الثلاثاء، 27 يوليو، 2010

بين يدى الله ..




بدأت أفكر بعد أن خرجت والدتى من غرفة العمليات سالمة .. أنها كانت بين يدى الله
و فكرت و وجدتنى كنت معاها فى نفس الوقت بين يدى الله ..
فالامر لمـ يتكلف سوى أقل من يومين .. وجع شديد .. تحاليل .. أشعة .. عملية
أن تفكر كثيرا فى أن أول أمراة تقع عينكـ عليها .. باتت فى أقل من 48 ساعة بين الحياه و الموت
أن تفكر فى ما أذا كانت ستعود لبيتها .. أمـ أنه أخر أيامـ عهدها معى
أن تفكر فى أن كل ساعة .. كل دقيقة .. كل لحظة .. كانت يجب ان تكون لها
أن تكون وسط أصدقاء .. و تطلب المغادرة و تشعر بأن شيئاً يحدث على بعد 100 كيلو متر
و يخبرونكـ أصدقائكـ بأنه " لسه بدرى " .. و تأتيكـ مكالمة
" أطمن أطمن .. ماما تعبانة و حناخدها المستشفى "
كل هذا سيضيع معها .. كل ما حدث يكتب سيناريو للنهاية
أن تفكر فى " لازمـ أكون قوى علشان أختى و أبويا " .. و يجى الرد فى ساعتها " انا من غيرها حضيع "
فكرت فوجدتنى أنا أيضا كنت بين يدى الله فى وقت العملية التى أستمرت من 4:15 إلى 5:45 ..
مع انى كنت بضحكـ كتير .. و أكلت كتير .. و شربت كتير فى نفس وقت العملية
بس أنا كنت حتجن عليها .. و ربنا يعلمـ

عندما أصبت فى رمضان سنة 2002 فى ركبتى بعد بطولة كرة سلة رمضانية
و أجريت عملية فيها كنت اتوقع خروجى منها على كرسى
و الحمد لله بقيت أحسن من الركبة التانية :)
كنت فى وقتها .. بين يدى الله

عندما ركبت أول طائرة فى حياتى متجها إلى تركيا ..
و قبلها سمعت فى الراديو قبل الرحلة بأقل من 24 ساعة ..
أن مجزرة حدثت فى تركيا .. و أنا طائرة أتصدمت ببرج مراقبة فى مطار القاهرة
و أن يكون أول خبر تسمعه فى ميكروفون الطائرة .. عطل بسيط فى محركـ الطائرة و جارى أصلاحه :)
و تتاخر الطائرة ساعة عن الأقلاع و طاقمـ الطائرة يتعامل بعصبيه كأننا فوق المحيط الأطلسى فى منتصفه
كنت فى وقتها .. بين يدى الله

عندما أصبت فى جهاز الهضمى .. و ضاق بصدرى الطعامـ لدرجة خروجه
و ان هناكـ مكروها قد حدث .. و أكتشفت بعدها أنه مرض بسيط يصيب 30 % من سكان الأرض :)
كنت فى وقتها .. بين يدى الله

و وجدتنى أعدد .. عندما و عندما و عندما .. فوجدتنى أننى كنت كل يوم ..
من لحظة كونى نطفة إلى اخر يومـ فى حياتى .. كنت بين يدى الله

الحمد لله .. أنت رحيمـ بيا قوى يارب :)

..::..::..::..::..







8 التعليقات:

Romaya يقول...

الف مليون سلامه على والدتك يامحمد
بجد اضايقت اوووي

ربنا يتم شفاها على خير بأذن الله
ويخليكم لبعض يارب

الحمدلله على كل شيء ربنا رحمته واسعه اوي بينا بس احنا مابنحسش بقيتمها الإ لما نبعد عنه :)

The Seagull يقول...

ألف سلامة على والدتك يا قباري .. ربنا يشفيها ويخليها لك يارب :))

الحمد لله رب العالمين .. كتير بنمر في حياتنا بمواقف من هذا القبيل ونبقى على شفا الموت ولا خلاص لك إلا رحمته سبحانه وتعالى :))

موقف الطائرة اتكرر معايا أخر سفرية لينا لما رجعنا من اكلويت .. بس احنا بقى كنا في الجو وعدينا مكب هوائي كان صعب جدًااا .. وللحط يومها كنا قاعدين في آخر كراسي الطيارة في الديل بالضبط .. طبعًا مش عايزة أقولك على الإحساس الجميل اللي كنا فيه ساعتها :D


إن شاء الله تكون بخير :)

ReEm يقول...

حمدالله على سلامة الوالدة و ان شاء الله اجر وعافية و تصبح في اتم العافية و ربي يخليها و يطول في عمرها

و الحمدالله رحيم في كل حال الله يقدرنا شكره على رحمته ونعمه بحسن عبادته يارب

samamasr يقول...

الحمد لله
ربنا يشفيها ويعافيها
ربنا يخليهالك يارب

dr.lecter يقول...

وقعتك بيضا

واحمد مجابليش خبر خالص

dalia يقول...

أهلا قباري

الحمد الله لان من بين أشواك المرض بيتولد الرجاء، ومن بين مخالب الموت بتظهر رحمتة سبحانه وتعالي، حمد الله على سلامة والدتك وربنا يديم عليها نعمة الصحة وعلى أمهاتنا جميعا فهم بركة بتنا وأساس الدفء الاسري الجميل

مع اخترامي
داليا

Here i'm يقول...

مروة ..
سندريلا ..
ريم ..
إيمان ..
محمد ..
داليا ..

ربنا يخليكوا يارب ..

الحمد لله بقت أحسن كتير ..

ربنا يخليكوا يارب و ميوركوش حاجة وحشة فى حد عزيز عليكوا أبدأ يارب ..

و أسف ع التأخير ..

B . E . R .O يقول...

وانت الواحد مايعرفش عنك حاجه غير بالصدفه كده ، وبعد اشهر كمان ..
اعذرني ياكوبري لسه عارفه دلوقتي حالا والله ..
سلامت طنط الف سلامه ، وربنا يحميها ويخليها ليكم يارب ..
ويحميك يا معلم : )