الاثنين، 23 يونيو 2008

الحب عندى ....





أنا حتكلمـ عن مفهومـ الحب حاليا - بالنسبالى -



الحب عندى ... أن أنا أكيد ليا نص تانى ..

النص دا موجود فى مكان مـا .. ممكن يكون فى جزر الكاريبى

أو ممكن يكون فى البرازيل .. أو فى اليـابــان .. أو ممكن يكون فى مصـــر



مفهومـ الحب عندى ... أن نصى التانى ..

يكون مكمل ليا ... يعنى ميكنش زيى بالظبط ..

بس طبعا فى الحاجات العادية .. اللى الأختلاف فيها عادى

لكن ميكنش أختلاف فى الجوهــر ..

زى مثلا ... أنا بحب الملوخية .. هيا مبتحبهاش .... عادى جدا




الحب عندى يعنى حاجات كتير بين أتنين ..

أتنين مش شايفين بعضيهمـ من غير بعض ...

أتنين أتفقوا على أنهمـ يعيشوا مع بعض على الحلوة و المرة ...

أتنين أتعاهدوا على تخطى جميع العقبات و تركـ أبتسامة لكل عقبة ...

أتنين شافوا فى بعض معنى الأحتواء ...

أتنين واثقين من أنهمـ حيجيبوا للبشرية حد يزودها ميكنش زيادة عليها ...

أتنين عارفين أن الحياة فيها كل حاجة .. و موافقين يعشوها سوا ...

أتنين متأكدين من أنها تجربة .. ملهاش غير الأستمرار ...

أتنين عارفين أن التالت .. ملوش مكان ..





8 التعليقات:

mony يقول...

اول مرة اشوفك ف الحالة دى..

لعله خير ان شاء الله:)

ومتلاقيش غير الملوخية يا محمد عشان تقولها:)

Here i'm يقول...

هههههههههههههههههههه

عيب عليكى ....

عاذبون للأبد :DDDD

banouta masreya يقول...

اكاد لا اصدك عيناى
(وشوش كتيرة مبرقة اوى)
شوف مين سرق الاكونت بتاعك ولاد الحرام ما سابوش لولاد الحلال حاجة فى البلد دى حتى البلوجز بيسرقوهم :D

dr.lecter يقول...

ctاللي مابتحبش الملوخيه ماتلزمنيش

تروح عند امها احسن

Here i'm يقول...

بنت مصـرية

شوفتى الحرامى الندل عمل ايه :D

ملقاش غير الحب و أتكلم عنه

حرامى خسيس :D

Here i'm يقول...

أنا أبو العروسة و بطمنك أن البنت أستجابت لضغوطى عليها و بدأت بالفعل كورسات حب الملوخية ...

مش حتهرب من الجوازة برضه يادوكى :D

الشارده يقول...

ايه ياعم ده اول مره اقرالك موضوع عن الحب مين الى لعب فى دماغك بس

Here i'm يقول...

شوفتى بقى ...

شكلها كانت ضربة شمس :D