الأحد، 30 نوفمبر 2008

تعديل وزارى قريب .. المفتش كورمبو وزيرا للداخلية .. ( 1 )

أنباء متضاربة عن تعديل وزراى محدود ..
قد يطول وزير الداخلية المصرى حبيب العادلى
الأخبار المتناقلة بسرعة الصاروخ بتقول ..
أن الأداء القوى للمفتش كورمبو فى قناة الملايين ميلودى أحرج السادة المسئولين
أمامـ الأداء المتخاذل لوزير داخلية البلاد مما أدى إلى أستدعائه فى قصر الرئاسة
لأبلاغه عن عدمـ رضاء الأدارة عن ادائه فى جرائمـ بسيطة و كثرة تلفيق الجرائمـ للمختلين
و كثرة الحرائق و جرائمـ قتل ولاد الناس المحترمين .. و اخرهمـ بنت المحترمة ليلى غفران
و تقول الأنباء .. أن الحكومة المصرية تفاوض قناة ميلودى لضمـ لاعبها الأساسى المفتش كورمبو
و أن هناكـ تعثر فى المفاوضات بسبب مغالاة الجانب الميلودى فى طلباته المالية
حيث طلب الجانب الميلودى مبلغ 200 ألف سيخ حديد و فيلتين فى مدينتى
و أثار هذا سخط المفتش كورمبو الذى صرح لبلوجنا المتواضع انه يرفض مغالاة قناته المالية
لأنه يثق فى تقدير الحكومة المصرية له و ان كل ما طلبه هوا 10 صكوك فى قناة السويس
فى جانب أخر يتابع حبيب العادلى الموقف من بعد .. فى انتظار القرار فى غضون الساعات القادمة
و إن كانت الاوساط السياسية تتحدث عن مفاجاة مدوية سوف يطلقها حبيب العادلى من الممكن ان ترفع أسهمه
و علمـ بلوجنا المتواضع ان من سيشهد على العقود .. همـ السادة ..
صفوت بيه الشريف .. وزير الأعلامـ الذى انطلق فى عهده نايل سات و انطلقت ميلودى فى عهده
و علمنا ان الجانب الميلودى طالب بأدراج أسم سيادته نظرا لكمت الحب الذى تكنه قناة ميلودى لصفوت بيه
و طالب الجانب الحكومى بأدراج أسمه عزو بيه لأنه سوف يمول الصفقة و انه هوا من أقترح الأستعانة بخبرات كورمبو
هذا و لمـ ترد أخبار حتى الأن حول توقيع العقود بين الطرفين ..
أنتظروا مفاجأة العادلى ..

16 التعليقات:

محمد حمدي يقول...

موضوع مسخره فعلا .. والله انا لما فكرت لقيت فعلا كورمبو يصلح وزيرا للداخليه

تحياتى

mUsLiM يقول...

أدفع عشرين جنية من جيبى صدقة لو اتشال العادلى :)

ههههههههه

بس المشكله ان حبيب العادلى مبقاش حبيب العادلى بقى حبيب مبارك

وبعيد عنك الحبيب ميقدرش يبعد عن حبيبه

ربنا يفرق بينهم .. آميـــن

مش مصدق بصراحه ان ممكن العادلى يتشال

وعلى العموم بكره الخبر هايبقى ببلاش

ربنا يستر ان شاء الله

السلام عليكم

Yasmine يقول...

فكرنى اشيل لينك البلوج بتاعك من عندى..انت هتودينا فى داهية كلنا :D
اتنين ما ينفعش تتجاب سيريتهم كورمبو و الراس الكبيرة..
و يمكن كورمبو اكتر..
بالذمة ينفع تصحى يوم و تقرا الجرايد من غير كام خبر عن كلاب كورمبو اللى عندهم ساديزم و هوس و محتاجين قسم كامل فى العباسية..ده انا اعيا والله:D
خلى بالك بقى عشان حبيب لو شاف بلوجك المتواضع مش هيرد زى اللى قبله..هو هيرد اه بس مش بالكلام..و هناك ما عندهمش ميلودى :D
و انا عن نفسي ردى جاهز..ماعرفوش يا بيه:D

Here i'm يقول...

محمد بيه حمدى ..

كفاية ان كورمبو بياخد راى الجمهور :D

Here i'm يقول...

مصعب ..

دى مش أشاعة ولا حاجة بدل ما يتهمونى انى بروج أشاعات هدفها هز أستقرار الأحبة .. و كل الأحبة اتنين اتنين

و بعدين انتوا كلكوا كده يا شيوخ .. بتصعبوا الصدقة علشان بتحبوا الفلوس :D

حبيب قاعد مش ماشى .. احنا اللى حنمشى مش حبيب :D

Here i'm يقول...

نشكر صاحب مدونة انا حرة على اهدائها كافة المعلومات و التفاصيل حول مفاوضات الحكومة و كرومبو .. و انا حبيبت أشيد بأدائها هنا علشان كل الناس تعرف مدى كفائتها الصحفية و الخبرية :D

يا نعيش عيشة فل .. يا نموت احنا الكل :D

Fatma يقول...

نشكر صاحب مدونة انا حرة على اهدائها كافة المعلومات و التفاصيل حول مفاوضات الحكومة و كرومبو .. و انا حبيبت أشيد بأدائها هنا علشان كل الناس تعرف مدى كفائتها الصحفية و الخبرية :D

يا نعيش عيشة فل .. يا نموت احنا الكل :D
++++++++++++++

هههههههههههههههههههههههه

اه يا قلبي هموت من الضحك

يخرب عقلك يا كوبري

انا عايزة اسماعيل الشاعر :)

Here i'm يقول...

أستنى أروح أبلغ عنها :D

بس لو عندك واسطة يا فنون ياريت علشان البلاغ يتسرع شويه و خير البر عاجلا :D

Unknown يقول...

انا شايف ان " حمبوزو لاوى بوزو " هو الأصلح لهذا المنصب.. خاصة انه " لاوى بوزو "
تحياتى

Here i'm يقول...

جدع حتى النهاية ..

ما حمبوزو أسمه مطروح بس الاول لما يجاوبوا على الحقلة بتاعته و يطلعوه براءة :D

Yasmine يقول...

يا نهاركم اسود انتوا الاتنين :@
كوبرى انا عارفة ايه اللى بيزعلهم..هقولهم انك بتروح الجامع..يعنى متطرف..و ارهابى و بتخطط لقلب نظام الحكم :D

قال نموت احنا الكل قال..انا فخورة بالحزب الوطنى طول عمرى على فكرة :D
وعارفاكم يا معارضين ياللى عايزين ترجعوا البلد لورا على رأى الزميل القائد المبجل المحترم الموقر جيمى بيه:D

صبري سراج يقول...

يخرب عقلك يا مجرم

ارمي السيجا والأتاري.. مفيش أمتع من قباري

shabfa2re يقول...

هتودينا فى داهية

Here i'm يقول...

أنا حرة ..

يعنى ايه الجامع ؟ :D

و بعدين أنا معايا عضوية الحزن الوطنى :D

Here i'm يقول...

صبورتى ..

يا راجل :D

ربنا يخليك يارب ... و كل سنة و انت طيب

Here i'm يقول...

شاب فقرى ..


انت يابنى مبتظهرش غير فى الاعياد بس ..

أسبقك أنا بقى و أقولك كل سنة و أنت طيب :D