الثلاثاء، 13 أكتوبر 2009

14 أكتوبر .. يوم رد الجميل أم يوم كعادته ؟


فى مثل هذا اليومـ من عامـ 1981 ..
تولى الرئيس محمد حسنى مباركـ حكمـ مصر ..
28 عاماً .. قضاها على رأس أكبر سلطة فى مصر ..
من الناس من رأى أنه قابع على انفاس المصريين ..
و منهمـ من يرى فيه أنه الخلاص و أفضل من حكمـ و قاد مصر نحو ما ألت عليه الأن ..
28 عاماً .. بكلمة منه من الممكن أن يغفر له الكثير ما فات و ما حدث فى 28 عاماً من الحكمـ ..
بكلمة منه .. تنقل مصر من صفوف الدول الرجعية .. دول العالمـ الثالث .. بلاد الحكمـ مدى الحياة
بكلمة منه .. من الممكن ان يصالح من خاصمه و عداه ..
بكلمة منه .. من الممكن أن يحرج أعدائه و خصومه السياسيين ..

لماذا لا يخرج علينا رئيس جمهوريتنا ليزف لنا خبر ..
تحديد مدد الرئاسة .. فترتين .. أو ثلاث فترات
ماذا ينتظر ؟

بالورقة و القلمـ .. و بما حدث لمن قبله .. و بما يعتبر من قوانين الطبيعة

أن ما قادمـ أقصر بكثير مما فات .. لن يكون فى الحكمـ أكثر مما فات
فمن يحمى مباركـ و هو من ملىء الدنيا تصريحات ان جمال لن يكون رئيس مصر القادمـ ؟؟
ماذا ينتظر سيادته حتى يرى فى أعين شعبه نظرة ثقة و فرحة ..
ثقة من مستقبل قادمـ بتعديل فى مدد الرئاسة و تحديدها حتى لا تبقى لكل من هب و دب
فرحة أن كل الأمانى ممكنة .. كل الأحلامـ بسهولة ان تتحقق

فليخرج إلينا من مدرسة المساعى المشكورة مبشراً ..
يزف لنا نبأ ان مصر لن تستحمل و لن تكون على مدار 28 عاماً مع رجلاً أخر ..

فلينظر للأمامـ ..
مباركـ خط أحمر و من يأتى بعده لن يكون خط أحمر ..
جمال غدا رئيس .. بعد غداً من الممكن ان يُغدر به من رجال الحرس القديمـ او خونة الحرس الجديد
جمال غداً رئيس .. بعد غداً من الممكن ان تقومـ ثورة عسكرية
جمال غداً رئيس .. بعد غداً من الممكن ان تقومت ثورة شعبية أو ثورة جياع
أيحب مباركـ .. ان يقتل أو رحل أو يشنق جمال إبنه ..
جمال لن يكون فى حنكة مباركـ و دهائه و إمساكه بالأمور ..



أقترح ..

1 - لماذا لا يسن فى الدستور أن من بعد مباركـ فترتين رئاسيتين فقط ..
و بهذا حمى الرئيس نفسه من مشقة ان يخرج من الحكمـ بعد كل هذا العمر
فنحن نستطيع ان نتعايش مع مباركـ لا مع غيره

2 - لماذا لا يسن قانون بحماية أفراد عائلة الرئيس بعد خروجه او بعد وفاته
و بهذا يحمى الرئيس عائلته ولا يحتاج لأن يحمى أبنه ببقائه 28 عاماً تاليين
فنحن ننسى دائما ما حدث لنا و نوفى دائما بوعودنا

..::..::..::..::..::..::..


مباركـ لمس فى وفاة حفيده رحمه الله .. لمسة وفاء من شعبه
ألمـ يان أن يلمس شعبه لمسة أمان من مباركـ


تعودنا دائماً .. أن تكون حريتنا و تعديلاتنا و مطالبنا منحة من الحاكمـ
فلتعود أبنائنا و أحفادنا ان الحرية ليست هبة يهبها الحاكمـ لمن يشاء


حان وقت رد الجميل أم لم يحن بعد ؟؟


14 التعليقات:

dr.lecter يقول...

طبعاحان وحان من زمان اووي وماتعرفش يمكن الراجل يفاجئنا بكره بحاجه

mUsLiM يقول...

يمكن انا وانت بنتمنى مبارك يعمل كده لكن أحب أقلك ان الشعب لا بيتمنى كده ولا حاجه لأنه مش فى دماغه اصلا يحدد فترات الرئاسة ولا ميحددش

الشعب بيتمنى علاوة كويسة بيتمنى زيادة مرتبات وأسعار ترخص

الشعب حاليا بيتمنى حياة كريمة لا أكثر ولا أقل وليحكمه من يشاء ومن يريد

وليبقى على كرسى الرئاسة مئات السنين

وليزور الإنتخابات

وليضطهد المعارضة

ولكن فلنأكل ونشرب ونعيش فى ظل أسعار رخيصة وحياة كريمة ومرتبات كويسه

لو انت عاوز تعرف الشعب عاوز ايه

فده اللى عاوزه أغلب الشعب

أما مسألة ان لو مبارك عمل كده هايغفر لنفسه ما فعله أثناء الحكم فهذا لا يجوز

يعنى ايه انسان ظالم لبلدة وشعبه 28 سنه وتيجى تقولى علشان حدد فترات الرئاسة فى آخر أيامه ورمى الفتات يبقى خلاص بقى حلوه فله شمعه منوره

هذا ظلم ، بل هذا أعظم الظلم

يذكرنى هذا ببعض رجال الأعمال والسياسة كأحمد عز مثلا اللى بيفضل ينهب فى البلد ويستغل النظام السياسى ويسرق خيرات الشعب

وبعدين يرمى اتنين تلاته مليون

هل كده يبقى حبيب الملايين

أما مسألة قانون حماية الرئيس وعائلته فده شئ مضحك الحقيقة

وشئ لا يجوز فى مجتمع يحترم آدميته

ولن يحدث على كل حال

السلام عليكم

محمد حمدي يقول...

فى عصر حسنى مبارك لا يمكن ان تتوقع ما سيحدث فى الدقائق الخمس القادمة

Here i'm يقول...

لاكتر ..

دا دلوقتى بقى كوم و اللى فات كوم .. أحنا محتاجين حاجة زى دى .. علشان على الأقل يكون المستقبل فيه لمبة باينة من بعيد .. ربنا يكرم

Here i'm يقول...

مصعب ..

عندك حق فى فكرة أن الشعب مش شاغله .. بس الأيام دى بدأ التحرك فى قوى الشعب أكتر من الأول .. كله بقى بيتكلم فى السياسة و التغيير .. طبعا المواطن ميهمهوش غير ساقية الرزق اللى داير فيها .. بس لو يعرفوا أهمية التعديل دا .. يعرفوا أن دا اهم من أنتخاب الرئيس


أنا بتكلم فى فقرة الأقتراح .. من وجهة نظرى أنا .. لازم يكون فى حلول مجدية .. زى ما قولت أحنا بناخد حريتنا هبة .. يبقى ليه مستغناش عن محاسبة أسرة الرئيس النهاردة علشان بكرا اللى يجى يقعد فترتين و ياخد بالجزمة لو سرق او نهب او ظلم .. فى الأول و الاخر دا رأيى الشخصى .. أذا كان رأيى مضحك ليك فيا أخى كل يوم حهريك أراء تخليك تنشكح كده :D

بس اختار لو خيروك .. بين قانون يحمى محاسبة الرئيس و أسرته الصغيرة بتعديل فى الدستور بفترتين رئاسيتين فقط .. تقول أه ولا لأ ..؟؟

Here i'm يقول...

محمد حمدى ..

دايما فى عصر حسنى مبارك .. البلد كلها بتقول يمين تلاقيه يقول شمال .. البلد كلها تتكلم عن تغيير وزارى تلاقى الوزراء مطمنين أكتر .. يسكت الكلام عن التغيير الوزارى تلاقى تغيير وزير الرى و تعيين وزيرة للأسرة :D

أنا قولت فى بالى بعد البوست .. كده لافى تعديل دستور ولا تعديل فى أى حاجة .. اللهم تعديل فى المدونة و صاحبها :D

منور :)

Fatma يقول...

قعدت مستنية كلمة تقولها

لماذا لا يتنحى ويعمل انتخابات زي خلق الله !!!!

ونبقى زي الناس الطبيعين عندنا رئيس سابق

Yasmine يقول...

بعيدا عن حلم قانون تحديد مدة الرئاسة عشان دا زى حلم انك توصل اى مشوار فى القاهرة فى اقل من ساعة..شفت ايمن نور اللى داير على الاحزاب عشان ينضموا لحملة لا للتوريث اللى شعارها ما يحكمشى!!

انا حاسة ان بكرة الحزب الوطنى هيطلع حملة جديدة بعنوان و ما يحكمشى ليه يادلعدى :D

دا احنا مش فى زمن المسخ..احنا فى زمن المسخرة

leeno يقول...

:)

مش معقول يعني مانتاش شاكر لفضله و جمايله من انه حاميكم من اختلاف التوجهات السياسية كل ما يتغير الرؤساء !

دة حتى الحكاية دي اثبتت فشلها في امريكا و نجاحها المنقطع النظير في البلاد العربية !

هي مش حالة رئاسية و بس شكله داء حصري في البلاد العربية في كل القطاعات على فكرة عمري ما شفت حد بيقول كفاية كدة الا لما ربنا يزيحة !

على العموم كل سنة و انتو طيبين هههه

mony يقول...

مبارك ده عامل زى الضيف التقيل بالظبط..
اتزهق خلاص من اعدته..اللى لا بتودى ولا بتجيب..
وانت ف الاخر بتقترح..انه يصدر قانون بحمايته وحماية عيلته..يا شيخ حرام عليك..
مع ان انا شايفة انه لو مشى وجه غيره يجى عشرتلاف واحد..اللى حواليه برضوه حيحركوه..ونفس السياسة مع الشعب المصرى..ونفس القوانين ونفس مبررات الجرائم والحوادث والانهيارات والثورات..
هما ف كل الاحوال مسيطرين ع الموقف...

متجيش انت تقولى كلمة منه وكلمة منهم..
العمر الافتراضى للأمخاخ بتاعت الناس دى المفروض انه يكون انتهى..حتستنى منهم ايه بقى

Here i'm يقول...

فنون ..

يا شيخة .. نبقى ازاى ى الناس العاديين .. دا كلام ناس نازلة من كوكب زحل .. مش ناس عايشة على أرض المحروسة :D

قال نبقى زى الناس العاديين قال :D

Here i'm يقول...

انا حرة ..

كيفنى قوى أيمن نور .. بصراحة بتابع أخباره من باب .. أتفرج يا سلام على اهبل بالألوان :D

قال ميحكمشى .. لا و أيه عاملها لغرضه و اهوائه و بس .. علشان كده رفضها الوفد و التجمع و الناصرى .. عاملها من باب هوا ميحكمشى انا احكم :D

Here i'm يقول...

لين ..

لسه كنت بقول لاحمد يا أخى الحمد لله .. بدل ما نبقى زى الكلبة أمريكا .. النهاردة بوش يسحلها للحروب و بكرا اوباما ياخدها بالورد ..

لا لا .. ادينى فى الأستقرار و انا أحبك يا مبارك :D

و انتى بصحة و سلامة

Here i'm يقول...

مونى ..

طيب و الحل أيه مع هذا الضيف ؟؟

نسيبه كده ولا نقوله خلاص أمشى أنت بس و احنا حنسيبك و حنسيب اهلك .. بس أبوس أيدك أرحل ..