الاثنين، 29 يونيو، 2009

الرفاق يتخيلون .. حبيبة كوبرى من تكون ؟


فكرة البوست فى العنوان ..

بما أننا بقلنا كتير مع بعض .. و عرفنا حاجات عن بعض يمكن أقرب الناس لينا فى الحياة ميعرفوهاش

خلينى بقى اعرف أستفيد منكوا .. اهو الواحد يطلع منكوا بحاجة :D

تفتكروا أيه هيا مواصفات فارسة أحلامى اللى تليق عليا :D

بعيداً عن فكرة التناقض .. خلينا فى التكامل و التوافق .. بلاش تناقض وحياة أبوكوا :D

حسيبكوا تتخيلون .. تفكرون .. تتسائلون .. تتهامسون

حبيبة كوبرى من تكون ؟



بتصريح من شركة سلتو للإنتاج الفني
© 2009


28 التعليقات:

Abdulla يقول...
أزال المؤلف هذا التعليق.
mUsLiM يقول...

يا سلااااام

وايه المهم فى كده حضرتك يعنى ؟ :))

طيب يمكن ده يهمك يا اخى

لكن ايه اللى يهم الناس ويخليهم يتخيلون ويتحيرون ويفكرون ويخمنون حول حبيبة كبارى من تكون ؟

هههههه

مشكلة انت يا كبارى والله

يا اخى المهم أن يرزقك الله بالزوجة الصالحة التى تعطيك الدنيا والآخرة

وبعدين يابنى سودت المدونة ليه ماهى كانت بيه وحلوه ؟

السلام عليكم

samamasr يقول...

إممم
مش عارفة :)

إنتم كلكم عاملين إيه :)


هفكر وأشوف مين هي العروسة المناسبة في المواصفات,ونشوف مين هي عروسة قباري كدة,ونرسم لها صورة :)

samamasr يقول...

هتكون عروستك بإذن الله,أمورة والله

المشكلة

أنا حاطة ليك مثلا يا محمد صورة,وشايفة عروستك دلوقتي,وانت معاها

لابسة فستان أزرق

ومحجبة

وبتضحك كدة,بكسوف

ومحمد واقف معاها مبتسم


ههه


المواصفات في الطباع,والله ما أعرف

أنا لو حطيت في خيالي إني أتخيل بجد,ممكن أتخيل مشهد كامل بأشخاصه


وأنا تخيلت مشهد كامل


محمد,واقف مع عروسته,وهي لابسة فستان أزرق,بحجاب أزرق


وواقفين قدام مجموعة محلات

وبيضحكوا


وهي عسولة,بتضحك ومكسوفة كدة



ومحمد بيبص لها ويضحك


ههه

محمد,والله لأرسم لك صورتها بجد :D


ثواني,هتخيل صورة البنت إللي تخيلتها دي ,عروسة محمد



بس المشكلة,إني مش أعرف محمد شخصيا على الحقيقة,لو في الحقيقة,مش لقيتك انت وعروستك زي الخيال ده كدة,مش هرسم لكم تاني صورة :D


أي حاجة مش عارفة بقى,بس شفت صورة كدة:)

samamasr يقول...

مهي المواصفات في الطباع

هي واقفة أهي,وبتضحك في كسوف

ومحجبة

وعنيها بتضحك,وفيها دموع كدة منورة من الفرحة بجد

مبروك يا محمد :D


والله متخيلاكم والله,انت وعروستك :D

والله لأرسمها ثواني بجد,هأحاول:D والله:D

samamasr يقول...

محدش يزعل من تخيلاتي:)

samamasr يقول...

محمد,أنا آسفة,أنا بقول بس,الصورة إللي جت في خيالي دلوقتي
لأحسن حد يزعل مني بدون قصد
صورة جت في خيالي
لكن أنا برسم,بنوتة بجد
بس صورة جت في خيالي والله,محدش يزعل والله بدون قصد,صورة جت كدة متخيلة لمحمد وعروسته والله :)

samamasr يقول...

أهي عروسة محمد :)

http://www.faceyourmanga.com/imgweb_avatar/20090629/samamasr@maktoob.com_ef01e7f6.jpg

.........
بس أنا آسفة,المواصفات الشكلية إللي قلتها دي,,صورة تخيلتها في لحظة كدة :)

لأني من امبارح,بتخيل لصاحباتي كمان,صورة تمام ناس واقفين وشكلهم والأحداث وكل حاجة والقاعة وكله:) وتخيلت محمد واقف كدة تمام زي ما قلت :)
......

أخدت لينك الصورة على طول,لسة مش هرفع صورة بقى,علشان الميل ده,ده بس,في اللينك أي حاجة:)

samamasr يقول...

ثواني,اللينك كدة مش بيظهر,هرفعه تاني:)

أهي عروسة محمد :)

http://www12.0zz0.com/2009/06/29/12/289266889.jpg


كدة تظهر بقى:)

dr.lecter يقول...

امممممم

هي ممكن تكون شخصثيتها قويه علشان تقلعلك ابو زنوبه وتجربه علي راسك

اكيبد هتتحف التراب علشان تجري وراها وهتدوقك الويل وتخليك عطشان لغايه ماتوصل لها ويطلع عينك

اكيبد حلوه طبعا واكيد عاقله علشان تتقبل واحد زيك وزتقدر الصحراء اللي علي دماغك

واكيد هتتقبل اان بتعدي من الباب وانت موطي راسك علشان الطول بتاعك

اكيد طبعا لها كيان مستقل ودماغها ناشفه حبتين بس انت هتعرف تقنعها بعد ماتقول يالهوي

ايه تاني ؟ مش عارف اصلا لان بص ساعات الواحد بيبقي حاطط مواصفات خاصه لفتاه احلامه وفجاه يقع ويندب في واحده تانيه خالص ويلبسها مختلفه عن مواصفاته
اصل القلب مش مضمون خالص وبيتصرف تصرفات غريبه ومش بايدك في الاخر

ياعم انت اصلا شكلك بتشتغلنا وعمال تتريق علينا واحنا عمالين نكتب ومافيش مواصفات ولا يحزنون جررررر ماحدش يدور له علي عروسه

romaya يقول...

يعني بدل ما ادعيلك اتحسبن عليك يا قباري :@

يخربيت دا لون اسود بتحبوه .. هي ناقصة يابن الحلال !

يلا اهي مسألة اذوااااااااق
------

حبيبة مين ان شاء الله ؟

اقولك ..
روح اسأل حلييييييم يا قباري :D

بس عالعموم هي واحدة هتطلع عينك
وهتوريك النجوم في عز الضهر P:

Founoon يقول...

ياه ياه لكتر وصفني بالظبط سبحان الله P:

ربنا يجعل من نصيبك واحدةتحبك وتقدر طيبةقلبك يا محمد انت جميل وتستاهل كل خير

مش متخيلة ممكن تكون عاملة ازاي غير ان روحها تكون خفيفة وعندها قبول زيك وواخدةالحياة ببساطة ومليانة تفاؤل وامل ومؤمنة بيك بالرغم من كل حاجة D:

ســـــاره يقول...

هههههههههههههههههههههه انت لذيذ اوووي يامحمد
ومصعب كالعادة ردوده بتموتني من الضحك
هههههههههههههههههه

........................

شوف ياسيدي وانا بقرا الموضوع غصب عني اتخيلت شكل حبيبتك نفس شكل البنت الموديل اللي طلعت مع إبراهيم الحكمي في اغنية (صدقني) وكانت لابسه نفس الطقم والحجاب الأبيض والأزرق..

انما عن اخلاقها فأكيد من غير تخيل كلنا بنتمنى انها تكون بنت حلال تحبك وتقدرك .. اما شخصيتها فلأنك مشاغب حبتين تلاته كده :d ماينفعش ان اللي تحبها تبقى زي طبعك.. انا حاسة انها هتبقى هادية اوووي وخجولة اوووي وطيبة وضعيفة اوووي بس كمان ذكية اوووي وفي طيبتها قوتها .. وحده تقدر تحتويك كده لما تكون متنرفز وتحسسك بغلطك لما تغلط من غير ماتتنرفز عليك وتقولك انت غلطان..

ياااااه انا عايزة اروح اخطب لأخويا زهقت بقى عايزه حد من اخواني يتجوز D:D:D:

mony يقول...

احم احم..انا جيت..:)
انابقى اللى حشنغلك ف الازرق بقى واختارهالكـ

البنت بما انها حتكون ع كوكبنا العريق ده
ف حاساهاحتكون ف منتهى الهبل والعباطة..
اصل انت طيب يامحمد..مش حينفع واحدة تمسيك بعلقة وتصبحك بعلقة:) لا مش الجو ده خالص انت
فهى حتكون طيبة كده وهادية "زيى كده"
وحتكون هلاسة زيك كده..وبتحب الهيزار
"سبحان الله زيى برضوه"
واممممم..متخيلة انها حتكون من الناس اللى بتحب تسمع للآخر..ومش كتومة زيك
وعلى فكرة بقى..لونها ابيض ومتوسطة الطول يعنى بالنسبالك تكون بتاع180 كده:)
واممممم.متفائلة برضك زيك..لان مينفعش ابيض مع اسود:)
حاساها عنيدة ودماغها مع دماغك ما بتتفقش ف حاجات كده معينة


بقولك ايه..فيه اعلان نزل ف الوسيط عن الزوجة الصينية:)
ما اديك الرقم وتخلص
ده حتى من اهم مميزاتها انها يسهل تخزينها ف اى مكان:)

والف مبروك مقدما..:)

Here i'm يقول...

مصعبينو ..

يا اخى صدق اللى قال .. مفيش صحاب :D

قولت أديك الفرصة و تطلق عنانك و تسبح فى بحر الخيال .. و تتخيل من تكون حبيبتى .. :D

ربنا يرزقنا بالزوجة الصالحة كلنا ..

Here i'm يقول...

إيمان ..

أولا حمد لله على السلامة .. و ربنا يخليكى يارب .. دا انتى عملتى مجهود و الله :)

و تخيلتينى كمان .. لا دا أنتى 100 100

و الصورة حلوة قوى على فكرة .. بس قوليلى باقى الصورة كانت موزة ولا أيه النظام :D

منورة يا يمان و متغبيش تانى

Here i'm يقول...

دوكى ..

مع ان المواصفات مصدمة ليا .. بس و الله حلوة

بيقولوا يا دوك .. ان الاحصائيات بتقول ان البنات الحلوة بتموت فى القرع .. نفسى أشوف الأحصائيات دى :D

اه طبعا بشتغلكوا .. ما انت عارف صحبك :D

Here i'm يقول...

مروة ..

أختلفتوا على كل حاجة .. و اتفقتوا أنها حتطلع عينى :D

تصدقى بالله .. محستش بالبلوج غير لما سودته :D

حروح أسأل حليم و اجى :D

Here i'm يقول...

فنون ..

ما انا قولتلك تعالى اتجوزك و نخلص .. عملتيلى فيها السفيرة عزيزة :D

يا فنون .. لو بالمواصفات بتاعة لاكتر .. حوافق بس بشرط .. أيدك تكون خفيفة شويه :D

ربنا يخليكى يا حاجة على البوق الجامد دا فى حق سعادتنا .. و اهم حتة .. تكون مؤمنة بيا .. و حعمل نفسى مش واخد بالى من باقى الجملة :D

ربنا يديم المعروف يا حاجة :D

Here i'm يقول...

سارة ..

تسمحيلى أسجل اعتراضى عن البنت اللى فى كليب عبد الله الحكمى .. دى عامية يا سارة :D .. و بعدين ما انتى عندك مثلا الحاجة بتاعة كليب محمد حماقى :) .. مالها دى انا بموت فيها :D

ليه كده يا سارة :D

عجبانى قوى حتة تقولى انا غلطان .. مهمة جدا .. بس الأيام دى بتتقال انت غلطان بطريقة رخمة تخليكى تقتليها هيا و عيالها :D

Here i'm يقول...

مونى ..

أهم حاجة هلاسة و ياريت تبقى بنت ليل :D .. و بعدين انتى طيبة لا لا بعيدة عنك دى :D .. و بعدين ما أنا قولتلك تعالى نهلس مع بعض عملتيلى فيها شادية فى ميرامار :D

بيضة و متوسطة .. جميل .. عنيدة و دماغها نشفة .. دى سهلة أقدر عليها :D

الصينيات مليين البلد يا مونى .. و كلهم درجة عاشرة :D

تفتكرى الوسيط فى اللى انا عايزه ؟؟ :D

عملتى أيه فى الامتحانات يا فالحة :D

The Seagull يقول...

شفيقــــــة :D

في "تيمور وشفيقة" بجد شايفاها لايقة عليك أوي يا كباري :D

عاملين زي ناقر ونقير طول الوقت بس في الآخر ما حدش يقدر يستغنى عن التاني منكم ;)

هتبقو دويتو رااااائع :D


موضوع لذيذ :D

Here i'm يقول...

يسرا ..

تفتكرى ننفع :D

و بعدين أنا مراتى متبقاش وزيرة بيئة .. بيئة بيئة لا لا سوفاج :D .. تبقى رئيسة أه :D

بس السقا كان بيعجبنى فى كذا حاجة كدا .. حمش :D

The Seagull يقول...

طب عايزين نعرف النتيجة بقى ..

والا لسة في الكنترول :D

Here i'm يقول...

النتيجة أن البوست حيروح زى أى بوست :D

د بس كان أستطلاع ينفع يفيدنى فى عام 2010 هجرية :D

Iman يقول...

هو إنت يا محمد,قررت,إن شاء الله يارب,كدة,بإذن الله يارب,كدة
لما تتخرج,بإذن الله,السنة,إن شاء الله يارب
تتجوز :D بإذن الله :D

2010 هجرية إيه :D

Here i'm يقول...

إيمان ..

أيواااااااااان :D

علشان أكون كونت نفسى كويس :D

samamasr يقول...

ربنا يبارك لكم:)