الثلاثاء، 29 يوليو 2008

وزير التعليم الواطى


من جريدة البديل .. و العهدة على الراوى ..

" تأجيل الدراسة لبعد رمضــان .. يكرس عند الغرب فكرة أننا لا نعمل فى رمضـان "

طيب يا وزيرنا الهمامـ .. يا وزيرنا الجامد قوى ..

الغرب حيقول علينا أيه فى تسريب أمتحانات الثانوية ..

الغرب حيقول علينا أيه فى الأمتحانات اللى كانت غير أدمية بالمرة ..

الغرب حيقول علينا أيه على مستوى تعليمنا الهباب ...

الغرب حيقول علينا أيه لما يعرف أن الطفل المصرى أذكى طفل فى الأرض

بيفقد غبائه على باب مدرسة سعادتكـ ..

الغرب حيقول علينا أيه .. لما يعرفوا أننا سكتنلكـ كل دا ..


شخابيط ..

- من الممكن جدا تكون شخصية محترمة و لكن غير قيادية .. عادى

- مشهد سينمائى يجمع بين أحمد حلمى و نور و والدها فى فيلم ظرف طارق

يصف التصريح دا تماما .. بروعة

والد نور : أنا هنا بقى حعمل طاحونة كبيرة .. أيه رأيكـ أنت ترسمهالى ؟؟

أحمد حلمى : حمـــــــــرا ..


9 التعليقات:

Yasmine يقول...

:)))))
اهم حاجة ما تعصبش نفسك
والله انا لما قريت الخبر ده قفلت الجرنال و رحت البحر مش طالبة حرقة دم بجد

هو سؤال بيطرح نفسه..انت بتتكلم عن هانى هلال و حاطط صورة الجمل دى مقصودة؟:P

Here i'm يقول...

هوا مش الخبر يخص .. يسرى بيه الجمل و لا هلال :D ??

mony يقول...

بعد اذن حضرتك..

ايه علاقة التعليم والوزير الواطى..بظرف طارق والطاحونة الحمرا

Yasmine يقول...

هو فى المصرى اليوم كان على لسان هانى هلال بس هلال ولا جمل ..جردل ولا كنكة
كله انيل من بعضه :D
مش هتفرق كتير

Here i'm يقول...

مونى ..

ملكيش دعوة بالعلاقة :D

بعدجين حبقى أقولك مش هنا :D

Here i'm يقول...

بنت مصرية ...

على رأيك .. هلال و لا الجمل أهو كله برتقال :D

mony يقول...

انت دايما كده مش عايز تقولى حاجة..
محسسنى انه سر حربى..

انت طالع السنغال والا ايه

Here i'm يقول...

اه طالع السنغال :D

يا خراشى بموت فى دمك :D

أنتى بجد مش فاهمة و لا بتستهبلى ؟؟

لو مش فاهمة .. يبقى أنتى جيتى المكان الغلط و يبقى بتحلمى لو حفهمك :D

لو بتستهبلى .. دا من حقك كمواطنة و من حقى كامواطن أنى أقولك أطلعى بره و متجيش تانى هنا :D

mony يقول...

بحلم ليه ياحاج...:)

انت كده بتتعدى على حقوقى الفكرية..وانا مش حسمحلك اطلاقا اطلاقا يعنى