الثلاثاء، 1 سبتمبر 2009

صباح الخير يا سينا .. رسيتى فى مراسينا


فى الأوله قلنا جينلك وجينالك .. ولا تهنا ولا نسينا

والتانية قلنا ولا رملاية فى رمالك .. عن القول والله ما سهينا

والتالته أنتى حملى وانا حمالك

وصباح الخير يا سينا .. رسيتى فى مراسينا

تعالى فى حضننا الدافى

ضمينا وبوسينا يا سينا



البوست دا أهداء لناس كتير قوى ..

أهداء لأسرائيل كلها .. من الواد نينو أبن متشولح لغاية سرينا أهارونى

مروراً بأيزاك بن عامتاى

و معاهم المنتحرة بعد الحرب جولدا مائير ..

و فاقد ذكورته فى الحرب بنامين نتنياهو ..

و القرصان الكبير موشى ديان ..



البوست دا أهداء ..

للطاووس حسن نصر .. و معاه البوق خالد مشعل ..

و كمان أمير قطر بتاع حسبى الله و نعم الوكيل .. مع أنه عنده قاعدة أمريكية !!

و كمان بشار الأسد بتاع المقاومة هى الحل .. مع ان أرضه محتلة !!




أما بالنسبة للعرب و المصريين للشرفاء ..

فالبوست دا أحنا أخدناه أهداء من أرواح شهدائنا ..

اللى علمونا يعنى أيه كلمة نصر .. اللى علمونا يعنى أيه كلمة أرض

البوست دا أحنا أخدناه أهداء من ناس سابت حياتها و أحلامها ..

علشان يقولنا " مرضناش نرجع من غير سينا .. و حافظوا عليها من بعدينا "

البوست دا أخدناه أهداء من شهداء .. ضحوا بنفسهم علشان نعيش راسنا مرفوعة



البوست دا أهداء من ..

شهيد رئيس الجمهورية / محمد أنور السادات

طيار / محمد حسنى مبارك

شهيد طيار / محمد عاطف السادات

شهيد نائب مدير سلاح المهندسين / أحمد حمدى

شهيد عميد قائد الفرقة 23 / أحمد عبود الزمر

شهيد عقيد قائد لواء 3 مدرع / نور الدين عبد العزيز

شهيد عقيد لواء أول مدرع / السيد محمد توفيق أبو شادى

شهيد عقيد قائد اللواء 116 / حسين رضوان

شهيد عقيد قائد مجموعة المخابرات الخاصة / إبراهيم الرفاعى

شهيد عقيد قائد اللواء 22 / مصطفى حسن

شهيد مقدم قائد موقع كبريت / إبراهيم عبد التواب

أهداء من كل واحد شال سلاح ..

أهداء من كل واحدة اتحملت أستشهاد أخوها أو أبوها أو زوجها ..

أهداء من كل واحد أتيتم أو فقد ساق أو ذراع أو عين فى الحرب ..

أهداء من كل واحد زرف نقطة دمـ فى حبكـ يا مصر ..


::..::..::..::..::..::..::..::


المنتخب حيفطر علشان يكسب روندا يومـ السبت ..

مع ان الجيش المصرى كسب أسرائيل فى رمضان و هما صايمين !!

يا ترى دا علشان روندا أصعب من أسرائيل :D

ولا كسل لاعيبة ولا أيه بالظبط ؟؟









15 التعليقات:

Jannah يقول...

أنا قعدت أقول ليش اليوم 6 أكتوبر؟
اتضح انه أنا مخي محتاج طاقة و بروتينات وفيتامينات حتى يشتغل عدل
والمغرب بعييييييييد قدامي 4 ساعات و يزيد
:D
المهم
الله يرحم اللي ماتوا في الحرب ويسكنهم الجنة امين
وأنا بشوف انه مصر اتصرفت التصرف المناسب في الوقت المناسب

...
من طلع فتوى للمنتخب على المقاس؟
الحين صار الفوت أهم من ركن في الاسلام
؟
كل واحد حر يصوم او ما يصوم بس لما يكونوا مثلا متعودين يصومو ومؤمنين بالصيام ييجي قرار يجبرهم ياكلو من اجل ماتش فوت.. قصدي فتوى

وتلاقيهم لقو كلام كتيييير يقولونه
طيب واللي مو حاب يفطر يفطروه بالغصب ؟
والله حالة!!!!

ســـــاره يقول...

ايه الحماس ده كله يا كباري D:

الله يرحم شهداء مصر اجمعين يارب

بالنسبة للفتوى فالفطار في رمضان جايز شرعا للي عنده عذر يعني كل واحد يتعامل مع ضميره ومع ربه باللي يرضيه.. ويشوف هو هيقدر يلعب وهو صايم ولا فاطر .. يعني الموضوع مش محتاج دار افتاء وفتوى والكلام الكبير ده كله ..

ثانيا حابة اعلق بشكل سريع على بعض النقاط اللي قلتها..

_ رغم اختلافي مع حماس في كثير من الأمور
بس اختلف معاك تماما في وصفك لخالد مشعل بالبوق

_هو اللي عنده قاعده امريكية حرام يقول حسبي الله ونعم الوكيل؟
يعني انتوا عندكم معاهدة سلام مع اسرائيل
حرام تقولوا حسبي الله ونعم الوكيل؟!!!!

_مش شايفه اي مشكلة في كلمة بشار الأسد
ايوة فعلا المقاومه هي الحل
وان كانت ارضه محتله
وان كان بيسعى للسلام
بس مانضحكش على نفسنا ونقول ان حد فينا راضي عن السلام مع اسرائيل .. اي شخص بيعمل سلام بيبقى مرغم لأنه عارف ان اسرائيل دولة مغتصبة ومحتله ومنبوذه والحل الوحيد هو في مقاومتها ..



متأخرة صحيح
بس كل عام وانت بخير يارب :)

Here i'm يقول...

تصدقى بعد الكومنت بتاعك قولت أزاى أنا مقولتش ان الموضوع بمناسبة 10 من رمضان :D


الله يرحمهم و يغفر لجميع شهدائنا ..

المشكلة ان الموضوع ممكن يمشى من غير فتوة .. كل واحد و الله شايفه لمصلحته .. فى واحد مش حيقدر و واحد حيقدر .. ليه بقى نطلع بفتوى تبيح الفطار و بكرا فتوى تانية تطلع تقول المسافر ميفطرش غير لما يشوف المغرب .. أيه العجب دا ؟؟!!!!

فعلا الفتوى بقت أهم من ركن فى الأسلام زى ما قولتى ..

و بعدين المغرب بيتاخر على كله :D

Here i'm يقول...

سارة ..

بالظبط زى ما قولت موضوع الفتوى مش محتاج فتوى و كل واحد عارف دينه و عارف اللى ليه و اللى عليه ..

اللى يقول النهاردة كلام و بكرا كلام .. يبقى بالنسبالى بوق .. اللى بحترمه فى حماس أسماعيل هنية .. بحسه بيلعبها صح .. و لازم أرجوز زى خالد مشعل يكون موجود للزوم الشوا


لا يا ستى مقولتش حرام يقول حسبى الله و نعم الوكيل .. بس اللى عنده قاعدة أمريكية بتمد أسرائيل بالأسلحة فى حرب غزة ميطلعش يقول و يصوت أن مصر و العرب اللى رفضوا القمة خونة و أنه بيتحسبن عليهم .. بالظبط زيى كده لما أقول لحد يا أقرع :D


بالنسبة لبشار .. ما كلنا بنقول ان المقاومة هيا الحل .. بس الفكرة انه بيقول أيه بقى .. ان فى قادة كبار خذلوا الفلسطنين مع ان المقاومة هيا الحل الوحيد .. طيب يا سيد الناس يا سكرة انت متعرفش أن الجولان كلها 10 ألف متر بس .. لو عايزنى أقاوم و أساعد الفلسطنين طيب ما تساعد اهلك و بلدك الاول .. و أبقى أتكلم مع اللى أرضهم محتلين زيك ..


كل سنة و انتى بصحة و سلامة يا سارة :D

mUsLiM يقول...

رحم الله شهدائنا فى حرب أكتوبر وفى كل حرب وقتال من أجل أن تكون كلمة الله هى العليا وكلمة الذين كفروا هى السفلى

ولكن فى نظرى

فإنه لم تتحقق حتى الآن حرب بين المسلمين واليهود يُسمح فيها لأهل الاسلام ولشباب الجهاد والمقاومة للدفاع عن دينهم والقتال فى سبيل ذلك

ولن تتحقق هذه الحرب حتى يطيح الله بهذه الطغمة السياسية التى أثخنت جراح هذه الأمة وأوغلت فى تحطيم مقدراتها

أما حرب أكتوبر فلم تكن فى نظرى بالنصر المبين ولا بالفتح العظيم

بل كانت جولة من جولات القتال مع اليهود استطعنا أن نحقق فيها شيئا من أهدافنا

والله المستعان

السلام عليكم

Jannah يقول...

انا لو لا عب أصوم
شنو يعني ؟جات على الماتش الوحيد اللي فرمضان
دايما بلعب و بربح
:D
من شهرين قاعدين تقولوا سوينا و ما سوينا فجنوب اقريقيا و الحين تبونا ناكل فرمضان
لاااااااااااا
:DDDDDD

....
أقول سارة
تصدقين انه كان شكله كرييييه جدا و هو بيقول حسبي الله ونعم الوكيل
يعني حنا بنفتح التيليفزيون نلاقي ناس مشتتة رجل ناحية وراس ناحية و لا داعي نتذكر هالأشيا
وفي الأخير يطلع لنا واحد مستغل الفرصة وحاب يكبر بسرعة و يقول قمة طارئة و يتجاذب مع المحور الفاشل التاني بطريقة تخلي الواحد يرجع
خلنا نسينا
آخر واحد من المجموعة كان ممكن يطلع يحسبن هو ذلك الشخص

ســـــاره يقول...

جنة

غسان بن جدو .. استضافته منى الشاذلي
في برنامج العاشرة مساء على دريم 2
سألته عن حسبنة امير قطر
وقالت ليش الجزيرة ركزت عليها؟!
رد عليها وقال وليش الناس ركزوا عليها؟
كلمة زي غيرها من كلام الشخصيات العامه والرؤساء
ياما ركزنا على كلمة للكثير من الشخصيات وكررناها
هذه سياسة القناة ..

فالغريب ان الناس بسبب موقف قطر
ركزت مع الأمير واستنكرت عليه الحسبنه!!
ماينفع جنة ندخل في ذمم الناس ونزايد على نواياهم هل هي خبيثة او طيبة وهل الحسبنه صادقه من قلبه ولا مجرد استغلال للأزمة!

للعلم امير قطر يندرج عندي في كفة رئيس ليبيا وغيرهم من الناس اللي لايمكن ارتاحلهم بس كمان اشوف ان تدقيق البعض في حسبنته غير منطقي وتحسب عليهم هم ..

Here i'm يقول...

مصعب ..

يابنى متتعبش نفسك الحرب اللى بتقول عليها دى حتبقى قبل يوم القيامة ..متدورش كتير و متتعبش نفسك ..

و بعدين معلش يا مصعب و الله .. انتوا فعلا مبيعجبكوش العجب .. و بعدين انت قولت قبل كده .. لو انت مش شايف انها نصر مبين و فتح عظيم .. قول انا مش شايف متقولش مفيش :D

Here i'm يقول...

جنة ..

طول عمرى أقول عليكى دماغك نضيفة و بتفهمى :D

مهما كنا بنختلف بس كنت بحترم دماغك جدا .. من موقعى هذا برفعلك القبعة :D

Here i'm يقول...

يا سارة ..

أنتى كل دا مش واخدة بالك .. بلد مقوماتها 500 ألف نسمة فى 100 الف متر ففى محلين بقالة على كام شركة بترول :D

طلع الصبح لاقى القناة بتاعته عاملاله صيت عالى .. قالك ما اعمل فيها كبير :D

من الاخر بلد قايمة على قناة .. تستنى منها أيه

و بعدين تستنى أيه من امير كرش أبوه برا البلد و أبوه عايش فى مصر :D

أكيد لا حيشكر فى مصر و اكيد ناكر الجميل .. اللى ملوش خير فى أبوه ملوش خير فى غزة :D

Jannah يقول...

سارة
كلنا عارفين انه امير قطر ضخم وحاب يصير أضخم وأضخم
و سبق حاول مرارا يدخل نفسه في قضايا كبيرة بهدف يظهر هو حلال العقد و صاحب دور في المنطقة
بل حتى مشكلة المغرب والجزائر حب يحط فيها منخاره بس ماوافق له المغرب
لأنه جاي ياخد صورة
ومو بس هاذي
بييجيله الرياضيين الكينيين و الأتيوبيين ويغيرولهم أساميهم وجنسياتهم ويروحو بيهم للبطولات
وغيره وغيره
أصلا هو مجرد ما أبوه سافر عمل عليه انقلاب ورماه برا
ماقدر ينطر أبوه حتى يموت
لأنه أبوه فحاله ماعنده طموحاته

باختصار
حركة امير قطر كانت باينة للأعمى
وليست أول مرة يحاولوا قطر يقزموا دول أخرى
سواء مصر أو غيرها
حتى تونس لما جابت ميداليات كتير في بطولة المتوسط وبان انه عندهم سياسة رياضية محكمة و..و..عملوا روبورتاج مفاده انه اللي بيخلي التونسيين يلعبوا رياضة انهم يطلعوا برا لأي بطولة ويهربوا
يا ساتر على الحقد
دول شمال افريقيا بيلعبوا رياضة من زماااان وبيشاركوا فبطولات من العشرينات وبأبناؤهم يعني
فعادي يجي شي يوم يطلع واحد منهم بيفهم ويخطط شوية

ليش مضايق هو؟:D

انا ماقول انه أسوء واحد العرب عاهات كلهم ولا فخر بس القصد انه في ظروف غزة كان كريييييه جدا وهو يتصرف مثل العقاب اللي يدور على الجتة

وهذا رأيي على كل حال

...
كباري
ايه نعم ارفع لي القبعة
:P

Jannah يقول...

محمد
انا قلت أبعد عن السياسة وانت رجعتني
الله يسامحك بس
:DDDDDD

Here i'm يقول...

جنة ..

عارفة أنتى مينفعش تبطلى سياسة .. شعبك مستنيك يا حاجة .. لا لا لا تتنحى :D

دا انا أرفعلك القبعة مرتين تلاتة أربعة :D

يالا الله يسامحه زوجك .. خطفك منى :DDD

Yasmine يقول...

والله ما ساعة ما اخترت التخصص المنيل دا فى الكلية و انا نفسي حد يشرحلى فين مشكلة بتوع المقاومة هى الحل دول؟!!
احنا قاومنا و حاربنا و انتصرنا..انتصار صغير بقى ولا كبير المهم اننا انتصرنا الانتصار الوحيد عليهم من ساعة ما قالوا يا اسرائيل و خدنا ارضنا و انتهينا..ما يورونا نفسهم لما هم فالحين اوى كدا

و بعدين ما هم قاطعونا بعد معاهدة السلام و رجعوا مضوا معاهم سواء فعليا او شفهيا..نعم بقى!!

بمناسبة امير الحسبنة اللى انقلب على ابوه..يا ريتها جت على قد الانقلاب..دا نزع جنسية قبيلة بحالها عشان اتهمت انها ساندت ابوه لما حاول يرجع للحكم..نزع جنسية يعنى نزع ادمية و حقوق مواطنة على فكرة..يعنى الناس اتحرمت من انها تشتغل و تصرف على عيالها و من انها تاخد معاشات و تامينات اجتماعية..دى كانت حالة بتدرسلنا فى الجامعة من كتر غرابتها..و فى الاخر يحسبن على الوطن العربى و على جبن الحكام اللى منعهم من قمة الدوحة!!! بامارة ايه هتبقى عادل مع غزة و انت ظالم مع اهل بلدك؟

و بالمناسبة برضه ماحدش اتكلم ليه عن الصفقة اللى تمت بينه و بين الشيخ زايد..بتاعت تسليم المعارضين القطريين فى مقابل ان قناة الجزيرة تخف عن دبى شويتين و تطبل للجزر الاماراتية ال3 اللى احتلتهم ايران

بيتهيالى عندنا مثل رائع بينطبق على الحالة اللى احنا فيها..بيقولك لا تعايرنى ولا اعايرك الهم طايلنى و طايلك

على فكرة اناكمان خدتلى شوية كويسين بحاول افهم توقيت البوست مش تبقى تدينا هينت فى الاخر كدا بدل مانا حسيت بالغباء الرهيب لما فهمت :D

بخصوص الفتوى بقى فاللى مافهمتهاش فتوى افطار المسافر على غروب الشمس فى الطيارة..على كدا بقى انا لو سافرت فى اخر رمضان هتفق على محاليل جلوكوز مع حجز الاوتيل ولا ايه؟!!

ســـــاره يقول...

ياجماعه ياريت الواحد يتكلم بأمانه
حتى لو كان ضد الشخص المعني..كون ان الجزيرة كانت ضد مصر وقطر ضد مصر فهي كانت ضد السعودية قبل كده ويمكن مازالت الله اعلم بس اخدنا موقف منها وقفلنا مكاتب الجزيرة في السعودية من سنين ..

على العموم امير قطر ماطردش ابوه حبا في الحكم
امير قطر طرد ابوه لأن والده كان معروف عنه كذا وكذا وكذا من اخلاقيات وسلوكيات .. اجتمعت الأسرة الحاكمه كلها يعني ماكانش قرار فردي واتفقوا على انه لازم يتنازل عن الحكم فلما رفض تم اقصاؤه عن الحكم فساب قطر وراح السعوديه ومنها اعتقد على مصر بس اللي اعرفه انه رجع قطر تاني لما اتوفت الشيخه موزة والله اعلم ..

وبعدين انا مش شايفه اي مشكلة ان قطر تحاول تعمل لنفسها مكانه .. ده من ابسط حقوق اي دولة ان تكون ليها مكانه وكلمه وسط الدول الكبيرة .. اللي لينا هل المكانه دي على حسابنا ولا معانا .. واللي لينا اكتر ان شعبه بيحبه زيه زي بشار الأسد اللي شعوبهم حبتهم اكتر من اباءهم دي حقيقه ماحدش ابدا يقدر ينكرها مهما اختلف معاهم ..

تجنيس اللاعبين فده من حقهم قانونا وماعملوش اي مخالفه .. مافيش لعيبة كويسة من وجهة نظرهم قاموا جابوا اجانب وجنسوهم ..بس التجنيس مش كمواطن ولا ليه حق المواطنه كأي مواطن قطري وتقدروا تسألوا اي قطري عن النقطة دي..التجنيس رياضي فقط واكيد قصاده مقابل مادي واللاعب بيكون عارف انه مش هيتعامل زي المواطن القطري هو قطري رياضيا فقط ..بعدين فين بيتم تغيير اساميهم ؟!! مااللاعب الأرجنتيني سبستيان سورية الكل عارف انه ارجنتيني ومازال بإسمه لأن مسألة التجنيس في قطر معروفة للجميع مش حاجه بيعملوها في الخفاء.. فمش عارفه فين المشكلة في النقطة دي هو بس في قطريين متضايقين لأنهم حاسيين ان اللي بيجيبلهم البطولات بإسم قطر هم في الأصل اجانب مش قطريين .. ودي حقيقي تضايق بس هل في قطري نفع والإتحاد رفضه؟!