الخميس، 18 سبتمبر 2008

نجم عالى .. !!

من أول رمضـان و أنا بحلمـ حلمـ غريب ..
و الأغرب من كده .. أنه أستمر 3 أيامـ ..
فى أول يومـ ..
لاقيت نفسى قاعد فى بيت جميل قوى .. و بنت جانبى زى ما بتمناها بالظبط
مش حوصفها .. حسيب وصفها ليا أنا .. معتقدش حد حيهمه وصفها
بس اللى حقوله .. أنى لاقيتها هيا زى ماكنت بحلمـ بيها بالظبط ..
الذكاء .. العيون .. الجمال .. الجسمـ .. بجد كانت هيا اللى فى بالى دايما
المهمـ .. كنا قاعدين على كنبة بيضا جميلة قوى ..
كانت راسى على رجليها .. و كان التلفزيون شغال و مكنتش حاسس بيه
كانت بتتكلمـ عن أختها و أزاى هيا بتعانى معاها علشان صغيرة و كده
قولتلها رأيى .. و بس
بعد ما صحيت لاقتنى مش عارف حاجة .. تايهه ..
هوا انا كنت فين و جيت منين .. هيا حلمـ ولا وهمـ و لا هيا أيه بالظبط
طول اليومـ بسأل نفسى أسأل سخيفة .. سخيفة بجد
اليومـ التانى ..
يومـ الحلمـ دا أنا فاكره كويس .. كان يومـ الخميس و أتسحرنا فى 24/7

و روحنا على الساعة 3:30 و كنت نايمـ فى البيت لوحدى ..
المهمـ أترميت على السرير و أنا على يقين أنى مش حلاقيها خالص .. هوا مش مسلسل يعنى
و كانت المفاجأة .. لاقيتنى راكب عربية و بفكـ كرافتتى و بتكلمـ فى الموبيل ..
و بقولها أنتى فين .. انا فى البيت .. طيب أنا جاى أجهزى علشان أنا جاى أخدكـ و نتغدى برا
روحنا مكان غريب عجيب رهيب .. مكان و الله مش عارف أوصفه و لا أفتكره
قعدنا شويه .. و بس
صحيت على صلاة الجمعة .. المرة دى كنت عكس المرة التانية
كنت مبسوط قوى أنى قبلتها تانى .. مش مهمـ فى حلمـ .. المهمـ أنى شوفتها
اليومـ الثالث ..
المرة دى كان يومـ الجمعة .. فاكر أنى مرضتش أخرج المرة دى
فضلت قاعد فى البيت .. قولت النهاردة كمان أنا حنامـ قبل السحور ..
غلاسة بقى و قعدلكـ مش ماشى النهاردة .. نمت و قمت
و لا حس و لا خبر .. متعودتش أكون كده أنا :(
و بقى الحال على ما هو عليه ..
كانت زى ما بتخيلها .. بالظبط كل حاجة .. كل حاجة
بس كويس أنها كانت حلمـ .. مش حينفع تكون غير حلمـ
من الأرض بقولها خليكى كده حلمـ .. خليكى زى ما أنا شيفكـ نجمـ عالى
لما أبقى جدير بيكى أبقى أنزلى .. و عارف أنكـ مش حتنزليلى
علشان أنتى كده .. حلمـ و بس ..
لو فى يومـ بقى حقيقة فى الوقت الصح .. يبقى أنا مكنتش بحلمـ
لو عايزة تدخلى حلمى تانى .. انا مستنيكى ..

26 التعليقات:

غير معرف يقول...

محمد..أقولك حاجة والله العظيم مش تتريق


بيقولوا الأرواح بتتقابل في الحلم




والله يمكن..يمكن بجد تكون قابلت روح واحدة وهتقابلها في يوم



أو..يمكن كلامي غلط :)

Yasmine يقول...

مرة واحدة حلمت حلم قريب من كده فضلت صاحية يومين بعديها عشان ما يجيليش تانى..بهرب منه حتى فى الاحلام:))

ابقى اشرب بق مية قبل ما تنام هتلاقيها جت تانى..اشرف عبد الباقى قال كده فى فيلم حب البنات :D

Maga يقول...

ماتسمعش كلام حد يابنى لا بوق ماية ولا اى حاجة
انتى ماتنمش جنب الشباك واتغطى شوية ونامم خفيف ومتزعلش مامتك
حتى فى احلامك قارفني

~ Heba ~ يقول...

الله يامحمد

قد اية البوست الي انت كاتبه دة رقيق وفيه فيض كبير قوي من الاحاسيس الجميلة قوي

بحاول اتخيل شكل البنوتة دي بس مش عارفة :$

بس اللي متأكدة منه انها اكيد اجمل وارق بنوتة في الدنيا كلها .. عشان تستاهل حد جميل قوي زيك يامحمد

ربنا يوفقك يارب ويكرمك وتلاقيها في الوقت الصح وزي مانت عاوز :)

Maga يقول...

الله يامحمد

قد اية البوست الي انت كاتبه دة رقيق وفيه فيض كبير قوي من الاحاسيس الجميلة قوي

( وش مستغرب ومندهش ومسبهل وكل علامات التعجب )

دا بدل ماتنصحية انه يشرب اللبن ويحميهم وينيمهم فى سريررررهم

dr.lecter يقول...

يابختك بجد لو الواحد يعيش بالطريقه دي كل يوم بعد الشغل وبالليل ينام يثابل اللي عاوز يقابلها ويعيش معاها كانه متزوج حياه عاديه جدا وسعيده زي ماهو بيحلم انه يعيش فيعلا كده في الواقع كانت الحياه تهون والله

ياريت الواحد يقدر يعمل كده كل يوم

كان فيه مجوموعه قصصيه اسمها فانتازيا بطله القصص كل يوم تركب جهاز احلام علي راسها وتقابل الناس اللي كانت عاوزاه تقابلهم وتعيش معاهم في احلامها

dr.lecter يقول...

عارف ياااد انا حاسس انك هتقابل النم بتاعك ده قريب جدا مش عارف ازاي بس ده مؤشر انه في الطريق وتكسر القاعده بتاعتك بقي هههههههه

dr.lecter يقول...

عارف ياااد انا حاسس انك هتقابل النم بتاعك ده قريب جدا مش عارف ازاي بس ده مؤشر انه في الطريق وتكسر القاعده بتاعتك بقي هههههههه

Here i'm يقول...

سما مصر ...

و الله من غير تريقة ..

ياريت كلامك يبقى حقيقةو الله :D

Here i'm يقول...

بنت مصرية ..

بالعكس يا ذكية .. عيشى الحلم و انطلقى فيه .. طلع و لا نزل .. أسمه حلم يعنى :D

بالنسبة للمياة .. أشرف بيه مقلش معدنية و لا حنفية :D

Here i'm يقول...

ماجا ..

أسألك الرحيل يا بيبى :D

Here i'm يقول...

هوبا ..

أيه الكلام الكبير دا .. كل دا ليا أنا .. شايفين يا بنى أدمين :D

مش واحدة تقولى مياة و التانى يقولى الشباك مفتوح :D

شكرا يا هوبا .. :)

Here i'm يقول...

ماجا ..

يابنى أنت كنت واعدنى أنك متدخلش هنا تانى ..

أرجوك .. بليز .. سيلفوبليه ..

متجيش تانى :D

Here i'm يقول...

دوكى ..

اه والله يا سلام .. و الله العظيم يا دوك بعد الحلم أفتكرتك و قولت أنت بقيت زى الدوك مستعجل على الجواز ولا أيه .. لا أوعى أنت لسه صغير و الدوك خلاص عجز :D

بجد يا دوك .. تصدق خايف و أقابلها و أطلع على رأى ماجا برضه عبيط متكلمتش :) .. يا مسهل يا دوك :D

Maga يقول...

الحلم ماهو مستحيل مادام تحجيجه مباح


دا حلمنا طول عمرنا موزة تلمنا

desert cat يقول...
أزال أحد مشرفي المدونة هذا التعليق.
Fatma يقول...

دا ينفع فيلم

حلوة بجد على فكرة

بس هو دا بجد فعلا كان حلم يعني ولا دا نسج الخيال ؟!

انت عاطفي يا كوبري ولا ايه :)

صبري سراج يقول...

احلم يا ضنايا قبل ما يخصخصوا الأحلام

Here i'm يقول...

ماجا ..

موزة تلمنا تلمنا تلمنا .. :D

Here i'm يقول...
أزال المؤلف هذا التعليق.
Here i'm يقول...

فنوووووووووون ..

لا و الله حلم مش خيال .. خيالى مش مريض للدرجة دى أنا :D

عيب و الله لما أنتى تقولى عليا أنت عاطفى ولا أيه :D .. طيب غيرك يقول ايه بقى :D

Here i'm يقول...

صبورتى ..

تفتكر حيعملهوا و يخصخصوه :D

Superman يقول...

يخربيت رومانسكيتك يا جدع!

بس ليه تشوفها حلم و ماتحلمش انها تكون واقع؟
كون انك شفتها معناه انها موجودة في عقلك الباطن..

Here i'm يقول...

سولتوووووووو ..

منور يا عمناو الله .. مش عارف ليه الظروف كلها ضد الفطار السنة دى :D


ياريت تبقى حقيقة .. ياريت تبقى زى ما شوفت و بتمنى ..

هيا ممكن تكون زى ما انت قولت فى عقلى الباطن ... بس و بعدين ؟

غير معرف يقول...
أزال المؤلف هذا التعليق.
Here i'm يقول...

لا ما انا واخد بالى يا إيمان :D