الاثنين، 18 مايو 2009

الدولة العثمانية ..

طبعا فى خلاف قائمـ .. الدولة العثمانية كانت أسلامية أمـ كانت دولة محتلة ..
و بما ان الخلاف لمـ يحسمـ و أنا متاكد من انه لن يحسمـ ..
فـ البوست دا لمناقشة الدولة العثمانية ..

الصورة دى لأحدى سلاطين الدولة العثمانية .. السلطان محمد الســادس


و تتقدر تشوف عزيزى القارىء .. انهمـ لو كانوا خلفاء إسلاميين ..
كان بان على مظهرهمـ .. كان بان على لحيتهمـ .. هل دا منظر أسلامى
فين الأسلامـ فى الصورة دى .. ؟؟


..::..::..::..::..::..::..::..



الموقع دا .. موقع أسلامى .. يميل للجانب السلفى .. مش قصتنا سلفى ولا اخوانى

الموقع دا قال أيه بقى عن أسباب سقوط الدولة العثمانية ..

1 - مخالفة منهج الله - مصعبينو هل تسمعنى :D
2 - تشجيع الصوفية - واخدة بالكـ يا جنة :D
3 - عدمـ أتخاذ الأسلامـ مصدراً أساسياً للتشريع
7 - كان الحكامـ العثمانيون يكتفون من البلاد التى يفتحونها بالخراج
10 - الأمتيازات التى كانت تعطى للأجانب أعتباطاً بسخاء و كرمـ لا مبرر لهمـ
11 - الغرور الذى أصاب سلاطين بنى عثمان
13 - كما أن السلاطين العثمانيين تعود أغلبهمـ بعد عهود المجد و القوة أن لا يقودوا الجيوش بأنفسهمـ
16 - زواج السلاطين بالأجنبيات و تسلط هؤلاء الأجنبيات على عواطف ازواجهن و تصريفهمـ فى سياسة بلادهن الأصلية و تحكمهن بمقدرات الدولة
17 - تعدد الزوجات و المحظيات اللواتى كان الأجانب و الحكامـ يقدمونهن هدية للسلطان
18 - تفككـ روابط الأسرة السلطانية بسبب كثرة النساء حتى أصبحت عادة قتل السلطان أخوانه أو أولاده

22 - تبذير الملوك حتى بلغت نفقات القصور الملكية فى بعض الأحيان ثلث واردات الدولة

و أدى اللينكـ ..

http://www.saaid.net/Minute/mm72.htm

..::..::..::..::..::..::..::..


و من موقع المختار الأسلامى
يكتب الشيخ
سعيد بن ناصر الغامدي

مقالة عن العبر و المواعظ من حضارات الأمم ..

لينك المقال ..

http://www.islamselect.org/mat/20416



..::::..::..::..::..::..::..::..

20 التعليقات:

dr.lecter يقول...

يبعني محمد الفاتح مثلا مكانش اسلامي يامحمد؟

كان ايه بس ماده يعتبر اعظمهم وافضلهم وله دور كبير زي مانت عارف في فتح القسنطنيه؟.

انا مش هعرف اجيبلك صوره محمد الفاتح بس هتلاقيها صوره غير اللي انت جايبها بتاع اللاخ ده

وسليم الاول نفس الكلام


اللي جم بعد كده هم اللي كانوا منيلين بستين نيله انتهاء بالاخ اتاتورك اللي خربها وقعد علي تلها



اه الاسباب اللي انت قلتها دي متفق معاك

بس ماتنساش انها نفس الاسباب اللي خلت الاندلس ودوله بنو اميه تسقط في اسبانيا

يعني مافيش حد احسن من حد
بس حاليا فيه امل اسطوري وصعب جدا ان الخلافه العثمانيه ترجع تااني

mUsLiM يقول...

أولا : دعنا نتفق أنه لم يزعم انسان يعى ما يقول أن الدولة العثمانية لم تكن اسلامية ، وذلك لأن فكرة الحلافة أصلا لا تقوم الا على الواجب الشرعى بإقامة الحلافة الاسلامية ، ولا شك أن الامبراطورية العثمانية كانت خلافة اسلامية ، أم أنك تقول أنها لم تكن دولة خلافة أصلا ..؟!!

ثانيا : يعنى هل تعتبر لحية رئيس الدولة دليل على إسلام الدولة أو عدمها ..؟!!

هذا منطق غريب فى الحقيقة ، وان كان كذلك فأنت نفيت عن نفسك صفة التخلق بأحكام الدين والاسلام لعدم اللحية ،،

ثالثا : دعنى أستند الى ما ورد فى المقال الذى أشرت اليه فى الموضوع للتدليل على كلامى ، حيث يقول الكاتب عن العثمانيي " حملوا راية الإسلام ، وأقاموا أكبر دولة إسلامية عرفها التاريخ في قرونه المتأخرة… وبقيت الحارس الأمين للعالم الإسلامي أربعة قرون،وأطلقت على دولتهم اسم (بلاد الإسلام) وعلى حاكمها اسم (سلطان) وكان أعز ألقابه إليه (الغازي) أي:المجاهد..واللفظان العثماني والتركي فهما من المصطلحات الحديثة…وحكمت بالعدل بالعمل بالشرع الإسلامي في القرون الثلاثة الأولى لتكوين هذه الدولة… "

ويقول أيضا " وكانت غيرتهم على الإسلام شديدة وكثر حماسهم له لقد بدأوا حياتهم الإسلامية بروح طيبة وساعدتهم الحيوية التي لا تنضب إذ أنهم شعب شاب جديد لم تفتنه مباهج الحياة المادية والثراء ولم ينغمس في مفاسد الحضارات المضمحلة التي كانت سائدة في البلاد التي فتحوها ولكنهم استفادوا منها فأخذوا ما أفادهم وكانت عندهم القدرة على التحكم والفتح والانتصار وقد أتقنوا نظام الحكم وخاصة في عصر الفاتح ، إذ كان هناك نظام وضع لاختيار المرشحين لتولى أمور الدولة بالانتقاء والاختيار والتدريب والثقافة كما كانوا يشدد ون في اختيار من تؤهله صفاته العقلية والحسية ومواهبه الأخرى المناسبة لشغل الوظائف وكان السلطان رأس الحكم ومركزه وقوته الدافعة وأداة توحيده وتسييره وهو الذي يصدر الأوامر المهمة والتي لها صبغة دينية وكان يحرص على كسب رضاء الله وعلى احترام الشرع الإسلامي المطهر فكان العثمانيون يحبون سلاطينهم مخلصين لهم متعلقين بهم فلم يفكروا لمدة سبعة قرون في تحويل السلطة من آل عثمان إلى غيرهم "

رايعا : انا قلت سابقا ان دفاعى عن الامبراطورية العثمانية لا يعنى ابدا أنها دولة معصومة ، بل لابد وأنه كان هناك أفعال وأخطاء ، ولكن هذه الأفعال والأخطاء لا ترتقى بأن تجعل من صورة الامبراطورية العثمانية مجرد دولة لنهب الولايات والدول الاسلامية الاخرى فهذا ظلم شديد لتاريخ هذه الامبراطوية الاسلامية والتى تعتبر اكبر امبراطورية عرفها التاريخ

خامسا : ما ذكرته من عيوب وأسباب لسقوط الخلافة العثمانية أعترف بوجود بعضه ولكن هذه الأفعال لم تكن موجوده فى كل السلاطين ولم تكن فى كل وقت ، كانت أخطاء موجوده بالفعل ولكن لم تكن الصفة الغالبه وهذا حال أى امبراطورية عموما

والدليل على ذلك أن الكاتب ذكر إيجابيات للدولة العثمانية وبعض صور الشرف والعزة فى هذه الامبراطورية بعد ذكره لأسباب ولكن أنت أعرضت عنها

والدليل على كلامى أيضا بزوغ نجم العديد من سلاطين بنى عثمان كمحمد الفاتح والسلطان عبد الحميد وسليم الأول وبايزيد الثانى وغيرهم

وأكرر بأن ما ذكرت عن الدولة العثمانية من مساوئ ليست صفات عامة وانما حوادث خاصة ببعض السلاطين كما هو الحال فى أى امبراطوررية كما قال الدكتور ليكتر

والدليل على ذلك فى نفس المقال الذى نقلت عنه نجده يقول مثلا (( كانت للعثمانيين بعض الأعمال الجيدة تدل على صدق عاطفتهم وإخلاصهم
مثل عدم قبول النصارى مع الجيش وإعفاء طلبه العلم الشرعي من الجندية الإلزامية ، وكذلك إصدار المجلة الشرعية التي تضم فتاوى العلماء في القضايا كافة وكذلك احترام العلماء وانقياد الخلفاء للشرع الشريف والجهاد به وإكرام أهل القرآن وخدمة الحرمين الشريفين والمسجد الأقصى . ))

فكيف يستقيم هذا مع هذا ..؟!!

هذا فضلا عما نقلته لك من نفس المقال فى اول ردى ،،

وشد حيلك فى المذاكره ياعم قبارى :))

عاوزين نفرح بيك بقى

السلام عليكم

mUsLiM يقول...

اه على فكره يا قبار بالنسبه للينكات اللى انت حطيتها انا متفرقش معايا فى شئ سواء كانت سلفية او اسلامية او غيره

مش علشان هيا من مواقع اسلاميه هاخدها زى الاعمى ، المهم عندى ان يكون الكاتب منصفا وانا اقبل كلامه حتى لو كان يهوديا ،،

وانا بالفعل كانت نقولاتى عن الدولة العثمانية معك من كتب مستشرقين غربيين لا من كتب اسلاميين ،،

والسلام

Here i'm يقول...

يا دوكى ..

محمد الفاتح غير محمد الخامس .. محمد الخامس كان السلطان القبل الاخير

النقاش بدأ لما مصعب قال انها سقطت فى أوهج فتراتها و انها كانت جامدة و وقعت .. و لما قولتله أنت غلط و روحت قايل الأسباب .. قالى دا كلام كتب التاريخ الفاسقة اللى مش عارف أيه اللى بيعلمونا فيها

الدولة العثمانية بدأت أسلامية .. و انتهت أستعمارية

Here i'm يقول...

مصعبينو ..

علشان نعرف نتكلم .. دا كان كلام سعادتك ..


ثم مين اللى قالك ان الدولة العثمانية كانت ضعيفة أو أضعفت الدول الاسلامية هذه من إشاعات الغرب المزيفه الذى أراد ونا مراده بتصوير الخلافة بأنها كانت جسد مريض

والعكس تماما هو الحق ، الخلافة العثمانية قبل سقوطها مباشرة كانت وصلت إلى قمة التألق والانتصارات العسكرية على الغرب فى اليونان وأوروبا وقبرس ودول البلقان وغيرها ،،
وكان الجيش العثمانى الجرار شكل خوفا مريعا لأوروبا ،،

وكان عقب هذه الإنتصارات تغنى الشعراء فى مصر وكل العالم الاسلامى بانتصارات تركيا

وكتب شوقى قصيدة طويلة فى مدح الخليفة العثمانى أولها

بسيفك يعلو الحق والحق أغلبُ ... وينصر دين الله أيان تضربُ

ولكن فى أوج هذه الإحتفالات كان أتاتورك الفاسق أحد أشهر قادة الجيش العثمانى ،،

ووقتها أعلن سقوط الخلافة وكان أمر الله قدرا مقدورا


و دا كان كلامى ..

التاريخ ميتأخدش من شعر أحمد شوقى ولا من الشعر أساسا .. الدولة العثمانية كانت بتاخد من البلدان التى تقع تحت سيطرتها كنوز و عطايا و هبات للسلطان العثمانى .. و كان محمد على لازم يرسل الهدايا و الهبات و ولاده من بعده .. بذمتك دا نظام اسلامى ..

فى قاعدة تاريخية بتقول .. مفيش دولة بتسقط او أمبراطورية بتسقط غير لما بتضعف .. ازاى كانت الدولة العثمانية فى اوهج تاريخها و فتوحاتها و سقطت ؟؟



و دا كان ردك على كلامى . ..


ثم ما الدليل الثابت فى التاريخ على هذا الكلام ..؟

كل ما ذكرته من أدلة على قوة الامبراطورية العثمانية سابقا له أدلة عندى فدعنا نتكلم بالأدلة لا بمجرد حكايات كتب المدارس التى حكت لنا تاريخا مزيفا باطلا او حكايات شائعة دون سند من التاريخ صحيح

ثالثا: مسألة سقوط الخلافة العثمانية ،،

انت تعترض على قولى بأنها سقطت وهى فى قمة قوتها وتقول بأن الذى يسقط لابد وأن يكون قد ضعف

وهنا وجب التوضيح ان الذى أسقط الخلافة العثمانية هو ذلك المرتد الفاسق أتاتورك وهو تركى من قادة الجيش العثمانى فلم تسقط الخلافة العثمانية بسبب حربها معى الغرب او بسبب وقوعها أمام امبراطورية اخرى انما كان ذلك من الداخل العثمانى والتركى نفسى ،،

فلم يذكر التاريخ سقوط الامبراطورية العثمانية امام غيرها من امبراطوريات الغرب ،،

ويكفى شرفا ان التاريخ يحكى ان على ابراهيم باشا قد اقترح على السلطان عبد الحميد ارسال اسطول لفتح أمريكا التى تسمى " بالعالم الجديد " الا ان السلطان العثمانى رأى ان هناك أعمال أخرى مهمه ومنها كف يد إسبانيا عن المغرب العربى وإلا سوف تفعل فيه ما فعلت فى الأندلس ،،

Here i'm يقول...

لا ملعوبة الحتة بتاعة نفيت عن نفسك صفى التخلق باحكام الدين و لحية الأسلام ..

أنت يا مصعب بتتكلم عن أنها أسلامية و أنها كانت قوية و أن أتاتورك هوا اللى كان فاكس .. ما احنا عارفين أنه كان فاكس .. بس الدولة العثمانية بعدت عن المضمون اللى قامت بيه ..

نرجع للحية .. لما بتقول خلافة أسلامية .. مش التمسك بأحكام الدين ظاهراً و باطلاً ؟؟ ... ولا أسميها أسلامية و أقضيها علمانية :D ?? .. و بعدين أنت مشوفتش النيولوك الجديد بتاعى مش ممكن اكون ربيت دقنى ؟؟؟ :D


على فكرة أنا متفق مع المقال تماما ..



هوا أيه اللى بدأ النقاش ؟؟ .. أقولك .. أنت قولت أنها سقطت فى أهوج انتصراتها .. قولتلك لأ دى فى اخر أيامها كانت بتاخد هدايا و كان محمد على بيفكر فى الاستقلال لأن الدولة العثمانية كانت بتستنفز موارد البلاد .. قولتلى دا كلام كتب التاريخ بتاعة المدرسة ..



رجعت قولت تانى . انا معاك ان فى أسباب صحيحة .. !!!!



قول من الاخر و مش عايزيين فصال :D

سقطت فى أوهج انتصراتها ولا سقطت و هيا ضعيفة بسبب الأسباب دى ..


اللى بختلف معاك فيه .. أنى بقول انها كانت أسلامية و انتهت أستعمارية .. و انها انهارت بسبب فساد حكامها مش بسبب مهارة اتاتورك ..



و على فكرة .. محمد على ألبانى الأصل و يونانى المولد .. مكنش خالص تركى .. ركز يا عمنا وبلاش الكتب الظالمة اللى انت بتاخد منها :D

Fatma يقول...

عثمانية ايه في الحر دا

ايه نظام بين الاطلال اذكريني

خلينا في البلا الملحوس اللي احنا عايشيين فيه

mUsLiM يقول...

أولا : لاشك أن دراية التاريخ لا تقل أهمية عن حكاية الواقع لأن تاريخ المرء هو شرفه وكرامته ، والإنسان بدون تاريخ إنسان أعرج وما الواقع الا ترجمة لهذا التاريخ

وقد صدق شوقى رحمه الله حين قال :-

سنون تعاد ودهر يعيد ... لعمرك ما فى الليالى جديد

هذا بوجه عام ، أما بوجه الخاص فالدراية بتاريخ الامبراطورية العثمانية لها من الأهمية بمكان ذاك أنها شرف لكل مسلم لأنها كانت أعظم إمبراطورية عرفها التاريخ حتى قال المؤرخ الإنجليزى داونى (( الإمبراطورية العثمانية هي إحدى أهم ظواهر التاريخ العالمي المذهلة جداً ، والخارقة للعادة ))

ولذا فان أى قول يدعو للتسفيه من تاريخ الامبراطورية العثمانية التى استمرت على مدار أربعة قرون هو مخالف لقواعد أهل الحكمة والدراية فى نظرى ،،

ثانيا : يا كبارى أنا قمت بالرد على كل أسئلتك فى الموضوع الاساسى ولكن انت تجاهلت كل كلامى وركزت على نقطة واحدة ،،

ولكن لا بأس وانا سأرد على هذه النقطة من نفس الرابط الذى وضعته فى موضوعك ،،

يقول صاحب الموضوع (( لقد قام مصطفى كمال باستثارة روح الجهاد في الأتراك ، ورفع القرآن ، ورد اليونانيين على أعقابهم ، في موقعة سقاريا عام 1921م ، وتراجعت أمامه قوات الحلفاء بدون أن يستعمل أسلحته ، وأخلت أمامه المواقع ولعلها كانت بداية الطعم لإظهار شخصية مصطفى كمال ، وجعلها تطفو على السطح تدريجياً فقد ابتهج العالم الإسلامي وأطلق عليه لقب الغازي الذي كان ينفرد به سلاطين آل عثمان الأول ، ومدحه الشعراء وأشاد به الخطباء . فأحمد شوقي قرنه بخالد بن الوليد في أول بيت من قصيدة مشهورة :
الله أكبر كم في الفتح من عجب يا خالد الترك جدد خالد العرب ))

ولاشك ان هذا الكلام يتفق تماما مع الكلام الذى قلته لك سابقا حتى فى الاستشهاد ببيت شوقى رحمه الله

وانت قلت انك ما شاء الله تتفق تماما مع هذا المقال ،،

أما عن السلبيات التى ذكرتها فانا قلت انى أتفق مع بعضها وليس مع كلها ، ووجود بعض السلبيات لا يعنى ابدا خوار قوتها وضعفها وانهزاميتها

كما ان وجود بعض المخالفات فى الدولة الاسلامية لا ينفى عنها سفة الاسلامية والا فلو فرضنا ذلك لحكمنا على العاصى بأنه كافر ،،

ثم انت جزمت فى موضوعك الاساسى بأن الدولة العثمانية علمانية ثم الآن تراجعت عن كلامك وقلت انها بدأت اسلامية وانتهت استعمارية !!

أما عن محمد على باشا فهناك جدل الحقيقة حول أصلة ولكن الراجح عندى من خلال اطلاعى انه كردى الأصل من أكراد تركيا ، كما انك لم تقدم أيضا دليلا ماديا على ماتقول ،،

كما أن اليونان والبانيا كانت ولايات عثمانية اسلامية فلا داعى للخلاف

وما قصدته اصلا من كلامى ليس بيان أصل محمد على وأنه تركى او غيره ولكن ما قصدته هو بيان ان محمد على ليس مصريا

وذلك للقول بأن مسألة الاستقلال بمصر غير صحيحة فكيف تستقل مصر ورئيسها ليس مصريا وانما ولد فى ولاية عثمانية سواء كانت تركيا او اليونان او البانيا .

ثالثا : ثم انه من دلائل بقاء الامبراطورية العثمانية اسلامية حتى سقوطها وهى معتزة باسلامها هو رفض السلطان عبد الحميد اخر السلاطين فيما اعلم للمطامع الصهيونية والسماح بهجرة اليهود لفلسطين

رغم انهم عرضوا عليه من المال ما يفوق الخيال ، وهذا ثابت فى كتب التاريخ ،،

اذن فالسلاطين العثمانيين لم يكونوا يتلهفون للحصول على بعض الهدايا من هنا او هناك ...!!

رابعا : الدكتور ليكتر يعلم ان محمد الفاتح غير صورة السلطان محمد الخامس ولكن هو أعترض عليك لوصفك لدولة العثمانيين بانها غير اسلامية بأنه كيف يكون ذلك ومنها السلطان محمد الفاتح فاتح القسطنطينية ..؟!!

ولكن ما لبثت ان تتراجع وتهرب من كلامك الاول فقلت انها بدأت اسلامية وانتهت استعماريه ..!!

والله من وراء القصد

السلام عليكم

Here i'm يقول...

على طريقة سمن روابى .. و تحدى :D

هاتلى الجملة اللى انا قولت فيها ان الدولة العثمانية علمانية .. !!

انا قولت انها كانت أسلامية و ليها حاجات مهمة و معدودة و دا خلانى اتفق مع المقال بالكامل .. و قولت انها ضغفت و بعدت عن الدين و بالتالى أتاتورك رقص على جسدها .. لو كانت قوية و متمسكة بالدين مكنتش سقطت بقائد جيش ..


هاتلى الجملة اللى قولت فيها انها علمانية .. اومال أتاتورك عمل أيه لما هيا علمانية !!!


على فكرة كانت نقطة الخلاف .. أزاى انهارت و هيا قوية .. و بما انك قولت أنك تعترف أن فى أسباب من اللى اتذكرت دى أدت إلى أنهزامها و سقوطها .. يبقى خطوة كويسة .. و برضه مختلفناش

أنا شايفها أنها كانت اسلامية و انتهت أستعمارية .. لكن ما قولتش أنا هيا علمانية خالص ..

و لما جبت الصورة اللى علق عليها لاكتر .. كان قصدى أن الدولة العثمانية فى اخر عهدها كانت لا تمت للأسلام بصلة .. و عارف ان فى أول عهدها كانت قايمة على الأسلام .. لكن فى الاخر انهارت لبعدها عن الاسلام ..


ها .. حتشترك فى تحد روابى :D

mUsLiM يقول...

طريقة نقاشك يا كبارى بصراحه صعبة للغاية ،،

يعنى ما شاء الله تسيب كل ردى وتمسك فى نقطه معينه تلخص فيها النقاش ولما أرد عليك فى النقطه دى تروح تعلق على شئ تانى خالص وتنسى المسألة اللى رديت عليها ولا كأنى اتكلمت عنها اصلا

يعنى فى الاول بعد ما رديت على الموضوع الأصلى والأسئلة اللى كانت فيه رحت انت لخصت الموضوع فى نقطة واحده وكأن الخلاف هنا بس مع أن نقاط الخلاف كثيره والنقطه دى هل الدولة العثمانية سقطت وهى قوية ام كانت ضعيفة منكسره

المهم بالفعل رديت على النقطة دى وجبت الدليل من الموضوع اللى انت متفق معاه تماما ولاحظ كلمة تماما دى

وانت دخلت ولا كأنى رديت ولا كأنى نقلت من الموضوع ده حاجه ومسكت فى نقطة تانية خالص انك مقلتش انها كانت علمانية ونسيت ترد عليها ولا ايه مش فاهم

المهم خلينا نرجع للنقطة اللى انت أثرتها اخيرا وهل انت قلت عن الدولة العثمانية انها علمانية أم لا

طيب ياريت تقرا كلامك اللى فى أصل الموضوع واللى قلت فيه " و تتقدر تشوف عزيزى القارىء .. انهمـ لو كانوا خلفاء إسلاميين ..
كان بان على مظهرهمـ .. كان بان على لحيتهمـ .. هل دا منظر أسلامى
فين الأسلامـ فى الصورة دى .. ؟؟ "

ياريت يا قبارى تفسرلى الكلام ده وتقولى معناه ايه

وياريت تخلى بالك من كلمة " لو كانوا خلفاء اسلاميين " يعنى انت بتتكلم عن كل الخلفاء العثمانيين مش عن واحد بس علشان مترجعش تقولى انا بقصد اللى فى الصورة

وياريت تفسر لو مكانوش اسلاميين يبقوا ايه ...؟!!

ياريت تقولى معنى كلامك ده ايه

صحيح انك مقلتش لفظ علمانية ، بس وضحلى كلامك اللى فات ويمكن اكون انا غلطان ،،

ثانيا :انا قلت ان فى بعض المساوئ اللى انت ذكرتها كانت موجوده لكن مش معنى كلامى انها كانت موجوده فى آخر اوقات الخلافة العثمانية ، انا بقول اكيد اى دولة او امبراطورية فى العالم فيها مساوئ بشكل عام لكن مقلتش كانت فى اخر وقتها وهيا اللى ادت لسقوطها ،،

لأن انا مصر ان الدولة العثمانية سقطت وهى فى أوج قوتها وجيش قاهر لجيوش الحلفاء ،،

وكذلك سقطت فى آخر أيامها وهى فى عزتها الاسلامية لما رفض السلطان عبد الحميد ان يبيع القدس وفلسطين ولم يسمح بهجرة اليهود الى هناك ،،

وياريا يا عم قبارى ترد على كلامى اللى فى الرد السابق واللى نقلت فيه من الموضوع اللى انت متفق معاه كيف سقطت الامبراطورية العثمانية

السلام عليكم يا باشا :)

زقزوق يقول...

كنت لفترة طويلة مهووس بالدولة العثمانية
بعد قراءتي بالصدفة لمقال عنها فى مجلة اسلامية قديمة
المقال كان بعنوان ..الدولة العثمانية ضرورة حياتية لامتها الاسلامية.
لدرجة انى ادليت مصر مخصوص عشان اشترى موسوعة (الدولة العثمانية دولة اسلامية مفترى عليها)
دلوقتى طبعا نسيت كل حاجة
بس هرجع للتعليقات تانى
غير انى رغم ده كله مسمعتش عن سلطان اسمه محمد السادس ابدا
اخر سلطان كان له فعلا سلطات حقيقية فى دولة حقيقية كان السلطان عبد الحميد
على ما اذكر
وده كان قبل انقلاب يهود الدونمة والماسونيين عليه

Jannah يقول...

بس ماتنساش انها نفس الاسباب اللي خلت الاندلس ودوله بنو اميه تسقط في اسبانيا
....
أي بنو أمية في الأندلس؟!!!!!

....
شبااااب
أعطوني وقت و راجعة أشمر و أركز هنا
يبيلها قعدة
...
كباري

انت بعد تقول أتاتورك الفاسق؟ههههههههههه
لا فعلا لازم نشوف النيولوك ممكن يكون فيه ذقن و جلباب
:D
....
مصعب

اذا كنت تتحرى االانصاف و يهمك فخفوا شوية على أتاتورك لأنه برغم كل شيء يعني كلللل شيء كان له ايجابياته

زقزوق يقول...

يا مصعب
الدوله العثمانية لغاية الحرب العالمية الاولى
كانت بتعد قوة عالمية محترمة
كانت بتعد دولة اسلامية جامعة العالم الاسلامى
او اللى تبقى له منها يعنى
وكانت السادسة على العالم من حيث القوة العسكرية
جماعة الماسون اللى انقلبو على اخر السلاطين السلطان عبد الحميد
بالمناسبة هو رفض يقاوم الانقلاب
رغم ان قائد من قواته نسيت اسمه وصفته
ركع على ركبتيه وهو بيرجوا السلطان ان يسمح له بسحق الغوغاء
اللى كانوا جاين وقاطعين مسافة كبيرة ومنهكين
لكن السلطان الله يسامحه رفض
وقال كلمتين فى الموقف ده نسيتهم برضة!
المهم
اعتراضى على قولك ان الدولة العثمانية سقطت وهى فى اوج قوتها!
منفذى الانقلاب على السلطان زجوا بالدولة فى حرب عالمية
لا ناقة لها فيها ولا جمل
مجاملة لاصدقائهم الالمان!
صحيح ان الدولة العثمانية حتى وهى بتلفظ انفاسها الاخيرة
لقنت بريطانيا العظمى هزيمة مخزية فى الحرب العالمية الاولى
فى موقعة نسيت اسمها برضه!
مقدرش اقول على دولة اسلامية غزت اوروبا الشرقية بالكامل
ووصلت لحدود فيينا فى وسط اوربا وحاصرتها بالفعل
مقدرش اقول لما تهزم جيوش الحلفاء فى اخر ايامها على حدودها
بل فى القلب منها
على بعد خطوتين من العاصمة
انها كانت فى اوج قوتها!
مش كده ولا ايه

Here i'm يقول...

مصعبينو ..

و الله مكنش قصدى اتجاهل حاجة من ردك اللى فات .. انا فى النقاش بحب ارد على كل نقطة و حرد عليهم ..

و بعدين على فكرة انت فهمت الصورة غلط .. و ربنا يعلم انى كان قصدى أقولك أن فى اخر عهدها بعدت عن الأسلام .. و الله يا عمنا دورت على صورة للسلاطين الأوائل علشان أحط الأتنين و أقولك ان دا قديم و دا جديد ملقتش صور للقدام علشان طلعوا قدام :D

على فكرة حرد على كل نقطة بس ظروف أمتحاناتى مأثرة معايا قوى و الله .. ادعيلى بالله عليك

Here i'm يقول...

على رياض ..

لا لا لا لا .. مين عندنا .. على رياض .. الرجل الصعيدى .. أيه يا عمنا فينك بس .. فاكرنى مش حعرفك .. دا أنا أعرفك لو فى وسط 100 يا علولة .. منور يا عمنا و الله ..

على فكرة أنا اللى دخلنى النقاش مع مصعب انه قال أنها سقطت فى اوج قوتها .. و أنت بررت كلامى كده .. دى كانت أحدى نقاط الخلاف .. اللى مصعب مش قادر يشوفها انها سقطت فى أضعف لحظاتها


عرفتك ياض بالـ ID Sat DSl ;)

Here i'm يقول...

جنة ..

حمد لله على السلامة .. ياريت تتنفسى بعيد عن البلوج علشان أنفلونزا الخنازير .. أحسن أجيب الجزار بتاعى و وزير الصحة و أجى أذبحك .. الله أكببببببببببببر


أه شوفتى النيو لوك .. مفاجأة :D

بس أكيد بقى مش دقن و جلباب .. ربنا يهدينا :D


اتاتورك .. هوا السبب فى نهضة تركيا .. و لكن مانكرش أنه فاكس :D

علمانيته مبحبهاش الحقيقة .. بتجبلى أرتكاريا :D

mUsLiM يقول...

ولا يهمك يا كبارى

شد حيلك ياعم

مذاكرتك اهم طبعا وربنا يوفقك ويكرمك يا حبيبى

وابقى طمنى عليك بقى :)

السلام عليكم

زقزوق يقول...

يا حبيبى

وعليكم السلام ورحمة الله وبركاته

تجاهلنى تجاهل الابل

يا بووووووى

mUsLiM يقول...

الأخ الجنوبي :)

انت تقصد انى تجاهلتك يعنى

ههههههههه

وكمان تجاهل الإبل ،،

طيب وهو ايه تجاهل الإبل ده ؟

على كل حال ده مش تجاهل ابدا لكن انا اعتبرت ان النقاش انتهى مش اكتر

وعلى كل حال

بالنسبه للكلام اللى انت ذكرته ، فالدولة العثمانية صحيح كانت بتقاتل بجوار حدودها فى اليونان ودول البلقان لكن هى لم تهزم بريطانيا فقط ولكن هزمت جميع جيوش التحالف

وكانت وقتها على استطاعة لغزو اوروبا مرة أخرى ومعاودة الفتوحات

لولا فعل أتاتورك عليه من الله ما يستحق ،،

كما ان معنى ان دولة تنتصر فى اخر ايامها على كل جيوش الحلفاء فده يدل على قوة هذه الدولة وحياتها وقدرتها على الاستمرار

وليس ما يقوله قبارى بأن صعفها هو الذى أدى لسقوطها

لأنها سقطت بخيانة الداخل لا بضعفها أمام الخارج

وهذا هو فيصل الكلام

والله من وراء القصد

السلام عليكم

زقزوق يقول...

يا اخى
اما انها سقطت بخيانة الداخل فهذا حق لا شك فيه
واما قدرتها على الاستمرار(لولا انقلاب الماسونيين على اخر السلاطين المحترمين)
وعدم مقاومته للانقلاب للاسف الشديد
فهذا ايضا حق لا شك فيه..
كنت دايما بفكر..
لو مكانش الخونة الانقلابيين زجوا بالدولة فى الحرب العالمية الاولى
ناهيك عن خيانة العربان للدولة فى احرج لحظات الحرب
اللا شريف حسين والثورة العربية الكبرى وكل الهبل ده..
وكانت الدولة بتضم ساعتها الى جانب تركيا طبعا_ العراق وسوريا ولبنان وفلسطسن وليبيا
ومعظم الجزيرة العربية
وكان فاضل عشرين تلاتين سنه ويكتشف انهارالبترول فى الجزيرة العربيه
واللى كانت بالطبع حتكون جزء من الدولة العثمانية
يعنى حيبقى معظم احتياطى العالم من البترول(عصب الحياة) فى حوزة دولة الخلافة
فتخيل مدى القوة والنهضة اللى حتكون عليها دولة الاسلام .. الدولة العثمانيه
بتاريخها المجيد فى الدفاع عن المسلمين فى كل مكان على مدى ست قرون
تخيل؟!

بداية الضعف فى الدولة العثمانية(بالذات عسكريا)
بدأ تقريبا من بداية القرن التاسع عشرويمكن قبله كمان
من بداية القرن ده وهى من ضعف لضعف لضعف
وده بسبب الحروب الهائلة اللى كانت بتخوضها او اللى كانت مفروضة عليها
فى اوربا ومع الروس وفى كل الجبهات
الحقيقة الدولة العثمانية دولة ملهاش مثيل فى تاريخ المسلمين ولا البشرية كلها
من حيث كونها دولة عسكرية بامتياز
لدرجة ان الحروب مكنتش بتهدى لحظةواحدة فى تاريخ الدولة
طيلة قرون ومن اول نشاتها والدولة فى حروب كلها عالمية وطاحنة بالمناسبة
فى بداية الدولة وعنفوانها حروب غزو وفتوح ورفع راية التوحيد فى قلب اوربا من ناحية الشرق
ومع ضعفها برضه حروب دفاعية طاحنة فى اوربا ومع روسيا
دفاعا عن نفسها وعن مسلمى القوقاز فى الجبهة الروسية
فعلا مكانش يصح تقوم اول حرب ويسموها عالمية
ومتكنش الدولة العثمانية (دولة الحروب بامتياز) طرف فيها!!
...............................
(وكانت وقتها على استطاعة لغزو اوروبا مرة أخرى ومعاودة الفتوحات

لولا فعل أتاتورك عليه من الله ما يستحق ،،)
انا الجملةدى فاجئتنى وادهشتنى لدرجة خلتنى ارجع لكتبى وموسوعتى وانقلك الوضع كان ايه بالظبط
بعد انتهاء الحرب ونقلى من كتاب الكاتب الاسلامي الفذ المرحوم محمود الشاذلى وهو كان مهتم بالدوله العثمانية بشكل خاص
(انتهت الحرب العظمى سنه 1918بهزيمى المانيا وتركياوتحطمت دولة الخلافة وتمزقت اوصالها
وتهرأ كل شىء وانقضت الذئاب على الاسد الجريح وحطت الاساطيل والجيوش الصليبيه فى قلعة
الاسلام التى صمدت لسبع قرون وكانت ذات يوم تحرس عالمها الاسلامي فى مساحة امتدت من الفلبين فى اقصى المشرق الى بحر الشطوط على بحر الظلمات
ومن سيبريا فى شمال الدنيا الى جنوب السودان ! واستولى العسكر الانجليز على قلاع الدردنيل
والسفن البريطانية والصليب يعلوسارياتها تتبختر فى مياة البوسفورمستولية على شواطئة وكأن قرنة الذهبى لم يكن يوماما الحارس اليقظ التى تحمطت على اقدامة
مجرد نيه الدخول الى دار عثمان!
ولم تعد الصخور الذهبية المطلة على المياة الحزينة ترجع الصدى ليوم عبرت فيه عليها من قبل
جيوش التوحيد فاتحة القسطنطنية هاتفه مكبرة (لبيك ابا ايوب)!
واحتلت الجيوش الانجليزية والفرنسية اسلامبول وعاث جنود فرنسامن زنوج السنجال فى شوارع الاستانة فساد المرتزقة والاقزام
وايطاليا هى الاخرى احتلت جيوشها مدينة بيرا وخطوط السكك الحديدية)
فاى غزو واى استطاعة للدولة المحتضرة لمواصلة الفتوحات فى اوروبا لولا ما فعل اتاتورك؟!!
واتاتورك اصلالم يلمع نجمه الا فى هذه الحرب الاخيرة للدولة بل وفى اواخرها ايضا.
اى بعد كل اللى قريته من الكاتب محمود الشاذلى الان .. صعد نجم اتاتورك او (تم تصنيعه وتلميعه)
لهدف سيقوم به وتقر به عيون اعداء الامة
وهو اسقاط الخلافة الاسلامية العثمانية