الاثنين، 1 مارس، 2010

القوة من الأتحاد .. و الأتحاد من الإيمان



لا اعلم لماذا كل حبى لهذا الفيلم .. V for Vendetta
كل الذى اعلمه .. اننى أحبه لكون بطله أستطاع ان يحركـ الكثير من شعبه
لم يعجبنى فكرة نظرية المؤامرة .. و ان الحاكم السبب فى الوصول لما ألت إليه من دمار فى البلاد
مع اننى استخدمت هذه النظرية فى تفسير حادث الحسين و ربطه بقانون الطوارىء
و لكن ما يعجبنى فى هذا الفيلم .. ذلك الرجل الذى تعرض لظلم شديد تمكن من تشويه وجهه و لكنه انتقم من من ظلمه
كانت فكرته على الرغم من كونها دموية ولكنها كانت فكرة رائعة فى جمع شعبه وبلده

تجذبنى دائما هذه الصورة .. منذ وقوع عينى عليها و قولت لنفسى ..
انها ستكون هى صورتى الشخصية .. ستتصدر توقيعى و تعلو مدونتى
أنظر لهذه الصورة .. رجل يرتدى قناع وجه مبتسم فاتح ذراعيه للصراعات
ماسكاً بأسلحته يظهر خلفه جدرية ..
" القوة من الأتحاد .. و الاتحاد من الأيمان "
و أكررها لى و لكم يا مصريين ..
" القوة من الاتحاد .. و الاتحاد من الأيمان "

فلنؤمن بقدراتنا .. اننا خير شعوب الأرض بدون احاديث او قرأن كريم ..
فلنوؤمن ببلادنا .. انها أجمل و خصب بلاد الأرض
فلنوؤمن بوحدتنا .. اننا مسلمين و مسيحيا نتفق فى كوننا مصريين
فلنوؤمن بقوتنا .. فى أننا لن يخترقنا مدعى دين او مدعى دنيا
فلنوؤمن بعلمنا .. سرنا سيحلق فوق الجميع
فلنوؤمن بمستقبلنا .. غدا لنا و مستقبل أبنائنا فى أيدينا

فلنتحد .. مسلمين و مسيحيين
فلنتحد .. معارضة و مواليه
فلنتحد .. رجال و نساء
فلنتحد .. شباب و شيوخ

فعندما نؤمن و من ثم نتحد فستكون قوتنا فى شىء واحد هو " مصريتنا "

دائما ما أستغرب دخولى فى صراعات كثيرة ..
هل انا من يبحث عن صراع و يهوى الصراعات ؟؟
ام
أنا مصرى فرضت علي الصراعات من كونى مصرى ؟؟

لا أقول انى دائما كنت على صواب .. و لكنى كنت أدافع من وجهة نظرى
لم ادافع من وجهة نظر جماعة او حزب او دين .. كنت فى كل وجهات نظرى مستقل

أحزن من تجاهل أولاد بلدى لدفاعى و تركهم لى دائما فى الصراعات وحدى
دائما لا اجد مساندة او دعم لى فى صراعاتى التى اعتبر اغلبها من اجل بلدى
لا أقول انى مناضل .. و لكنى أؤمن بمقولة المناضلين
" على كلاً منا ان يعمل على حده "
أؤمن بالمقولة القائلة ..
" لو اننا اتممنا عملنا على أتم وجه .. من العامل لرئيس الجمهورية "
سنكون أفضل من أمريكا و أوربا و أستراليا
كثيراً ما اعتقدت ان أصدقائى ضد ما افعل
فلم و لن يرد علي احد .. أدافع وحدى .. وحدى فقط
لن أسكت و لن أرتاح حتى اتمكن من الدفاع عن بلدى ضد اى حد كان


لدينا الان فرصة ذهبية لأقتناص الوحدة ..
الأن اعلام بلادنا فى كل مكان .. فى القهاوى و المولات و البلكونات و حتى فى العروض التسويقية
فلنتهز فرصة فرحتنا و وحدتنا على فوزنا و من قبل هزيمتنا
شاهدت السيارات و هى تمر من امام السفارة الجزائرية
ضاربة أصوات كلاكساتها للتعبير عن أستهجانها
شاهدت مظاهرات للمطالبة بحقنا كمصريين
شاهدت مظاهرات حب بعد فوزنا و من قبل بعد هزيمتنا
فلتستمر أعلامنا فى البلكونات .. و لتستمر فرحتنا فى هزيمتنا قبل نصرنا
و اتحادنا فى هزيمتنا قبل نصرنا

يحزننى تصرفات بعضنا كمصريين
دماء و ذهبت لغزة .. تبرعات و ذهبت لغزة
وقفات احتجاجية و نظمت لغزة .. شعر و نظم لغزة
أصطدامات أمنية و تمت لصالح غزة
أين انتم من السيول .. أين انتم من بلادكم
لا اتهم أحد بالخيانة .. فأنا لا اتهم أبناء بلدى بالخيانة
و لكنى اتهمهم بفقدانهم لنظرية الأولويات

نعم كسبت عداوة الكثير ..
كسبت عداوة الفلسطينيين و القطريين و الجزائريين وأخيراً المغاربة
و لكنى على استعداد أن اكتسب عداوة العالم كله فى سبيل دفاعى عن بلدى
على أستعداد أن أكتسب عداوة العالم كله فى سبيل أن أرتاح لدفاعى عن بلدى


سأدعم البرادعى مع أنى ضد أستيراد حاكم من الخارج
و لكنى سادعمه فى حالة تحقيق مصالحى و طلباتى فى الدفاع عن بلدى
سأدعمه لتعديل الدستور ليعود مرة اخرة .. فترتين رئاسيتين
سأدعمه لنشر العلم و لرفع قيمة التعليم فى بلادنا
سأدعمه لكى نتحد يا مصريين
سأدعمه كناية فى تفرق المعارضة و تشتتها

------

دائما نبحث عن شعارات نسير تحتها ..
و دائما ما ننسى الشعار الذى نسير تحته دون أنتباه له أو أعطائه اهمية

" أننا مصريين .. و بس "









18 التعليقات:

mUsLiM يقول...

هذا الموضوع يعبر عن إختلاف فى الإيدولوجيه والأساس العقدي فى موازنة الأمور بيني وبينك

ولكن لا بأس لك كامل الحرية فيما تختار أن تعتقد فيه

والسبب فى ذلك أشياء وقعت فيها أراها انا خاطئة منها خلطك بين النظام المصري ومصر

فنحن نتهم النظام المصري بالعمالة والخيانة أقولها صراحة

هل هذا يعنى أننى أهاجم مصر أو أنتقض من مكانة بلدي ..؟!!

بالتأكيد لا

أنا أرى أن النظام المصري لم يدعم غزة بل على العكس يمعن فى حصارها والتقييد عليها وخدمة الصهاينة والأمريكان

وليس ذلك فقط بل القضية الفلسطينية برمتها

هل ينتقص ذلك مكانة مصر شئ ..؟!!

يبدو أن الإجابة عندك نعم، وهذا هو سبب الخلاف

والخطأ الآخر فى نظرى هو تقديمك لهويتك المصرية على هويتك الإسلامية وهذا خطر عظيم فى نظرى

انا هويتي أولاً وقبل كل شئ مسلم، وهى الهوية التى تقوم على العقيدة والفكر والإقتناع

أما الهوية الوطنية فالإنسان لا خيار له فيها، فلا يختار الفرد أن يكون مصرياً أو جزائرياً أو مغربياً أو غير ذلك

كما أن الأرض أصلا كلها لله واستعمر بنى البشر فيها

وهذا لا يعنى أنى أنكر الهوية الوطنية، لا أبداً ولكن الهوية الوطنية عندى محصورة فى عاطفة الحب للبلد الذى نشأت فيه والأهل الذى ترعرعت بينهم

فكونى مصرياً لا يمنعنى من أن أقول أن النظام المصري فشل فشلاً ذريعاً فى الحفاظ على محيطه الأمنى والإستراتيجي ونجحت بدلاً عنه قطر حيث استطاعت أن تجمع فرقاء دارفور والسودان وسعت جاهدة للتوفيق بينهم

فهذا هو الأمن الحقيقي لمصر وليست غزة التى تسعى مصر دوما لحصارها وتقييدها بحجة الامن القومى

على كل حال، فهذا التفكير فى نظرى سيؤدى فى نهاية المطاف إلى مزيد من العداوة بين المصريين وغيرهم من العرب وإنغلاق مصر عن واقعها الإسلامى والعربى وهو الأمر الذى يؤدي إلى الهاوية فى المستقبل البعيد

نسأل الله السلامه

السلام عليكم

ســـــاره يقول...

1_ انا ابدااا لم اتجاهل ردك يامحمد ورديت فعلا عالجميع ماعدا انت وريم وايمان شكرتكم في اخر ردي مش تجاهل مني ليكم .. لاوالله .. بس صاحبة المناسبة هي المعنية بالرد على كل شخص اما انا فرديت مباشرة عاللي حسيت ان في رده حاجه حابه اعلق عليها ..

2_ كلامك عن السعودية ماضايقنيش ابدااا.. بالعكس انا قلتلك لك مطلق الحرية تكتب عن سلبيات اي دولة انت شايفها .. بس مانكرش اني استغربت الخبر !!
اصلي مش شايفه اي اهمية او سلبيه في ان واحد اتجوز 6.. توقعتك هتكتب عن النظام السعودي .. التعليم .. الصحة .. الشارع السعودي .. بس واحد اتجوز 6 مافهمتش الحقيقه ايه المهم فيه حتى عشان يتم نقله !!

3_ عمرك ماتكسب عداوة حد لكونك بتدافع عن بلدك .. مانا كتير يامحمد لو تفتكر عالمنتدى كنت بدافع عن بلدي .. بس ماكنتش بسئ لمصر كون اللي كتب مصري .. هو كان بيكتب موضوع وانا كنت بوضح وبدافع عن النقطة اللي هو بيهاجمها.. لكن مادخلتش مصر في مقارنه او اسأت ليها كنوع من الدفاع عن بلدي .. لأني بكده هثبت اني ماعنديش حاجه اقولها .. وانا مش كده ابدااا يا اناقش يا انسحب ..

اخيرا..
محمد اللي بعزه حقوله .. دافع عن بلدك زي ماتحب بس اختار الأسلوب اللي يخليك تكسب صداقات مش عداوات ..انا وحده من المؤمنين بالقومية العربية يهمني ادافع عن بلدي في اللي احسه اساءه ليها بس في نفس الوقت يهمني ماخسرش حد ..

محمد الإنسان الحر حقوله اكتب زي ماتحب بالطريقة اللي تحبها دي مدونتك وانت حر فيها حتى لو هتكتب عن بلدي .. ولو لقيت عندي اضافه بالتأكيد هضيف ولو مالقتش يبقى هتابع من بعيد ..

Jannah يقول...

اقتباس من رد لك على الموضوع السابق:

"كل كلمة قوليتها فى حق مصر و اعلام مصر و المذعيين و المصريين .. حتتردلك فى أهلك و بلدك و اعلامك و رياضيكى .. مع سؤال .. كان ليكى بكل دا أيه ؟؟"
-----
مافهمتش الجزء الخاص ب :" حتترد لك في اهلك"

ضروري لازم تشرح الجزء هذا من فضلك و فأسرع وقت

Here i'm يقول...

Akid ahlk ya3ny baladk w sha3bk mtel2ish akid mesh elbaby ely 7ayb2a asmoh kabbary :D

Jannah يقول...

لا
اذا كان قصدك بلدك ماكنتش كررتها بعدها و قلت أهلك و بلدك
عرفت كيف
أنا فاهمة قصدك بس قلت أشوف ايش ممكن يقول
ليست أول مرة على كل حال بتقول كلمة و بعدين لما أستثقلها تجيب انت تفسير بعيد و غير منطقي
نفس المرة السابقة لما قلت "انت و أمثالك"
وأنا قلت يمكن أكون أنا اللي غير مستوعبة بالطريق الصح
بس يظهر لي يوم عن يوم القدر يطيح أكثر و غلط اني أصدق هالتفسيرات المتأخرة الغير منطقية كل مرة
فأحسن نوقف هنا
قدرك طاح يا كباري
ماعرفتنيش و ماعرفتكش
ربي معاك

Here i'm يقول...

جنة ..

قوليلى هوا أنا خايف منك مثلا ؟؟
انا شرحت جملة أنتى و امثالك .. و مش حشرحها تانى .. حابة تفهميها زى ما شرحتها يبقى خير .. حابة تفهميها العكس اهو ليكى برضو .. و انتى حرة تفهمى اللى تفهميه

و بالنسبة للجملة التانية .. " اهلك " .. انا قولت ان قصدى بلدك و شعبك .. و لو فكرتى لوهلة .. انى دخلت من موبيلى و رديت بالفرانكو عرب علشان طالبتى انى أرد بسرعة .. و كمان علشان متظنيش بيا ظن سوء

فى مصر يا جنة .. ممكن تستعوضى كلمة شعبك بكلمة أهلك .. و على ما اعتقد انى مش حشتمك .. او فكرى حردهالك ازاى فى اهلك !! .. يعنى اعرف تاريخ عيلتك مثلا علشان ارد عليكى !!!

لو عايز أشتمك ممكن اقول عيلتك أو اسرتك ..

على العموم انا وضحت لتانى مرة .. و باين جدا انك مصرة تبحثى على الغلطات و مصرة تطلعينى قليل الأدب .. على العموم اللى عايزة تفهميه أفهميه .. بس ربنا اعلم بالنوايا .. و مش مسامح فى حقى لو ظنتى بيا و طلعت انا على حق ..


فى دعاء حلو قوى بنقوله فى مصر ..

ربنا يدى كل واحد على قد نيته :)

Here i'm يقول...

مصعب ..

زى ما قولت فى البوست و دا شىء جوهرى بينى و بينك .. انك اتهمت النظام بالعمالة و الخيانة .. و التعريف البسيط للعمالة و الخيانة .. هو اخذ مكاسب او اموال لتنفيذ سياسة بعض القوى الخارجية داخل البلاد دون الاعتبار لمصلحة البلاد ..

الأختلاف اللى انت قولت عليه ... انا شايفه واضح .. انى الحمد لله لاخون أى مصرى .. انت و النظام بالنسبالى نظرتكم متطرفة للأخر .. النظام يتحدث عن تنفيذكم لأجندة دينية خارجية دون الاعتبار لمصلحة البلد .. و انتم تتهموا النظام المصرى بالعمالة و الخيانة .. بالنسبالى و فى رأيى كلاكما على باطل .. و على ما اعتقد انى بقف بفكرى و وجهة نظرى فى المنتصف بينكم و بينهم .. لو عاجبتونى أشادت لو معجبتونيش حقول و حقول .. انتوا النظام الأمر سيان بالنسبالى ..

موضوع غزة .. مش عارف ليه اتفتح .. بس قولتها و حقولها .. مش مسامح فى حقى تجاه اى مصرى تبرع و وقف احتجاجا لغزة و لم يتبرع و يقف احتجاجا لضحايا السيول ..

بالنسبالى لى الجدار العازل مش عمالة ولا خيانة .. دى سياسة و اللى يلعب سياسة ميقولش يع على رأى المثل يا مصعب .. ياسيدى انا ظالم و جبروت و انت " حماس " مناضل و مكافح .. اكل شعبك بقى و أنا مالى .. سياسة يا عزيزى

ياراجل عيب لما تقول قطر حققت مش عارف أيه .. قطر تبحث عن دور فى فيلم لو حتى ظهور مشرف .. قطر كل اللى بتعمله تقعد دا و دا و تقوله خد الرقم دا اللى مكون من كام صفر و للطرف التانى خد الرقم دا اللى مكون من كام صفر .. ماتقولى هيا ليه قطر مش عارفة تحل مشكلة الفلسطينيين .. علشان مشكلة فلسطين اكبر من ريالات بترولها و غازها يا مصعب .. ما السعودية قعدت و جمعتهم و فى الاخر الاتفاق فشل .. أيه اللى حصل .. مشكلة دارفور هيا مشكلة فى الأساس تنازع اراضى و بترول و مصالح .. و نظام اللى يدفع اكتر ..

هويتى مصرى مسلم .. اساعد مسيحى مصر أفضل لى من مساعدة مسلم عربى .. دا رأيى

rody_rocks يقول...

you're right

Here i'm يقول...

سارة ..

1 - مش عارف ليه حسيت لوهلة انك قصدتيها :) .. بس الحمد لله حصل خير

2 - كل اللى حصل .. خبر و كان مكتوب و اللى لفت انتباهى انه فى الامر بالمعروف و النهى عن المنكر .. فأستغربت منين فى جماعة زى دى و منين بيعمل كده ولا كمان دا بيقول ميعرفش .. لا وكمان العقاب جزئين قران .. يعنى الخبر فى مجمله غريب و شكيت فى صحته .. بس قولت انقله .. السلبيات مكانتش زى ما تقصدى انتى ..


3 - و انا مبدخلش بلدى فى مقارنات .. بالنسبالى زى اى حد بلده أحسن بلد فى الدنيا .. و لينا كتير اللى نفتخر بيه فى الحاضر قبل الماضى ..


سارة .. شكرا ليكى على كلامك و وصلت وجهة نظرك :)

Here i'm يقول...

rody_rocks ..

thank u :)

rody_rocks يقول...

u're very welcome m7md :)
w ltany mara anta right :d
w e7an the best ever :d

dr.lecter يقول...

يامحمد بغض النظر عن خلافك مع مصعب حول الهويه الاسلاميه او الوطنيه

فكلامي مش ليك انت بس كللامي لمصعب كمان
احنا مش في وقت خالص نقعد نتفلسف بالهويه بتاعه مين
تولع الهويه في ستين داهيه احنا دلوقتي في منعطف تاريخي مهم يانبي ايد واحده ونقوم قومه راجل واحد بدل مايتحط علينا في ال 30 سنه الجايين يانقعد بقي نلف حوالين بعض ونرشق بعض اتهامات سخيفه مالهاش لازمه وهتضحك علينا الخلق

اعملوا زي فكره الفيلم فضوا خلافاتكم ورا ضهركم وابتدوا من جديد علشان حاجه واحده بس

مستقبلنا

mUsLiM يقول...

(هويتى مصرى مسلم .. اساعد مسيحى مصر أفضل لى من مساعدة مسلم عربى .. دا رأيى)

وأنا أساعد من يستحق المساعدة أيا كان دينه أو وطنه، وهكذا أمر الإسلام، فالإنسان الأشد حاجه هو الأحق بالمساعدة

أما ولائى وإنتمائى فهو أصلا لله كما أمر الرب القدير، فولائي أولاً لأهل الإسلام جميعا ثم داخل هذا النطاق تندرج الأولويات الأخرى من وطن وقومية وعرق وغير ذلك

هناك فرق بين الولاء وبين مد يد العون والمساعدة

والخلط بينهما خطر عظيم


وانا متفق معاك يا دكتور تماما فى كلامك

الأولوية اليوم حقاً للوقوف جميعا ضد هذا النظام الغاشم الذى استباح كل شئ

والله المستعان

السلام عليكم

Here i'm يقول...

rody_rocks

thank you rody :))

Here i'm يقول...

دوكى ..

دا انا اللى بقوله فى الموضوع و فى الكلام اللى فى البوست .. أننا نعدى اى حاجة تفرقنا و نشوف و نتكلم عن اللى بيجعمنا ..

بس أنت مصعب بقى .. و انا رديت عليه و القصة انتهت يعنى :)

Here i'm يقول...

مصعب ..

لو الأتنين محتاجين مساعدة .. حساعد المسيحى المصرى قبل المسلم الأجنبى ..

بالنسبة للولاء .. دى حاجة بينى و بين ربى يا مصعب و انت حر فى ولائك و فى كل حاجة ..

ولائى لمصر مش تهمة و فى نفس الوقت لا ينفى بالطبع ولائى لربى .. علشان بس ميبقاش فى خلط عظيم زى ما بتقول

mUsLiM يقول...

من يقدم ولائه لبلده على ولائه لدينه فقد اتخذ وطنه إلها من دون الله

وهذا كلام عام مجمع عليه من كافة علماء الشريعة وأنا لا أحكم بموجبه على أحد

ولكن هى نصيحة من مسلم يخاف عليك ويحرص على رعايتك

والله من وراء القصد

السلام عليكم

Here i'm يقول...

مصعب ..

شكرا على النصيحة يا عمنا .. بس هوا الموضوع متكلمش خالص عن الولاء و الدين .. كل اللى بقوله لو مختلفين فى حاجات كتير متفقين فى كوننا مصريين ..