الثلاثاء، 30 سبتمبر 2008

قبطان السلام 98 .. كل سنة و أنت طيب


البوست دا متأخر حوالى يومين .. ماهو سخافات القبطان كتير و كنت بجمع فيها

هوا أه عيد ميلاده كان فى 30/ 9 .. مش حكتب السنة يا سوس أنتوا :D

سخافات .. أيه يا عمنا .. أنت جاى تقوله كل سنة و أنت طيب و لا جاى تفضحه

بما أن شعارنا هنا .. " أننا نختلف عن الأخرون تماما "

أحب أبشركمـ بأن البوست دا مش حيكون زى أى بوست عيد ميلاد

لا حيكون فيه happy birthday ولا يالا حالن بالن هنا أبو الفصاد

لا لا لا .. لو مستنى كده يبقى أطلع برا يا بنى أدمـ أنت و هوا :D

البوست دا عن سخافات .. الباشمهندس .. أنتيمى و صديقى اللدود ..
Maga

و أتكلى كده وحياة الحاجة بابا على كلمة سخافات

Maga ..

ليه الفضل أنى أعرف يعنى أيه كلمة غريب الأطوار اللى كنت بقراها فى ترجمة الأفلامـ الأجنبية

يبقى هوا مظبط كل حاجة .. بكرة مارينا و حنعمل و نسوى و ننزل نظبط شورتات و كده

و يا موجا الواد حيجيب عربيته .. خلاص و الله أنا دايس ..

و فجأة بعد 10 دقايق .. كبارى مش طالبة .. ياعمنا مش حينفع أنت وعدت الناس ..

لا لا مش طالبة يا كبارى و الله .. و حياة تيييييييييت .. طيب تيييييييييييت :D


Maga ..

يعنى أحلى تأخير .. ساعة ساعتين مش مهمـ ..

مش مهمـ أى معاد مهمـ .. مش مهمـ مسافرين .. صباح التنفيض :D

و لما يبقى عايزنى أنزل بسرعة يقومـ قافل النت عليا .. شبكة واحدة بقى :D

Maga ..

يعنى الحب المتحركـ على الأرض .. من سخافاته اللى مجننانى

ان البنات كلها بتحبه .. كل البنات بتحبكـ كل البنات حلوين ..

طبعا يا سيدى يا بختكـ وأنت اللى قدكـ مين

مش حقد و الله علشان هوا عارف أنه مش نشاطى خالص :D


Maga ..

الميزة الوحيدة اللى فيه .. هوا حمودى .. ابن أخته :D

بس ليها سخافات كتيرة الميزة دى .. مبتظهرش غير لما يشوف المرجيحة

جن أمى بالمرجيحة :D


Maga ..

يعنى نبقى قاعدين فى مكان مستمتعين .. و البيه عايز يروح :D

ليه يابنى بس .. مش عارف .. طيب حتروح تعمل ايه .. حنام يا أما أقعد نت

يعنى حتروح تنام و لا تقعد معانا .. لا أنام ..

Maga ..

يعنى أمـ النضارة السودا .. يعنى يصعب عليه يشوف الحاجة الحلوة

كل حاجة وحشة .. كل حاجة يع .. كل حاجة أكى


Maga ..

بحب بسخافاتكـ .. بنضارتكـ السودا .. بمواعيدكـ البايظة

بكرهكـ لمصر و أى قماشة فيها لون احمر و أبض و أسود

بناديكـ اللى أسمه الزماليكـ دا .. :D

كل سنة و أنت طيب يا عمـ الباشمهندس القادمـ











17 التعليقات:

غير معرف يقول...

مين ده

mony يقول...

طب وكتاب الله انا معرفتوش من صورته الا لما شفت اسمه تحتيها:)
احيه اتغير اطلاقا...اطلاقا اطلاقا يعنى
كبر كده وبقى ليه هيبة غريبة..كابتن هو بقى ظابط والاايه؟

عجبتنى سخافات احما معاك..ومش حستبعد ف يوم انى اقرا سخافات عنك:)
ربنا يديم عليكو الصحوبية دى يارب مع انها صحوبية تودى ف داهية...بس كل واحد فيكو..مينفعش يعيش من غير التانى..مش عشان حاجة..انما عشان انتوا ممكن تدمروا الدنيا بجد لو كل واحد عاش لوحده:)

غير معرف يقول...

ممكن أسأل حاجة

انت المووضع ده كاتبه وشفته أول يوم العيد


يعني في شهر 10


أنا مش فاهمة


تاريخ الموضوع 29/9


يعني دلوقتي..


التاريخ فيه حاجة غلط


ولا انت كنت كاتبه مسودة من قبل كدة وبتظبط فيه؟

ممكن؟؟

غير معرف يقول...

التاريخ عندي مش فيه حاجة غلط

تاريخ المدونة :@

بعيدا عن موضوع عيد الميلاد :@


ولا انت كنت كاتبه مسودة :)

Here i'm يقول...

سما مصر ..

دا ماجا :D

الموضوع كان مسودة بس كنت بجمع سخافاته علشان كده اتأخرت :D

Here i'm يقول...

مونى ..

شوفتى موجا لما نضف و استحمى بقى أزاى .. مكنش كده :D

يابنتى هوا ولا ظابط و لا كابتن ولا أى حاجة .. كل الحكاية أن خاله مصوراتى و ماجا طلب منه صورة ببدلة الظابط علشان العيد زى العيال الصغيرة :D ..

ليه الدعوة دى يابنتى بس :D

dr.lecter يقول...

ههههههههه طيب والله صوره جامده بس الاوانيه احلي اللي حاضن فيها المخده دي

وبعدين هو انت عامل هنا توبيك وفنون عامله واحد تاني ارد هنا ولا هناك يعني حضرتك ولا اعمل فيكم ايه بالظبط

Here i'm يقول...

البوست دا علشان سخافاته .. هناك علشان تحتفل بيه :D

بس مفيش أحلى من سخافاته :D

Ranin يقول...

كـــل سنــــــــه و إنــــت طيــــب مـــاجـــــا :)

Here i'm يقول...

رونى رونى رونى رونى :D

مش قولنا هنا مفيش كل سنة و أنت طيب .. أديكى أهو انتى بس اللى أختلفتى عن الشعب كله :D

غير معرف يقول...

على فكرة أنا تقريبا بهذر بس..باختصارات الوشوش دي :)


كل سنة وهو طيب..وانت طيب



ربنا يوفقكم في حياتكم ان شاء الله


ويكتب لكم كل خير


وتحضروا أفراح بعض ان شاء الله :)


بالتوفيق ليكم...ربنا يجعل ما بينكم عمار وخير :)



......


رنين


أنا باعتالك يا رنين دعوة للمدونة.ياريت تشوفي الميل :)



وبقالي كتير مش كلمتك كمان معلهش يا قمرة ومنورة وفرحانة اني شفتك في المدونات منورة :)



.......


عيد ميلاد سعيد وعمر مديد مرة تانية ان شاء الله :)

Fatma يقول...

انا ازاي لسه شايفه الموضوع دا دلوقتي

يا للهول

دانا عندي لسته مطولة من سخافات ماجا كان ممكن اضيفها ع الموضوع

نبقي بنرغي في نص موضوع والاقيه فجأة بيقولي اتكلي على الله
( وش مصدوم جدا )

اتكل ليه ماحنا في نص حوار

لا مش طالبة

يا نهاري ..

يا حومتي

والله بتأثر اوي يا واد يا كوبري وبتبقى الدمعه هتفر من عيني :(

بس انا كمان بحبه بسخافاته بغلاسياته بسلاطاته ببابا غنوجه

موجتي انا

كل سنة وانت اسعد واحد في الدنيا يارب

Here i'm يقول...

سما مصر ..

يابنتى ولا يهمك .. القبطان مننا و علينا :D

Here i'm يقول...

فنووووووووووون ..

تصدقى نسيت أنا السخافاية دى :D

لما بكلمه بيقولى عايز أيه .. أخلص كلامى يقولى أتكل على الله :D

سخيف سخيف الحقيقة :D

قال موجتك قال :D

nA3'oUm HaNeM يقول...

فنون و كوبري اكتوبر :@
ماجا مش سخيف :@
هنلبخو هتاخدو على دماغكو

احمد .... كل سنه و انت طيب
هي اينعم متاخره بس انا قلت لك كل سنه و انت طيب اونلاين :D

Here i'm يقول...

انغام ..

أمشى أطلعى برا :D

قال ماجا مش سخيف قال .. دا يقول للسخافة قومى و انا أقعد مطرحك :D

nA3'oUm HaNeM يقول...

sa7'eef fe 3enak
taweel ahbal ma te7'tshesh :@
2al sa7'ef 2al
mogty ma fesh 7ad zayo :D