الأربعاء، 6 أغسطس، 2008



مش قادر أفهمـ .. أزاى 3 ولاد
صحاب يحبوا 3 بنات صحاب

المشكلة أن كل تلاتة كانوا صحاب قبل الحب .. يعنى مش الحب اللى خلاهمـ يتصاحبوا

دا على ما أع
تقد اللى أسمه " التظبيط "

يا خسارة الواحد ميعرفش صحاب جدعان كده :D


.-. .-. .-. .-. .-.





أعلان وظائف خاليه

تعلن الحكومة المصرية متمثلة فى وزارة النقل عن حاجتها

لسائق لورى متهور .. و سائق قطار مجنون .. و سائق أتوبيس سكران

و ذلكـ نظرا لقلة أخبار حوادث الطرق على مدار الـ 5 أيامـ الأخيرة

و يشترط من لديه خبرة فى الحوادث الخطيرة التى لا تقل ضحياها عن 15 جثة

ترسل السير ال
ذاتية على الطرق الأتية :

طريق أسكندرية مطروح

أى طريق فى الصعيد يعجبكـ





.-. .-. .-. .-. .-.






أحمد نظيف يقف فى طابور عيش فى محرمـ بكـ فى أسكندرية

مصليحى فى أجتماع مع تجار العيش فى الأسكندرية

حسن صقر يفتتح منشأت جديدة فى نادى سموحة بالأسكندرية

هلال فى لقاء مع شباب أسكندرية فى معسكر أبو بكر الصديق بأبو قير

فاروق حسنى يفتتح مهرجان الأسكندرية السينمائى فى 26 أغسطس

الجمل فى لقائه بأعضاء برلمان الطلائع فى مدارس الجمهورية بمعسكر أبى قير بالأسكندرية




يا ناس يا local يا محليين .. أمتى الصيف يخلص علشان تروحوا بقى :D

قطر زبالة ا
للى حدفكوا علينا :D




.-. .-. .-. .-. .-.






المتحدث الأعلامى للسفارة الأيرانية .. قناة الجزيرة هى من أنتجت " أعدامـ فرعون "

قناة الجزيرة ..الأيرانيون سرقوا لقطات من فيلمنا عن " السادات " و صنعوا منها " أعدامـ فرعون "

من أيران للجزيرة .. يا قلبى لا تحزن






.-. .-. .-. .-. .-.




مصطفى بكرى .. أسد على أحمد عز و الفساد و كل من يجرؤ أن يمس سمعة مصـر

مصطفى بكرى برضه .. قطة شيرازى على رومى من غير ضوافر على الريس





.-. .-. .-. .-. .-.






إبراهيمـ عيسى ... أحسن واحد يشتمـ و يسب و يلعن فى الريس

و أحسن واحد ياكل حق الصحفيين

أحسن واحد يتكلمت عن الأجور الزهيدة و المجتمع الغلبان

و أقل مرتب فى الصحافة هوا مرتب الصحفيين اللى فى الدستور



سؤال للى بيحبوا إبراهيمـ عيسى ..

أمتى مرة شوفت إبراهيمـ عيسى بيتكلمـ بموضوعية عن الحكومة أو الريس ..

طيب بلاش دى ..

أمتى شوفت إبراهيمـ عيسى بيتكلمـ وحش عن الأخوان و أمريكــا ..

ميقدرش .. أومال مين اللى حيدفع ..






.-. .-. .-. .-. .-.






خالد يوسف ... لو الفيلمـ و هوا مكتوب على الورق مفهوش بوسة

على الشاشة تلاقى سرير و واحد و واحدة بيلعبوا شلح

و لما تسأله .. يقولكـ مفيش حياة من غير جنس أو حب

و لما تقوله فلانة محجبة ينفع تمثل .. يقول طبعا مينفعش ..

و السبب المقنع .. أن فى المشهد هيا و جوزها فى البيت حتكون محجبة و دا مينفعش

رده واضح أن السينما أهمـ حاجة فيها اللوكيشن اللى فيه أوضه النومـ

سينمــا الحياة :D

حرامـ يضيع دماغه فى مشهدين تلاتة ملهمش أى لازمة





.-. .-. .-. .-. .-.








10 التعليقات:

banouta masreya يقول...

بمناسبة التظبيط اعرف اتنين كانوا متصاحبين خرجوا فى مرة هى بصاحبتها و هو بصاحبه..اللى كانوا متصاحبين سابوا بعش و اللى كانوا مش متصاحبين اتصاحبوا..و لسه مع بعض لحد دلوقتى
ماله التظبيط بقى ما هو حلو اهه :D

نسيت تقول سواق عبارة من بتوع البحر الاحمر او مركب من بتوع السياح..تحس اننا بنجيب الناس عندنا عشان نختبر قدرتهم على البقاء..كل يوم "انقاذ 30 سايح من الغرق" "انقاذ 20 سايح من الحرق" خير اللهم اجعله خير

بص بقى انا بقالى 3 ايام فى القاهرة مش متعرفة على الشوارع من قلة العربيات فيها و سواء كان السبب القانون الجديد او انهم راحوا عندكوا ماليش دعوة..خدوهم شوية ما هم هنا طول السنة

ايران على الجزيرة على مصطفى بكرى فى زبالة واحدة عندى :D

خالد يوسف بحبه اوى كفاية انك ما بتخرجش من افلامه تحس انك مضحوك عليك..فى حاجات اوفر شوية خصوصا فى فيلمه الاخير بس مايمنعش انه مخرج هايل
كفاية عليك رغى لحد كدة انهاردة:D

dr.lecter يقول...

ابراهيم عيسي ده خبؤ اه بيتكلم بحمقه شويه وجعجعه لكنه في الاخر عامل زي الراديو ابو صوت عالي

جرنان بتاعه زباله واللي بيكتبوا فيه زباله ماعدا فهمي الهويدي وعلاء الاسواني واحمد خالد توفيق


مصطفي بكري ده بصراحه مبحبوش رغم انهباين عليه جدع لكن مش هو ده اللي انا نفسي فيه كوجه للمعارضه ولمطالبه بالحق


احمد نظيف قوله القطنه بتكدب الله يخرب بيتك


اعدام فرعون والنبي احنا شعب ولا بلاش


خالد يوسف مخرج مجنون وعنيد بس فيلمه الاخراني يخليك تحترم اسلوبه وبعدين ياراجل ده جاب لك مزتين مره واحده عاوزين ايه يامفتريين كفايه كده


المرور زي الفل والنبي انا فرحان بالافشخانه الجديده بتاعه الحكومه دي

استنوا التقيل ياامامير

mony يقول...

من يوم ما عرفتك وانا كرهت ابراهيم عيسى..

بس تقدر تقولى كده مين ف البلد دى عايش نضيف..
دى السرقة والرشوة مبقتش حرام يا جدع..

وبعدين ماله التظبيط
مهو مأكل ناس كتير عيش اهو
سيب كل واحد يلقط رزقه..:)

بالنسبةللوظائف الخايلة:)

ياطرى دى تعتبر من طرق التخلص من البشرية المصرية..مش البطالة بس


الفترة اللى فاتت دى لاحظت عليك كميات رغى مش فاهماها

Here i'm يقول...

أنا بقى لسه بسأل على واحد معايا فى الكلية قالى أنا خطبت .. خطبت مين يا عم .. خطبن دعاء .. هيا مش دعاء دى اللى كانت بتحب أخوك :D . أه هيا :D



جامدة جدا الجزء بتاع ... بنختبر قدرتهم على البقاء :D



لا يا أمى .. أنتوا أخركوا معانا 1/9 أول رمضان و تسلمولنا أسكندرية فلة شمعة منورة :D قال ناخدهم قال :D



بحب زبالتك قوى :D... بحس أن زبالتنا واحدة :D ... كويس أننا أتفقنا فى الزبالة :D



خالد يوسف .. نفسى أشوفله فيلم من غير بوسة :D

Here i'm يقول...

متفق معاك تماما يا دوكى و الله :D


أستنوا التقيل يا دكاتير :D

Here i'm يقول...

أهم حاجة أنى أنقذتك من أبراهيم عيسى :D

و الله فى ناس نضيفة كتير ... فى مجدى الجلاد .. فى الله يرحمه مجدى مهنا


ما أصل أنا حاقد على اللى بيتظبطوا... معندكشي حد يظبطنى مع مريام فارس :D



البوب قالها صريحة ... فشلنا فى تحويل الثورة البشرية لثروة منتجة :D



هوا أنا مش كنت رغاى معاكى و لا كنت سيلنت .... ما أنا طول عمرى برغى يا حاجة :D

mony يقول...

ميريام آه..:)

انت غيرت مسار واالا ايه..
مش كانت انغام من كام مدة
عموما انا راحة اتغدى مع منى زكى بكرة:)
لو معاها الرقم بتاع البنية حبقى اخده منها انت عارف انها حبيبتى من ايام الجيزة:)

بالنسبة لأبراهيم عيسى..تصدق والله من يوم ما شوهت صورة الراجل وانا حالفة يمين انى ما اجيب الدستور

و...
بس انت جايب كميات الرغى دى منين بجد..
مكنتش كده..ايه اللى غيرك:( :)

Here i'm يقول...

يا بنتى أفهمى بقى :D

مريام دى الموزة اللى تشرف :D

خليكى فى حلمك الملل دا بتاع منى ذكى :D


بالنسبةلأبراهيم عيسى ..أجمل حاجةفيكى أنك بتسمعى الكلام :D



و الله كنت كده ..انتى اللى بتنسى :D

leeno يقول...

حعلق على خالد يوسف تحديا

الراجل دة محيرني فعلا.. يعني هو كمخرج عنده تقنية و حرفية ممتازة و بيعرفيختار مواضيع (بغض النظر عن اخر موضوعات افلامه) تمس الناس و تعر عنهم ساعات بشكل صرخة جامدة و ساعات بشكل ساخر و ساعات بشكل رومانسي حالم

و قادر علنهيكون مؤثر و مبهر و مفكر له فكر يحترم

لكن ليييه مصررررر انه يستخدم جسد المرأة بالشكل المهين دة مش قادرة افهم؟ يعني لازم يكون التعبير عن الجنس بالوقاحة و الاباحية دي عشان تعبر عنه؟؟؟

وبيقول انه اكتر حد بيدافع عن حقوق المرأة و عن فكرها و المشكلة انه مش بيجسد منها غير جسمها في افلامه

لييييه يا خالد نفسي افهم

كنت منتظرةمنه سكة ارقى بكتيييير و هو قادر عليها بس ان شاء الله يفوق

Here i'm يقول...

كلامك مظبوط ..

دا أتجار بجسد المرأة .. بس السؤال .. بتوع حبوب المرأة قصدى حقوق المرأة سايبينه ليه ؟؟ ..

و لا المرأة دى هيا المانيكان اللى عايزيين عليه كل البنات زيه !!

أنا مع ان فى سلبيات فى المجتمع .. اه فى جنس و دعارة .. بس مش معقول أدخل أتعلم من واحد بيقولى كيف تستمتع عزيزى المشاهد ؟

لو النظام دا اللى صح .. على ما اعتقد أن الجوامع حتحكى عن العلاقات و الناس كلها حتقضيها جامع بس