزمـان ..


لو يتغير الزمان.. و قابلتينى فى أى مكان .. كنت أعشق من غير ما تقولى ..

لو يتغير الزمان .. كنتى عرفتى أنكـ حد مهمـ بالنسبالى

لو يتغير الزمان .. كنت على الأقل قولتلكـ الكلمة اللى عمركـ مسمعتيها منى

لو يتغير الزمان .. كنتى عرفتى أن بعد 7 سنين لسه فاكركـ

لو يتغير الزمان .. كان زمنا مع بعض عايشين أحلى 7 سنين

لو يتغير الزمان .. بس أنهى زمان دا اللى حيجمعنا !!




8 التعليقات:

Reem يقول...

بوست جميل جدا

غالبا السكوت فعلا بيضيع الحب

بس ان جيت للحق هو لا بسبب المكان ولا

الزمان كل الموضوع انه مالكش نصيب

معاها و جايز النصيب يجمع مين عارف؟

المهم بعد فلسفتي العميقة اللي فوق دي

ما تكونش امرأة خيالية او بوست خيالي

اصل شكلي هيبقى بايييييييييخ بعد

الكلمتين الجامدين الي قولتهم دول

بس اسلوبك حلو اوي في الكلام و السرد

Here i'm يقول...

ريم ... منورة البوست و المدونة :)

لا مش أمراة خيالية أو بوست خيالى

دى حقيقة :) ..

بس عارفة أنا بحمد ربنا أنى مليش فيها نصيب

بجد مكنش ينفع لأسباب كتير لا تعد و لا تحصى :)

و لكن يبقى شىء ...

dr.lecter يقول...

عارف يامحمد بجد احيانا القصص من النوعيه دي فعلا يفضل لها انها ماتنجحش وتكتمل لاسباب عديده زي مانت زكرت
والاهم ان انا شايف ان الشكل الخيالي لها والسطحي الجميل يخليه عايش علي طول وماينتهيش نتيجه مشكله مابين الطرفين تقعد تبكي عليها بقيه حياتك لانها ضاعت منك مره تانيه بعد ماجتمعتبها
معرفش من حقي اسالك ده ولا لا بس لو جت لك الفرصه انك تجتمع بها مره تانيه وانت عارف كويس انك هتخسرها بعد فترهلنفس اسبابك كنت هتوافق؟
فهمتني؟

Here i'm يقول...

كلامك صح يا دكتور ..

أحسن نتيجة للقصص دى هى الفشل ..

بالنسبة لسؤالك يا دكتور ..

أنا مش عارف حختار أيه .. بس أنا من النوعية اللى بيكسب صوت عقله دايما ..

و بالتالى أقدر أقولك أنى حختار أنى أفضل كده أحسن :)

romaya يقول...

ربنا يرزقك بالزوجه الصالحة يا محمد انت انسان طيب وان شاء الله ربنا يرزقك بيها قريب

Here i'm يقول...

حدعيلك الدعوة الدائمة

ربنا يكرمك يارب :D

nA3'oUm HaNeM يقول...

قطعت قلبي يا كوبري يا اخويا :)
الكلام اثر فيا بجد :S بس ليه طالما حبيتها تضيعها من ايدك
و بعد 7 سنيين تفضل فاكرها...
u r such a sweet heart ya mohamed

Here i'm يقول...

عارفة .. فى فيلم لفريد شوقى أسمه
" جعلونى مجرما "

كان بيقوله ليه عملت كده يا سلطان

قاله " الظروف كلها كانت ضدى "

مكنش ينفع يا نغوم ..