الخميس، 21 أغسطس 2008

باقى من الزمن 10 أيامـ ..




أيامـ .. و يبدأ أجمل شهور السنة ..

فرق الكورة لما بيبقى الماتش كمان 10 أيامـ .. بيرف الحمل التدريبى

بيزود معدلات الجرى .. بيدرب أكتر من الاول ..

علشان يوصل لقبل الماتش بيومين يكون مستعد ..

و قبل الماتش بيقلل الحمل التدريبى .. و يبدأ فى التخطيط للماتش

أحنا دلوقتى زى فريق الكورة بالظبط ..

رفع معدلات التدريب .. رفع درجة الأستعداد ..

طيب حنتدرب أزاى ؟؟ ... حنستعد أزاى ؟؟



قراءة القران الكريمـ ...

شهر شعبان .. معروف بانه شهر القراء ..

بيزيد فيه قراء القران الكريمـ .. أستعداداً لشهر القران ..

قراءة القران الكريمـ فى شعبان بتبقى جميلة قوى ..



الصدقة ..

بيصعب عليا أحساس المسكين أو الفقير .. بان رمضان شهر الصدقات و الخيرات

و بعد او قبل رمضــان .. محدش بيسأل فيه ..

أتمنى أشوف أيامنا كلها رمضــان ..







شخابيط ..

قصرت قوى السنة دى فى شهر شعبان ..

بس أن شاء الله أكون قادر أنى أدخل رمضــان و انا فى كامل لياقتى

أستعداداً لأجمل مباريات حياتى ..



8 التعليقات:

leeno يقول...

اللهم بلغنا رمضان وتقبل منا و اعتق رقابنا

فعلا بحس ان روانيات رمضان بتبتدي من شعبان

Here i'm يقول...

فعلا أنا بحب الأستعدادت قبل رمضان .. أول لما رمضان بيجى بحس أنه خلاص حيخلص بسرعة ..


اللهم بلغنا رمضان و أعنا على ذكرك و حسن عبادتك

dr.lecter يقول...

هي حاله عامه والواحد فعلا داخل بقلب منشرح جدا زي مايكون داخل علي عروسته ههههههه

The Seagull يقول...

رمضـان كريم يا قبـاري :) .. اللهم بلغنـا رمضـان و تقبل منـا صيامنا و قيامنا و دعاءنـا :)

Here i'm يقول...

أيه يا دوك انت كل ما حد يكلمك تقوله العروسة و الجواز ..

ذئب انت .. حتموت و تتجوز ..

Here i'm يقول...

الله أكرم يا سى جل ..

اللهم أمد رمضان علينا أعوام و أعوام

الشارده يقول...

اهم حاجه كل واحد يجيب فاس ويقعد يحفر 10 متر تحتا الارض ويشيل التلفزيون هيلا بيلا كده ويرميه ويرمى عليه التراب علشان نترحم من طوفان المسلسلات والبرامج الهادفه والمؤامرت اللى بيعملوها علينا كل سنه فى رمضان دى

Here i'm يقول...

أنتى بتقولى فيها :D

دا و الله اللى بيحصل بس أنا كده ماما و أختى حيقتلونى :D