الثلاثاء، 3 أغسطس، 2010

السبع أقلام

زمان كان الحق حق و الباطل باطل ..
فلم يحتاج لبلب إلى أن يرفع قضية فى المحاكم ثم يحكم له بأحقيته فى حبيبته بعد سابع قلم
ثم يطعن على الحكم من قبل عنتر و يحكم لصالح عنتر بعد أن دفع إلى محامى سيىء السمعة
و لكنه يفهم فى الثغرات و تعاد المحاكمة من جديد و بالتأجيلات و المرافعات تؤجل القضية إلى تاريخ فتاريخ فتاريخ ..
و يملىء فى وقت التأجيلات عنتر الشاشات رافعا أوراقه المزورة
فهو يملك المال القادر و العلاقات على فتح كل القنوات و كل برامج التوك شو لينجو بفعلته و يكون راى عام باطل

فى كل قلم يصفعه لبلب لعنتر .. تعرف الناس كلها و لا يكذب عنتر مع أنه فى الأصل ..
عنتر صاحب نفوذ و مغتصب لحق ليس بحقه ولكنه لا يكذب و يعترف بفشله أمام لبلب الفقير الذى لا يمتلك شيئا سوى فكره ..
مع ملاحظة
أن الحاج عبد الوارث عسر كان لا يمتلك أكونت على الفيس بوك أو أكونت على اليويتوب
و لم تكن هناك قناة الجزيرة لكى يتم تداول الخبر ..
و كان من الممكن أن يصفع لبلب عنتر فى غرفة نوم عنتر ولا أحد يشاهدهما
و لكن لم يقول عنتر أن لبلب كاذب و أن عنتر كان فى الساعة الفلانية سهران فى بار الخرتيت
للساعات الأولى من الصباح و أن لبلب كاذب

لم يحتاجوا إلى حكام من الخارج أو إلى منظمات دولية تراقب عملية الصفعة ..
لم يحتاجوا إلى قسم الولاء و إن قسموا لن يصدقوا ..

تخيلت لو أن قصة كهذه حدثت الأن ..
تخيلو أنتوا النهاية ..

..::..::..::..::..::..::..


أمنيات ..

أتمنى أن أملك تنظيم و إخلاص الأخوان المسلمين
و حب و دقة عمرو دياب لعمله و إصراره على النجاح
و إدارة أوباما لملفاته الداخلية
و مال و نفوذ أحمد عز
و علم و حنكة مفيد شهاب
و ميكروفونات المعارضة و برامج التوك شو
و سذاجة و براءة محبين كسذاجة و براءة محبى تامر حسنى
و حب و شوق نزار لحبيبته فى حبيبتى و المطر
و موهبة شيكابالا فى أدارة الأمور
و حماس حسام حسن و تظبيط أدارة الأهلى
و كاريزما و لسان جمال عبد الناصر و نجاح رشيد محمد رشيد

فى اعتقادى .. لو أمتلكت 4 أو 3 من هذه الصفات دى ..
حكون حاجة لسه ملهاش أسم :)

::..::..::..::..::

الحكومة تصنع ألم الناس .. و الأخوان و الأحزاب يتاجرون بألم الناس
و مفيش حد بيشتغل علشان الناس

مسلسل الجماعة .. رمضان 2010




2 التعليقات:

dr.lecter يقول...

بوست جامد التنين

انا برده باتمني نفس الامنيات بتاعتك
بس خدت بالك من الاخوان شدوا حيلهم مووت انا عمري ماحبيتهم لكن مستغرب التحالف اللي عملوه مع البرادعي واقبالهم علي جمع التوقيعات

مش عارف احدد موقفي خالص ومش عارف هل هييجي عليا يوم احط ايدي في ايدهم علشان ننزل مع بعض الشارع نواجه النظام؟

هي خلاص اللحظه قربت صدقني ال 5 شهور الجايين هيحصل فيهم حاجات مش متوقعه
محتاجين تكه خفيفه

اما الجماعه بؤيد تماما مقوله وحيد حامد

انا حرة يقول...

معلش بس سؤال رفيع..اخلاص الاخوان لمين بالظبط؟؟