الجمعة، 29 يناير 2010

Verb فشخ .. يفشخ .. أفشاخاً




لو فتحت قاموس اللغة العربية .. مش حتلاقى معنى لفعل
يفشخ ..
حتى لو دورت فى باب الفاء .. فصل الشين :D
حتلاقيه بس فى قاموس أولاد حسن شحاته .. حتلاقيه بس فى قاموس منتخب أم الدنيا
و لو مش مصدق .. أو عايز درس عملى لعشان تفهم معنى الـ Verb
تقدر تتفرج على عدد 4 فشخات بصوت المعلق
الشقيق الجزائرى



على ما اعتقد كده .. كل واحد عارف قيمته و رجع مكانه
و على رأى خيرى رمضان ..
أحنا أشقاء و مفيش حاجة لما شقيق يكسب شقيقه حتى لو كان 4 :p
بس بصراحة .. عدد 4 أفيان على سهوا .. :D

و دى النهاية .. هدية صغيرة منى




فى البوست دا التعليقات مفتوحة ..
أنطلقوا




14 التعليقات:

غير معرف يقول...

أنا تعبت,والله تعبت
أنا نفسيا,بقيت بتعب من موضوع الكورة ده :(

بفرح

وبخاف


والله العظيم بخاف بجد:(


وبتنرفز لما بلدي تتشتم

وبتضايق

لما حد يغلط

علشان,مش عاوزة,حد يغلط في حد,وحد يرد له,الإساءة أو الإهانة :)


بخرف قوي


محدش فاهمني أصلا :(



أنا على فكرة,مش بتكلم عن حاجة,أو عن حد بجد,بكلم نفسي :)

:)



بكلم نفسي خالص

أنا كنت فرحانة


النهاردة بقى زعلت

نفسي نفرح

بشكل حلو


مش عارفة بقى


هو أنا إمبارح,كنت بدعي,وفرحانة

بس,هنفرح للكورة بس :(

ماشي :)


ربنا يكرمنا يارب

بس,يكون فيه حاجة كدة جميلة جوانا


أنا,زعلت قوي

وفرحت

و


مش عارفة :)


..

صح,مش أنا,بقيت بشتغل في صيدلية يا جماعة,إن شاء الله من بداية الشهر الجاي :)


كدة بقى,بقولكم :)

Romaya يقول...

ازيك يا قباااااااااري

اخيرآآآآآ فتحت التعليقات
كنت كل ما اجي ابص على مدونتك الاقيك قافل التعليقات بالضبة والمفتاح

وفي الختام مدونتك قفلت عندي خالص
مكنتش راضية تفتح معايا

المهم

الحمدلله يارب و الف مبروووووووووووك

ويارب دايمآ كدا تفرح شعب مصر

ويارب الفرحة الكبيرة ان شاء الله عن قريب

وطبعآ انا بقصد هنا النهائي مش اكتر مش خباثة مني لا سمح الله :D

وبحمد ربنا بجد من قلبي ان خلى العالم كله يشوف منتخب زي منتخبنا ولعبه قصاد فرقه زي دي

كسبنا احترام نفسنا اكتر من الاول واحترام الاخرين واتعرف مين فينا كان الاعمى والاطرش والهمجي !!

وبعيدآ عن انهم دولتين عربيتين مسلمين
انا بتكلم هنا على لعبة , رياضة , جمهور سواء صدر منا لفظ او فعل فهو كان لرد فعل في منتهى الحقارة من قلة بني أدمين حثااااالة محترموش بلدهم اولا ولا احترموا البلد اللي استضافتهم واهانوها فا حقيقي يستاهلوا نكستهم اللي اتفرج عليها العالم كله

الحمدلله يارب

قباري يخرب عقلك بجد اخر فيديو مش ممكننننن .. انت بجد مصيييييبه:D

نسيت اقولك صحيح ..

المصريين بيشجعوا البوليساريو..و أحنا معاهم :D

dr.lecter يقول...

ايييييييييه بقي.؟

ايييه بقي اخيرا فتحت ياعم؟. ده انت طلعت عين اهلي قلت الواد مقاطعنا ومش عايز حد يرد عنده

من ناحيه فشخناهم احنا رقعناهم مش فشخناهم حطينا فيهم اربعه صح

انا حبيت الماتش علشان المصريين فرحوا بجد سيببك من ام الكوره والخره ده انا فرحت لالن المصريين كانت راسهم منكسه من 3 شهور وكان نفسي يفرحوا والله فيه ناس عيطت

شمتان في واحد صاحبي للاسف مافتخرش انه مصري علشان كان مبسوط باللي حصل في الماتش اللي فات وكان شمتان فيا ودلوقفتي بقوله حمرا ياحسن روح اقعد مع صحابك السيس

الف مبرووك يابرنس وابقي ياعم ماتقفلش المونه تاني علشان بوستاتك اللي فاتت كانت فشييخه وجامده وكنت عاوز ارد فيها

ياللا اشوفك قريب ان شالله في اول فرصه او لو ناوي تيجي المعرض ابقي كلمني اشته

mUsLiM يقول...

زى ما قال ليكتر

اهم حاجه فى المباراة دى ان الناس الغلابة والبسيطة والطيبة فرحت

سيبك من كاس افريقيا والجزاير والقصص دى

كلها والله ولا ليها لازمه وشعارات فارغه من اولها لاخرها

ووصف لاعيبة مصر بالبطولة وبالرجولة وبالفولاذية على وزن الجدار الفولاذي

هههههههههههه

كل ده ولا ليه قيمة عندى

المهم ان الناس فرحت

بس اتمنى بعد كده اننا نفرح على شئ له قيمة حقيقية تؤثر على حياتنا على المستوى السياسي والاقتصادي والفنى

نفسى نفرح بجد لما نحس بالأمان فى بلدنا

والأمان هنا مش معنى عدم الخوف من القتل

الأمان اللى اقصده ان المصري يقدر يعيش فى بلده وسط أهله وناسه وأحبابه وهو سعيد بحياته قادر على أنه يشوف مستقبله ويحقق أمنياته

هو ده الأمان الحقيقى اللى المفروض تسعى وراه كل دول العالم

والله المستعان

السلام عليكم

Jannah يقول...

كباري
مربوحة اليوم ان شاء الله
allez allez
:)

غير معرف يقول...

:)

غير معرف يقول...

الحمد لله:)

هو إحنا هنفرح كدة في حياتنا :)

الحمد لله يارب :)

بعيد,عن الموضوع,عن ايه

مش عارفة:)

الحمد لله:)

هو إحنا هنفرح كدة في حياتنا :)

الحمد لله بجد:)

الحمد لله :)


يا حبيبي يا مبارك بجد:)

غير معرف يقول...

جنة :)

شكرا ليكي
بحييكي على روحك الرياضية
أول ما شفت الرد:)

الكلمة الحلوة,على فكرة جميلة بجد:)

بتشيل اي حاجة أبدا بجد:)

ربنا يسعدك:)

Jannah يقول...

مبروك يا كباري مبروووووووووك


لحظة مع ايمان
شلونج؟

ويييييييين من زمان حتى أدخل مدونتك أقول أكتب لك تحية مالاقيش مساحة
:)

غير معرف يقول...

جنة:)

غير معرف يقول...

محمد

استنى

ملحوظة

أنا مكنتش شغلت حاجة

Here i'm يقول...

إيمان ..

منورة يا إيمان

مروة ..

منورة التعليقات و البلوج .. و الله يا مروة الحمد لله .. الماتش دا أثبت أن لاعبيتنا الحمد لله محترمين مش همج ولا جزارين زى ما بانوا ولاد الخضرا

البوليساريو بيشجعوا و أحنا معاهم :D

Here i'm يقول...

دوكى ..

معلش يا دوك انا مرتاح كده بالبوستات المقفولة .. علشان أقول اللى عايزه و يبقى كلامى وصل من غير ما ندخل فى حوارات و حاجات مبقتش بتفيد حد ..

زى ما قولت .. أحنا عملنا فيهم اللى ميتعملش .. مرة يشيلوا خمسة و مرة يشيلوا 4 .. ربك كريم و نديهم على دماغهم تانى :D

عايز أجى المعرض زى السنة اللى فاتت يا دوك بس الشغل و كمان مش عارف أخد أجازة لا من الشغل ولا الكورسات .. على فكرة لسه تذاكر السنة اللى فاتت فى جيبى على فكرة :D



مصعب ..

فرحتى بالنسبة للكاس و الماتش .. مكنتش مباراة و عدت .. فى رأيى أنها خليتنا احنا يا مصريين كلنا على قلب رجل واحد .. كلنا بنشتم واحد .. و بنفرح مع واحد ..

فى اعلانات فى الشوارع يا مصعب مع ماركات مختلفة أستحالة يتفقوا .... أتفقوا على تشجيع مصر و حب مصر .. فى أعلان واحد فيه أشهر ماركات و أسواق فى مصر .. دى حاجة بسيطة بس مهمة فى رأيى

العلم بقى فى كل بلكونة و شارع و عربية .. كله بيحتفل كان فى الشوارع يا مصعب ..

الحمد لله على كل شىء ..

Here i'm يقول...

جنة ..

الحمد لله يا جنة .. أثبتنا للجزائريين و امثالك :D بصفة خاصة .. اننا لاعيبة نضيفة بنعرف نلعب رياضة و بنعرف نلعب كورة .. مش لاعيبة عاملة عرف الديك و دهناه أصفر زى عم شاوشى أبو 3 :D
الحمد لله لعبنا نضيف .. مش لعب جزارين ..

شكرا يا جنة على تشجيعك لمنتخب أبو 4 فى ماتشنا .. و أسمحيلى أردهالك فى الأفراح و أشجع أى فرقة ضد المغرب .. دا لو شوفنا المغرب فى حتة :DD
و الله قالوا بعد أنسحاب توجو أن المغرب حتدخل مكانها .. بس أنا كنت زعلان لو المغرب دخلت مكان توجو كانت البطولة حتبقى بتاعة فرق درجة رابعة .. بس اللحمد لله :P