الأحد، 26 أكتوبر 2008

يوم مع مشارى بن راشد العفاسى .. و شكرا يا مصر



بدون مقدمات .. البوست دا مش حينفع فيه الكلامـ أساسا

بعد ما حضرنا حفل توقيع المجموعة القصصية .. بنى أدم مع وقف التنفيذ

و قابلنا محمد تهامى .. أد أيه بنى أدمـ جميل و طيب قوى

دى صور حفل التوقيع ..

بعد الحفل .. قولنا نجرب نحضر حفل تكريمـ الشيخ
مشارى بن راشد العفاسى

أحنا كنا عارفين ان الشيخ مشارى بن راشد العفاسى فى أسكندرية ..

و كان المفروض أننا حنتغدى معاه فى فندق رمادا .. بس منه لله Maga بقى

المهمـ .. طلعنا من حفل التوقيع على مسرح سيد درويش .. اللى هوا دار الأوبرا

كانت حفلة خاصة و بدعاوى .. بس على مين :D

دخلنا و بدأ حفل ختامـ الأغنية الدينية ..

كان من ضمن المكرمين .. الشيخ مشارى بن راشد العفاسى ..

مش حتكلمـ كتير بقى ..

دا فيديو الترحيب بالشيخ
مشارى العفاسى ..

و أنشودة "
شكراً يا مصر "




فيديو أنشاد الشيخ
مشارى بن راشد العفاسى ..



الحفل كان فيه ناس كتير قوى ..

اللى فكره منهمـ المنشد
صلاح الجمل .. و الفنانة صابرين .. و الأذاعى أحمد نور ..

و كانت مفاجأة الحفلة .. الطفلة
منة عرفة

و دى شويه صور ..



الشيخ
مشارى بن راشد العفاسى ..




منة عرفة ..




القاعة ..




فرقة الأنشاد اليمنى ..


صور
الولاد و البنات المتسابقين ..






دى صورة لكل المكرمين فى أخر الحفل ..


دا فيديو .. تكريمـ الشيخ
مشارى بن راشد العفاسى ..




طبعا طبعا .. حفل زى دا ..

لازمـ ولا بد يكون فى دخول للكواليس و للمسرح .. :D

مع
فرقة الأنشاد اليمنى ..




و بما أنى صاحب البلوج .. :D



طبعا للأسف يستحيل التصوير مع الشيخ مشارى بن راشد العفاسى

نظرا لكمـ الزحمة المهولة ..

بس Maga هرا الراجل بوس و أحضان .. لغاية ما قولتله حرامـ عليكـ الراجل :D

من أطرف الحاجات اللى فى الحفل ..

طلعت مندوبة قناة المحور تستلمـ جايزة القناة .. و داخلة تسلمـ على الناس اللى واقفة واحد واحد

و دخلة على مشارى بكل ثقة و بتمد أيديها بالسلامـ ..

راح بكل ثقة هوا كمان مسلمش عليها و أتحرج قوى :D

منه عرفة .. مكنتش عارفة تقرا الورقة بتاعة تقديمـ الحفل ..

يظهر أنها كانت مكتوبة بخط وحش قوى :D





11 التعليقات:

mUsLiM يقول...

جميل اوى انت يا كبارى والله

انا بحبك يا اخى مش عارف ليه :-)

وهنيئا لك ياعم , شفت الشيخ مشارى ,,

انا بحب الكويت اوى لسببين :-

أولا : الشيخ حامد العلى

وثانيا : الشيخ مشارى

وان شاء الله هازور الكويت قريب وهاقابل الشيخين ,,

وان كانت مقابلة الشيخ حامد العلى أسهل لأنه ممنوع من السفر لوضعه على قائمة الارهاب الدولى وعلى طول فى الكويت (( ابتسامه ))

انا كنت عارف ان الشيخ مشارى النهارده فى اسكندريه

لانه تم اختيارها عاصمة الثقافه الاسلاميه لهذا العام

جميله اوى اسكندريه ,,

وعلاقتى بيها ينتظرها الكثيــر ,,

وزى ما قلتلك يا محمد

لو عرفت اى حاجه عن زيارة الشيخ للقاهره ابقى بلغنى

ولك الأجر والثواب يا فاعل الخير (( ابتسامه ))

والله من وراء القصد

السلام عليكم

Here i'm يقول...

اليوم دا كان عايزك يا مصعب و الله ..

الشيخ كان جميل قوى يا مصعب .. حصل كام موقف كان عاجبنى جدا ..

كان متحضر جدا و تحسه كده طيب قوى و أبيض ..

أن شاء الله لو عرفت حاجة عن زيارة القاهرة حقولك ..

الشيخ حامد العلى على قائمة الأرهاب ... دا يا اخى من اكتر الشيوخ تفتحا .. و شعر و موقفه من الأفلام عكس شيوخ كتير .. عجايب

و انا و الله يا مصعب بحبك قوى ..

و علشان بحبك كلمتك أغيظك أمبارح أول ما خرجنا من الحفل :D ..شوفت الحب :D


أسكندرية دى طول عمرها مشرفانا .. عاصمة الثقافة الأسلامية .. تخيل الأوبرا كلها مرشقة شيوخ و بعدين دول مش شيوخ عادية .. لا دى شيوخ من اللى قلبك يحبها :D .. الشيخ هشام عبد البارى و مجموعة جامدة جدا


كان يوم ممتع الحقيقة يا مصعب

B a s o m يقول...

بعد التحيه و بعد السلام

احب اعقم ع نقطتين

الاولي : حفل توقيع تهامي .. مبروك يا تهامي يا صديقي

راجل محترم و طيب و يستاهل كل خير و مستني الكتاب الجديد ان شاء الله قريب

-----

التانيه : بالنسبه انك قابلت الشيخ مشاري بن راشد :: مش هقولك غير ناس ليها حظ .. و ناس ليها تر تر :)

الراجل ده صوت و مقرئي ما شاء الله عليه

هنيالك يا كوبري .. و بالمره لو عرفت حاجه عن زيارته للقاهره ابقي قولي انا كمان

Founoon يقول...

مانتو لو اصحاب بجد كنتوا قولتولي قبلها وكنت جيت

انا حاسة ان الحفلة كانت حلوة اوي

:(

mUsLiM يقول...

هو ايه موقف الشيخ حامد من الأفلام يا كبارى ..؟ " ابتسامه "

وبالنسبه للشيخ هشام عبد البارى فبصراحه معرفوش

انا اعرف الشيخ المقدم طبعا والشيخ أحمد السيسى والشيخ شعبان المنشاوى

الشيخ ياسر برهامى وغيرهم طبعا كتير

الاسكندرية عامره بالمشايخ ..

بس معرفش الشيخ هشام لكن هسأل عنه وهارد عليك (( ابتسامه ))

وأسأل الله أن يجعل اليوم ده فى ميزان أعمالكم يوم تلقونه

آميــن

السلام عليكم

dalia يقول...

خليك في الحفلات بس ايه اخبار حمله عمرو خالد مفيش جديد؟

Here i'm يقول...

بسوووووووووم ..

منور يا عمنا و الله ..

اللى عرفته أن مشارى حيسافر من أسكندرية يوم الاتنين على طول على الكويت ... أيموشن بيطلع لسانه ..

بيقولوا يا بسوم أن الأوليمبى خسر ماتش الزمالك علشان الفورا من 5 و هوا جاب 3 بس .. الكلام دا صح ؟؟

Here i'm يقول...

فنون ..

ما علشان أحنا صحاب مرضناش نقولك و تيجى و تسافرى و تبهدلى نفسك .. أحنا نشوفها و نقولك عليها :D


الحفلة كانت جامدة مووووت اساسا ..

كان جميل قوى الشيخ ...

Here i'm يقول...

لا لا يا مصعب .. :D

انا كان قصدى أنه كان مرحب بالسينما الهادفة ..

انا عرفت بعد كده ان الشيخ حامد على اتصال بالمجاهدين .. و يمكن علشان كده هوا على قائمة الأرهاب ..

اه اسأل عنه .. بس هوا قارىء

انت قولت الفطاحل كلها .. و كمان الشيخ وجدى غنيم .. بختلف مع انتماءه بس ابن جهتى :D

Here i'm يقول...

داليا ..

حاضر حخلينى فى الحفلات :D

الحملة شغالة فى نقطة واحدة اللى هيا جذب المتطوعين .. انا قولت حلاقى أخبار عندك بخصوص السبق و كده :D ..على فكرة تخلص فترة جذب المتطوعين و حيتصلوا بكل متطوع و يرتبوا معاه حسب شغله و أقرب مكان لسكنه

leeno يقول...

ما شاء الله

ربنا يبارك فيكم و يباركلكم