الاثنين، 22 سبتمبر 2008

لو مش حتحلم معايا .. مضطر أحلم لوحدى


هوا ايه الفرق بينا و بين غيرنا ... ؟

أنا عندى رجلين .. و أوباما عنده رجلين .. يمكن الفرق فى الدماغ !!

عنده أيه فى دماغه زيادة عنى .. ؟!!

عنده عقل .. عنده مخ .. طيب ما انا عندى كل دا .. !!

أيه اللى فى أوباما يخليه يبقى أحسن منى .. ؟!!

بس أوباما عنده حلمـ .. و مارتن لوثر كينج كان عنده حلمـ

هتلر كان عنده حلمـ .. أسرائيل قامت على حلمـ

نابليون كان عنده حلمـ ..

اليابان كانت حلمـ و اتهد .. و بقت حلمـ للمرة التانية

أمريكا كان حلمـ فى عقل كولومبس ..



أزاى دول بيحلموا و انا لأ .. !!

أزاى انا مبحلمش .. و الأسلامـ وصلى بحلمـ ..

ما أنتشار الأسلامـ كان حلمـ .. و فتح مصر كان حلمـ ..


ليه كل أحلامنا أحنا وهمـ .. و أحلامهمـ هما أوامر ..!

ليه مبنحلمش غير لما ننامـ .. و ليه هما معندهمش وقت للنومـ ..!



- - - - - - - -

الشيخ زايد حلمـ ..


حلمـ بالأمارات عامة .. و دبى خاصة

حلمـ تكون بلده محط انظار جميع البلاد من حوله ..

لا لا مش شرط الرئيس و لا الحكومة هيا اللى تحلمـ ..

طيب ما ..

مارتن لوثر كينج


Martin Luther King



ضمير أمريكا الأسود .. أشهر من حلمـ .. كان له الفضل فى ما وصلت له أمريكا حتى اليومـ

أول من قاومـ العنصرية .. و أول من نادى بالمساواة فى ذلكـ الوقت

كان بيقول ..

" إنني أحلم اليوم بأن أطفالي الأربعة

سيعيشون يوما في شعب لا يكون فيه الحكم على الناس بألوان جلودهم

ولكن بما تنطوي عليه أخلاقهم "




حلمـ أن أمريكا تكون بلد ديمقراطى .. من غير عنصرية ..

حلمـ أن عياله الأربعة يعيشوا فى بلد ميفرقش بين لونهمـ ..

حلمـ و كان قس .. لا كان وزير و لا كان رئيس و لا كان حتى غفير ..

حلمـ و كان امثاله ملهمش الحق يحلموا ..

كان بيحلمـ حلمـ فى زمن مينفعش فيه الأحلامـ ..

كان حلمـ بعيد المنال .. بس هوا حلمـ و عمل اللى عليه ..


- - - - - - -


طيب خلاص خلاص حـ حلمـ .. بس أحلمـ بأيه !!

- - - -


من مقال عمرو خالد .. أكتب حلمـكـ لبلدكـ



هل يستطيع الإنسان أن يعيش دون أن يحلم؟

هل هناك شعب أو أمة أو بلد يمكن أن يتقدم أو ينهض وليس له حلم؟

هل يوجد إنسان يستطيع أن يعيش حياة ناجحة متميزة وليس لديه حلم يحققه. ما هو حلمك في الحياة؟

سؤال سهل وبديهي وجوهري لكن للأسف هناك ملايين في بلادنا ليس لديهم حلم

إن الفرق الأساسي بين الإنسان وكثير من المخلوقات الأخري التي خلقها الله هو أنه اختص الإنسان بالقدرة علي رؤية المستقبل
إن الأسد مثلاً لا يستطيع أن يتخيل نفسه كيف يتطور بعد عشرين سنة،

فيبقي كما هو لأن الله نزع منه خاصية القدرة علي رؤية المستقبل

الكائن الوحيد الذي لديه قدرة علي استشراف المستقبل هو أنا وأنت فلا تحرم نفسك من أعظم صفة تميز بها الكائن البشري

لابد أن تحلم وأن تري حلمك بالتفصيل وتعيش هذا الحلم حتي يصدقه عقلك الباطن فيسعي إليه بكل قوة هكذا ينجح من ينجح


الناجحون يرون أحلامهم كاملة الأبعاد «٣D»

أجاثي لاعب التنس العالمي فاز ببطولة ويمبلدون عدة مرات، لكنه في أول مرة يفوز بهذه البطولة

سأله المذيع: ما هو شعورك الآن وأنت تكسب بطولة ويمبلدون لأول مرة في حياتك؟

فرد قائلاً: في الحقيقة هذه ليست أول مرة أفوز فيها بالبطولة هذه المرة العاشرة،

فضحك الجميع، لأنها كانت فعلا المرة الأولي..

فرد بجدية: أنا لا أمزح هي المرة العاشرة فأنا منذ عشر سنين وأنا أحلم بهذا اليوم بكل تفاصيله

حتي لون الفانلة التي أرتديها، حتي صوت تصفيق الجماهير



هل توقف شبابنا عن الحلم، أهو اليأس أم الخوف من الاصطدام بالواقع الصعب أم هو الكسل

ومن السبب في أن شبابنا صار نادراً ما يحلم؟!

احلم يا شباب وأملأ بالحلم ذاتك واعلم أن الإنجازات الكبري في تاريخ البشرية بدأت بحلم


دبي كانت حلماً، و الحرمان الشريفان كانا حلماً، والصعود للقمر كان حلماً،

ومحمد علي باشا وهو يبني مصر الحديثة شاف في الحلم حدائق وبساتين فكانت القناطر الخيرية والحدائق هنا وهناك

لكن الذي حلم بها بعد ذلك لم ير في الحلم حدائق فاختفت الحدائق تماما من وجه مصر


(٢)

لماذا لا يحلم الناس غالبا؟ أعتقد أنهم يخافون ألا يتحقق الحلم فيفضلون ألا يحلموا

لأنهم يرون الحلم بعيداً عن المكان الذي يقفون فيه الآن،

ويشعرون بفكرة المستحيل تطاردهم فيفضلون ألا يحلمون أصلاً،

إنني أشبه هذا الأمر بمن يقف عند نقطة «أ» وحلمه عند النقطة «ي»

والمسافة بعيدة تشمل كل حروف الهجاء فيشعر بالاستحالة

فلو سألته: ما هي قدراتك وإمكاناتك لتحقق الحلم لقال لك: من «أ» إلي «ب» فقط، هذه هي إمكاناتي،

أما من «ب» إلي «ي» فلا قدرة لي عليها وكلها خارج إمكانيتي،

ومنطق الإيمان الرائع يقول لك تحرك لحلمك وابذل كل جهدك من ألف إلي باء واستكمل كل إمكاناتك،

ثم انظر كيف أن الله سبحانه العظيم القادر سيكمل لك من باء إلي ياء ولدينا صورة في القرآن تؤكد هذا المعني

هي سورة الأنفال ستجد آية تقول (وأعدوا لهم ما استطعتم)

ثم بعدها بقليل آية تقول (وما رميت إذ رميت ولكن الله رمي)



نصيحة للشباب..

احلم واكتب حلمك وتحرك ولا تقف مكانك، ثم انظر كيف سيكمل لك الله حلمك إن فعلت واجتهدت،

لكن البداية دائماً حلم يملأ كل كيانك.

علي الأقل فإن الذي لديه حلم قد ينجح ويحقق حلمه، أما الذي ليس لديه حلم فأكيد أنه سيموت في مكانه لم يتقدم خطوة



(٣)


إما أن يكون لديك حلم أو أن تكون أنت جزءاً من حلم غيرك،

وهذا علي مستوي الأفراد وأيضا علي مستوي الدول والشعوب.

إن الله خلق الكون فجعل كائنات تدور في مجال كائنات أقوي،

فالذرة برتون يدور في فلكه إلكترون، والمجرة شموس يدور في فلكها كواكب والناس أيضاً كذلك،


ناس لديهم أحلام فيصنعون الأحداث وناس بلا أحلام فيشاهدون الأحداث










17 التعليقات:

Maga يقول...

شوفت الامثال اللى انتا ضاربها

فى حد منهم كان من مصر او عشان مصر ؟!!

يابنى فى بلدك فى اللى بيقتل الاحلام قبل ما تتولد

banouta masreya يقول...

انا قريت مقالة عمرو خالد فى المصرى اليوم و عجبتنى اوى و خدتنى الحماسة و بتاع..و بعدين اكتشفت انى هنا
بلا خيبة ادينى قاعدة احلم و اوجع دماغى و فى الاخر لسه قاعدة مكانى

حمد الله على السلامة:)

صبري سراج يقول...

نحلم على كيفنا

نغلب عذاب خوفنا

نرسم على كفوفنا

قلبين وسهم اترمى

ميهمناش الليل

ولا ألف جرح وويل

طول ما الحياة بتميل

نعدلها واحنا سوا

كل الجراح بتعدي

والعمر راجع وردي

ليه أحلم على قدي

ويكون لحلمي حدود؟

قادر أكون وهكون

عاشق بحب الكون

والأمنيات واللون

والفجر لما يعود

Here i'm يقول...

ماجا ..

محمد على كان من مصر ..

عبد الناصر كان مش لاقى ياكل ..

السادات كان من مصر ..

كل دول كانوا مجرد حلم ..

محمد على حلم بمصر زراعية و صناعية و عسكرية و وصلت فى عهده ..

عبد الناصر حلم بالثورة ..

السادات حلم بالتحرر الأقتصادى ..

Here i'm يقول...

بنت مصرية ..

ما احنا كلنا كده .. أحلى حاجة فينا الحلم .. تنفيذ مفيش ..

مش محتاج أقولك أتحركى و الكلام الفاكس دا علشان أنا مبحبش شويه التسخين المباشرين دول ..

بس هوا حلم .. يعنى حاجة مش موجودة دلوقتى .. يعنى طريق .. يعنى بداية و نهاية ..يعنى أقف فى البداية و أقول أنا شايف الطريق .. بعد كده ؟؟؟

Here i'm يقول...

صبورتى ..

و الله أنا عارف أنك حتدخل بأغنية لعم فؤش :)

Maga يقول...

محمد علي مش مصري

عبد الناصر خرابها

السادات بعد ما كحلها عماها

بس الله يرحمه

وبالنسبة بقة لــ

بس هوا حلم .. يعنى حاجة مش موجودة دلوقتى .. يعنى طريق .. يعنى بداية و نهاية ..يعنى أقف فى البداية و أقول أنا شايف الطريق .. بعد كده ؟؟؟

يابنى احلم ماهى الاحلام ببلاش

احلم يا بابا احلم

وابقى تعالى تف على قبري لو حققت حاجة من احلامك دي طول مانتا فيها

Here i'm يقول...

انا اساسا غلطان انى كلمتك بأحترام:D.

و ربك لا أعدى على قبرك و حتقرف أتف أساسا و أقول مات زى اى كلب :D

Maga يقول...

ياعم انتا كل حاجة معاك احلام ومابتعملش حاجة
دى حتى الموزة حلم
انا خايف ان حلمك دا يكون حلم لحلمك
بص هقولك حاجة
انا واجع قلبي ليه
احلم لوحدك
بس خليك فاكر انى نصحتك
حلمك الوحيد والصح انك تطلع منها
غير كدة تبقى انتا بتضحك على نفسك مش علينا

mUsLiM يقول...

احلم يا كبارى

واصبر على الحلـم

ولكن ليس أى صبر , بل عليك بالصبر الجميل ,,

الذى قال عنه نبى الله يعقوب (( فصبر جميل والله المستعان على ما تصفون ))

فيعقوب النبى , حلم بعد عشرات السنين بعودة يوسف ,,

وكان قوام حلمه شيئان : -

أولا : الصبر الجميل (( فصبر جميل ))

ثانيا : الاستعانه بالله (( والله المستعان على ما تصفون ))

وهذه هى مقومات النجاح لأى حلم ,,,

فكثير منا يحلم , وقليل يحقق الحلم ,,

فعليك بمقومات النجاح , ولا تيأس من روح الله , فلا ييأس من روح الله الا القوم الكافرون

أسأل الله أن يبارك لك فى حلمك ,,

والله من وراء القصد

السلام عليكم

Here i'm يقول...

ماجا ...

أنا بحلم و مبعملش حاجة :D

غور ياض :D

Here i'm يقول...

مصعب ..

هوا دا الكلام .. مش التانى اللى يقولى مش عارف ايه و فين ..

ردك حلو قوى يا مصعب :)

mony يقول...

الله ينور عليك:)

اول مرة اقرالك حاكة احس فيها بنوع من الامل ف اصلاحك:)

لا بجد البوست ده حلو اوى:)

بس مفيش وقت اساسا عشان تحلم..لما تحس انك بتبتدى تحقق جزء من احلامك..تلاقى حاجة وقفتلك وبتقولك رايح فيييين؟يمكن ظروف البلد مش مساعدة..طاقات اليأس اللى عند البشريةا لمصرية..الهروب من الواقع المقرف ده زى ما اخينا احما عايز يسيبها ويهج..تسمعش كلامه ده حيوديك ف داهية...لو سافرت حيرحلوك ع نقالة ياحاج:)

Here i'm يقول...

مونى ..

الأمل فى أصلاحى :D .. مش عارف ليه لو مكنتيش مونى كنت قولت ماما حبيبتى :D

جديدة الحتة بتاعة مفيش وقت أساسا علشان تحلم .. أزاى يعنى مفيش وقت .. لا ما هوا أنا مش بقعد أحلم أسبوع و أحط خطة أسبوع و أعمل دراسة جدوى أسبوع و مش عارف ايه أسبوع .. لا أى حلم بيتولد مع البنى أدم .. الحرامى طول عمره نفسه و حلمه يسرق بنك .. فهمنانى

متجبليش سيرة ماجا دا تانى :D

mony يقول...

:)
مش لازم تعلق ع كل حاكة..انت عارف انى بلزق ف اخر الكلام جملة مش مفيدة:)

لحد امتى الاحراج ده كده وانا لسة ف ربيع العمر:)

عموما ربنا يسامحك

Founoon يقول...

في ناس بتحلم عشان تهرب من الواقع

وفي ناس بتحلم عشان تحقق احلامها

النوع الاول بيفضل محلك سر

والنوع التاني بيعدي بحلمه لشط الواقع

احلم يا محمد ..انا واثقة انك هتوصل

ان الله لا يضيع اجر من احسن عملا

دا وعد ربنا للمجتهدين

Here i'm يقول...

ان شاء الله .. أن شاء الله متبقاش أوهام ..

شايف الكلام العسل يا ماجا يا نحلة :D