د / أحمد كمال أبو المجد ..
" الحزانى و المكتئبين و المحبطين لا يصنعون الحضارات "
أحمد حلمى ..
" ان تكون غائب حاضر .. أفضل من أن تكون حاضر غائب "
أحمد مكى ..
" الراجل من غير الست مينفعش .. زى السلاطة مينفعش يبقى كلها قوطة ولا كلها خيار "
السباح العالمى / أحمد ماجا
" ألبومـ تامر حسنى .. خمستاشر اغنية مابين يا بنتى يا جامدة يا فاجرة يا واصلة يا واطية "
11 التعليقات:
شامم ريحة حقوق ملكية ملطوشة :D
أحمد الاولاني..فاكس بالنسبة لي..
أحمد التاني..مفكر و فيلسوفي بتفق مع افكاره..
أحمد التالت..كلامه حكم و بحس انه بيخاطب مخي دايمآ..
أحمد الرابع..رغم تشاؤمه الدائم..بس جايب المفيد المرة دي :D
ولا المتفائلين دايما اللى بيبصوا للناس من فوق على انهم هم بس اللى همهم على البلد و اللى فيها..و بعدين هو الجو اللى احنا فيه دا يجيب ايه غير الاحباط و الكابة؟..الفكرة بس فى اللى عايزين يغيروا حاجة سواء كانوا مكتئبين او لا
عاجبنى اوى كلام احمد حلمى..لسه كنت بقول لحد ان المهم انك تيجى فى بال الناس و انت مش معاهم حتى لو كانوا اتنين ولا تلاتة مش انك تلم حواليك 100 واحد عشان يتقال انك عندك صحاب و لمة
احمد مكى مستفز اوى و باغنيته الجديدة دى يسكت خالص
بس هو فعلا لا الراجل يقدر يعيش من غير الست ولا الست تقدر تعيش من غير الراجل..بس هو السؤال انهى راجل و انهى ست؟
ماجا دا بيقول درر والله :)
و بما انى لسه مش عارفة ارد عنده فمضطرة ارد هنا :D
تيمو دا سكر والله..لسه زينة كانت بتغنيلى من كام يوم بشجن فظيع مش هقول كان بيننا ايه و كله كوم و خنتك امبارح دى كوم تانى خالص..هو من ساعة ما حط البرنيطة دى على دماغه و هو ضارب تماما قال يعنى كان ناقص ضربان
أما الأستاذ احمد كمال أبو المجد فلا أعلمه ولا أعلم سيرته وأتفق مع المقوله التى نقلتها عنه
وهى تذكرنى بمقولة أخرى لجمال عبد الناصر رحمه الله حين قال " اليد المرتعشة لا تبنى والمترددون لا يقرروا "
أما أحمد حلمى وأحمد مكى فأظن احمد مكى هذا ممثل او مغنى ،،
والحقيقه انى لا أقبل كثيرا الحكم والأمثال حينما تجرى من أمثال أحمد حلمى وأحمد مكى ،،
لكن ذلك لا يمنع من قبول المنقول عنهم ان وافق صحيح النقل والعقل ، وما نقلته يا كبارى اتفق معاه
وأما أخونا أحمد ماجا ، فلله دره :)
هههههه
نسأل الله أن يهدينا واياه الى صراطه المستقيم
السلام عليكم
الاولاني ربنا يكون في عون ضميره
حلمي انا عارف ان فيلمه حلو بدون نقاش وبدا يمشي في سكه مستقره عاجباني اووي
التالت مالوش حل بجد الاغنيه من احلي اغاني الصيف والفيلم نفسه جامد مووت احسن من اتش دبور
الاخير بيقول المفيد بجد تامر ده لازم يتخزوق في ميدان عام وهو قالع ملط
سولتو ..
لا لا أحنا مفيش بينا حقوق ملكية .. أنت نسيت الأنتاج الفنى المشترك ولا أيه :D
و بعدين أثبت أنك ليك حق :D ..
نادية لطفى ..
لا دول مش متفائلين دول هبل :D .. عايشين قصة أنهم بس اللى يقدروا ينجحوا .. ما أحنا الشغل عندنا لازم يكون فيه أحتكار .. مينفعش كلنا نشتغل مع بعض
أحمد حلمى زى ما قال سولتو فيلسوف .. أنا بموت فى أدواره السيكو ..
لا يا شيخة حرام عليكى .. أغنية مكى عجبانى :) .. فيها معانى حلوة قوى و الله .. الفيلم دخلته .. عادى لا حلو ولا وحش .. يمكن كولد أستمتعت بقلة أدب أتش دبور عن دا :D
أخر مرة تردى هنا و تقولى دا لحد تانى .. فاهمة ولا مش فاهمة .. ولا لازم أعلى صوتى فى البلوج .. أمشى أطلعى برا و متكررهاش تانى .. انا غلطان أنى فاتح البلوج لأى حد كده :p
مصعبينو ..
سجل يا تاريخ .. أشهد يا بلوج .. الحاج مصعب أتفق أخيرا :D
تصدق بفكر أعمل للكومنت بتاعك بانورما زى بانورما أكتوبر كده من كتر ما انا مش مصدق :D
لاكتر ..
الأولانى الديفو الوحيد اللى فيه .. أنه نائب رئيس مجلس حقوق الأنسان
التانى .. جامد و بيعجبنى بس انا شايف أن أسف على الأزعاج فيلم عمره
التالت .. الأغنية عجبتنى قوى .. بس الفيلم مش عاجبنى زى أتش دبور
الرابع .. أنت اللى بتقول درر و الله :D
بَص .. هو الاولاني بحس انة متكتف شوية حالة حال أي واحد عايز يتشغل بذمة
حلمي .. بقى حالة
مكي .. أفتكر انة (( فهم )) يعني اية راب .. بيقدم - أو - بيتقال على لسانة حاجة كويسة بأسلوب ناس متير اوي بتحبة
ماجا .. باين انة انسان محترم من كلامكم عنة :)
عمووووور ..
الأولانى أنا مستخسره و الله
حلمى فعلا الراجل دا بقى حالة .. نقل نفسه من حد زيه زى اى حد .. لحد ملوش زى
مكى بيعجبنى طريقة الراب بتاعته .. مش راب التسقيط و التنطيط و الأيدين اللى طالعة نازلة .. لا راب نضيف
ماجا أنسان محترم !!!!
ليه كده يا عمور بس :D
:)
كل جملة اعمق من التانية
و بجد بفكر في رد بقالي فترة بس مش عارفة اقول اييه الجمل نفسها بتعبر اكتر من اي رد
كلمة لماجا انا طول عمري بحترم زوقك في الموسيقااااهههههه
إرسال تعليق