أنــا و صحـابى !!

الشيخ محمد شيخ الجامع اللى عندنا كل يومـ جمعة لازمـ يجيب سيرتنا بكل خير

لازمـ يحكى عننا و أحنا واقفين بنضحكـ و نهزر

تبقى قاعدين كده فى أمان الله بنسمع الخطبة .. نلاقى الأسبوع كله بيتحكى قدمنا

و مبيحكيش عن اللى بيبعوا حشيش و مخدارت .. أصل أحنا خطر على المجتمع

مش عارف أيه اللى فكرنى بالشيخ محمد و حكاياته معانا ..

يمكن سفر ممدوح كان ليه عامل ..

ممدوح جابر .. محاسب فى موفنبيك ماريتل جولى فيل شرم الشيخ

معتز مصطفى .. مسئول الجودة و الأيزو فى شركة توتكس للملابس

هيثمـ زكريا .. خدمة العملاء فى شركة speed الموزع الوحيد لمنتجات بروكتر جامبل فى أسكندرية

أحمد ماجا .. مسئول التطقيمـ و التسفير فى شركة الملاحة المصرية

خليل إبراهيم .. مبيعات كوكاكولا أسكندرية

محمد جابر .. خدمة عملاء شركة أسيد للأدوية

و العبد لله محمد قبارى .. محاسب فى شركة مقاولات

الأجمل فى كل دا .. أن فى 3 بس مننا أحنا الـ 7 هما اللى خريجين

الباقى أنا و ماجا و معتز و هيثمـ .. لسه طالبه

ماجا .. هندسة بحرية فى الأكاديمية البحرية

أنا و هيثمـ و معتز .. كلية تجارة أسكندرية

قطعت بيا يا دوحة .. و بقيت على طول فى وش ماجا لوحدى

وحشتنى الـ plz call me يا دوحة بتاعة كل يومـ

شرمـ أمانة فى أيدكـ يا وااااااااد

بالتوقيف .. قصدى التوفيق يا دوحتى