الاثنين، 15 يونيو 2009

نبأ هام ..


بعد نجاح التجربة المهلبية الأيرانية الديمقراطية ..

و بعد نجاح التجربة اللبنانية الديمقراطية ..

و بعد ظهور الرئيس مع عبد اللطيف المنياوى فى أسوان ..

و بعد خطاب أوباما .. و خطاب النتن ..

و بعد الولدين اللى مدخلوش الامتحان علشان مفيش كرسيين فى المدرسة ..

و بعد ما أنفلونزا الخنازير خوفتنى حتى من انى أبوس البت حبيبة اللى جاية من القاهرة ..

و بعد وزير الثقافة اللى قرر بعد 19 سنة فى الوزارة انه يترجمـ كتب أسرائيلية ..

و بعد ما مصر اتغلبت من فرقة درجة 3 أسمها الجزائر 3 - 0 ..

و بعد ما تشيمو ملكـ الجير عمل رائعته الثانية زيد و زبيدة ..

و بعد ما الأهلى جاب فضل و فينجادا ..

و بعد ما مصر حتخسر بكرا من البرازيل فى ماتش البلاى ستيشن دا ..

قررت ان تدخل المدونة ..

الصيانة السنوية لها فى مركز صيانة Maga بالساحل الشمالى ..

لصاحبه أسطى / Maga صاحب ورشة ناويها و ساكند لايف للأعمال السباكة و عفشة المدونات

و تعود فى غضون أسبوع أو 5 أيامـ بالكتير .. مع الأتفاق على الحفاظ على الأرشيف و اللون الأسود

نرجو من السادة زوار المدونة الأحاطة علما بكل ما جاء فى هذا البوست ..،


يعتمد ..،


12 التعليقات:

mUsLiM يقول...

ادينى فى الأنباء الهامة ،،
أيوه كده خلى مدونتك تنضف شويه يا عمنا ،،

سيبك انت

المهم

عملت ايه امبارح يابنى ..؟!!

يارب خير ان شاء الله

السلام عليكم

Fatma يقول...

ههههههههههههههههههه

والله انت رهيب يا محمد

مبروك اللوك الجديد بتاع البلوج مقدما :)

Romaya يقول...

:D


تصدق قولت في نفسي اول ما شوفت عنوان البوست (نبأ هام ) قباري خلص الامتحانات ونتيجتة بانت كمان وجاي عامل هليلة وفرح وهيهوسنا معاه :D

طب بذمتك ايه لازمتك السطور الاولنية دي بجانب موضوعك؟ ولا انت بتشوقنا لموضوعك القادم؟

دماااااااااااغ انت يا قباري

Jannah يقول...

أفااااا
انت قاعد هنا تكتب مواضيع و أنا اللي قلت انك ميت من المذاكرة و دخولك النت على سبيل فاصل و نواصل 5 دقايق أو أقل
طاااايب
:D
المهم مصر كانت كسبانة بالنسبة لي مع البرازيل كان ماتش ماتش يعني أتمنى اك تكون شفته
ولا كنت في الامتحان؟:P
يله مسكين

باقي لك 3 أيام و تحتفل بالافراج
ربنا يوفقك
ومبروك على الديكورات اللي ناوي تسويها
المدونة أصلا كشخة من غير تجديد و صيانة
:D

ســـــاره يقول...

مستنيين اللوك الجديد يامحمد :)

Jannah يقول...

محمد الحقني
سرقولي المدونة بعد
ماعرفت أدخل الحين
:(
لا حول و لا قوة الا بالله
:(
أنا خلاص اعتزلت

ســـــاره يقول...

معقولة!!!!
هي المدونات كمان بتتسرق؟!!!
طيب ازاي ؟!!!

ReEm يقول...

مبروك مقدما على اللوك الجديد

بس المهم تحبه و تتقبل لحسن انا شخصيا

حاولت اعمل الخطوة دي بس ماعرفتش

اتقبل اللوك الجديد خالص

dalia يقول...

بقالي زمااااان مش بنشوفك يا محمد خلااااص المذكرة مقطعة بعضها ولا ايه عايزبن نشوفك مرة تاني :)

انا قلت بعد كل المقدمة ديه حتقول مثلا خبر ينفع ننشره صفحة أولي أو سبق صحفي ربنا يعوض علينا
سلام

Jannah يقول...

لا لا ما تسرقت ولا شي
أنا بس البارحة ماعرفت أدخل فقلت يمكن العصابة سرقو المدونة بعد
معلش عندي حالة نفسية بسبب الهاكرز
:D

Romaya يقول...

ايوا كدا الله يكرمك يا قباري غيرت اللون الاسود دا لاحسن بحول منه @:

اوعى تغيره بقى ها :D

مبروك يا قباري على اللوك الجديد
وعقبال ما ابارلك ان شاء الله عالنجاح

The Seagull يقول...

مبرووك على اللوك الجديد يا كباري :D .. حلو أوي ما شاء الله

بس هو في سؤال؟
انت اللي مصممه والا في اختيارات بتختار منها اللوك اللي انت عايزه والا ايه بالضبط؟ :)