رحلة اليومـ الواحد !!!

سيدى الرئيس ..

بعد التحية و السلامـ ..

أيه رأى حضرتكـ فى رحلة ليومـ واحد بس ..

رحلة أنكـ تجرب تعيش مواطن مصرى عادى لمدة يومـ واحد بس ..

و حيكون بروجرام الرحلة كالأتى :

الأستيقاظ فى السادسة صباحا .. و 5 دقايق لغسل الوش و السنان .. لو فى أساسا معجون

الذهاب فى السادسة و خمس دقائق إلى طابور العيش ..

العودة من طابور العيش فى الثامنة ..

فى الثامنة و الربع الوقوف فى محطة الأتوبيس فى انتظار أتوبيس النقل العامـ

ياتى أتوبيس النقل العامـ فى الساعة التاسعة و النص .. و كالعادة مليان ع الأخر

الوصول للشغل فى الحادية عشر .. بعد تصليح العطل فى الأتوبيس و الزحمة

فى الحادية عشر .. لقاء توبيخى يوميا من المدير .. علشان المواعيد كل يومـ فى الثامنة

فى الثانية عشر .. مواطن بسيط عايز يخلص مصلحة بيعرض على سيادتكمـ هدية

متروكـ لسيادتكمـ ..

مع العلمـ أن المرتب لا يتجاوز 200 جنيه شهريا مع وجود زوجة و ولدين ..

و الأسرة تتبع أفضل طرق تنظيمـ الأسرة ..

فى الثالثة عصراً ... الذهاب إلى الحضانة لأحضار الأولاد

طبعا لا يوجد مواصلات غير أتوبيسات النقل العامـ ..

فى الخامسة و النص الوصول إلى المنزل ... و لمـ تصل بعد الزوجة من العمل

تصل الزوجة من العمل فى السادسة مساءاً .. و تجرى حتى تجهز الغذاء

فى السابعة مساءا .. أحد الأبناء يطلب 50 جنيه درس خصوصى ..

و التانى الكوتشى بتاعه أتقطع و عايز واحد غيره علشان العيال بيعيروه بيه ..

فى الثامنة مساءاً .. معاد العمل الليلى فى سنترال حمادة ..

فى الواحدة صباحا تصل للبيت .. طبعا طبعا مرهقاً

تحاول الزوجة التودد لسيادتكمـ .. و لا توجد طاقة ..


ملحوظات مهمة :

المرتب من العمل الأساسى لا يتجاوز الـ 200 جنيه

المرتب من العمل ليلا لا يتجاوز الـ 150 جنيها



عرض خاص :

لا توجد تكلفة للمواصلات فى يومـ رحلة سيادتكمـ ...

لا توجد تكلفة للرحلة ...



ماذا تفعل سيادتكمـ ... ؟؟؟

هل توافق على الذهاب للرحلة ؟؟