الجمعة، 1 مايو 2009

يا عم شقلب هوا أحنا ورانا حاجة غير الشقلبة


أحلى سلام على أحلى ناس .. قولنا و عيدنا و زيدنا ..
شقلبت العلم مرة و قولت احتج زى العالم اللى هناك دول المتحضرين النضاف الكويسين .. منفعش
قولت مش معقول كل مرة نشقلب العلم .. مش كل بلوا نسحب العلم و نشقلبه
بس بلوتنا النهاردة ولا أحلى و لا أحسن و لا أجمل من كده ..

الحكاية بدأت من قبل ما زويل يزهقنا و يقرفنا و ياخد نوبل .. الراجل كان مغفل .. زى العبد لله كده
طلع على انكل عاطف عبيد .. الهى يارب أشوف فيه يوم أسود يكون أسود من يوم ما خسر الاهلى الدورى فى 2002
المهم .. من سذاجة انكل عاطف عبيد .. الهى أشوف فيه يوم انيل من يوم نكسة 67 ..
ييييي .. مش حقول أسمه تانى البتاع دا .. طلع زويل يقابل البتاع دا و قاله انا عندى مشروع علمى كبير ..
طبعا زويل و هوا بيشرب فنجان القهوة ولا كوباية البرتقال .. مكنش عارف أنها فيها نوع من برشام .. فوت علينا بكرا
المهم .. بعد فترة زويل قرفنا بجايزة نوبل .. علشان مش عارف عمل بتاع أسمه فيمتو ثانية ..
كالعادة .. و جرى العرف .. و طبقا للتقاليد المصرية .. و وداعا للقشرة
بعت الرئيس مبارك يكرم زويل .. و يقول عنه انه احدى سفراء مصر فى الخارج ..
سفراء مصر فى الخارج دى عايزة يوم بحاله نقعد نعدهم ..
لاحظ الجملة دى اتقالت مع زويل و البرادعى و المهندس عزار و يعقوب و .. و .. و .. و ..
بالتالى الريس كرمه .. يبقى البتاع دا لازم يتصور معاه فى مكتبه ..
راح المأسوف على شبابه زويل للبتاع دا .. أحنا لسه فى عهد البتاع اللى بالع ضفادع و هوا بيتكلم دا
راح و شرب القهوة تانى و نسى ياخد معاه مضاد العقار المصرى فوت علينا بكرا
المهم اتشال البتاع دا .. و هنا لازم اقول اسمه علشان فى دعوة شيلهاله فى قلبى
عاطف عبيد ..
ألهى يارب أشوف فيه يوم اسود من قرن الخروب فى حقل طينى فى ظلام الساعة 12 بالليل فى يوم ميكونش فيه بدر
جاه مين .. أبيه أحمد نظيف .. قعد مع زويل .. بس أبيه أحمد نظيف كان طالع مفتح عن البتاع دا ..
كان رد أبيه أحمد نظيف .. احنا نبدأ من الاول يا زوزو .. و نقعد و نشوف موضوع الجامعة ..
بدأو من الاول .. و انتهوا عند أنكل البتاع دا .. انتهوا ان يا زويل روح انت هات التمويل و نحن هنا جالسون
و لو اتزنقت فى حتة أرض .. حبعتك لواحد حبيبى حبيبى يعنى .. يخصصلك حتة أرض فى الصحرا لا تقل عن توشكى فى شىء

زويل دلوقتى بقى احدى مستشارى أوباما الرخم .. اللى كل يوم مصمم يحسسنا بعجزنا ..
زويل دلوقتى بقى واحد من ضمن 20 واحد أمريكى مستشاريين لأوباما ..
أمريكا مفيهاش 20 يخططولها للعلم و العلماء بدون زويل .. !!

أحمد زويل كان بيحكى قبل كده فى المصرى اليوم .. حاجة مش حنساها عمرى كله ..
أن
ملك ماليزيا سافر بنفسه فى رحلة لأقناع عالم بالعودة لماليزيا
و ان
الحكومة التايوانية زادت اهتمامها يوم بعد يوم و عملت حملات علشان العالم يوان لى يرجع تايوان
و ان
وزير التعليم العالى فى كوريا سافر امريكا علشان يقنع العلماء بالعودة لكوريا

الأحرى من دا و دا .. المقصود بكلمة الاحرى .. الانيل و الأزفت و الأوحش
ان كلية دمنهور كرمت زويل لجعله مستشار لأوباما و قالت ..
أن
لا كرامة لنبى فى وطنه ..
حد شايف وكسة ؟؟ .. كل العالم علمائه فى حضنه .. الا أحنا علمائنا لقطاء ..


السؤال .. لو زويل حيساعد مصر .. هل دا حيكون مخالف لوجباته الأمريكية .. ؟





هوا ليه دايما اللى يراهان عليكى خسران .. ؟؟
و ليه دايما كل ما نقول بكرا احلى .. يطلع بكرا أسوء ؟؟
تعبت من كتر ما بقول أنك كنتى و كنتى و كنتى .. ولا انتى متعبتيش ؟؟
زهقت من كتر ما بدافع عنك و أقول بكرا احلى .. ولا أنتى مزهقتيش ؟؟
هوا حبك ملعون .. ولا انتى ذنباً سألت الله ان لا يغفره ؟؟
هوا انتى كده .. ولا أحنا اللى كده ؟؟



قال انا اللى بسذاجتى .. كنت بفكر فى برامج و نقاشات للتلفزيون المصرى ..
و موجه لوزير الاعلام رسايل .. و أيه رأيك لو نعمل برنامج عن ولا برنامج عن و لا فقرة عن
لو وزير الاعلام ذات نفسه بشحمه و لحمه .. دخل رد هنا و قالى هات اللى كتبته .. مش حكتبه




يا جدعان .. ملقيش عند حد السلام الوطنى الأمريكى ولا الأسرائيلى ولا حتى الهندوسى ؟؟
يا خوانا .. اللى بيفكر يبيع .. يبيع ازاى ..
يعنى هوا فى حد اهبل حيرضى يشترى موبيل صينى مكسور 100 مرة ؟؟
ولا هوا الموبيل دا نازل صب لأمثالنا .. ؟؟




السؤال الأخير ..

أيه حكم الخاين المصرى .. هل بيطبق عليه قوانين الرفقة و الرقة و الغلب علشان كونه مصرى .. ؟؟
طيب الجاسوس المصرى اللى اتمسك قبل كده .. حرام و لا حلال يتسجن .. و بلده مصــر ؟؟


تتكسرى ولا ينصلب عدوك .....................

35 التعليقات:

koketa يقول...

اوووووووول تعليق




بحجز اهوه




هروح اقرا البوست بقا وارجع

koketa يقول...

انا والله كنت انهاردة بفكر فى الكلام ده


وكنتن بتناقش فيه مع نفسى


اننا بالظبط عامل زى الى عنده جنينه كلها ورد جميل
بس الجنينة دى ارضها كلها زبااااااالة وصاحبها مش بيهتم بيها
فبالتالى الورد هيدبل ويموت
فلو جه واحد تانى غير صاحب الجنينة وخد الورد ده وزرعه واهتم بيه عنده واستفاد من شكله الحلو وريحته الحلو فمحدش يقدر يلومه حتى صاحب الورد الى اهمله نفسه
فلو طبقنا المثل ده على علمائنا فى الخارج ف أحنا منقدرش نلوم زويل لو مستغلش منصبه لصالح مصر لان الحكومة نفسها مبتعرفش تستغل الفرص يبقى ازاى هنلوم على شخص واحد
وبعدين امريكا عربة يحركها نظام كامل لايتغير لكن كل فترة سائق العربة هو الى بيتغير

Yasmine يقول...

عشت و شوفتك بتعدد..عشان ما تبقاش تتريق عليا تانى لما الطم و تقولى و انا بقرا اللى انتى كتباه سامع صوتك من عندنا :D

انا بجد قرفت لدرجة ان قلبى بطل يوجعنى..يابنى انا كنت من كام شهر بقرا كتاب انيس منصور بتاع 100 يوم حول العالم كان هارى الهنود تريقة..ريحتهم و غبائهم و الاوبئة و الامراض اللى عندهم..دلوقتى الهند عندها سلاح نووى

ايران اللى رئيسها كان ضيف عندنا بعد ما خلعوه بقت عاملة رعب لامريكا و للعالم سواء بالنووى او بالاقمار الصناعية كله لدرجة ان اسرائيل بتقولك مش هنحل القضية الفلسطينية الا لما تشوفولنا حل فى ايران

باكستان و الصين عندهم صواريخ و اسلحة نووية و الصين معدلات النمو فيها كانت بتدرس فى الجامعة عندنا على انها حالة استثنائية مرعبة

انا كل ما افتكر ان هتلر انتحر لما ماعرفش يحقق حلمه لالمانيا بنهار..حاجة من اتنين يا اما هو شايف ان هتلر كان انيل بجنانه و ديكتاتوريته و دى كارثة لان مفيش انيل من اللى احنا فيه يا اما انه شايف الحرب العالمية التانية اصعب من اللى جرالها و جرالنا و دى مصيبة اكبر..المرعب بقى ان الحكاية ما بقيتش حكومة و ريس لو مشيوا هتتعدل..دا لو الشعب كله ابيد و جبنا شعب تانى بشوكه و ريس شبه اوباما كدا مش هيعرفوا يعملوا حاجة برضه..ابقى اقرا مقالة سليمان جودة بتاعت انهاردة

الله يكحم اللى حول مصر من وطن لترانزيت قاعدين فيه لحد ما نلاقى غيره..و ما تقولش ايه اديتنا مصر

غير معرف يقول...

فيه إيه :)

dr.lecter يقول...

لا لا يامحمد انت عيان مش مصدق عيني

محمد شقلب العلم

ياحومتي

تعالي ياماجا اتفرج سبحان مغير الاحوال

زويل راجل محترم عشره علي عشره سيببك من انه يفيد امصر والهجص ده فكك بقي من حكايه رقبتي فدا مصر يامحسن بيه

ااراجل اتحط في المكان اللي يناسبه واللي يقدر يفيد البشريه به

صدقني مصر ماينفعش نجيب فيها ناس زي زويل وغيره

انا متفائل جدا بحكومه اوباما وحاسس ان هيحصل تغيير بس حاسس ان هيموت قريب زي كيندي اي حد بيبقي مثالي لازم يموت عندي هاجس بكده


هيخالف واجابته؟ مش عارف بس لو منعوه من حقهم هو دلوقتي ثروه قوميه امريكيه ولا يمكن يفرطوا فيها لاعداء العالم الحر الديمقراطي زي دول العالم الثالث زينا يعني اللي بنصدر الديكتاتوريه والراديكاليه



عارف انا زمان وانا عيل اهبل وبرياله كانوا بيعلمكونا حبل مصر بجد كنت بحبها مووت لدرجه روايه كفاح شعب مصر اللي كانت علينا في اعدادي كنت بعشقها كنت بانبسط لما اشوف العلم واتابع افلام اكتوبر والاهبل ده

بس واحده ورا التانيه ويوم ورا اللي وراه الحب ده جاله سكتهع قلبيه

بطلت خلاص

والسبب هو احنا مش الوطن

السبب هو احنا يابشر يامصريين احنا اللي شوهنا مصر وخليناها جحيم لا يحتمل

مش النظام ولا الحكومه مادول برده مننا مش خواجات

الشعب هو اللي لازم يلام وكل واحد فينا بما فيهم انا وانت وهو وهي كلنا يامعلم

كلنا مجرميم كلنا مذنبين علي راي كمال الشناوي في فيلم الكرنك


وسمعني اجدع سلام لعبد الباسط حموده

انا مش عارفني

غير معرف يقول...

بصوا,بقى,إنتم مسودين الدنيا على الآخر,وحرام كدة بقى

والله العظيم أنا حلفت, ما عدت داخلة مدونات

كل يوم تشقلبوا العلم

حرام بقى

dr.lecter يقول...

معلش يايمان احنا من غلبنا بنعمل كده

انتي مش حاسه باللي جوانا ولا باقهر اللي احنا فيه

غير معرف يقول...

ماشي :)
مبحسش :)

في عالم تاني:)

..

إنتم إللي في عالم تاني :)

(F)

:)

The Seagull يقول...

من فترة كنت بتكلم مع بابا في أوباما واللي بيعمله في صالح أمريكـا وقلت له بالحرف شكله هيُغتيل زي ما عملوا قبل كدة مع جون كينيدي :)

أول مرة أشوفك باليأس ده يا كباري :) بس انت معذور واحنا كمان معذورين اللي بيحصل ده مش طبيعي بجد :$

غير معرف يقول...

آسفة:)

بعتذر,آسفة:)

بعتذر جدا,آسفة لو أخطأت :)

بأمانة مقرأتش حتى باقي الموضوع

بس,تعبت من المدونات

إللي تعبانة من مصر:)


كنت عاوزاكم,تبصوا لنص في الكباية,مليان فيها,وكله كويس وتمام:)


آسفة,حسيت غن الدنيا بتسود,بكلامكم

آسفة,مقرتيش حاجة,مقرتهاش كلها

آسفة:)

Here i'm يقول...

koketa

منورة البلوج ..

على فكرة أنتى أسمك اللى مختارة حلو قوى .. انا بموت فيه .. عندى بنت بنت خالتى أسمها كارما لسه صغيرة يعنى .. بقولها
la coquette .. فكرتينى بيها :)

أه و الله جنينه أرضها خصبة و وردها ثابت نفسه فى كل حتة .. فى كل بلد فى العالم فى وردة ثبتت نفسها ..
انا مبقولش زويل غلطان .. يعنى حيعمل أيه اكتر من كده .. انا بقول على اللى قاعد فى تكيفه بيهوى على بطاطه و مزهقنا و قارفنا و ياريته بيعمل حاجة

منورة البلوج :)

Here i'm يقول...

أنتى مش حرة ..

اه شوفتينى و انا بلطم من غلبى :) .. انا قعدت يومين أمسك فى نفسى و مش عارف و الله ..

يعنى انتى جيتى فى الهند و الصين و باكستان و ألمانيا اللى عندهم المقومات البشرية فى حتة و الجغرافية فى حتة تانية

طيب أيه ريك فى ماليزيا و سنغافورة و كوريا و البرازيل ..

الواحد تعب خالص و الله .. حاسس أن العالم الثالث أسمه حيتغير .. كله بيحاول يعافر و يطلع و احنا لأ .. حاسس اننا حنبقى أخدين توكيل حصرى للعالم الثالث .. احتمال يسموه العالم المصرى الثالث سابقا

هتلر انتحار علشان محققش حلمه لالمانيا .. تفتكرى حيلتها يعمل ايه ؟؟

تخيلى أنى بقيت بتخيل و بقيت عايز أركز علشان أنط برا .. و أخليها ترانزيت .. أشمعنى انا يعنى

Here i'm يقول...

لاكتر ..

أسكت دا أنا مش عارفنى خالص و الله .. حرام بجد اللى بيحصل .. و الله عارف اننا كلنا غلط و عارف اننا السبب .. بس فى حاجات يا دوك مش عايزة تفتيح و لا عايزة نضافة دماغ .. ألف باء .. زويل عرض عليك حاجة .. تاء ثاء .. أحمد ربنا انه اللى طلب مش انت ..


الفكرة مش تفائل و لا تشائم .. انا لسه نظريتى قائمة .. أن الواحد يشوف الجزء المليان من الكوباية فى مصر علشان يقدر يعيش .. و يشوف النص الفاضى فى بلد زى أمريكا و لا فرنسا علشان متبقاش زى مصر فى يوم من الأيام ..

على فكرة انا واحد شقلب العلم .. مش جديدة يا دوك .. و لسه يا عالم يمكن نخترعله وضع السمبوسك :D

Here i'm يقول...

سندريلا ..

مش يأس .. انا عارف انها يومين و ترجع ريما لعادتها القديمة .. بس زى ما قولتى غلب و قهر و معذوريين ..

بجد حرام قوى اللى بيحصل فينا دا ..

أبقى خدينى معاكى الكويت :D

Here i'm يقول...

إيمان ..

متتأسفيش يا إيمان .. يا بنتى مفيش مشاكل ولا اى حاجة ..

موضوعك فى أيجى و فكرته تحفة .. انتى كده صح 100 100 ..

عينك انتى اللى بتشوف ..

أحنا يا إيمان .. او أنا بمعنى أصح مقهور أن عالم زى دا هوا اللى بيخبط بابانا و احنا مبنفتحش و أوباما بيطلب منه يكون مستشاره

بذمتك مش توجع ؟؟

غير معرف يقول...

يا محمد يا محمد يا محمد

لو كان دكتور زويل رفض يكون في وزراة هنا,فعلشان,علشان كان الأحسن له يكون في البحث العلمي,وقتها
ولو هناك,عينوه

لو هيقدر يشرفنا,هناك,

بس,,

مفيش

أنا خايفة من كل حاجة

مفيش:)

إنت متتصورش دكتور زويل ده,أنا بحبه قد إيه

حب من يمكن,من قبل ما دكتور زويل يا خد نوبل


من أيام ما كنت بسمعه بيجي مع آمال فهمي في على الناصية

من..من يمكن

13 14 سنة :)


يمكن,أنا حاسة إني نسيت كل حاجة فاتت :)



بس المدونات يا محمد دلوقتي بتعمل إيه


مدوناتكم بقت,,سودة,,وبتسود الدنيا :)


مقصدش,شيء والله

حتى لونها الأسود

بقى بيتعبني نفسيا

أنا بقيت بتعب من النت قوي

بتعب نفسيا من كل إللي بقراه

مدونة

تقول الحكومة,,غلط,,وبتفتري على فلان وعلان


واللي يتكلم في حدود بلد تانية غير بلده

يبقى بطل

طالما ضد الحكومة,,إللي إحنا ضدها


ومدونات

مليانة

بحوادث وتعذيب

وتخصص في كل شيء أسود في البلد,تظهره


أنا جالي إكتئاب بجد

مش مدوناتكم أو مدونة أصحابي أقصدها قوي حتى والله


النت كله

عاوزة أنفصل منه بالتدريج


بجد


ماله الرئيس

ومالها بلدي


إللي على النت

كل بلد بلاقيها بتشتم فيها

وإللي بقت لبانة في لسان كل واحد


مالها حتى بلدي


في منتديات,,واحد بيفتري على بلده

وبيحط فيديو لده

ويصور بلده ورئيس بلده,إنهم مجرمين



بقولك



كل شيء في النت


ضد كل شيء :)



مش قصدي عنكم شيء يزعلكم


بتكلم عامة

في كل شيء,بيزعلني على النت :)

غير معرف يقول...

أنا عارفة إن كلامي يمكن,أي حاجة

وكأني جاهلة ومش فاهمة

بس,أنا,

مش قصدي والله وأنا بقولها حاجة

بس,,عاجبني كدة فعلا


مقراش,باقي الكلام,,لو حساه هيزعلني

أفهم السياسة,زي ما أنا عاوزاها


أفهم الأمور,,بطريقة سهلة,لو هي متعقدة,في

في الحاجات الكبيرة دي:)

مش في أمور حياتي

أمور حياتي بصعبها عليا جوايا


بس,,

الحاجات الصعبة قوي دي

مش قادرة أفهمها,,زيكم كلكم,,حاسة إني جاهلة

بفهمها,,بقلبي


بحب فلان,,ومش بحبه


فلان ده,كلامه دخل قلبي,,وكلامه مريح أو لا


عارفة إني خرجت عن كل كلامكم :)



بس,,

أنا يمكن حتى بتكلم عن دكتور زويل بجهل

وعن كلامكم,إللي مقرتوش ,بجهل برضه,,مفهمش ولا عارفة ولا قادرة أعرف زيكم :)


مسألة,,شقلبة العلم

مش قادرة تدخل قلبي:)

غير معرف يقول...

ومتدعيش يا محمد :)


تصدق أنا مقريتش موضوعك :)


سيبوا الأمور,كدة وخلاص :)


إنت إللي في إيدك كل حاجة :)


,,

أنا آسفة




أتاري باين

كلامك,مش ضد دكتور زويل



بس برضه


مش عارفة,,




مهو ناس هترد وتقول


هو اللي رفض


ومش هو
و


مش عارفة,,مفيش


أنا أصلا مسافرة إسماعيلية كمان شوية ومش نمت أبدا


إيه فايدة النت بس:)


أنا آسفة


أنا مقرتش الموضوع

وخرجت عن المووضع تماما :)


آسفة:)

غير معرف يقول...

أنا ىسفة يا محمد,أنا ردي غلط

أنا ردي مش تبع موضوعك أصلا


أنا آسفة,أنا آسفة بجد


ردي عكس موضوعك باين

آسفة,باين لخبطت بين ردك,أو موضوعك

وبين رد في موضوع فنون,عن انه رفض قبل كدة

أنا لخبطت بين كل حاجة :)


أنا آسفة قوي,أنا دماغي الفترة دي كلها,ربنا عالم بيها,آسفة قوي :)

غير معرف يقول...

محمد,,هنا حلو قوي:)


والله,

هنا جميل وحلو وطيب

بجد

الرئيس

والبلد

وكل حاجة فيها

هنا كل شيء حلو بجد:)

غير معرف يقول...

والله العظيم بجد

والله والله والله

معلهش لو أي حاجة وحشة

بس,,عايشين الحمد لله

وواكلين وشاربين

وغيرنا حتى لو فقير

الحمد لله لاقي ياكل



الحمد لله

إحنا أحسن من غيرنا

في بلاد الدنيا كلها

الحمد لله بجد

الحمد لله بجد دايما

لو مش لقينا فرصة هنا,,ممكن نروح برة,,ولو عرفنا هنا,,الحمد لله


بس,,

كام واحد فينا دكتور زويل :)



الحمد لله والله,,الحمد لله بجد


كل شيء جميل,,ودي جنة والله:)


كفاية بس,,فرحتنا بيه,,الله أكبر عليه


كفاية إننا نفرح

من أي حاجة

الحمد لله:)

Here i'm يقول...

و الله يا إيمان أنا مغلطتش فى دكتور أحمد زويل خالص ..

و محدش غلط فيه .. لا عند فنون ولا فى اى حتة و الله

أحنا بس كنا زعلانين علشان كان المفروض يتقدر فى بلده اكتر من كده

روقى يا إيمان و يالا روحى قضى أجازة سعيدة .. و ادعيلى علشان داخل على مذاكرة و كعبلة ..

بلادنا حلوة و كل حاجة فيها حلوة .. بس احنا بنحب نقول ايه اللى وحش علشان نعدل حالها علشان بنحبها ..

غير معرف يقول...

أنا آسفة والله مقصدتش كدة خالص :(

أنا آسفة:(

أنا لسة جاية من برة,باين انا لبخت الدنيا كلها بدون قصد


انا اسفة:(

ربنا يوفقك

انا اسفة

انا مقصدتش

باين مقرتيش

والله مقصدتش حاجة عن مدونة فنون

انا بحسب حد رد

انا اتلخبطت قوي

انا اسفة,

مقصدتش اي حاجة بجد


انا اسفة قوي:(

غير معرف يقول...

والله مقصدتش حاجة

مقريتش

وفهموتني غلط كلكم


انا اسفة

فنون زعلانة مني؟ :(

؟ :(

مقصدتش حاجة

انا اسفة:(

غير معرف يقول...

بعتذر

غير معرف يقول...

أجازة إيه يا محمد :)

أنا بسافر إسماعيلية وبآجي,بدري هناك يا محمد :)


ربنا يوفقك :)

أنا آسفة:)


..معلهش,يمكن أنا دايخة وأنا بقرأ وبرد علشان السفر بس,معلهش:)

غير معرف يقول...

مش بدري

بدرس هناك:)

مش أجازة لأ :)

بروح وبآجي وكدة :)وناس كتيرة:)


ربنا يوفقك وينجحك بإذن الله

غير معرف يقول...

أنا آسفة ليكم كلكم,مكنتش بقرأ ولا قريت حاجة

أنا,أسفة,غلطانة وآسفة قوي

كله من الإرهاق وعدم النوم,أنا آسفة قوي:)

كان قصدي

عن المدوانت التانية كمان

بعيد عن هنا وهناك

والنت عموما


حاجات كتيرة جوايا انا بشوفها

مش هتعرفوا تفهموني يمكن قصدي ايه

بلبخ الدنيا,أنا آسفة:)

Fatma يقول...

ايمان

مافيش كوباية عشان نشوف نصها المليان

مافيش كوباية اصلا على فكرة

ووحياة ربنا انا مش زعلانة منك

هزعل منك ليه اساااااااااااااسا

غير معرف يقول...

يا حبيبتي :)

المهم إن إنتي مش زعلانة :)

شكرا يا قباري:)

Here i'm يقول...

خلاص يا إيمان ..

خلاص يا ست فنون ..

حصل خير يا إيماااااااااااااان ..

لا فنون زعلت ولا انا زعلت و الله ..

mUsLiM يقول...

الحقيقه انا شايف ان الموضوع خد اكبر من حقه

زويل اصلا من ساعة ما سافر أمريكا وهيا بتستفيد منه مش معنى ان اوباما ضمه للمجلس الاستشارى للعلوم والتكنولوجيا

أمريكا بتستفيد من زيل وفريق عمله منذ زمن سواء اوباما ضمه او لم يضمه

وعملية ضمه للمجلش زى الجائزة او التتويج اللى قدمه لامريكا

وبعدين فى الدول العربية والاسلاميه أشياء اخرى أبلغ وأقوى فى احساسها لكى يشعر الانسان من خلالها بمدى الظلم الواقع على بلادنا من هذه الزمرةالحاكمة

واللى حصل مع زويل ده مسلسل طويل وكانت فيه قبله حلقات كتيره

على كل حال

انا عن نفسى مستبشر عموما

وما يحدث الان من ارهاصات فى العالم الاسلامى والعالم الغربى إنذارات لتغيرات قادمة

والله غالب على أمره

ولكن أكثر الناس لا يعلمون

...........

ازيك ياض يا كبارى :)

واحشنى والله

السلام عليكم

Here i'm يقول...

مصعبينو ..

و الله كنت على بالى أمبارح و كنت حكلمك بس مش عارف أيه اللى حصل :D

عامل ايه يا عمنا .. و أخبار الموزز فى دبى أيه :D .. ربنا يعينك و يسهلك الحال ..

الفكرة و القهرة يا مصعب أن أنت غلبان و طالع عينك و معندكش لا علم و تعليم و لا أبحاث ولا يحزنون .. و أنا جتلك و عينت متحدث رسمى ليا عندك و مدتلك أيدى علشان اساعدك .. تقولى شكرا مش عايز مش عايز من وشك حاجة ..

أنت يمكن تكون شايف أن الموضوع بسيط أو زى ما قولت فى حاجات أسخم من كده .. بس يمكن بالنسبالى مفيش أكتر من كده .. علشان أحنا مش حنطلع قدام غير بالعلم و التعليم .. الصين و روسيا معندهمش ديمقراطية بس متقدمين ..

Jannah يقول...

ههههههه
فمصر تقولون :فلان جاب اخره صح؟
معناها انت جبت اخرك معاهم يا كباري
الله يعين على دالحالة

Here i'm يقول...

سوريزا ..

الله ينور عليكى .. جبت أخرى معاهم .. و فى حاجة كمان بيقولها فى مصر ..

أنا جبت جاز .. يعنى لما العربية تتعب و تشحر بتجيب جاز .. يعنى جابت أخرها

شكلك فرحانة فيا :D