الأربعاء، 12 أغسطس 2009

أكثر من 81 سيارة فى موكب الرئيس فى أسكندرية !!








من YouTube .. أكثر من 81 عربية فى موكب الرئيس

و 18 موتوسيكل شرطة و بحسبة بسيطة جدا

81 × متوسط 3 أفراد = 243 فرد
18 × فرد = 18 فرد

ناهيكـ بقى عن الكورنيش مقفول زى ما انتوا شايفين ..

و كمان لو متنيل و عندكـ مصلحة او معاد .. طززززززززززز

الرئيس يعنى ولا معادكـ يا بارد يا بجحه يا غلس :D

و لا مثلا فكرت تعيا أو تتعب و تنقلكـ أسعاف ..

يا منيل يا فقرى فى حد يتعب دلوقتى .. أكيد العيب فيكـ يعنى :D

دا بيرجعنا لحاجتين

الحاجة الاولى ..

لأيامـ السادات الله يرحمه .. الراجل كان بيتنقل بطايرة هليكوبتر

قول علشان الريس بتاعنا غير السادات .. يا خدله طايرتين تلاتة هيلوكوبتر

أيه الفكرة انه يمشى على الكورنيش فى عز الأيالة يناكف خلق الله

نرجع للحسابات و الأرقامـ ..

لو قولنا 81 عربية حتترواح سعرها بين النص و المليون الكامل

يعنى مثلا 750 ألف × 81 عربية = 60750000

( ستون مليون و سبعمائة و خمسون ألف )

و الله كويس انا كنت فاكر الكلكوليتر حيقولى Out of range أو ممكن a7a

بس الحمد لله طلع كلكوليتر محترمـ .. عايز يربى عياله :D

و معانا على أيدينا التانية 18 موتوسيكل × 100 ألف = مليون و 800 الف

و معانا على أيدينا التالتة مرتبات حوالى 243 + 18 = 261 فرد

261 فرد قولت مرتب المعفن فيهم 5000 .. المعفن ها

261 × 5000 = 1305000 ( مليون و 305 ألف )

الحاجة التانية ..

مقال لفاطمة ناعوت .. و بتتكلمـ عن معاناتها مع موكب الرئيس

و ازاى أبنها المصاب بمرض التوحد .. تعب جدا فى الأشارة

و دا لينكـ المقال .. محتفظ بيه من ساعتها :D

لينك المقال لفاطمة ناعوت نقلا من جريدة المصرى اليومـ



مش عارف ليه انا حاسس ان دماغى عملت Out of range :D

و حاسس كمان ان القرار اللى جاى ألغاء أستيراد الموبيلات اللى بكاميرا :D

ملحوظة ..

الأرقام دى أجتهاد شخصى من العبد لله ..

يعنى ممكن تكون العربيات أقل و الموتسيكلات أقل و اطلع انا مفترى

و ممكن تكون أكتر و أسعارها أكتر و أطلع انا أهبل مش عارف حاجة

ممكن نعمل عليها مسابقة ..

و اللى يكسب ياخد جنيه كوين ذات بريق

أذن المسابقة تستاهل :D

الله يرحمكـ يا سادات

3 التعليقات:

زقزوق يقول...

العام 1933

كفر مصيلحة

طفل فى الخامسة من عمرة متهته ولسانه تقيل ولم ينطق بجملة مفيدة بعد
لا يتميز عن اقرانة الا بقفاه العريض اكثر من اللازم بالنسبة لطفل يعنى

الطفل لابس فانيلة بدون سروال من تحت بلبوص يعنى وراكب حصان وبيجرى بيه فى حر الظهيرةفى الغيط المجاور لمنزلهم

طبعا الحصان عبارة عن جريدة نخل ممتطيها وفى ايده رغيف محشى عسل اسود مختلط بالمخاط النازل من انف الطفل اللى بيقطم منه كل شوية

تخيلت المشهد دا وانا بتفرج على الفيديو والموكب الاسطورى وجه على بالى ايه قرانية وكلمة قبيحة

اذكر لك الاية ولا الكلمة القبيحة؟

Jannah يقول...

محماااااااااااد


رمضان مبارك
:)
ربنا يتقبل مننا ان شاء الله
من فضلك تقول لماجا رمضان مبارك من عندي
:)
بالنسبة للموضوع ماعرف أقول شي عنه
:)

leeno يقول...

انا بس بدي اقلك كل سنة و انت سالم

و ربنا يريحنا من ازمات السير مهما كان سببها ههههه

فرجك يا رب