السبت، 13 سبتمبر 2008

إلى مجدى الجلاد .. رسائل لن تصل ( 2 )




عزيزى مجدى الجلاد ...

كنت قد سردت فى رسالتى الأولى .. بدايتى مع هذه الجريدة الجميلة ..

و كيف أصبحت مع الأيامـ أحدى معشوقى المصرى اليومـ

و لكنى دعنى أقول شيئاً بسيطاً ..عندما أحدث أى شخص عن تلكـ الجريدة ..

يكون رده أما أنه لا يقرأ جرائد أو يكتفى بالجرائد الحكومية ..

أو يقول لى عيوبها .. و يذكر فى الأخر " بس جرنال محترمـ " ..

عزيزى مجدى الجلاد .. ما فائدة تلكـ الرسائل ؟ ..

أعذرنى فأنا لا أجيد الصراخ و البكاء على الأطلال و أفضل دائما الأيجابية ..

لا أنعت نفسى بصفة كبيرة جدا و بعيدة عنى .. و لكنى أأمل أن أصل إليها فى يومـ من الأيامـ ..

أأتمنى أن أرى جريدتى جريدة المصرى اليومـ فى أعلى المراتب الصحافية فى العالمـ

و ليس فى مصر فقط أو فى الشرق الأوسط

دعنى أن أسرد ما أتمنى أن أراه فى جريدتى فى الفترة القادمة ..

1 - أتمنى أن تزيد جرعة الأخبار العالمية فلا تقتصر على صفحة واحدة بها مقالين رغمـ أهميتهمـ ..

ألا أنهمـ يملئون الصفحة أو أخبار تعتمد فى المقامـ الأول على الأنترنت

2 - أتمنى أن يؤخذ فى الأعتبار .. صفحة الرياضة .. و كيفية أيجاد الخبر ..

كثير ما أقرأ حوارات ينفيها صاحبها فى صباح اليوم التالى و كان من بين هؤلاء أحمد شوبير مع حفظ الألقاب

3 - أتمنى أن أجد صفحة شهرية أو أسبوعية .. يحررها شباب يقرؤا المصرى اليومـ ..

يكتبوا فيها كل ما يحلو لهمـ .. يتحدثون بأيجابية عن واقع مصر ...

يتحدثون عن أحلامهمـ لمصر .. يتحدثون عن حلول عصرية لمشاكل مستعصية

4 - أتمنى أن تزيد الجرعة التعليمية و العلمية فى المصرى اليومـ .. بالتعليمـ تنهض الأممـ ..

و يكون فى ناس متخصصين و لا تقتصر الصفحة على الخبر و فقط ..

و لقد حزنت كثيراً عندما لمـ أرى فى المصرى اليومـ خبر عن عملية Large Hadron Collider

التى سوف تتم فى سويسرا و يتم التخطيط و التنفيذ لها من 13 سنة

5 - أتمنى أن يزيد الأهتمامـ بالطفل المصرى .. ليس على طريق " حمامـ طفلكـ يكون أزاى ؟ "...

أقصد تنمية مهاراته العقلية و كيفية أن ينجذب لصحيفة يومية ملئية بالاحداث .. حتى لو كانت صفحة شهرية ..

6 - أتمنى أن تزيد صفحة الرأى او المساحات المخصصة لكتابها ..

المصرى اليومـ مليئة بالكتاب التى لا يمل أحد منها ..

بداية من الكاتب الجميل سليمان جودة .. مرورا بالكاتب الرائع حمدى رزق .. و ختاما بالكاتب محمد سلماوى

أتمنى ان أرى كاركاتير يومى فى الجريدة .. و لا أتمناه أن يحل محل الصورة الأخيرة ..

اتمنى أن أرى فى المصرى اليومـ .. مقالا أسبوعيا او شهريا للدكتور أحمد زويل .. الدكتور فاروق الباز ..

أتمنى ان أرى صفحة شهرية .. لمتابعة جريدة عالمية و متابعة أخبارها .. و نظرتها للعرب .. و أتمناها أمريكية

لن أقفل رسالتى هذه بكلمة وداع و شكر ..

دعنى أجعلها دعوة مفتوحة لى لكى أكتب كل ما أراه مفيداً و بناءاً لجريدتى المصرى اليومـ

و غذاً ألقاكـ ..

10 التعليقات:

mony يقول...

ده ع اساس انه ممكن يقرأ كلامك ده يعنى والا ايه

انت ايجابى لدرجة مفقود فيها الامل يا محما:)

banouta masreya يقول...

عندهم ايميل على فكرة..انا لو منك ابعته وش يعنى..حلو اوى بجد

Here i'm يقول...

مونى ..

و أنتى مالك أساسا :D

و الله أنا ما أيجابى و لا حاجة .. علشان لو كنت أيجابى كنت كلفت نفسى و بعت الكلام دا :D

أنا بس بطلع سلم الأيجابية .. المرة الجاية فى منتدى دافوس حتلاقينى قاعد مع عمك جيمى بس هيا محتاجة لغة أنجلش .. بس :D

Here i'm يقول...

بنت مصرية ..

دلوقتى لو منى تبعتيه وش ها :D عايزة توقعينى أنتى .. بس لا و ألف لااا.. كوبرى الدالى عمره محيوقع .. و المرة محدش حيسبق كوبرى الدالى :D


كويس أنها عجبتك :)

Maga يقول...

روح بقة باللى انتا معيش نفسك فيه دا

مجدي جلاد ايه وهجص يوم ايه

وانجليش ايه

مانتا بقالك 100 سنة بتاخد فى ام كورسات ودورات وانتا زى مانتا واقولك حرام فلوسك مابتسمعش الكلام

امشي يلا انا اتخنأت منك ومن امثالك

تعرف ياض انا اكتشفت ان اللى زيك هما اللى موديينا في داهية

دا مش تييييت مجدي الجلاد وتيييت ابراهيم عيسى وبس لالالا كمان تييييت كباري الدالي معاهم بالمرة

mUsLiM يقول...

على فكره يا كبارى ,,

مع احترامى لوجهة نظرك ,,

انا مش بستحمل أقرأ فى المصرى اليوم ,,

ولو قريت فيها بيبقى أخبار عامه ,,

لكن لو قريت لكاتب فيها بصراحه بدايق جدا ..

لازم تعرف أن أغلب كتاب المصرى اليوم أصحاب تيار علمانى ليبرالى ,,

وده واضح جدا على الجريده,,

وانا فى رأيى _ رغم وجود السلبيات _ أن الدستور اليومى أفضل من المصرى اليوم بسبب هذه النقطه

على الأقل الدستور بقرأ فيها لفهمى هويدى مع اختلافى فى كتير من اللى بيقوله ,,

بقرا فيها لكاتبه اسمها نجلاء بدير , مع اختلافى مع أغلب اللى بتقوله لكن انا بحب اقرالها مش عارف ليه

بقرا فيها لمحمد احسان عبد القدوس مع اختلافى معاه فى اغلب اللى بيقوله برده

بس على الاقل بحس انهم ناس أقرب لى من غيرهم ,,

لكن المصرى اليوم والأخ المسلمانى والجماعه دول أحسن ناس يقولوا عك فى عك

الله يرحمه مجدى مهنا كان من الناس الكويسه

نسأل الله العفو والعافيه

Here i'm يقول...

ماجا ..

تصدق بالله أنا عرفت أزاى الناس بتستغرب أنك صاحبى :D

بصراحة .. أنا شايف أنه مينفعش خااااااااالص :D

بقى اللى زيى هما اللى جايبين البلد ورا .. محسسنى أنى قاعد مع مش عارف مين :D

Here i'm يقول...

مصعب ..

بص يا عزيزى .. كتاب اليوم فعلا أصحاب تيار ليبرالى .. بس مش كلهم أصحاب تيار علمانى ..

الدستور جريدة بتعتمد على الصراخ و الصويت و الصوت العالى و مبتعملش أى حاجة .. الدستور على فكرة تدعم من أمريكا و الأخوان .. و لو ركزت فيها شويه حتلاقى أن أمريكا و الأخوان خطوط حمرا فى الدستور .. الدستور على فكرة أكلة حقوق موظفيها و صحفيها و دور على النت و المدونات و انت تعرف .. الدستور فيها بلال فضل أشهر واحد يشتم و يلعن فى البلد و أشهر واحد ليه أفلام حاحا و تفاحة و كمان أفلامه مسروقة .. الدستور بتدعم التيار الشيعى بقوة و أقرا لما بيتكلموا عن أيران و لما عملوا بوستر لحسن نصر و كدبوا الريس لما قال أن ولاء الشيعة العراقيين لأيران و دا اللى صح ..


جرب تقرا مقال مجدى الجلاد .. أو مقال سليمان جوده .. أو مقال محمود عمارة .. أو مقال خيرى رمضان ..

بعد كل دا الدستور ولا المصرى اليوم ..

Maga يقول...

كله بيغني على كله

Here i'm يقول...

ماجا ..

يابنى أنت أبعد عنى يابنى ..

أنت ياض من هواة نظرية المؤامرة و خونة و كل أصدقائك خانوك يا موجا و الكلام دا :D

قولى علشان لو كده أبطلك :D