السبت، 6 سبتمبر 2008

عيل رخم !!

النهاردة يومـ مضىء فى تاريخكـ يا مصر .. يومـ مضىء
موبنيل جابت أحدث و أكبر شبكة فى مصر ..
فخر مصر و العرب .. أيوا موبنيل عملتها .. أيوا موبنيل جابتها و ركبتها
فرحة .. فرحة .. فرحة .. و يا حلاوتكـ يا برتقالى
الناس حتطير من الفرحة و عيد جديد ينضاف لأعيادكـ يا مصر
شبكة جديدة لانج .. شبكة جديدة لانج
الأعلان لغاية هنا و ماشى جميل قوى .. و الناس فرحانة بالشبكة الجديدة
و اللى بيرقص و اللى بيضحكـ و اللى بيغنى .. فرحة فرحة فرحة
لغاية ما يطلع العيل الرخمـ اللى بيقول
عمو .. عمو .. هيا الشبكة القديمة راحت فين ؟!!
السكوت يطل على المكان .. هادمـ الفرحة و اللازات ظهر
يظهر صوت من بعيد .. عيل رخـمـ
طبعا البوست دا مش علشان أباركـ لموبنيل على الشبكة الجديدة
لا انى بكل بساطة فودافونانى قديمـ ..
البوست دا علشان ظهرلنا من يومين كده عيل رخمـ
اليومـ كان ماشى تمامـ قوى .. كل fun × fun
عمالين نرد على بعض بهزار و ضحكـ
و كل واحد بيحكى .. فاكر لما أتكلمنا أول مرة
أكيد طبعا فاااااااااااااااكر .. هوا دا كان يتنسى
و كله مقضيها ضحكـ و هزار .. لغاية ماظهر عمـ الحلو
قال كامـ جملة سمـ .. الدنيا كلها حطت عليه ..
قولناله أسكت أسكت .. يا تقول كلامـ فى محله يا تقول حلو يا حلو
شخابيط ..
بيقولوا ... وكل لبيب بالاشارة يفهم !!

10 التعليقات:

dr.lecter يقول...

احب المواضيع الغير مباشره

فهمتك يامحمد

Maga يقول...

كل دا وغير مباشرة يا دوك

الا صحيح ياعمنا الشبكة القديمة راحت فيين

غير معرف يقول...

هو انتم قصدكم حاجة تانية ؟!!


أنا مش فاهمة حاجة..هو إنتم تقصدوا إيه؟!!

The Seagull يقول...

ما تفهمونـا يا اخوانـا :D

غير معرف يقول...

The Seagull

إنتي كمان هتحسسيني إن فيه حاجة غريبة مش مفهومة :D


أصل أنا بحسب في أي كلام إنه م بيتكلموا عن الرخامة..لقيتهم هنا بيقولوا مواضيع غير مباشرة وحاجات


مفهمتش :D


يا خوفي لتكون دي سياسة


ويبقى كدة أنا مش بفهم رسمي حاجة خالص :D


إنتي طيب فهمتي ايه :D

Yasmine يقول...

انا فهمت انه موضوع سياسى و بعدين لقيت اخر كام سطر دول برضه مش مفهومين ولا هو موضوع رجالى بس ولا ايه؟؟
ماليش دعوة انا عايزة ترجمة :D

غير معرف يقول...

:D


بنوتة مصرية :D



أنا مش فاهمة حاجة..


هو فيه ايه فعلا..

Here i'm يقول...

يا جماعة الموضوع بسيط جدا

واحد لظيظ رد رد لظيظ فى المنتدى ماجا و لكتر و بنت مصرية ردوا عليه ظبطوه و أنا ماخدتش فرصتى :D

بس خلاص :D

Yasmine يقول...

ايوة انا فهمت كده فى الاول و كان اول رد ليا انه مش عيل واحد دول 3 يا ماما:D:D
بعدين قولت ده اكيد تأثير قلة النوم و خفت اخبط فى الحلل :D
بعد كده اول رد هييجى فى دماغى هكتبه و اللى يحصل يحصل بقى :D
بعد اذن حضرتك انا هاجى تانى بعد شوية ارد على البوست اللى فوق ده عشان عاجبنى اوى

Here i'm يقول...

يا شيخة خبطى براحتكـ دى حتى حلل
" تيت " متستحقش يعنى :D

لا لا طبعا أنتى مش محتاجة أستئذان .. ياريت متجيش تانى تردى علشان ردكـ مهم جدا :D