الجمعة، 13 مارس 2009

هل قرأ مجدى الجلاد الرسائل !!



كنت كاتب رسائل لمجدى الجلاد فى رسلتين ..
الأولى .. كنت بحكى أزاى أتحولت من قراءة الأهرامـ للمصرى اليومـ
و التانية .. كتبت فيها أقتراحات أتمنى أشوفها فى المصرى اليومـ

المهمـ ..
وصلنى أيميل من واحدة معرفهاش بتقولى
أنها بعتت لمجدى الجلاد الرسايل اول ما نزلت عن طريق ميله الخاص بالجريدة
أنا بصراحة كالعادة شكرتها و قولتلها أن كويس أن البوست عجبها و كده ..
و حتى مقولتش لحد على الموضوع دا
بعد شويه رجعت أقرا الرسايل من تانى .. لاقيت ان فى شويه أقتراحات أتنفذت و أتحققت
مش بقول أنى السبب أو بنسب الفضل لنفسى .. علشان مش دا المقصود

على سبيل المثال ..


فى 2 / 9 / 2008 .. كتبت الرسالة رقم 2


( 1 )
" أتمنى ان أرى كاركاتير يومى فى الجريدة .. و لا أتمناه أن يحل محل الصورة الأخيرة .. "

بتاريخ 23 / 10 / 2008 ..
أعلنت المصرى اليومـ خبر تعاقدها مع بلال فضل و رسامـ الكاركاتير عمرو سليمـ
و بعد هذا اعلنت المصرى اليومـ عن صفحة شهرية للكاركاتير يرسم بها مخلوف و عمرو سليمـ



( 2 )
"
أتمنى أن تزيد جرعة الأخبار العالمية فلا تقتصر على صفحة واحدة بها مقالين رغمـ أهميتهمـ ..

ألا أنهمـ يملئون الصفحة أو أخبار تعتمد فى المقامـ الأول على الأنترنت "

"أتمنى ان أرى صفحة شهرية .. لمتابعة جريدة عالمية و متابعة أخبارها .. و نظرتها للعرب .. و أتمناها أمريكية "

اعلنت المصرى اليومـ فى نهاية 2008 عن أطلاقها خدمة جديدة

عن طريق نقل مقال من الصحف العالمية و مقال أخر من الصحف العربية ..



( 3 )

"أتمنى أن تزيد صفحة الرأى او المساحات المخصصة لكتابها ..

المصرى اليومـ مليئة بالكتاب التى لا يمل أحد منها ..

بداية من الكاتب الجميل سليمان جودة .. مرورا بالكاتب الرائع حمدى رزق .. و ختاما بالكاتب محمد سلماوى "

زادت صفحة الراى عن طريق وضع تصميم جديد يمنح صفحة " مساحة راى "
مكان اوسع و أشمل ليضم مقالات أخرى و كان هذا فى نهاية عام 2008


:: .. :: .. :: .. :: .. ::




طول ما ميزانية الداخلية بتتصرف على الأمن المركزى و السجون و عربيات اللواءات
طول ما فى وزراة بتشيل كل حاجة للماس الكهربائى و الأختلال العقلى
طول ما سيادة وزير الداخلية قاعد فى مكتبه لا عارف أيه اللى بيحصل فى الدفاع المدنى
طول ما سيادته كل اهتمامه بشويه شباب من بتوع النت و سايب الكبار
طول ما يوسف عبد الرحمن و راندا الشامى و عماد الجلدة و الملاح هاربنين من سعادته
طول ما سعادته شايف أن الأمن مستتب و أن التعذيب ليس نهج وزارته
طول ما سيادته وزير حرس الرئيس و ليس وزير داخلية مصــر
طول ما سيادته فاكر أن رضا مصـــر من رضا الريس
طول ما فى فى وزارة سيادته مرتشين و فاسدين

يبقى بديهى جدا أن أول أول أمبارح حريق قصر ثقافة بنى سويف
و أول أمبارح حريق مجلس الشورى
و أمبارح حريق رمسيس
و بكرا ممكن الماس يمسكـ فى قصر رئاسى ولا حاجة ..
ساعتها حيحصل تعديل وزارى بفصل الدفاع المدنى عن الداخلية


:: .. :: .. :: .. :: .. ::



واحد صاحبى بيقولى يابنى ما أنا قولتلكـ
" و اتارى الدنيا مش حلوة زى ما انت شايفها "


:: .. :: .. :: .. :: .. ::



كل خطوة بخدها وسط صحابى .. بيفضلوا يضحكوا عليا
و بعد شهر أو شهرين بلاقيهمـ بياخدوا نفس الخطوة
لدرجة انى مبقتش بهتمـ لا أنى أقولهمـ و لا أخد رأيهمـ
و اللى بقوله .. ليه ؟؟


:: .. :: .. :: .. :: .. ::



بعد كمـ الحب و الرومانسية و الـ
specifications اللى منتشر فى البلوجات دا
فكرت اعيد نشر مواصفات فارسة احلامى :D
كل ما أجيب الورقة و أنقلها .. أرجع و أقول لأ


:: .. :: .. :: .. :: .. :: .. ::



عندنا



عندهمـ



22 التعليقات:

dalia يقول...

أول تعليق لاول مرة وحصريا على مدونة محمد علشان تصدق اني موجودهD:
شوف انت لازم تغيظني بحكاية المصري اليوم شوف جريدة الشروق أحسن علشان ترتاح وتصدق ان فيه صحافة جديدة على الطريق
بص طبيعي جدا لما يبقى في منافسة من جرايد جديدة مثل الشروق وعلى فكرة في ثلاث جرائد في الطريق انا بقولك من المطبخ الصحفي D: طبيعي جدا ان جريدة المصري تبدأ بالتطوير الذى سيفيد القارئ في الاول والاساس لان زي ما انت عارف ان الشروق اتفقت مع جرائد أوربية وأمريكية لنشر موضوعات في نفس يوم الصدور لكتاب عالميين
ولكن انا مبسوطة انك ايجابي وبتشارك في الجريدة اللى انت بتحبها ياريت كل الناس تكون عندها هذه الايجابية في كل حاجة في حياتها علشان ينصلح الحال .مش حسيبك الا لما اخذ وعد منك بمتابعة الشروق ههه
تحياتي

Yasmine يقول...

على فكرة انا عرفت دلوقتى ليه بتحط مواضيع و ما تلاقيهاش ظاهرة فى اول صفحة..اتحايل عليا شوية بقى عشان اقولك ليه :D

عشان لما قلتلك ابعتهم قعدت تتريق عليا شوفت بقى..ناس ما بتجيش غير بالعين الحمرا صحيح :D

اسكت على الحريقة دى..انا كنت سايقة فوق الكوبرى لوحدى و شوفت منظر الدخان و جالى هلع بجد مش فاهمة ناقص ايه تانى يولع فى البلد دى عشان يتلموا و يتعلموا يأمنوا المبانى المهمة و ليه يفصلوا الدفاع المدنى عن الداخلية اسمها بكرة لما الهرم يولع يقيلوا رئيس هيئة مراجيح مولد النبى

لسه يوم الخميس كنت بقول لحد اعرفه من كتر التفاؤل اللى انت فيه و من كتر ما انت مش بتشوف غير النص الطيب فى الناس هتفضل تاخد فوق دماغك كدا :D

انا اعرف انها اسمها فتاة احلام الفارس دا بتاع البنات :D

وحياتك بلاش مقارنات بين عندنا و عندهم عشان مرارتى مش ناقصة..انت هتقارن بين اوباما و ابو سريع اللى عندنا دا..ياما نفسي يلغوا ال99.9 من مناهج الرياضة كلها بجد اتعقدت

la tormenta يقول...

انا متحمسة جدا من قلب
كلامك عن الجورنال و رسايلك...super
شي يفرح
أنا قلت لك انت بروفايل انسان غييييير...عندك أفكار ومشاركة
I'm proud of u
طبعا انت بتضحك و تقول و انت مالك ...أمي و لا أختي و لا ...فارسة الأحلام :DDDDD
بس بجدية والله شي حلو أنا أحب أسمع هالكلام
برافو

و بالنسبة لأصدقاءك فعادي فيه ناس مهمتهم في الحياة ينتقدوك و يحبطوك
فيه منهم اللي تركيبته النفسية هكذا يعني هو ما يقصد يحبطك هو يخاف من الخطوات الجديدة مثلا

فيه ناس غيورة بدليل انهم يقومو بعدين يقلدو...

فانت خلي خطواتك لنفسك و لشخص مقرب تثق فيه و يكون له دور يشجعك و يدعمك سواء أهل أو صديق مضمون يعني ...
ومن هنا لازم تفكر توسع علاقتك مع الناس اللي قريبين في عقليتهم منك
ماقصد انك تتخلص من القدااام طبعا هههههههههههه أنا أعرف انك اجتماعي و عشري بس انت فاهم قصدي
ربنا يوفقك فعلا ... حاسة و احساس كبير انك راح تنجح في حياتك كتييير و بدراعك ..يعني لا حق وسايط و لا حق ألاعيب قذرة...وبتشوف :DDD

الشارده يقول...

لا يا كبارى انا مش عايزاك تبقى زينا

انا عايزاك تفضل متفائل زى ماانت

ايه الى حصلك بجد ؟

غير معرف يقول...

لا يا محمد

الحياة كويسة صدقني

أنا عرفت كدة الحمد لله ,لما نجحت النهاردة :)


لازم نشكر ربنا

الحمد لله :)

ونشوف الجانب الإيجابي

"أفلا أكون عبدا شكورا"

.......


عارفة,إن ........

...............

Here i'm يقول...

داليا ..

و الله انا بقرا الشروق بس بصراحة مبقرهاش غير و انا مسافر بس يعنى تقدرى تقولى مرة كل أسبوع :D

بصى الشروق جرنال حلو قوى .. بس مشكلته ان سلامة بيه هوا رئيس التحرير و كفاية البوست بتاعك بتاع حفل مئوية جامعة القاهرة اللى اترفض يتنشر فى الشروق علشان ماما سوزان و أنا بعتلك عليه تعليق و انتى مرضتيش تظهريه :D

بصى انا بيعجبنى فى الشروق فى رأى حاجتين بس .. مقال علاء الأسوانى و صفحة العلم .. اول صفحة علم نزلت كانت بتتكلم عن أمريكا و العلم و أوباما بصراحة كانت عجبانى جدا جدا جدا ..

بس الشروق بحسها أقرب للحكومة من الأستقلال :)

دا رأيى يا فندم و دا ميقللش حاجة من الشروق انا مش هيكل علشان رأيى يقلب الدنيا يعنى :D

Here i'm يقول...

انتى مش حرة :D

تصدقى لغاية دلوقتى مش عارف أيه السبب ان البلوج لا بيضيف مدونات تانية و لا حتى بقدر اعدل حاجة و البوست مش بلاقيه :D حاسس انى قاعد فى مغارة مش مدونة :D

لا انتى عرفتى السبب بجد ولا لأ :D لو مش بجد يبقى علشان خاطرى قوليلى :D لو بجد قوليلى ليه يا بنت انتى لأحسن يمين بعظيم :D


أنا بصراحة كنت عايز أبعتهم بس قولت لأ مش عايز اكون فى صف رسايل مع ناس بتتوسل طلب أو واسطة .. كتبته و مشغلتش دماغى :D
مش عايزة اقولك كلامك صح علشان مش عايز اعيش دور عبد الحليم حافظ فى الخطايا علشان الادوار دى مش بتليق عليا خالص :D
و بعدين انا مش طيب :D


لا دى فارسة احلامى طبعا :D مش تقليل منها على ما هو رفع لشانها بالنسبالى يعنى .. اللى يبقى فيها المواصفات اللى طالبها انا لازم تكون فارسة مش بنت عادية :D


عارفة المشكلة فى أيه .. ان حتى فى الجانب اللى انا بعتبره هايف او مش مه زى الموضة هما بيفهموا و بيبهروا و فى جانب التعليم أحنا دايما متميزيين جدا جدا عن اى حد .. على الفكرة الصورة دى من موبيلى و الله .. انا شايفها و مصورها بعينى من كتر ما انا مبقتش مصدق .. ليه ياربى كليتى مكنتش كلية البارودى للتجارة و المحاسبة :D

Here i'm يقول...

سوريزا ..

أيه يا بنتى الكلام الكبير دا :D ... حتخلينى كل يوم اكتب بوست علشان تدخلى تدينى push جامد كده :)

لا proud براحتك :D .. و بعدين أنتى فعلا اختى و مش عايز أقول زى ماما علشان مامتى صغننة لسه :p

اه و الله يا سوريزا .. فى اللى عايزنى جنبه مسبهوش و فى اللى ينتقدنى و خلاص و بعدين الاقيه بيسألنى انت عملت الحاجة دى ازاى و ظبطنى فى الموضوع دا ..

ربنا يكرم بقى .. انا اتعلمت انى اخد الطريق اللى انا رسمه من غير حتى ما أستشير حد .. الأيام دى الأستشارة بتأخرنى كتير قوى ..

ربنا يخليكى يا سوريزا .. و جميلة قوى الحتة بتاعة الدراع دى .. بجد دى امنية أنى محتجش لاى حد .. تسلم أيديك على الكلام الحلو دا :)

Here i'm يقول...

الشاردة ..

هوا انا اطول أبقى زيكوا :) .. بس كل الفكرة أن فى صراع رهيب بين الرأين فى دماغى :D

بس عامة انا مش بتاع تشائم و انتخة :D

Here i'm يقول...

سما مصر ..

ألف مبروك و عقبال الخطوة الجاية فى حياتك زى ما انتى مرتبها ..

ربنا يجعل أيامك كلها نجاح .. و ادعيلى :)

انتم السابقون و نحن ان شاء الله لاحقون :)

دعواتك بقى يا إيمان

Yasmine يقول...

خلاص خلاص مش اوى كدا صعبت عليا والله :P

بص انت بتكتب مواضيع و تنزلها بعدها بكام يوم فالمواضيع بتتحط بترتيبها الزمنى يعنى لو اخر موضوع مكتوب فى اول صفحة محطوط بتاريخ معين و الموضوع اللى انت كنت كاتبه و شايله مكتوب قبلها بيوم او اكتر مش هتلاقيه ظاهر فى اول صفحة

من الاخر يعنى قبل ما تنزل موضوع ابقى دوس على خيارات اللى بتبقى تحت على اليمين دى و غير التاريخ و حط تاريخ اليوم اللى بتبعت فيه الموضوع..فخمتو ولا لسه؟ :D

ادينى خدت فيك ثواب اهو اى خدمة :D

Here i'm يقول...

لا لا لا جبتى التايهة :D

ما انا عارف كل الكلام الفكسان دا :D

المشكلة بقى انى لما بغير التاريخ لازم اغير الوقت و الوقت عندى بايظ

بس انا بعمل أيه بقى باخد البوست كله كوبى و أفتح صفحة جديدة و اعمل بست :D

طيب ما تشوفيلى مشكلة الصور و اللينكات اللى مبعرفش اغيرها متجيش غير فى الهايفة و تتصدرى :D

ياريت يا حاجة تفكرينى أغير الباسورد و كمان ياريت تصحينى بكرا الساعة 5:30 الصبح علشان أدى مسداية لواحد صاحبى :P

Superman يقول...

عزيزي البومبو..
تحية طيبة و بعد

انت فرحان باللي عملته؟
اهو جابلك بلال فضل يصبح عليك بإصطباحة كل يوم..فالح بس ترجع تشتكي و تقول بلال مسود الدنيا في وشنا ! :D


اسمح لي اقولك ان صاحبك كلامه فاكس اكتر من كلامك في البوست اللي فات..
ياعم اتاري الدنيا مش وحشة زي ما انت شايفها..
انت مضلمها اوى!

بالنسبة لاصحابك اللي بيتريقوا عليك و يرجعوا يقولوا لك ظبطنا في اللي عملته..
فأصلا جو التقطيم اللي في البداية مكنش له لازمة..بس يلا انت قدوتهم برضه.. :D

Here i'm يقول...

عزيزتى سولتو :D

عن بلال فضل نتحدث :D على راى المصرى :D

بص المصرى اليوم فى كم فاكسين رهيب .. بس اهو حاجاة كويسة من باب اعرف الفاكس و علم عليه :D

أما بالنسبة لأختياره .. بصراحة انا لو مكانه كنت حعمل كده .. الراجل ليه زبونه برضه :D


أنا مسودها :D دى من كتر بيضها فى عنيا مبقتش عارف أفرق بينها و بين الأسود .. فين المقولة اللى بتقول الشىء اللى يزيد عن حده ينقلب ضده :D

المشكلة .. لا أنتوا صبرتوا و شوفتوا انا عملت أيه ولا حتى لاقيت تشجيع غير تريقة و كلام فاضى .. بس على مين انا اللى يتريق عليا كلمة بحط فى عينه 10 .. ما أنتى عارفنى مبسكتنش :D .. أما فكرة قدوتهم فدى انا أساسا مبحبش اكون قدوة حد علشان لما حغلط حقع فى نظر الفاكس اللى اخد فاكس زى قدوة و انا لازمن اغلط :D


و تفضلوا بقبول وافر الأحترام و التقدير ..،

مدير بلوج here i'm
:D

Superman يقول...

انت فاكس فاكس فاكس..يعني فاكس بالتلاتة..
بقي انا داخل و لامم نفسي و كاتب لك كومنت لطيف ظريف..
الاقيك بتقولي
"عزيزتي و انتي"
و تختمها بتفضلوا بقبول فائق الاحترام؟
طب تيجي ازاى دي؟ فين الاحترام ده..
انت كاتب لا تحترم قراءك زيك زي بتوع المصري اليوم اللي مابتحبش تقرالهم!

يا فاااااكس! :D

بص يابني..انا لما اقولك انت مسودها ابقي مدرك بكلمك عن ايه..
و طبعآ هنا مش مجال التسييح..كفاية اننا سيحنا خبر انك فاكس.. :D
بس انت مضلمها فعلا..مش هضحك عليك يعني!

Yasmine يقول...

تصدق انا غلطانة انى بقولك معلومات تفيدك عشان مستقبلك :D
و بعدين انا عرفت من تاريخ الموضوع دا مش من حاجة تانية على فكرة :D

و حتى لو عرفت الصور بتروح فين مش قايلة..فعلا تستاهل بلوج بيضيع الصور و يتوه المواضيع..احسن :P

Here i'm يقول...

لا لا أرجوكى احترم نفسك يا خضرا انتى :D

يوووووووووو مش قصدى انتى يا أنا حرة انا قصدى سولتو :D

حبقى اعدي عليكى بكرا فى مكتب فى أفندينا يا حاجة :D

قال فاكس قال .. :D

و بعدين اوعى تسيح لغاية ما أقابلك :D

Here i'm يقول...

انا حرة ..


هوا انتى قولتى حاجة علشان مستقبلى .. :D


و أكيد مش محتاج أقولك انى بغلس و بس :D

و بعدين انتى مش عارفة حاجة لا عارفة الصور ولا اى بتاع و بعدين ما انتى مش جادعة انتى لو كنتى تعرفى ازاى يبقى المفروض تبقى أيجابية و تغيرى بأيدك انتى :D

Superman يقول...

إسلوب فاكس اوى بدل ما تواجهني و تناقشني..تحاول تستفزني عشان ما ادوسش في الكلام و اتراجع!
و لكن هيهات.. مش انا اللي يوقفني اسلوبك الرخيص الفاكس ده.. :D

واجهني رجل لرجل..فارس لفارس في المساء عندما تستمع الي صوت محمود خليل الحصري علي القناة الاولي معلنآ عن أذان العشاء..

Here i'm يقول...

بلا اواجهك بلا بتاع بقى :D

فى حد يواجه ألد أعدائه :D

انت عدو و يجب ان تقتل رميا بالبلوتوث :D

Miss Allu يقول...

اول مرة أدخل المدونة تبعتك..
بس والله مرررررة حلوة يا كباري..

صراحة فالمنتدى مش باين عليك كده ابدا..


Good Luck..
وان شاء الله حكون من المتابعين لك..

تحياتي..

Here i'm يقول...

Miss Allu

منورة البلوج .. و شرفتينى بالزيارة و خلاص أنا شبطت أنك كل شويه تزورى مدونتى

فى أختلاف فى المدونة و المنتدى ؟؟

أيه اللى أحسن :D