الأربعاء، 30 يوليو 2008

مصرى غريب شوية !!! ( 2 )






رئيس وزراء مصـــر القـادمـ


أتمنى يكون
المشير طنطاوى ..

أحنا محتاجين نمشى عسكريين شوية .. محتاجين نظامـ و أحترامـ

القوات المسلحة عندها أمكانيات رهيبة .. نجحت فى أوقات صعبة

عندها اللى بيبنى و اللى بيخبز و اللى بيحافظ على النظامـ

مفيش مكان لا يخلو من العيوب ... بس على ما اعتقد من أقل الأماكن


التانى .. أن
جمال مباركـ يكون رئيس وزراء

جمال مبارك رئيس مصر القادمـ .. شئنا أمـ أبينا

دماغ أقتصادية بحتة .. راجل ناجح .. شئنا أمـ أبينا

أه فى زيه و أحسن منه كمان .. أه أبوه ساعده

اه فى شلة فاسدة حواليه .. و فى أيضا شلة محترمة

بس الفاسد أكتر من المحترمـ

على ما أعتقد أقتصاديا حاليا .. محتاجين حد تكون دماغه 1 + 1




كنت حتمنى
رشيد محمد رشيد .. بس أنسى يا عمرو




- - - - - - - - -



جيلى كولا




أختراع عظيم :D

بموت فيها البتاعة دى .. كل يومـ باكل أتنين تلاتة :D

فى الشغل .. فى البيت .. فى الشارع :D



- - - - - - -



سعــــاد مــاسى





حاجة كده بعيدة تماما .. عن القلع و مفهومـ الموزة و حرامـ متسبنيش

حاجة مش جديدة علينا .. يمكن كان فيها زيها " عايدة الأيوبى "

نفس اللون الفنى بس مع الأختلاف موسيقيا ..

صوت تحس بيه بالحزن الرهيب ..



- - - - - -

جوليـــا روبـرتس




مش محتاجة كلامـ :D


13 التعليقات:

mUsLiM يقول...

انت فاشل يا كبارى

اجرى من هنا يلا

السلام عليكم

Here i'm يقول...

شكل الجيلى كولا عجبتكـ :D

منور يا كبير :D

banouta masreya يقول...

جوليا روبرتس دى احسن ممثلة فى هوليوود
مفيش حد زيها و بيتهيالى عمره ما هيكون فى
سعاد ماسى دى ما سمعتلهاش غير اغنية واحدة لا فهمت الكلام ولا فهمت اسم الاغنية بتسمع منها ايه دى:D

Here i'm يقول...

بنت مصرية ..

سبتى جيمى و طنطاوى و الجيلى كولا أنتى :D


جوليا .. زى ما أنتى قولتى بالظبط :))

أما بقى سعاد ماسى .. يا شخية حرام عليكى ..
رانى رايحة و مولية .. مازيد تشوفوا خيالى .. بدى أفتح صفحة جديدة بعيدة


هيا بس كل أغنية حتحتاج شوية وقت :D

الشارده يقول...

احييك على ذوقك الرفيع
جوليا روبرتس عملت انقلاب فى تاريخ السينما ومعاها ساندرا بولك والممثلات اللى شكله مساعدهمش على الشهره
يعنى كل النجمات المشهورات ايامها النجمات الشقر البيض الحلوين فمكنتش اى بنت عاديه بتشوف نفسها فيهم
بس لما جوليا جت حسست كل بنت عاديه انها غير عاديه

dr.lecter يقول...

سعاد ماسي دي عليها صوت اوووف

اصلا انا بحب العالم الجزائريين دول


اما حكايه المشير والله انا زيك نفسي الجيش يرجع يحكم

عارف والله انا بجد كان نفسي مطلعش من الجيش بس هم اللي اصروا يدوني اعفاء انا فعلا شايف الجيش الحاجه الوحيده الباقيه كويسه حتي لو كان ماسكها شويه قوادين


الجيش حلم بس لو هادخله ادخله ابقي ظابط مش حته عسكري واللي يخالف اوامري اضربه بالنار

نفسي يااد في السلطه بجد انا لو مسكت البلد دي هاشيبكم ههههههههه

Here i'm يقول...

إيمـان ..

جوليا روبرتس فعلا محدش ساعدها لا مخرج و لا جمال و شكل .. قريت عنها قبل كده عن قصة حياتها كانت من جورجيا و عاشت مع 11 أخ و أخت ..

جميلة قوى جملة

"بس لما جوليا جت حسست كل بنت عاديه انها غير عاديه "

Here i'm يقول...

لكتــر ..

تخيل حفلة سعاد ماسى فى مكتبة أسكندرية .. أنا كنت رايح و قلت مش حلاقى بنى أدم و الحفلة حتبوظ .. لو تشوف الأعداد المهولة اللى موجودة .. تقول أن سعاد ماسى دى مصرية :)


الجيش ..

على قد ما فيه عيوب .. بس النظام بيدارى أغلب العيوب ..

أنا عامة بحب النظام مبحبش الهرجلة و الفوضى ..

أنت لو مسكت البلد يا لكتر ليك حل من أتنين ..

يا أما أنا النائب .. و دا الأقرب

يا أما حقتلك .. و دا قائم لما تخلينى النائب علشان أمسك أنا بقى :D

يعنى كده كده ميت :D

Founoon يقول...

مممممممممممممممم

يمكن

وجهات نظر بردو :)

Here i'm يقول...

دا أنتى كده مش عجبك حاجة خالص :D

nA3'oUm HaNeM يقول...

كوبري .... الي جنب الراجل الي لابس البدله العسكريه ده جمال مبارك :|
he is cute :D :D
هيبقى رئيس حليوه
جوليا روبرتس دي مزه مزه انا بموت فيها اصلا
سعاد ماسي اول مره اسمع عنا هنا

Here i'm يقول...

جمال مبارك طول عمره حليوة :D

ماتخدوه عندكوا :D


متعرفيش سعاد ماسى .. حقول لسولتو :D

nA3'oUm HaNeM يقول...

عندنا فين يا كوبري :d
انا لو ينفع كنت اعدم الحكام عرب في ميدان عام و لا احرقهم بجاز وسخ
excluding egypt عشان ما حدش يقولي و انتي مالك بريسنا
هو سولتو يعرف سعاد ماسي .... الخاين :(