الاثنين، 15 فبراير، 2010

أفكار مصرية .. جبهة الدفاع عن مصر


عندى شوية أفكار فى دماغى عايز

أول فكرة ..

الايام اللى فاتت زاد الهجوم على مصر .. و زاد التركيز على السلبيات فى مصر و المجتمع المصرى
دون ادنى اهتمام بايجابيات كتير بتحصل و بتتم فى بلادنا
فكرت ليه منكونش احنا كأصحاب و أصدقاء مجموعة ترفع شعار ..
جبهة الدفاع عن مصر ..
نجيب كل حاجة سلبية فى الدول اللى حوالينا و ننشرها . أشمعنى مشاكلنا احنا ؟!!!

يعنى مثلا .. الدنيا كلها بتطالب مصر بمساعدة غزة و فتح المعابر و الكلام الفشنك دا
طيب .. الامارات .. كلفت برج دبى 1.5 مليار دولار
دا غير ان حاكم دبى عرض على فيكتوريا بيكهام 25 مليون أسترلينى لتصميم فندق فى دبى
هيا فلسطين و غزة مش دول عربية و الامارات عربية
و اللى تحتاجه غزة يحرم على فيكتوريا .. ولا أيه ؟؟

دا غير القافلة الاردنية اللى جاية مصر علشان تدخل غزة
مع ان الأردن ليها معبر مع الضفة و من الضفة على غزة و انتهينا
مع أنا برضه جالاوى كان يقدر يضغط على أسرائيل و يدخل المساعدات من الاردن او أسرائيل

كل دا بيضيع وسط الكلام عن خيانة مصر و المصريين .. و دا موضوع منتهى


الفكرة التانية ..

عجبنى قوى عمرو أديب لما قدر يجمع أكتر 50 مليون جنيه فى أقل من ساعتين
و عجبنى قد أيه أننا كلنا كنا رجالة و رجال أعمالنا كانوا رجالة
اللى قال انا حصمم المنازل الجديدة و اللى قال انا حبنى 10 منازل لغاية ما وصل الرقم لبعد الـ 400 منزل
عجبنى أن البرنامج موجه للمصريين و رغم دا كان فى عرب كرما كالعادة
الامير طلال بن عبد العزيز 33 منزل بما يوزاى مليون جنيه
الشيخ صالح كامل .. ربنا يشفيه و يعافيه
و شركات الاجهزة الكهربائية قامت بفرش الادوات الكهربائبية للمنازل
و شركات الألومونيوم باعمال المطابخ و الالومونيم
و شركات المفروشات قامت بفرش المنازل
و كانت المفاجاة من وزير المالية .. اللى قال ان كل جنيه تبرعات حيقابله جنيه حكومى
كالعادة أثبتنا ان فينا خير و قادرين نعمل اى حاجة لو حد جمعنا

الفكرة هى تسليط الضوء على هذا المجهود الجبار
و تسليط الضوء على كل شخصية مصرية محترمة أثبت جدارتها بان تكون مصرية

تحية فى عيد الحب ..
لعمرو أديب
د/ يوسف بطرس غالى وزير المالية
لبنك الطعام .. احسن اختراع مصرى فى اعتبارى يفوق الفيمتوثانية
لكل الامراء العرب و العرب اللى ساعدونا من غير ما نطلب
لهشام عباس و محمد صبحى و شريهان
فريق عمل القاهرة اليوم
شركات الأدوات الكهربائية و المفروشات و الالومنيوم و البترول و كل المستلزمات


.. .. .. .. .. .. .. .. .. .. ..


على الهامش ..

لما ترد فى مدونة صاحبها قافل التعليقات إلا بتصريح منه يبقى انت هنا
بتثق فى كونه ليبرالى قادر على التواصل و تقبل الفكر الأخر
و لو مكنش قد ثقتك .. حتقول عادى و أدى الواحد اتعلم
لكن لما تساعده فى انه يعرض وجه نظره فى وسط سخط كبير
احتراما لرأيه و لوجهة نظره .. و لتبنيك مبدأ الراى الاخر
و هوا محترمش رأيك ولا وجهة نظرك و صادر رأيك و تعليقك ..
يبقى فى حاجة غلط ..
هل هوا فعلا كده و كان دائما ممثل بارع ..
أم ..
أنا اللى كنت ساذج لما أفتكرت انه ليبرالى يقبل الاختلاف



16 التعليقات:

ســـــاره يقول...

1

من حقك تقول رأيك في اي موقف انت شايف انه يستحق النقد او الإشادة .. لكن ده كعرض وجهة نظر .. انما لما تحب تعمل كده عشان ترد الصاع صاعين فاسمحلي اقولك يامحمد انه تصرف مش سليم ابدااا ومش هتستفيد منه حاجه .. الحل الأنسب ياترد عاللي بيتقال وبيتكتب يا تتجاهله لو حسيت ان الشخص بيتعمد الإساءة لبلدك بسبب او بدون سبب يبقى اعتبر كلامه ولا كأنه شئ يُذكر..

بالنسبة للإساءة انت بنفسك بتقول الفترة اللي فاتت يعني فترة معينه مش شئ معتاد عليه وده اكيد لأن في مستجدات في المنطقة تهم اي حد انه يقول رأيه فيها وماتنساش يامحمد الدور الإعلامي اللي بيعتبر المحرك الرئيسي للراي العام!
صدقني في ناس كلامهم بيبقى اوقات كتير منطقي بس بيخونهم اسلوبهم فبتوصل فكرتهم بشكل غلط.. انا لو حصل هجوم زي ده على بلدي صدقني اكيد هتضايق حتى لو كنت متأكده ان ليها مواقف تستحق النقد ..يمكن لأن الإنسان ردات فعله خصوصا مع بلده بتغلبها العاطفة اكثر منها المنطق والحكمه .. بس اهو الواحد بيحاول يكون اكثر اتزان في تعاطيه مع الأمور على الأقل يشعر في يوم ان كان ليه كلمه ورأي حتى لو مافيش حاجه اتغيرت في الواقع بس يكفي انه ماكانش بيضحك على نفسه ..

..................

2

مش معنى ان عمرو اديب قدر يلم تبرعات ممكن يكون رقمها مبالغ كمان يبقى اقول عليه هو ده الراجل المصري اللي يعتبر مثال لكل المصريين .. لالا انا بالنسبالي عمرو اديب ممثل بارع وشخصية فكاهية انا شخصيا استمتع وانا بتفرج عليه ..لكن المصري اللي بجد ويستحق الإحترام هو الإنسان البسيط اللي في حاله لا ليه في السياسة ولا في الكورة .. يادوب يخلص شغله ويرجع بيته يتقاسم لقمته هو وولاده .. ده بجد اللي يتحط عالراس لا بتاع شو اعلامي ولا ملايين متروسة في البنك ومكان ماهو شايف مصلحته فين بيروح وراها !!
المعذرة لو شايف انه مش من حقي اقيّم بس اديت لنفسي الحق ده كنوع من الرد عالموضوع :)

....................

3

حاسة انك تقصد حد معين بس هحاول اتظاهر انك بتتكلم بشكل عام واقولك اني قبل كده علّقت في مدونة وماتعرضش تعليقي بمعنى اني حاسة بيك في مصادرة رأيك ومن حقك تستغرب وتتساءل خصوصا لو رأيك ماكانش فيه اي اساءة مباشرة انما لو العكس يبقى اكيد ده بيرجع لصاحب المدونة في عرض الرد من عدمه ..

...............

اقولك فكرتي انا بقى :)

اي رأي تحس انه بيسئ لمصر او ان اللي قدامك وصله من اي طرف فكرة غلط .. حاول انت تظهرله الحقيقه وتوضحله الصح فين وتثبتله انه غلطان.. يعني نقاش بنقاش ..لو فكرته كانت صح وافقه عليها مش من باب الإساءة وانما من الموقف نفسه صدقني هتكبر في نظره خصوصا.. ولو غلط خالفه فيها وناقشه يمكن تلاقيه في نهاية المطاف اقتنع برأيك واعترف انه كان غلطان..



على العموم
ولكم باك :)

ســـــاره يقول...
أزال المؤلف هذا التعليق.
mony يقول...

طبعا ازيك يا محمد عامل ايه..ده اولا

ثانيا بقى...انا كنت بشوف ف نفس الفترة اللى احنا اتظلمنا فيها والاهانات الموجهة من الجزاير..لقيت برضوه ان الاعلام المصرى عمال يظهر قضايا مش حلوة ف حق مصر زى اغتصاب وخطف وسرقة وقتل,وللأسف العالم العربى كله شايف مصر وحشة وشعبها مذلول وطالع عينه برة وراضى..
لما احنا عايزين نشوفها حلوة لازم غيرنا يشوفها احلى..على الاقل عشان منتعرضش لأهانة زى دى من بلد تانية ..لأ وعربية كمان
انت مش ملاحظ..كل البلاد العربية بقدر الامكان بتخبى المصايب اللى بتحصل فيها..هو يعنى مفيش غير عندنا بطالة والا فقر والا اختلاف طبقى!!!
احنا اللى م الاخر نشرنا غسيلنا اللى مش نضيف
لكن تيجى دلوقتى بقى تشوفهم كلهم بيشكروا ف مصر وف جدارة مصر وف جدعنة ورجولة المصريين..عشان خدنا كاس وردينا اعتبار..
بالك انت لو مكناش لعبنا حلو كان زمنا الملعونين ف الارض وكل مصرى بيلعن نفسه انه مصرى
انا معاك ف افكارك..بس ده موضوع محتاج ناس كتيرة وتتعمل حملة زى حملة حماية كده:)
اصل انت حتقنع مين والا مين ان مصر حوّة مش آيااه

فوتك بعافية :)

Jannah يقول...

في الصميم ومو على الهامش أقول:
أنا عمري ما حذفت رد أحد
كان فيه واحدة جات وقالتلي "يا جاهلة" حطيته بدون مشاكل و رديت بهدوء جدا
وواحد تاني خربط جدا بالكلام و أيضا حطيته و ما رديت بهدوء
وتاني مرة حطيت تعليق آخر له مخربط أيضا و ما علقتش عليه
احتراما لرأيه حتى و ان كان متجاوز
أنا قافلة التعليقات خوفا من البذيئين يجوا يسلوا نفسهم عندي و يفسدولي الدنيا
أنا أكره ما عندي البذاءة
أما الآراء أي كانت فماعندي مشكلة كما سبق ذكره
الآن بالنسبة لردك
أكيد ماكان فيه بذاءة و لا شي ... ولا أعتبر حتى انه كان فيه تجاوز
بس أنا ماحطيتوش لأني لاحظت ملاحظة:
انت كتبته يوم الأربعاء يعني تقريبا بعد أسبوع عن وضع الموضوع
اممممممم ماذا أستنتج؟
أنا استنتجت انه فيه مستجدات في موضوع مصر و الجزائر وعلى اثرها انت غضبت و جيت تفش خلق في أقرب نقطة
وبالفعل رحت دورت على الأخبار لقيت حاجات مو طيبة
فقلت مع نفسي كل ما في الأمر انه فاضب و هذا تنفيس و لا أعتقد انه يهمه مثل هذاك الرد ينشر و ينتظر عليه تعليق خصوصا انه خارج الموضوع
كان عن بروتوكولات المملكة
وعن انه مصر متفوقة على المغرب ب 300 مليون سنة ضوئية

على كل اذا كانت استنتاجاتي غلط
أنا متاسفة
وما غليك الا انك تكتب موضوع فشي مناسبة بنفس المعنى و تفتح التعليقات و ستجدني عندك ان شاء الله
ماكانش أي مشكل
واذا تحب أفتح عندي هامش بنفس معنى فكرتك قولي و أنا أسوي موضوع ونتكلم فيه عادي ...ماكو أي مشاكل
ويظهرلي انه هذا الموضوع اللي انت كاتبه مدخل جيد لسلسلة مواضيع عن ما تراه أنت سلبيات في بلاد أخرى ...وممكن نتكلم كما تشاء
بس أنا اطلاقا ما نشرتش ردك تعسفا أو لأني رافضته و لكن للأنه أولا لا علاقة بموضوعنا و ثانيا و هذا الأهم لأنه جاء متأخر فظنيته فشة خلق ماراح تضيف شي سوى تفرع في اتجاه مشكلة جيدة و خلاص
في انتظارك ان شاء الله
وان شاء الله ما تكونش مضايق..يهمني انكماتكونش مضايق بالله
من ناحية التمثيل ...لا أنا ماعرف أمثل كنت أفشل تلميذة في المدرسة في حصة المسرح
وماعندي غير وجه واحد ولله الحمد ...وكل مشاكلي جاية من هالناحية
:)

Jannah يقول...

بففففففففففففف
توني شايفة ردود الموضوع السابق والله
!!!!!!!!!!!!!!!!!!!!!!!!!
لا لا لا لا خربطت واااااايد يا كباري
متشنج و معصب وحاقد
وتوجه لي الكلام لشخصي و تقولي أثبتنا لأمثالك
?????
وأنا اللي قمت أقول مبروك ومادري ايش؟؟؟؟؟؟؟
كلامي كله كان عن وجهة نظري في اعلام مصر لا تكلمت عنك و لا عن مصر و لا عن الشعب المصري
بفففففففففففففف

على العموم أنا ماقول كلام شين
أقولك بارك الله فيك
وان شاء الله تروق وتهدى مع الوقت ...صفي قلبك يا كباري
سلام

Here i'm يقول...

سارة ..

رديت عليكى رد طويل و أتكلمت عن كل كلمة و بعت الرد موصلش و قالى خطأ فى التنفيذ ..

كل اللى بفكر فيه يا سارة .. أن أى أبن كلب يتكلم عن بلدى كلمة وحشة أردهاله 10 كلمات ..

الفكرة مش فى رد الصاع صاعين على قد ما أننا تعالوا نتعرف على سلبيات المجتمعات اللى حوالينا .. أشمعنى سلبيتنا ليها توك شو و الللى حوالينا تشوفى برامجهم تحسيهم عايشيين فى جنة

Here i'm يقول...

مونى

اهلا يا حاجة .. فينك مش باينة ..

بصى الفكرة كلها زى ما قولتى أحنا اللى نشرنا غسيلنا بس دا طبيعى جدا فى بلد فيها حرية لأعلامها .. بس عندنا مشكلة أننا مبننشرش غير الغسيل اللى مش نضيف كأن الغسيل اللى نضيف عيب .. و بعدين مش مهم الاعداد و الأشخاص .. انا حقدر أعمل اللى أعمله و خلاص .. اللى عايز يشارك ينطلق .. الفكرة كلها .. أنى قررت أنشر غسيل العرب اللى حوالينا :D

Here i'm يقول...

جنة 1

طيب أيه رأيك أن كل تفسيراتك طلعت بايظة .. بالعكس بقى أنا الجزائريين عجبنى قوى الأيام دى .. وقفوا مع المصريين فى إيطاليا ضد المهاجرين الأمريكيين الجنوبيين بعد مقتل مصرى :)

انا كل اللى زعلنى مش الرد أى الرأى على قد ما زعلت أن جنة عارفة قد أيه أنى كنت بدافع عنها و كنت سايبها تطرح أفكارها و أنتى عارفة قد أيه الناس كانت بتبقى متضايقة .. دا اللى زعلنى .. عرفتى ؟؟

Here i'm يقول...

جنة 2

بالنسبة للرد فى الموضوع السابق مكنش أكتر من هزار و ضحك و شماته فيكى مش أكتر .. و دا الرد و حفسرلهولك

جنة ..

جنة ..

الحمد لله يا جنة .. أثبتنا للجزائريين و امثالك :D بصفة خاصة .. اننا لاعيبة نضيفة بنعرف نلعب رياضة و بنعرف نلعب كورة .. مش لاعيبة عاملة عرف الديك و دهناه أصفر زى عم شاوشى أبو 3 :D
الحمد لله لعبنا نضيف .. مش لعب جزارين ..

شكرا يا جنة على تشجيعك لمنتخب أبو 4 فى ماتشنا .. و أسمحيلى أردهالك فى الأفراح و أشجع أى فرقة ضد المغرب .. دا لو شوفنا المغرب فى حتة :DD
و الله قالوا بعد أنسحاب توجو أن المغرب حتدخل مكانها .. بس أنا كنت زعلان لو المغرب دخلت مكان توجو كانت البطولة حتبقى بتاعة فرق درجة رابعة .. بس اللحمد لله :P

هنا لو تلاحظى بعد كلمة أمثالك فيه أيموشن يا جنة .. دا ضحكة .. يعنى مكنش قصدى توجيه أى شتيمة فى شخصك

بصى على الأيموشنز اللى فى الرد .. و ربنا يعلم أنه مكنش فيه حقد ولا غل .. بس هيا شماته و فرحان فيكى :D

بالنسبة لكلامك عن أعلامنا .. أنا رديت عليكى فى بلوجك .. و قولتلك ياريت تكلمينا عن الاعلام المغربى شوية .. أعلام عاش الملك مات الملك .. هل أنا قولتلك أنك غلطتى فينا ؟؟ .. و بجد ياريت تكلمينا بنظرتك الحيادية الدائمة عن اعلام المغرب :)

حاضر حصفى قلبى .. مع انى و ربنا يعلم مكنتش أقصد اى غل أو حقد زى ما قولتى :)

mony يقول...

اهو مشغال الحياة..حقيقى الدونيا دى ملهى كبير:)
ماعلينا..

عموما هى فكرة موفقة واتمنى بجد تكمل لآخرها...وربنا معاك بجد..ولو احتجت مساعدة انت عارفنى ف الحاجات دى متوصاش:)

Jannah يقول...

اييييه
أنا ظنيت انك تتهاوش يعني تتخانق
آسفة
بس انت كان لازم تكتب انك قاعد تهزر
لأن احنا هنا عندنا هالكلام بالضرورة عراك و صراع و تقاتل :D ما يمشيش أبدا مزح
لما يكون الواحد يكلمك مباشرة صوت و صورة يبان اذا كنت تمزح و لا جاد و كذا
بس بالكتابة ما يبانش كل واحد و كيف يمكن ياخد الكلام
----
اممممممم
الحين تعال أنا بعد أهزر معاك بخصوص المنتخب المغربي و على الطريقة المصرية و باللهجة المصرية :
"ايه...بتقول ايه...المنتخب المغربي درجة رابعة ههههههههههههه زغرتي يا اللي انت مش غرمانة (لا علاقة بالموضوع)
المنتخب المغربي عنده ظروف مؤقتة مشاكل ادارية
انما احنا خزان لاعبين و مواهب
وانت كمصري آخر واحد تتمسخر على المنتخب المغربي
هههههههه
حنصلح شوية حاجات و حنرجع لكم
نغلبكم تاني
تاني ده ايه؟قصدي 70000
احنا طول عمرنا غالبينكم و على أرضكم و أمام جمهوركم و بعد ما الصحافة بتاعتكم تعمل السيرك و قرب قرب و حلق حوش بتاع كل مرة...بس ما بنعطيهم وجه الهدرة في الميدان مو في الورق
اااااه... نسيت المرة الوحيدة اللي غلبتونا فيها كان من زماااان سنة 86 بهدف واحد من ضربة خطأ قيل فيها و قيل
نسينا احنا...انتم فاكرين؟
ههههههههه
و أزيدك
المنتخب المغربي سباق و رائد
احنا أول فريق عربي دخل تصنيف عشر أفضل فرق في العالم
و بلاش تزييف و تقولوا انكم أول فريق عربي وصل للمركز العاشر
أرشيف الفيفا موجود
منتخب 98 فاكره؟ مصطفى حجي و المقصية القاضية ...الله يمسيه بالخير
:D
واحنا بنلعب كرة قدم منذ العشرينات
و لاعبينا المحترفين في أوروبا منذ التلاتينات
فيه ناس أعرفهم تعرفوا على الحتراف أول امبارح...وعملوا قصة لحارس حب يحترف و راح هرب و اتهمته الصحافة المصرية المتخلفة بالخيانة
:D
وأول من تأهل بتصفيات لكأس العالم
وأول من وصل للدور التاني
ورحنا المونديال 4 مرات
فيه ناس أعرفها تقاتلوا مع دولة تانية و شتموا و ضربوا و قوموا الدنيا عشان يتأهلوا و ما تأهلوش
:D
وأول لاعبين أفارقة اتعمل لهم تماثيل في اسبانيا
عارف يعني ايه بادو الزاكي عنده تمثال في اسبانيا
وأول جماهير الدوريا الأوروبية
رابطات مشجعي الريال عندنا عمرها 70 سنة
ومازالت الريال و برشلونة بيبعتوا للمحبين تذاكر و اقامة و سفر على حساب الريال لرابطة المحبين مع كل ماتش اعترافا بواحد من أعرق جماهير الدوري الاسباني برا اسبانيا
فيه ناس تعرفوا على الدوري الاسباني بعد ظهور قناة الجزيرة
:D
وديربي الرجاء و الوداد هو من أعرق الديربيات و من 10 أقوى ديربيات في العالم
الأول عربيا و افريقيا
وبتغطيه قنوات رياضية أوروبية
مازالنا كبار و الكبير ربي يا كباري
:D
و اتفضل آخر مشهد في الاستفزاز هنا:
يوم ترشحنا احنا و انتم لتنظيم كأس العالم
ههههههههههههههههههههههههههههاااااي
صفر صوت يا راجل؟؟؟ ...يعني زيرو...
و الحمد لله احنا 10 أصوات مقابل 14 لجنوب افريقيا
واثقين فينا ومعترفين بينا قطب افريقي رياضي وغير رياضي كبير
لأن باختصار احنا أول من قدم افريقيا للعالم ...
مش عارفة كان شعورهم ايه بتوع الاتحاد المصري اللي عمرهم ما بيسدوا في الأزمات وعند الحاجة ايه؟؟؟
صفر؟؟؟يا لهوي يا خرابي
لا و الصحافة المصرية نهار و ليل بيقولوا احنا اللي حناخدها
ومصر أم الدنيا
المغرب صغير أوي
مرشحين نفسهم ليه أصلا
بيحقدوا علينا
لازم ينسحبوا
وسيرك كبيييير عايشين فيه
مع انه العالم كله كان بيقول منافسة ثنائية بين المغرب و جنوب افريقيا لا طرف تالت فيها
يا بجاحتهم يا أخي
صفر؟؟؟؟
ايه مافيش أصدقاء مافيش علاقات...فيه بس لسان طويل عايز له قص بمقص الجنايني :D"

"بارك لنا يا كباري بارك لنا
مش امبارح صوتوا علينا وبقينا عضو في اللجنة التنفيذية للاتحاد الأوروبي
أول و آخر بلد خارج أوروبا يحصل عليها
لو ما نجحتش تونس طبعا ...المنافس الشرعي و الوحيد
لولولولولولولولولولوي
ربنا يخلي لنا جلالته عامل لنا علاقات في كل حتة ...وان شاء الله ربنا يطول فعمره و الى الأمام و نخلص من التخلف و قارة التخلف دي بتاعة كوفي كودجا

300 مليون سنة ضويئة هاااا؟"

بررررررر:D

شفت الهزار على الطريقة المصرية شلون حلو وما بيجيبش مشاكل؟:D
------

Jannah يقول...

يله أنا بقوم الحين
نطرتك شوي ممكن تدخل تعلق بس انت غير موجود
حبيتك تشوف نفسك من الخارج يا كباري
انت وااااايد تتشنج في المواضيع اللي من هالنوع و تتجاوز
حتى في ردك السابق على سارة هنا قمت تقول "ابن كلب " مفهومة يعني
فبليز يا كباري طوف...انت ما كنتش هكا
بالعكس كان دمك خفبف و لبق جدااااا و معتدل جداااااا
مثل ما انت بنفسك قلت
يوم كانوا يتهاوشوا على المنتدى معاي انت كنت تقرى و توزن و تشوف ما يصلح و ما لا يصلح
الحين شوف انت شلون
يعني أقول كباري مضايق من شي تاني
بس لا طول ما الكل يسكت و يتجاوز انت تستمر
طيب ليش
مثل ما انت تقدر تقول كل الناس تقدر ترد
انت اقرا و اوزن بدون عصبية الشي اللي يحتاج لين خده باللين و الشي اللي فعلا فيه تهجم على بلدك واضح خده بالشدة متل ما تحب
لكن كل كلمة تقوم تاخدها على انها سبة لمصر لا
لو الواحد قال عندنا لاعب كرة خطير مثلا تاخدها انت على انه قاعدين نصغر من لاعبين مصر
و تنزعج
ريللااااااكس يا كباري...و ارجع متل ما كنت عاجلا

وردي السابق آخر الدواء ...الكي و لا البتر مادري

احذفه
الا اذا كنت شايفه هزار بهزار فخليه
:p
:DDDDDDD

Here i'm يقول...

مونى هانم ..

الدنيا دى سيرك مش ملهى .. ربنا يسهلك الحال

انا عارف طبعا أنتى قدها و قدود ربنا يكرم و انا مكسلش :D

Here i'm يقول...

جنة 1 ..

يمكن مش مصدقة .. بس بجد و الله و ربنا يعلم انه كان هزار .. و زى ما قولت أنى فعلا شمتان فيكى .. مكنش فى لا حقد ولا غل و الله ..

و بعدين تعالى ازيدك انا :D

كأس افريقيا ..

مصر ..
الفوز باللقب 7 مرات
الفوز بالمركز الثاني مرة واحدة
الفوز بالمركز الثالث 3 مرات
الفوز بالمركز الرابع 3 مرات

المغرب ..
الفوز باللقب مرة واحدة
الفوز بالمركز الثاني مرة واحدة
الفوز بالمركز الثالث مرة واحدة
الفوز بالمركز الرابع مرتين

وخدالى بالك :D

جميل قوى أنكوا عايزيين تسيبوا أفريقيا و تلعبوا فى اوربا .. دى الجابون طلعت عينكوا حتعملوا أيه مع فرنسا و أسبانيا و انجلترا .. ولا أقولك تعالى أسألى المصريين عن إيطاليا لما غلبنا بطل العالم و كنا اول فريق افريقى يغلب إيطاليا :DD

شكل اوربا محتاجة فريق عصفورة علشان يوزن المجموعات :D .. قال أوربا قال .. زى ما قولتى زعرتى ياللى انتى مش غرمانة :D


تصدقى و تؤمنى بالله .. انا خلاص حتاكد ان المغاربة سذج و على نيتهم .. هيا مش أسبانيا دى اللى بتدع أستقلال الصحراء :D .. بتشجعوا البلد اللى بتدعم انشقاقكوا !!!!

و بعدين فى مثل مصرى بيقول .. احنا ولاد النهاردة .. انتوا فين بقى يا بتوع النهاردة .. فريق درجة رابعة الكاف كان بيفكر يدخله بعد اعتذار توجو :DD ... احنا أسياد أفريقيا فى الكرة يا جنة .. كلمة أسياد أفريقيا يعنى أسياد المغرب فى الكرة .. الجابون يا جنة .. الجابون

أزيدك .. الجابون اللى مصر احرزت فيها أسرع هدف فى أفريقيا أيمن منصور .. هيا دى الجابون اللى خليتكوا درجة رابعة :DD

Here i'm يقول...

جنة 2 ...

اول حاجة قبل كل شىء.. أنا مقولتش انك غلطتى فى مصر .. و رجعى ردى اللى فات عليكى .. قولت "هل أنا قولتلك أنك غلطتى فينا ؟؟ " ..

و دا حيودينا لانى مكنتش أقصدك بالجملة اللى انتى قولتى وراها أنها مفهومة .. اكيد مقصدكيش انتى .. انا أقصد كل اللى حيغلط فى مصر .. مش فى الاعلام المصرى :) .. ميزى و فرقى الكلام يا جنة ..


يا ستى و الله شكرى فى فريقك زى ما انتى عايزة .. انا مالى !! .. انتى بس دخلتى نفسك فى صراع ملكيش فيه اى غنيمة زى ما بيقولوا .. قوليلى صحيح هوا انا ليه مطلعتش غضبى على حنان نينا اللى معانا فى المنتدى .. هل دا مثلا خوف .. ولا علشان هيا بعدت عن القصة و مستفزتش الناس ..

يا جنة أنا حبيت المغرب و عرفت المغرب عن طريقك .. و كرهت المغرب و بدور وراها برضه عن طريقك .. حطى الجملة دى فى بالك

ماتش الجزائر خلص و خلصنا .. و المصريين و الجزائريين راجعوا تانى و ارجعى لأستقبال الجزائريين فى مصر فى بطولة كرة اليد و أرجعى لموقف الجزائريين فى ميلانو بعد مقتل المصرى فى إيطاليا ..

أنا بالنسبالى موضوعى مع الجزائر منتهى .. بس الدرس المستفاد من القصة دى كلها انى لو المغرب لعبت ضد الجزائر .. حشجع الجزائر بفضل جنة .. و قيسى على اللعب و الجد و الصحراء ..


حقبل نصيحتك بالهدوء و العودة للباقة .. بس أرجع و أقولك فى المنتدى مكنتيش مستفزة للدرجة دى .. و لما كنتى مستفزة أثناء ماتش الجزائر مكنتش بشارك فى المنتدى .. بس بجد أستفزتينى قوى انا و أغلب الاعضاء اللى حتة مجاش فى بالك انهم كتير قوى سامحوكى فى غلطك فيهم و نسوا ليكى كتير ..


قبلت نصيحتك .. و أسمحيلى أنصحك .. من تدخل فى ما لا يعنيه سمع ما لا يرضيه ..

متعودتش أشيل ردود على فكرة و عادى انا رضيت و زى ما قولتى مادام هزار يبقى نهزر :)

Home Country يقول...

عمر اديب زيه زي مبارك بيعرف يضحك عي المصريين و مايفعله هو كلام فقط
لعرض افكارك و مقترحاتك لمصر و اتغيير مصر
بنك الأفكار
فكر ناقش طور غير نفذ لمصر و من اجل مصر