من ساعة ما قررت أشقلب العلمـ أحتجاجا على منع مشروع إنسان من الظهور
و أنا قولت مش حتكلمـ عن المشروع غير لما ينجح أو حتى يبدأ فى الدول العربية
علشان لما أتكلمـ أحط بوستى فى عين أجعس طخين فيكى يا مصر ..
علشان لما أتكلمـ بحرقة و أقول ليه دايما علمائنا و مفكرينا و أصحاب المشاريع التنموية
دايما ملهمش مكان عندنا و أحنا فى أمس الحاجة لهمـ .. محدش يقولى يا عمـ فكك منى
علشان لما أشوف الصور اللى ححطها بعد كامـ سطر .. و أضرب 100 كف على كف
محدش يقولى .. بطل دوشة عايزيين ننامـ ..
الصور دى أهداء لجمال مباركـ
ومش حهديها لرئيس الوزراء .. لأنى عارف أن الموضوع مش بأيده
ولا حهديها لحبيب قلبى حبيب العادلى ..
علشان كل دى سخافات هدفها هز أستقرار الوطن
أسيبكمـ مع صور نجاح مشروعى مصرى بفكر مصرى بس كالعادة مش فى بلد مصرى
أول صورتين .. لقائمة NewsWeek لأكثر 50 شخصية مؤثرة فى العالمـ عام 2008
حتلاقوا عمروخالد محطوط فى القايمة مع أهم شخصيات فى العالم
حتلاقوا أوباما و أصدقاء أوباما و رئيسة مجلس الشيوخ الأمريكى
ليه منستفدش براجل زى ده .. ليه العالمـ كله بيكرمه و أحنا بنهينه و نزود الحصار عليه
الأردن ..
السودان ..
اليمن ..
الجزائر ..
الزيارة لمـ تنتهى حتى الأن .. و تتحدث الأوساط السياسية فى الجزائر
عن دعوة عمرو خالد من الحزب الحاكمـ لمواجهة جماعات التطرف الجزائرية
.. .. .. .. .. ..
وزراء الداخلية و الشباب و الرياضة العرب يستعينون بعمرو خالد .. ألا مصــر
لو جمال مباركـ فكر شويه .. بدل من الأعتقالات فى الأخوان .. و كل دا بيزدهمـ أنتشارا و تسويقا
يستعين بالفكر المضاد .. الفكر يقابله الفكر .. مش الأعتقال و التنكيل
لو راجل زى عمرو خالد أخد فرصته بدعمـ حكومى .. و الله لا حيبقى فى جماعات متطرفة ولا حتى أخوان
عمرو خالد صرح من الجزائر .. أنه ليس ساذج أن ينضم لجماعة أسلامية أو سياسية
و أنه رفض التوقيع على دعوة شيوخ إلى الجهاد فى غزة .. حتى لا تؤخذ مأخذ خطأ ..
عمرو خالد رجل صاحب مشروع تنموى .. لماذا نهوى هدمـ المشاريع التنموية ؟؟
عمرو خالد أكبر من منصب وزير أو رئيس .. أمثاله يعلمون أن المناصب نهاية الرجل
متى سنرى تعاون مصرى ع عمرو خالد على غرار التعاون بين عمرو خالد و الدول العربية ؟؟
دا السؤال اللى يجاوب عليه جمال مباركـ فقط
.. .. .. ..
و أنا قولت مش حتكلمـ عن المشروع غير لما ينجح أو حتى يبدأ فى الدول العربية
علشان لما أتكلمـ أحط بوستى فى عين أجعس طخين فيكى يا مصر ..
علشان لما أتكلمـ بحرقة و أقول ليه دايما علمائنا و مفكرينا و أصحاب المشاريع التنموية
دايما ملهمش مكان عندنا و أحنا فى أمس الحاجة لهمـ .. محدش يقولى يا عمـ فكك منى
علشان لما أشوف الصور اللى ححطها بعد كامـ سطر .. و أضرب 100 كف على كف
محدش يقولى .. بطل دوشة عايزيين ننامـ ..
الصور دى أهداء لجمال مباركـ
ومش حهديها لرئيس الوزراء .. لأنى عارف أن الموضوع مش بأيده
ولا حهديها لحبيب قلبى حبيب العادلى ..
علشان كل دى سخافات هدفها هز أستقرار الوطن
أسيبكمـ مع صور نجاح مشروعى مصرى بفكر مصرى بس كالعادة مش فى بلد مصرى
أول صورتين .. لقائمة NewsWeek لأكثر 50 شخصية مؤثرة فى العالمـ عام 2008
حتلاقوا عمروخالد محطوط فى القايمة مع أهم شخصيات فى العالم
حتلاقوا أوباما و أصدقاء أوباما و رئيسة مجلس الشيوخ الأمريكى
ليه منستفدش براجل زى ده .. ليه العالمـ كله بيكرمه و أحنا بنهينه و نزود الحصار عليه
الأردن ..
السودان ..
اليمن ..
الجزائر ..
الزيارة لمـ تنتهى حتى الأن .. و تتحدث الأوساط السياسية فى الجزائر
عن دعوة عمرو خالد من الحزب الحاكمـ لمواجهة جماعات التطرف الجزائرية
.. .. .. .. .. ..
وزراء الداخلية و الشباب و الرياضة العرب يستعينون بعمرو خالد .. ألا مصــر
لو جمال مباركـ فكر شويه .. بدل من الأعتقالات فى الأخوان .. و كل دا بيزدهمـ أنتشارا و تسويقا
يستعين بالفكر المضاد .. الفكر يقابله الفكر .. مش الأعتقال و التنكيل
لو راجل زى عمرو خالد أخد فرصته بدعمـ حكومى .. و الله لا حيبقى فى جماعات متطرفة ولا حتى أخوان
عمرو خالد صرح من الجزائر .. أنه ليس ساذج أن ينضم لجماعة أسلامية أو سياسية
و أنه رفض التوقيع على دعوة شيوخ إلى الجهاد فى غزة .. حتى لا تؤخذ مأخذ خطأ ..
عمرو خالد رجل صاحب مشروع تنموى .. لماذا نهوى هدمـ المشاريع التنموية ؟؟
عمرو خالد أكبر من منصب وزير أو رئيس .. أمثاله يعلمون أن المناصب نهاية الرجل
متى سنرى تعاون مصرى ع عمرو خالد على غرار التعاون بين عمرو خالد و الدول العربية ؟؟
دا السؤال اللى يجاوب عليه جمال مباركـ فقط
.. .. .. ..
23 التعليقات:
انت عامل موضوع تحرق دمنا بيه
روح يا شيخ الله يسامحك
عمرو خالد قبل ما يتهاجم من الحكومةاتهاجم من السلفيين !
شوفت كدا !!!
مصري والحكومةالمصرية واقفة ضده
مسلم والمسلمين بيهاجموه
البلد دي مافيهاش امل على فكرة
يا خرااااشى انت لسه ما زهقتش!!
ده انا ذات نفسي زهقت و هطق
متوقع ايه من نظام بيفصل قوانينه على مقاس حديد عز؟!!شفت الكارثة بتاعت انهاردة
كنت مستنية تعليق من عمرو اديب على غرار و دبدب النائب عزو بيه برجله الاتنين على الارض قائلا لا ماليش دعوة قانون المصروفات القضائية هيتغير يعنى هيتغير يا اما والله هقول لامى
بلدنا بقت عاملة زى اللى بيغرق و كل ما ييجى يشم نفسه على ايدين ناس قلبها عليه بجد يرجعوا يزقوه تانى عشان كراسيهم اهم عندهم بمراحل من اى اعتبارات تانية
يا محمد الحكومة مش مشكلتها الاخوان..مشكلتهم اى حد ينجح فى انه يكون لنفسه شرعية بين الناس
مش منطق ان النظام يعلى ناس هو عارف كويس انهم باقل المجهودات هيلموا حواليهم الناس..ان ما كانش حبا فيهم هيبقى قرفا و كرها فى الحكومة
و مش بتكلم عن عمرو خالد تحديدا
يا شماتة ابلة ظاظا فيا..بس هو كان عنده حق فى النقطة دى..اللى عايز يوصل لحاجة يسافر اكرمله و لما ينجح بره يبقى ييجى تانى..ده لو افتكر..و اكبر دليل على كده مصطفى السعيد..
لكن تقولى تغيير و ناس جديدة و افكار ايجابية و ضمير و ذمة و نجاح هنا..jamais يعنى never
انا جبت اخرى من هنا و من اللى ماسكين هنا
اخيرا نزلت البوست
انت عارف بجد النظام المصري محسسني ان عمرو خالد خطر اشعاعي ولا خطر امن قومي او اوعي حد يقرب له ده كخه
انا بجد لما شفت الصور علي قد ماتبسطت علي قد ماتفقعت اييه ده
يعني مش احنا اولي بعمرو خالد برده؟
ده جزاء الراجل اللي عاوز يعمل خيير؟
لييه كده بس ياعالم؟
بص يامحمد زي مفله قالت لك ماحدش هيحقق نفسه هنا في مصر
ابقي قابلني معلش هي كلمه قاسيه لكن عمرو خالد وصل للي هو فيه لما الغرب تقبل افكاره واتعامل مع ناس نظيفه هناك سواء مسلمين او غيرهم
هنا بقي ياقلبي لا تحزن
ماحدش بعد كده ييجي يتهمنا لييه بنفشل في بلدنا وليه بنكت منها
خلص يابني دراستك وتعالي نكت من البلد
قالولي بتحب مصر فقلت مش عارف
المعنى كعبة وانا بوفد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف
قالولي بتحب مصر فقلت مش عارف
لا جيتها سايح ولا ني أعمى مش شايف
وباب زويلة بيحوى من الكلاب أصناف
وباب زويلة عليه يتعلقوا الأشراف
وناس عبيد ناس وناس لؤلؤ بلا أصداف
بيوت قصايد وخانقاها بيوت الخلق
يا مصر ابنك في بطنك بس خانقاة خنق
وكل شاعر يطبطب له ويقول قرب
وراح صلاح وفؤاد والتونسي متغرب
لحد ما الحمل أصبح شغلة البطال
وكل شاعر عويل تلقيه في حملك قال
يا مصر بطنك بتكذب والا حملك حق
أحنا تعبنا ومافيش أشعار عشان نكتب
إبنك يا يجي يا تبقى الدنيا عايزة الحرق
قالولي بتحب مصر فقلت مش عارف
جزء من قصيدة لتميم البرغوثي جت فبالي لما قريت موضوعك
تميم فلسطيني زي حالاتي بس نصه مصري اتولد و اتربى فمصر
قصيدته فيها اختصار لردي لاني مش حعرف اعبر احسن منه
فنوووووووووون ..
يعنى هوا أنا دمى يتحرق لوحدى .. ما أنتم أشقاء الكفاح و النضال .. نحرق دمنا سوى مع بعتينا
عمرو خالد .. أنا واحد من الناس كنت بنتقده .. بس مكنتش بهاجمه .. الهجوم جاى من كل حتة .. و الأسباب معروفة أكيد
انتى مش حرة .. :D
و الله انا كمان بدأت أزهق .. بس عارفة كل ما أقول خلاص .. ألاقينى رجعت تانى و انيل من الأول
تصدقى أن فكرة النجاح برا دى بقت من الحاجات البديهية زى الشمس تشرق من المشرق .. لازم تنجح برا الأول ..
ربنا يستر على مصر من عزو بيه و أمثاله اللى مودينها ورا و بيقولوا أنهم بيحبوها برضه .. معضلة
لاكتر ..
و الله يا دوك شكلها كده دا اللى حيحصل .. الشهادة مع شويه أجراءات و الحصول على الهجرة المتينة ..
بس برضه حاجة وسخة لما تحس أنك بتمشى بالعافية من بلدك و أنك غير مرغوب فيك
ربنا يتولانا
لين ..
على فكرة مصر ولادها كتير قوى .. مصر مش 80 مليون عايشين على أرضيها .. مصر ليها ناس كتير قوى بتحبها و تتمنى تعيش فيها ..
القصيدة دى جامدة جدا .. عجبتنى قوى .. عارفة دايما بستغرب .. ليه بيحصل كده فى اهلها و اللى بيحبوها .. يمكن علشان أهلها بيحبوها ؟؟ ولا علشان هما بيحبوها كلام و بس ؟؟
حلوة قوى القصيدة يا لين
وليه اساسا حد ينتقده ؟!
والله الراجل نجح نجاح رهيب في الاصلاح الاجتماعي
اما بالنسبة للدعوة حتى لو انا وانت وناس كتير شايفينه ضعيف ولا يصلح في مجال الدعوة فمش هنقدر ننكر انه ربنا جعله سبب انه يحط ناس كتير على اول الطريق الصح مش كدا ولا ايه ؟
اللي شايفله اخطاء يصلحها بهدوء او يناقشه فيها او يرد عليها بدون لا نقد ولا اهانةولا تجريح ولا شتيمة
كل شيخ تعدى على عمرو خالد نزل من نظري جدا لاني ببساطة لاقيت نفسي بسأل وانت اساسا عملت ايه وافدت الناس بإيه ؟ دي غيرة ولا ايه ؟!
خير الناس انفعهم للناس
واللي ما يطلش العنب يقول عليه حامض
عارفة ..
كل الناس عايزيين ياخدوا الـ package كاملة .. و مفيش حد كامل ..
منين عايزيين عمرو خالد كامل .. و اللى بيطالبه بالكامل مش كامل ..
عمرو خالد محدش ينكر شغله و لا فضله على شباب كتير .. اللى بينتقد عمرو خالد مش واخدين بالهم أن عمرو خالد المرحلة الأولى و التانية .. و بعدين هما المرحلة التالتة .. يعنى لو عمرو خالد مش موجود .. كان زمان مفيش لا أولى و لا تانية من الشباب و بالتالى مفيش تالتة ولا رابعة ..
طبعا الفضل يرجع لله سبحانه و تعالى .. بس الراجل كان أداه لا تغفل
صدقت في اللي قلته عن مصر في كتير مصرييين غير حاملين لجوازالسفر المصري او الجنسية المصرية لكنهم من داخلهم مصريين اصيلين
بتحب ابعتلك نص القصيدة بالكامل؟
لين ..
أه طبعا أكيد ..
هاتى النص كامل طبعا ..
لو عجبنى جدا .. حعمله بوست
دا بعد أذن سموك يعنى :D
اول حاجة القصيدة اتكتبت لما تميم اترحل من مصر بعد ما شارك في لالمظاهرات اللي قامت في مصر بعد العدوان الامريكي لى العراق
و كتبها في عمان الاردن لان مصر هي كانت الوطن اللي عايش فيه و اترحل منه !!
اتفضل
تميم البرغوثي
قالولي بتحب مصر فقلت مش عارف
قالولي بتحب مصر فقلت مش عارف
المعنى كعبة وانا بوفد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف
ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
بيلبسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقية التماثيل
ولا ام كلثوم في خمسانها ولا المنديل
الصبح في التاكسي صوتها مبوظه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل
قالولي بتحب مصر فقلت مش عارف
لكني عارف بإني إبن رضوى عاشور
أمي اللتي حملها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمي الغزالة وتطعم العصفور
وتزنب الدهر لو يغلط بنظرة عين
وبنظرة أو طبطبة ترضى عليه فيدور
وأمي حافظة شوارع مصر بالسنتي
تقول لمصر يا حاجة ترد يابنتي
تقولها احكي لي فتقول ابدأي إنتي
وأمي حافظة السِيَر أصل السِيَر كارها
تكتب بحبر الليالي تقوم تنوَّرها
وتقول يا حاجة إذا ما فْرِحتي وحزِنتي
وفين ما كنتي أسجل ما أرى للناس
تفضل رسايل غرام للي يقدَّرها
أمي وأبويا التقوا والحرّ للحُرَّة
شاعر من الضفة برغوثي وإسمه مريد
قالولها ده أجنبي، ما يجوزش بالمرَّة
قالت لهم ياالعبيد اللي ملوكها عبيد
من إمتى كانت رام الله من بلاد برَّة
يا ناس يا أهل البلد شارياه وشاريني
من يعترض ع المحبة لما ربي يريد
كان الجواب إن واحد سافر اسرائيل
وانا أبويا قالوله يللا ع الترحيل
دلوقت جه دوري لاجل بلادي تنفيني
وتشيب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني
قالولي بتحب مصر فقلت مش عارف
بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها زلزال
بحب لمعي وعب هادي ومحب جمال
أروح لهم عربية خابطة في تروللي
كإنها ورقِة مِسوِدَّة مرميَّة
جُوَّاها متشخبطة ومتكرمشة هِيَّة
أو شلِّةِ الصوف، أو عقدة حِسابِيَّة
سبعين مهندس ولا يقدر على حَلِّي
فيجيبوا كل مَفَكَّاتهم وصواميلهم
ويجربو كل ألاعيبهم وتحاييلهم
حتى ساعات يغلطوا ويجربوا فِيَّا
بس الأكيد أنهم بيحاولوا في مشاكلي
وإنها دايماً اهون من مشاكلهم
أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بَلَكُونِتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط، بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد
قالولي بتحب مصر فقلت مش عارف
لا جيتها سايح ولا ني أعمى مش شايف
ريحة البخور في الغورية وألف حبل غسيل
وأيقونات تبكي لما تسمع التراتيل
كإن فيه حد يسقي كل لون فيها
تطرح سماحة على مر السنين وجمال
بيت السحيمي صدى للشاعر للقوال
خناقة فيها الزناتي يواجه ابن هلال
وان حلوة مرت وبانو شعرتين م الشال
الجوز يكونوا حجج للوصف في عنيها
ريحة البخور في الغورية ومية في الشارع
محل بيبع عصير بانيه المؤيد شيخ
صاحب محل وصبيه يهرو بعض صريخ
وفرقة بتقول موشح يا سقاة الراح
مدنة عليها المؤدن بالعنا طالع
لكن أدانه يعدي من السما مرتاح
والمدنة في مسجد الحاكم بأمر الله
كإنها من زمانه واقفة تستناه
سيرته غريبة الراجل ده يفهموها قليل
حاكم وقالها بصراحة: أظن إني إله
جاب جوهر الحكم يا خواننا وفهم معناه
وكل حاكم بيقولها في سره لما ينام
يقولها لمراته وابنه وحتى أمنه الخاص
لكني أشهد بأنه أشجع الحكام
ذاعها على الناس صراحة والأئمة معاه
يا أهل مصر أنا من اليوم إله وإمام
شجاع ومؤمن بنفسه بس مسه الخوف
شافوه وإيده بترعش والعرق بيسيل
بصو بمحبة وقالوله طب يا عم خلاص
وأيِّدوه قصة تانية ف دفتر القصاص
ما كل حاكم كده بس العتب ع الشوف
وباب زويلة بيحوى من الكلاب أصناف
وباب زويلة عليه يتعلقوا الأشراف
وناس عبيد ناس وناس لؤلؤ بلا أصداف
بيوت قصايد وخانقاها بيوت الخلق
يا مصر ابنك في بطنك بس خانقاة خنق
وكل شاعر يطبطب له ويقول قرب
وراح صلاح وفؤاد والتونسي متغرب
لحد ما الحمل أصبح شغلة البطال
وكل شاعر عويل تلقيه في حملك قال
يا مصر بطنك بتكذب والا حملك حق
أحنا تعبنا ومافيش أشعار عشان نكتب
إبنك يا يجي يا تبقى الدنيا عايزة الحرق
قالولي بتحب مصر فقلت مش عارف
قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور
عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وستها شعرها أصفر وكله بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نَبُّوت
تحكم وقطر الندى تسمع لها وتئن
أصل البعيدة وَلِيِّة أمرها، عجبي
على الهوا بحجة الكسوة يقيموا له سور
أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك، عدوك، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازاي متى سألوكي "هل قَبِلتِ بِهِ"
سِكِتِّ ومشيتِ يا مولاتي في الزفة
لبنان وغزة وعراق فيها العدو تشفَّى
حطوا جثثنا يا حاجة تحت سجادك
ووقفت تستنى خيط الدم يبقى بحور
قالولي بتحب مصر فقلت مش عارف
لا جيتها سايح ولاني أعمي مش شايف
شفت ام هاشم بترمي حجارة في الأزهر
وشفت اخوها الحسين وابنه على الأكبر
والقاسم بن الحسن نوارة العسكر
له أربعة وعشرة في السن مش أكتر
وشفت مولانا عباس ابن سيدنا علي
ماشي وجايب معاه القربة والراية
شاف اخته وولاد اخوه في الحرب عطشانين
والصهد خلى المطر جوة الغمامه غلي
حارب لحد الفرات وحده وملا القربة
قام العدى قطعوا كفوفه شمال ويمين
ومات في شط الفرات بين أهله وف غربة
من طيب ترابهم شواشي النخل تتعطر
وكل أهل العراق من ده التراب نابتين
يسقو العطاشى لكين بين اهلهم غربا
لوحدهم في الملمة وأهلهم ملايين
يا مراجع التواريخ يا مدرس الثنوي
المجزرة ف كربلا كت ليلة والا سنين
قوللي وإمتى وفاة آخر أمير أموي
وكل بيت في العراق من يومها بيت نبوي
وكل أهل العراق صاروا حسن وحسين
إتوضوا يا زايرين أصل العراق مصحف
مصحف وكل بني آدم هناك آية
أتوضو داللي على القرآن ما يتعرف
كافر لأن الصلاة لازم لها قراية
أتوض يا زايرين واتباركو بالأعتاب
ده كل حتة حجر من خلفها حكاية
دول اللي خلو اللغة فوق الحيطان لبلاب
منقوشة فوق الجوامع كل مبنى كتاب
شاعر رسم إسم محبوبته على المحراب
وشيخ في مدرسته ونجوم السما طلاب
أتوضو يا زايرين ده الخير في عتباته
ده راعي يرعى القصايد تحت نخلاته
ده المبتدأ والخبر متربيين عنده
بعد السفر في الكتب ييجوا هنا يباتو
يا مهر لا في جمال قده ولا ف عنده
في الحسن والحزن دايماً بالغ الغاية
والدهر طول عمره عاجز يعلى صهواته
وزينب الحرة حاضنه المهر بعباية
وشفتها جاية ترمي حجارة في الأزهر
وشفت اخوها الحسين وابنه علي الأكبر
وشوش في وسط المظاهرة أو صور بتفوت
يا إما همه يا إما ناس شبههم موت
والله والله كانو بيهتفوا معايا
إما ضحايا قنابل أو ضحايا سكوت
ومصر "واإسلاماه" محصورة في السينما
وكل "واإسلاماه" ما فيهاشي غير مظهر
الفرجة بالعدسات والعسكر الشنبر
حكام معاهم في كار الكلبشة علما
وعسكري الأمن تحت الدرع متبعتر
حيران وخايف وجاي من البلد أخضر
محبوس مابين السما والأرض والظابط
عاطيينه درع وعصاية ولبس مش ظابط
والخوذة مايلة وعلى راسه المقاس واسع
حاطينة في العلبة والظابط عليه رابط
عايزينة عفريت يخض الخلق في الشارع
وزي كل عفاريت العلب همه
لو يوم يفط يلاقي الناس ولا اهتموا
وفضلوا ماشيين لقدام هوه ها يروح فين
لا هوه كان لبسو عادي يتوه مع الماشيين
ولا هو ضابط مربرب شركسي وأشقر
أبص في عنيه الاقي ميت ولد تايهين
أحس لو بص لي إني لقيت صاحب
ويهرَّب البسمة تحت الخوذة ويحاسب
ضابط يشوفه يخلي له النهار أغبر
ويقول له إضرب فيضرب قبل ما يفكر
لأنه عارف إذا فكر، ها يتديَّر
شفت ام هاشم بترمي حجارة في الأزهر
مش أجنبية ام هاشم والا انا غلطان
متروحوا برضه نقولو لها تمشي هيه كمان
دي كانت اكبر محرض ضد الامريكان
الناس تشوفها يفارق عقلها الميزان
وشوهدت ويا غيرها بتشتم السلطان
وتسب كل جبان ويَّا العدى يحالف
مش أجنبية ام هاشم والا انا غلطان
وقام ولد مصري يضربها بعصا خرزان
فقام ولد مصري يغسل وشها النازف
قالو لي بتحب مصر فقلت مش عارف
لا جيتها سايح ولاني أعمى مش شايف
ميدان في وسط البلد واسمه ميدان تحرير
كاتب يحرر سجلات البلد تحرير
من يوم ما كان اسمه ميدان الاسماعيلية
لحد غزو العراق في عهد بوش وبلير
كان هو والأوبرا أوقاف أوروبية
ملك فرنسا الفقيه كان ناظر الأوقاف
ساعات وساعات خواجات انجليزية
جايين كما الجن لما عدمت الحاوي
منهم غني وفقير من كل جنسية
لكن في حكم الحصانة الكل متساوي
خمار ومن خدامينه الوالي والسلطان
ويمر بين البرانيط التاريخ غلبان
ولية ما لها ولي بطرحة وجلابية
شغلتها غسالة من قبل الزمان بزمان
من قعدة الطشت دايماً تمشي محنية
طالب يساعدها تقطع زحمة الميدان
وعسكري يهب فيها انجرَّي يا ولية
تغسل قميص الولد بالعطر والمية
ولكل من هب فيها تغسل الأكفان
ميدان في وسط البلد إسمه ميدان تحرير
كاتب يحرر سجلات البلد تحرير
المتحف المصري مبني بموضة نمساوي
كالبوكس فيه الفراعنة محشرين تحشير
ومكلبشين فيه سنفرو مع نفرتيتي
وزوسر المفتري وباني الهرم خوفو
يحرك الشمس ويوقفها بظروفه
لو يبنوا مرة هرم ويكون ما هوش عاجبه
يقوللهم مش قوي، إبنوا هرم جنبه
وأخناتون الرومانسي الحالم الغاوي
نقش المعابد ما يعجبشي يقوم قالبه
وكل نقاش بياكله ع الجمال قلبه
واللي جه بعده مسح كل اللي كان كاتبه
واللي شباشبه دهب واللي مماسحه حرير
وللي تشوف غرفته، تطلع يا عم سرير
واللي شعوب المشارق كت تيجيه طوابير
واللي يقول أصل نور الشمس من زيتي
واللي يقول القمر كان تحفة في بيتي
أستغفر الله إلهي صاحب التدبير
يا ملوك كإنك ولا رحتي ولا جيتي
يا عيني يقفل عليكم كل ليلة غفير
يا رب باقي الفراعنة يفهموا التحذير
ميدان في وسط البلد إسمه ميدان تحرير
كاتب يحرر سجلات البلد تحرير
فيه المجمع كإنه وهو مبني هدد
شتيمة مبنية في وسط البلد يا بلد
لكنه باب رزق برضه موظفينه كتير
لو طاح في وسط الميدان ياكل في أهله أسد
وكل زاوية اتملت ما بين صريخ وزئير
ما لهمش دعوة بحاجة بس كتر عدد
طرش إرادي بيمنع شر كل أمير
وهيلتون النيل تخشه بتذكرة وتأشير
والهيلتون التاني لونه يكئب العصافير
طويل وكبة كإنه في المباني جعير
والجامعة العربية زي جرن شعير
علمها وحداني بين الإعلانات وأسير
إعلان عن الهم لما كتمه يبقى عسير
من يشتري همنا يا شيالين وبكام
ده هم غالي وشرف عالي قوي ومقام
ده كل شاشة يلفوها على المجروح
وكل ساعة قلق عالولد لما يروح
حتى الهزيمة ياناس فيها جلالة روح
يغلا علينا تاريخنا حتى لو مدبوح
ده همنا غالي لكن رخصوه الحكام
مين يشتري همنا يا شيالين وبكام
ميدان في وسط البلد واسمه ميدان تحرير
كاتب يحرر سجلات البلد تحرير
في كل أزمة يجيب الأمن ألف طابور
وبالعساكر وبالبوكسات يقيموا سور
طب ليه ما طول عمره من غير أمن متحاصر
كل المباني دي بوكسات والأسامي زور
لكن، ورغم الحصار الماضي والحاضر
دايماً ها يفضل أمل دنقل هنا حاضر
يوم الخميس يوم بداية القصف في بغداد
فارت قدورنا بما فيها ولهبها زاد
الموت عروسة وخطابها عليها حراص
يا عسكر اضرب ويتسحسن بقى برصاص
زهقنا نبقي صفايح والزمن حداد
ما عدش فيه عذر يفضل حد عايش عاد
وان عيشنا وان متنا تبقى من الله فضلة خير
وصلوا من الجامعة للميدان بضرب وطحن
طلاب فراودة سقت مر الكاسات للأمن
ومرة من نفسه أصبح في الميدان تحرير
الشَّعر الابيض مشاعل نورها في الليل قاد
والشَّعر لاسود بيتعلم شغب أهله
وكل من كانو قبله في المشاغبة شداد
وكل شيخ قال شريط الذكريات كله
إللي حكى عن جنازة ربها ناصر
دول ستة مليون بيبكوا عالجمال الحر
ويقول بقت كل عطفة فمصر من بني مر
واللي حكى عن شيوعيين سنة سبعين
والاعتصام ليومين والأعتقال في الفجر
بيرموا م البوكس أوراق فيها إصحي يامصر
واللي على كل هم المسلمين أمنا
في كل ضربة عصاية يكسبوا حسنة
وفي الشجاعة النفر منهم بقى بملايين
أما أنا فأنا مش في السياسة متين
أطلع أنا والا أنزل خلقتي شاعر
لو قلت لي عيد قصصهم هابقى مش فاكر
تروح معارضة وحكومة وكل دول يمشوا
يكونوا ناس واعية أو ناس هبلة وانغشوا
تهشهم هجمة العسكر فينهشوا
أو يبعتوا للعساكر أكل يتعشوا
أو يقلبوها حروب وتسيل دماها بحور
مش ها بقى فاكر لكن فاكر في أخر اليوم
الضرب خلا الميدان دوامة بينا تدور
والناس بتجري ووراها العسكري بالشوم
بصيت أنا من وراكتفي وانا مذعور
لقيت في وسط الميدان لسه أمل واقف
قالولي بتحب مصر فقلت مش عارف
لاجيتها سايح ولا ني أعمى مش شايف
بلد علمها انمزع والرفا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز
سؤال نعيش أو نموت، فيه لا يجوز ويجوز
لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حَرَّفِ الآية، ها يبقى يتوب
بس المصيبة إذا الآية اخترعها الشيخ
والناس شكاير صريخ رابطين عليها سكوت
آهات سكوتة كإن الأرض مسشتفى
مطرودة منها الدكاترة ف سجن أو منفى
والنا س بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت
يا مصر بعض التسامح ده خطيئة بأجر
إفتكري "لا تحسبن" مكتوبة فوق كام قبر
والتار يبات، يصحى تاني لو يشيب الدهر
والتار حصان غير لصاحبه ما يِلَيِّن ضهر
والتار ده تار العرب وعشان كده تار مصر
يا مصر كومة حروف، إِبَرِ المعاني فين
إِبَر بتجرح إيدينا قبل ما بتبان
نِسْرِك في بال السما بيقول حدودها منين
نسرك بياكله الصدا في بدلة السجان
يا مصر يا كل ضد وضد مجتمعين
يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين
قالولي بتحب مصر فقلت مش عارف
لا جيتها سايح ولا ني أعمى مش شايف
ولاني هايف ارد بخفة وبسرعة
وكل من رد يا كذاب يا هايف
أصل المحبة بسيطة ومصر تركيبة
ومصر حلوة ومُرَّة وشرحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة
يا أهل مصر اسمعوني واسمعو الباقيين
أن كنت انا رحلوني كلنا راحلين
يا أهل مصر يا أصحابي يا نور العين
يا شنطة المدرسة يا دفتر العناوين
يا ضغطة البنت بالكراسة ع النهدين
ترقص قصاد المراية، واحنا مش شايفين
يا صحن سلطان حسن يا صحن تمر وتين
يا ألف مدنا وجرس، لألف ملة ودين
يا أهل مصر اسمعوني، والكلام أمانات
قلتوالي بتحب مصر فقلت مش عارف
روحوا اسألوا مصر هيه عندها الإجابات
تميم البرغوثي، عمان، 1 ابريل 2003
الحجاب حقيقة ثابتة أم مجال للتفكير
من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية
أسأل الله رب العالمين أن يوفق الجميع الى خدمة الإسلام والمسلمين ،،
وعمرو خالد كان له دور فاضل وجيد فى نظرى عندما كان فى طريق الدعوة والحديث عن الرقائق
وكان بأسلوبه الجذاب والمتميز فى الدعوه الأثر الطيب فى نفوس الكثير وأنا من هؤلاء
فجزاه الله عنا خيــرا وإن وقع فى بعض الأخطاء أثناء الدعوه إلا أن ذلك مغفور له لأنها لم تكن مقصوده وقليله فى بحار حسناته فى هذا الصدد
ولكن منذ مشروع صناع الحياة ، واتخاذ مسار الإصلاح الإجتماع ، والرجل فى نظرى غير مهيئ لإصلاح إجتماعى قائم على رؤية شرعيه
لأن الإصلاح الإجتماعى القائم على رؤية شرعيه يحتاج إلى قراءتين هامتين : -
أولا : العلم بالأصول الشرعية والثوابت الدينية
ثانيا : فقه الواقع وتنزيل هذه المفاهيم الشرعيه على أرض الواقع بصورة تتلائم معه دون الإخلال بالثوابت
يعنى المسألة تحتاج الى حنكة ودربة وخبرة
ومنذ ذلك الحين أخذ يخبط يمينا وشمالا
منذ ذهابة للدنمارك وخرقة لإجماع جماهير العلماء ،،
ثم تصريحاته الغريبة عن الكيان الصهيونى ،،
ثم زيارته للكنائس فى عيد النصارى بحجة منع التطرف ،،
إلى آخر هذا المسلسل الردئ حقيقة ،،
ليس المهم أن يحدث إصلاح
ففى أمريكا وأوروبا إصلاح وحرية ورقى فى التعامل ،،
ولكنه ليس إصلاحا مبنيا على رؤية شرعية إسلاميــة ،،
وهذا هو الفيصل بين أهل الإسلام المصلحين ، وغيرهم من مفكرى الغرب المنصفين
هذا ونسأل الله أن يوفق الجميع الى ما يحبه ويرضاه
إنه جل وعلا بكل جميل كفيل ، وهو حسبنا ونعم الوكيل
والله من وراء القصد
السلام عليكم
السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية
لين ..
على فكرة .. كلنا كده زى تميم !!
القصيدة حلوة قوى .. انا ححتفظ بيها :)
مصعبينو .. :D
كل فكر و له عيوبه و مميزاته ..
و عمرو خالد زى ما قولت قبل كده .. ليه غلطاته و مفيش حد فينا مش بيغلط ..
بس مشروعه التنموى أقرب للنجاح من اى مشروع أسلامى اخر قائم على أرض الواقع ..
أدرس كافة المشاريع الأسلامية حاليا .. بين مشروع أخوانى قائم على فكرة الوصول للسلطة فقط لاغير .. و مشروع سلفى قائم على بناء القاعدة و بالتالى الوصول للقمة .. اما مشروع عمرو خالد فينمى الطرفين .. عمرو خالد بيخاطب فئة شباب محدش وصلها قبل كده .. عمرو خالد وصل لمجموعة شباب يكونوا القاعدة و يصلوا للحكم .. بالنسبالى مشروع عمرو خالد الأوسط بين المشروعيين و لا ينفى المشروعين الأخريين
يااااعم انتا بتفكرهم ليه
سبهم كدة
خليهم يحفروا قبرهم باديهم
دول بهااااااايم
لا يفهمون شيئا
ولم يكونو كذلك
ولن يفهموا يوما
لا يفهمون شيئا سوى العسكرى الناشف
بتاع الامن المركزى والعصايه
هوشيءمؤسف طبعا انه المشروع يتم اجهاضه
يمكن جمال مبارك كان ناوي يدخل دخلة التنمية الاجتماعية بنفس المشروع و عمروخالد سبقه وحرق له الكارت :D
لاااااا:D
بس جديا الفكرة موجودةوالناس المعبأة موجودةمومهم من اللي وراها ربماممكن تلجأوا لقنوات تانية حتى تفكوا الاحتباس اللي حصل ..جمال مبارك شخصيا :D ..
بعدين كل الأمراء و الملوك عندهم "مكرمات" ليش "ال مبارك" ما يكون عندهم مكرمة وتكون انطلاقة هذا المشروع؟ ..في جميع الحلات ماراح يدفعوا شي من جيبهم :DDDDD
صراحة ماقول غير لا حول و لا قوة الا بالله.
ملحوظة:
انت قلت مشروع مصري بفكر مصري ..هذا غلط الموضوع موجود في الدول اللي فيها فقر و بطالة من زماااان ..عمروخالد اقتبس فقط للأمانة يعني.
ومتل ما قلت لك مشروع محاربة الفقر و البطالة موجود في المغرب من 1992 + مؤسسة محمد الخامس اللي عندها أكتر من 10 سنين وناجحة جدااووصلت حاليا درجة عاااالية من النضج و الاحترافية..
و الأردن أيضا أعتقد عندهم شغل جيد على هذا المستوى..بس زيادة الخير خيرين..
مؤخرا طلع تقرير يتكلم عن التنمية الاجتماعية والثقافية و الخ في الشرق الأوسط و شمال افريقيا وأخذت تونس المركز الأول والمغرب التاني و الأردن التالت..المفاجئ هو موقع دول الخليج على الليست برغم كل فلوسهم..ولا الكويت !ناويين يبيعوا بترول و ياكلوا بس!!
يله
الله يصلح الأحوال
أحمد سعيد ..
أنا مش بفكرهم و الله .. انا بس بتحداهم و بقولهم أننا حننجح جوا بلادنا علشان دى بلادنا أحنا مش ملكم بس
نورتنى
سوريزا ..
أل مبارك مينفعش يبقى ليهم مكرمات فى حاجة مفيدة :D .. هما أخرهم يعالجوا فيفى عبده على حساب الدولة :D .. أو يروحوا ماتش لمنتخب مصر :D
ساعة الشغل و الجد معنهمش الكلام دا :D
و بعدين الشعب قاعدلهم علشان يلسن عليهم فحيحسبها 100 مرة .. أحنا مبنسكتش الصحافة بتتشتم و بتلعن عينى عينك :D
أنا كان قصدى يا سوريزا .. أن مشروع عمرو خالد خرج من رحم الجمعيات الأهلية .. حتى لو كان أقتباس و دى متأكد منها بس لما كانت تخرج كان الملوك و الرؤساء هما اللى بيدعموها .. انما دا أول جمعيات اهلية تعمل مشروع تنموى ضخم على مستوى العالم العربى بدون أى دعم أو تمويل حكومى سوى الموفقات ..
بالنسبة للتقرير مصر دايما بتيجى فى المراكز الأولى الخمسة فى اى حاجة عربية .. دا حتى الفساد :D .. مصر و أسرائيل و تونس و المغرب هما اللى بياخدوا المراكز الأولى دايما و الباقى مقضيها أنتخة :D .. شوفتى التقرير بتاع البيئة:D ... كانت مصر مصنفة السنة اللى فاتت 19على العالم العربى و الشرق الأوسط .. حاليا مصر رقم 3 بعد أسرائيل و الأردن .. الخليج مش حيصحى غير بعد 20 سنة لما مش حيلاقى بترول و لو لاقى مش حيلاقى حد يشترى منه و على ما أعتقد أن الجمال حترجع تانى الخليج :D ..
إرسال تعليق