الأربعاء، 30 يوليو 2008

Excellent Cat







Excellent Cat

و فى رواية أخرى ...

ممتــــاز القـط

بجد شخصية عجيبة ... شخصية مش قادر مقفشى عندها



مش عارف هوا سؤال نفسى أسألهوله ..

لما بتقف قدامـ المراية بتحس أنكـ مرتاح ؟؟

الرد جاهز : معنديش مراية

طيب لما بتنامـ .. بتنامـ مرتاح ؟؟

الرد جاهز برضه : مبيجليش نومـ علشان خاطر مصــر




و الله لو مبــــاركـ حلو زى ما الراجل دا بيقول ..

كلامه عن مبــاركـ بيكرهنا فيه

و الله لو أنا مكان مبـــاركـ .. كنت حذفته



فى حد يقول ... فى عهدكـ بقى عندنا 010 و 011 و 012

نسى أن فى عهد سعادته جالنا أنفلونزا الطيور و جميع الأمراض



فى حد يقول .. مين غير نشكوه

لا مفيش يا ........



فى حد يقول ... من غيركـ يحمينا

خلاص مصر 7000 سنة محدش عارف يحميها غير مبــاركـ




ريادة أيه اللى بتتكلمـ فيها دى يا عمـ الكتكوت ..

ريادة قطــر .. و لا السعودية ... و لا ليبيا أفريقياً

و لا ريادة مصر اللى بيموت منها كل شويه جندى على الحدود

بسبب رصاصة أسرائيلية ....



حاجة مهمة أحب أقولها لأستاذ أكسلنت كات ..

بجد شكرا ليكـ أنكـ خايت بابا يتحول من الجريدة الفاكسة بتاعتكـ

للمصرى اليومـ ..




شخابيط ...

- عمرنا مسمعنا عن كاتب أسمه " ممتاز القط " غير لما نط بالبارشوت على الاخبار

- برافو صفوت الشريف .. طول عمرى بحب اللى يحب شغله و يعرف ينقى





6 التعليقات:

Yasmine يقول...

الصحفى اللامع ابن بارم ديله
اللى دوره يقف و يسقف للحكومة
و يكتب مقالات فى حب الريس و غرامه
و فرحان بتمديد قانون الطوارئ
قال "قط" قال امال ال.... بتبقى شكلها ايه؟
(كنت حاطة كلمة و شيلتها ...اسكت يا لسانى)

كنت كاتبة كده فى بوست قديم..
هو انا كل ما هدخل هنا هلاقى مواضيع ارد عليها:D
هيجيلى تخلف من القعدة على النت:))

Here i'm يقول...

دا خنقنى القط دا :D

بابا كان بيقولى أعمل حسابك السبت فى أخبار اليوم علشان عايز يشوف فيه حاجة

قولتله يا أنا يا أكسلنت كات يا بابا :D


اه و الله أنا ساعات بحس بتخلف :D

mUsLiM يقول...

منافق

Here i'm يقول...

بس عارف يا مصعب ..

مرة كان عمرو أديب بيسأله .. دى قناعة شخصية و لا دا علشان جريدة حكومية و كده ..

قاله أنا مكنتش فى الجريدة و دا كان نفس كلامى و برضه لو طلعت من منصبى حبقى زى ما أنا ..

بس لما طلع سمير رجب و شوفت كتاباته بعد ما طلع .. أقدر أقولكـ أنه منافق

Fatma يقول...

الله اعلم هو منافق ولا دا احساسه الحقيقي وقناعته الحقيقية

بس الاكيد انه لو مش منافق يبقة معتوه :)

اظن ان هو لو خيروه هيقر انه منافق :)

احسن من معتوه على الاقل

لا حقيقي اوفرررررررررررررر جدااااااااااااااا

مش ممكن

انا بجد لو بموت في الريس هكرهه من اللي بيكتبه ابن القطة دا

Here i'm يقول...

اه و الله على رأيك ..

أنا لو بحب مبارك .. حكره مبارك بسببه :D

بس هوا أقرب للمنافق من المعتوه :D