الثلاثاء، 22 يوليو 2008

انا بطالب بتدخل جمعيات حقوق الإنسان و اليونسكو !!



حرامـ اللى بيحصل فى أسكندرية دا و الله ..

حرامـ أكون من أسكندرية و مش عارف أستمتع بيها ..

حرامـ مكتبة أسكندرية تكون بالقرف و الزبالة اللى بتترمى فى حرمها ..

حرامـ الطرق ليها اللى لسه معمولة تستهلكـ بالطريقة دى ..

حرامـ كمـ أكواز الدرة اللى مرمية فى البحــر ..

حرامـ كمـ القرف و الزبالة اللى مرمية فى كل مكان ..

حرامـ البهدلة اللى بتحصل لمرافق أسكندرية .. من مياة و كهربا و كل حاجة ..

حرامـ الكورنيش دا يتبهدل بالقرف بتاع المصطفين ..

حرامـ اللى بيحصل فى بلد أستنيناها كتير قوى علشان ترجع تانى عروس البحر المتوسط ..

حرامـ كل حاجة بنعملها فى الشتا .. يجى حد فى شهر يهدا كل دا ..





واحد حيقولى ما انتوا مستفدين من اللى بيحصل مش دى فلوس برضه داخلة

أحب أقولوه ..

أحنا مش مدينة سياحية .. أحنا لا مطروح و لا شرمـ الشيخ ..

أحنا مدينة متكاملة .. مصانع .. مدارس .. كليات .. سفارات ..

بنوكـ .. شركات .. مسارح .. سينمات ..

أحنا 5 ملايين نسمة .. أحنا محافظة منتجة ..

أسكندرية مش محتاجة تعيش على الصيف و موسمـ المصطفين ..





فين جمعيات حقوق الأنسان من اتللى بيحصل للمواطن السكندرى ..

فين اليونسكو من اللى بيحصل لأسكندرية ..




أوعدكمـ لما أمسكـ مصــر .. أن أسكندرية حتكون بتأشيرات ..

و مش حيكون لأسكندرية سفارات فى حتة علشان محدش يعرف ياخد التأشيرة ..














18 التعليقات:

mony يقول...

يالهوى ع السواد اللى ف قلبك..

ع فكرة احنا بالنسبة لمطروح نعتبر مدينة سياحية..لان مطروح معندهاش ربع اللى عندنا..مطروح مجرد بحر بس
وبما ان اسكندرية ف منزلة العاصمة الثانية عشان كده هى الافضل لاى مصيف عايز يعيش نفسه يومين
الضغط مش ع اسكندرية بس ف الصيف ده بقى فيه احتلال ف الشتا كمان
ومطروح ف طريقها للتزاحم الرهيب ده من انصار ملاكى القاهرة والجيزة وجماهيرية ليبيا:)

صوباح الخير...جاى تكتب البوست والصيف بيخلص:)

mony يقول...

اه نسيت أسألك صح..:)

انت ناوى تمسك البلد امتى عشان فيه مصلحة كده ومفيش غيرك حيخلصهالى

خربيت الاحلام اللى مودياك ف داهية دى:)

غير معرف يقول...

:(

لون الشمس يقول...

بسم الله الرحمن الرحيم

السلام عليكم ورحمة الله وبركاته

حرام عليهم مصر كلها اصلا

عارف ايه انضف محافظة؟؟

الوادى الجديد

لان مفهاش ناس اصلا

ادعوك لزيارة مدونتى

http://cbu-1.maktoobblog.com/

Here i'm يقول...

مونى ..

و الله ما سواد على قد ماهوا شعور بالحزن على أجمل بقاع مصر ..

مطروح يا بنتى مدينة بتعتمد على السياحة و الـ 3 شهور بتوع الصيف و معندهمش حاجة غير 3 شهور الصيف .. بالتلى بيبقوا فرحانين .. أنما أحنا مختلفين تماما ..


شكلك كده عايزة مصلحة فى وزارة الزراعة علشان تزرعى حتة الأرض بتاعتكوا اللى فى أبيس على العموم تعاليلى قصر القبارى :D

Here i'm يقول...

إيمان ..

أنتى البوست مش عجبك و لا أيه بس :)

Here i'm يقول...

لون الشمس ..

أولا منورة المدونة ..

و عنك حق أنضف محافظة الوادى الجديد :D

و أنا يشرفنى أنى أزور مدونتك طبعا

غير معرف يقول...

مش عارفة

يمكن علشان انت زعلان علشان بلدك

وعاوزها أجمل وأنضف بلد في الدنيا

ويمكن لأني كمان كنت عاوزة أزور اسكندرية..وأشوفها كدة


ويمكن..لأني نفسي كل حتة في مصر..تبقى الأجمل بجد..يمكن


بس زعلت لكلامك ان البلد جمالها بيتغير والسبب الناس

Here i'm يقول...

إيمـان ..

اه و الله هيا فعلا حاجة تحزن ..

طيب أنتى عارفة أول ما يبدا الشتا يبدا الأصلاحات .. طيب أحنا كسكان أسكندرية حنستمتع بيها أمتى ..


أن شاء الله مصر تكون أحسن و أجمل بلد ..

Yasmine يقول...

انا مش عايزة اجيلكوا خالص...خالص يعنى :D
بس جاية غصب و اقتدار بابا الله يسامحه بقى :))

dr.lecter يقول...

بضم صوتي معاك والله ياخسارتك يالكس يالف خساره

Here i'm يقول...

بنت مصرية ..

لا لا أكيد أنتى يعنى مش حترمى الدرة و الترمس فى البحر ..

أنتى تنورى أسكندرية أساسا ..

و لما تيجى حتعرفى و انتى على البحر فى جليم أنا بتكلم عن مين ..

Here i'm يقول...

لكتر ..

أه و الله يا عمنا ..

يا أخى تصدق و الله العظيم أحنا لما بنخرج بنخرج فى الكيلو 6 طريق أسكندرية القاهرة الصحراوى :D

Yasmine يقول...

لا ما تقلقش انا مش هرمى ترمس فى جليم لسبب بسيط جدا
انى بروح المنتزه :D
ربنا يكون فى عونكم بجد
انا قرايبى الاسكندرانية هاجروا على هنا و بيروحوا هناك فى الويك اند بس
هانت يا محمد كلها شهر و تخلصوا :)

Yasmine يقول...

نسيت اسألك عملت ايه فى النتيجة؟

الشارده يقول...

احب ابشرك يا كبارى انى اتعزمت فى اسكندريه ورفضت العزوه الحمد لله (واحد بيطلع لسانه)
بصراحه انا روحتها السنه اللى فاتت لقيتها زحمه موووووووووووووووت بين كل عربيه وعربيه عربيه
زحمه زحمه زحمه كنت هتخنق لان انا اساسا بكره الزحمه مووووووت انا عايزه اصيف واستجم واريح d واكبر g
مش ارووح اسمع كلاكاست
ده احنا كعائله كنا بنعدى الشارع بزفه وبصريخ
مامتى وخالتى بقى خايفين على شبابن من العربيات
بصراحه عندك حق

Here i'm يقول...

بنت مصرية ..

محسسانى ان المنتزة دى جنة الخالق فى الأرض

دا أنتى حتشوفى فيها بلاوى العشاق :D

بس هوا شاطىء عايدة بس اللى محافظ على نفسه :D


كلها شهر و ترجع مراتى ليا :D


بالنسبة للنتيجة .. أحنا أخر كلية بتطلع على مستوى مصر :D .. بيبقى فى محادثات علشان رفع النتايج و محاضر فى الأقسام و بيبقى فيها كل حاجة :D

Here i'm يقول...

إيمــان ..

و الله على قد ما عايز أقولك أسكندرية كانت حتنور على قد ما أنا عارف أنك مش حتتبسطى :)


نصيحة من العبد لله .. لو أتكتبلك زيارة أسكندرية بلاش تعدى الكورنيش .. فى انفاق أحسن بكتير :)